मंगलवार 1 फ़रवरी 2022 की दैनिक मुरली

01-02-2022 praatahmurli om shanti "baapdaada"' madhuban

“meethe bachche - saare kalpa mein bade se badi hasti yeh brahma hai, ismen hi baap pravesh karte hain, inhen hi tumhein follow karna hai''

prashn:- baap aur daada donon ka vishesh gun kaun sa hai, jise tumhein follow karna hai?

uttar:- baap niraakaari so nirhankaari hai to daada bhi saakaar mein hote sada nirhankaari hai। itni badi hasti hote hue bhi kitna saadhaaran rehte hain। ek or kehte yeh oonche se oonch, heera banaane vaale baba ki dibbi hai to doosri or kehte yeh puraane te puraani long boot hai, jismen baap ne pravesh kiya hai। donon hi bachchon ki seva mein haazir hain। to aise hi bachchon ko bhi follow father kar nirhankaari ho seva karni hai।

geet:- om namo shivaae…

om shanti। bachchon ne kiski mahima suni? sab bachche kahenge ki oonche te oonch bhagwan, unka naam hai shiv। shivaae namah kehte hain na, yeh to bhaaratvaasi jaante hain shiv jayanti bhi manaate hain। mahima bhi bahut karte hain tvamev maataashcha pita... parantu sirf itne tak hi kehte hain shivaae namah.. woh maat-pita kaise hain, varsa kaise dete hain - yeh duniya bhar mein koi nahin jaante। yeh to ek wonderful hasti hai। shivbaaba hai niraakaar। jab tak shivbaaba ko shareer na mile to shivbaaba kya karenge! shivbaaba to niraakaar hai। niraakaar ki hi mahima gaate hain। sabse oonche te ooncha unka thaanv (rahne ka sthaan) hai। kaun sa thaanv? mool vatan। phir brahma, vishnu, shankar ka kaun sa thaanv hai? sookshm vatan! phir jagat amba ka thaanv hai - yeh sthoolavtan। yeh to sab jaante hain ki jagat amba to yahaan ki rahne vaali hogi। jagat maana hi manushya srishti। naam to bahut achha hai - jagat amba, parantu woh kaun hai? kahaan se aai? yeh kuchh bhi jaante nahin। jaan pahchaan kahaan se mili? zaroor koi manushya hasti se milni chaahiye, jismen parampita paramatma aave। niraakaar aatmaayen bhi saakaar hasti mein aati hain। bhal aatma to jaanvar mein bhi hai parantu unka kuchh bhi gaayan nahin hain। gaayan kis hasti ka hota hai? niraakaar shivbaaba ka। woh jab tak hasti mein na aaye to kuchh kar na sake। aatma ko bhi jab tak hasti (shareer) na mile to part baja na sake। sirf hasti ka gaayan nahin। hasti mein jab aatma aati hai tab hi unka gaayan hota hai। baap kehte hain meri mahima to sab karte hain patit-paavan, parantu mujhe bhi manushya tan chaahiye, jismen main pravesh karoon। bigar hasti kuchh kar na sake। to baap bhi aakar hasti lete hain। woh garbha mein nahin aate hain। shiv jayanti bhi gaai jaati hai parantu shivbaaba kis hasti mein aur kab aaya, yeh nahin jaante। achha raatri mein aaya parantu kis hasti mein aaya, yeh nahin jaante। gaate bhi hain bhaageerath arthaat bhaagyashaali rath to zaroor manushya hasti hogi। yeh jo hasti hai, jismen parampita paramatma pravesh karte hain, yeh kitni oonchi hasti hai। abhi tum jaante ho ki shivbaaba brahma ke sivaae kisi bhi hasti mein aa nahin sakta। parampita paramatma brahma dvaara hi aakar manushya srishti rachte hain, jab-jab bhaarat bahut duhkhi aur bhrashtaachaari ho jaata hai, tab parampita paramatma is hasti mein pravesh kar tumhein sukhi, shreshthaachaari banaate hain। is bhaageerath bigar shivbaaba bhi kuchh kar nahin sakte। koi to chaahiye na। yeh hasti shivbaaba ki hai। yeh na ho to tum shivbaaba se varsa pa nahin sakte। gaaya bhi jaata hai prajaapita brahma athva trimoorti brahma। dev dev mahaadev kehte hain। in teenon mein bhi brahma ka naam ooncha kyon? brahma to yahaan hi hai, jiske rath mein aate hain। vishnu aur shankar ko to devta kehte hain। achha jo brahma hai unko devta kehna chaahiye? woh to hai prajaapita brahma। manushya tan chaahiye। gaaya bhi hua hai prajaapita brahma dvaara srishti rachte hain। to zaroor brahma mukh se hi brahman rachenge। to yeh kitni badi hasti hai parantu hai kitni saadhaaran। itni badi hasti, inka rahan-sahan dekho kitna saadhaaran hai। kitna nirhankaari hai। abhi aakar tumhaari seva mein upasthit hua hai। dekho kaise baith padhaate hain। tum kya padhte ho? tum kahenge ham raajayog ki padhaai padhte hain, kaun padhaate hain? parampita paramatma। to chhote, bade, boodhe, javaan, sab padhte hain। yeh eeshvareey college hai - manushya se devta athva vishwa ka maalik banne ka। yahaan ham aaye hi hain padhne athva vishwa ki baadshaahi lene। lakshmi-naaraayan jab vishwa par raajya karte the to aur koi dharma nahin tha, na koi khanda tha। ek hi bhaarat khanda tha। ab phir woh pad praapta karne ke liye tum yahaan kaise baithe ho। is padhaai bigar tum vishwa ke maalik ban na sako। bhaarat shivaalay ban na sake। shivbaaba hi gaaya hua hai niraakaar, nirhankaari। jab tak hasti mein pravesh na kare to nirhankaareepna kaise dikhaave। kitni mahima hai - akaalmoorta,...parantu aise nahin ki woh murde ko bhi jinda kar sakte hain। tum bachchon ko bahut nasha hona chaahiye ki hamko parampita paramatma padha rahe hain। prajaapita brahma dvaara raajayog sikhla rahe hain। brahma bigar prajaapita kisko kah nahin sakte। aise nahin ki shiv ya vishnu prajaapita hain। nahin। brahma hi saare manushya srishti ka pita hai aur aatmaon ka pita hai shivbaaba, baaki us pita ko to koi jaante hi nahin। apni aatma ko hi nahin jaante। kehte hain punya aatma, paap aatma phir kyon kehte ham hi paramatma hain। kitni thagi hai। tum bachche jaante ho aaj se 5 hajaar varsha pahle pees, purity, prosperity thi। ab baap kehte hain main aakar sabko knowledge deta hoon, pahle tum kuchh nahin jaante the, ab sab kuchh jaante ho। baap ki biography baap se hi jaani jaati hai। ab niraakaar ki biography kaise ho sakti hai। zaroor jab saakaar mein aaye tab biography ho। sirf aatma ki biography nahin ho sakti hai। jeev aatma banen tab punarjanma mein aave aur biography bhi ho। ve log kehte hain 84 laakh yoniyaan hain। baap kehte hain 84 laakh janma thode hi hote hain। yeh sab gapode hain। baap khud kehte hain main brahma ke tan mein aakar tumko vedon ka saar samjhaata hoon। saath-saath raajayog sikhlaata hoon aur rachayita rachna ke aadi madhya ant ka raaz bhi samjhaata hoon। jab pahle-pahle bade-bade rishi muni hi nahin jaante the, to unhon ki aulaad phir kaise jaan sakti। to dekho bade te badi hasti kitne saadhaaran roop mein hai। oonche te oonch heera banaane vaala baap hai। unki yeh dibbi hai। rath kaho, puraani jutti kaho, sabse puraani jutti yeh hai। pahle-pahle jab aatma aati hai to bilkul number one thi, shri naaraayan ko number one rakhenge। shri lakshmi bhi plus mein hai। unhon ne bhi punarjanma liye। pahle sooryavanshi phir chandravanshi mein... aise janma lete 84 ka bhi hisaab chaahiye na। 84 laakh ka hisaab to koi bata na sake। 84 laakh janmon ke kaaran phir kalpa ki aayu bhi laakhon varsha likh di hai। agar laakhon varsha hote to bhaaratvaasi hindu bahut hote। parantu yeh to sankhya aur hi kam hai। bhaarat ka devi devta dharma praayahlop ho gaya hai। koi bhi apne ko devta nahin kah sakte kyonki devta to sarvagun sampanna the। ab woh hain nahin। raavanraajya hai na ki raamraajya। duniya vaale na raam ki, na raavan ki biography ko jaante hain। dinapratidin raavan ki paag badhti jaati hai। duniya patit hoti jaati hai। 16 kala se girte-girte no kala। sab kehte mujh nirgun haare mein koi gun naahi। aapehi taras karo। to ham sarvagun sampanna, 16 kala sampoorn banen। bhaarat pahle paristaan tha। kahne maatra to kehte hain parantu srishti chakra ko kuchh jaante nahin। baap kehte hain tumko maaya ne tuchchha buddhi bana diya hai। parantu apna ghamanda kitna hai।

tum bachchon ko baap kehte hain meethe bachche - tum raam ko yaad karo to maala mein pirone laayak ban jaayenge। roodra maala ke baad hoti hai vishnu maala। bhagat maala mein bhakton ki mahima hoti hai। yeh roodra maala phir vishnu maala mein pironi hai yaani vishnu ke raajya mein jaate hain। kitna ooncha gyaan hai। sannyaas bhi do prakaar ka hai। woh hai hathayog sannyaas। karma sannyaas to kabhi ho nahin sakta। karma bigar to manushya rah nahin sakta। praanaayaam chadhaakar baith jaaen phir bhi karma to karenge na। anek prakaaron se practice karte hain। woh koi raajayog nahin। woh hai had ka sannyaas, hathayog sannyaas। woh bhi bhaarat ka dharma hai pavitrata ka। parantu devi-devtaaon jitna pavitra aur koi dharma ho nahin sakta। vahaan koi sannyaas nahin karna padta kyonki aatma pavitra hai to unko shareer bhi pavitra milta hai। aatma mein hi khaad padti hai। kala kam hote-hote patit banna hai। abhi sabhi aatmaayen iron ej mein hain, sab saanvare hain। aatma jab pavitra thi to gori thi। abhi aatma apvitra hai to shareer bhi apvitra kaale hain। gaaya bhi jaata hai shyaam-sundar। krishna ka chitra bhi kaala aur gora banaate hain। abhi tum sabhi shyaam-sundar ho। pahle bhaarat golden aged tha, ab iron aged hai। ab phir baba gyaan chita par bithaae gora banaate hain। agar mukti aur jeevanmukti chaahiye to woh vikaaron ka hathiyaala cancel karna hai। pavitrata ki raakhi baandho। yeh abhi ki hi baat hai jabki tum brahma ke bachche ho। brahman banne bigar koi bhi yahaan aa nahin sakte। tum ho brahma mukh vanshaavli। shivbaaba kehte hain mujh niraakaar ki mahima to gaate hain, parantu shareer jab tak na len to kar hi kya sakte। main bahut janmon ke ant ke janma mein aata hoon। abhi sabka vinaash hona hai। brahma dvaara sthaapna, kiski? kaliyug ki sthaapna to kabhi hoti nahin। sthaapna hoti hai satayug ki, sangam par। baap kehte hain main aata hoon sangamayug par। tum braahmanon ke liye yeh sangam hai, baaki sabke liye hai kaliyug। is samay sab ghor andhiyaare mein hain। to ghor andhiyaare ko hi baap aakar ghor sojhra karte hain। tum bachche jaante ho yeh to vichitra cheez hai। krishna to chhota bachcha hai, woh to kuchh samjha na sake। krishna ki aatma bhi bhinna naam roop mein inse samajh rahi hai, antim janma mein, isliye inko shyaam sundar bhi kehte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baapdaada ke samaan nirhankaari aur niraakaari banna hai। sabki seva karni hai।

2) mukti-jeevanmukti ke liye pavitrata ki raakhi baandhani hai। gyaan chita par baithna hai।

vardaan:- powerful brake dvaara second mein vyakta bhaav se pare hone vaale avyakt pharishta va ashareeri bhav

chaaron or aavaaj ka vaayumandal ho lekin aap ek second mein fullstop lagaakar vyakta bhaav se pare ho jaao, ekdam brake lag jaae tab kahenge avyakt pharishta va ashareeri। abhi is abhyaas ki bahut aavashyakta hai kyonki achaanak prakriti ki aapdaayen aani hain, us samay buddhi aur kahaan bhi nahin jaaye, bas baap aur main, buddhi ko jahaan lagaane chaahen vahaan lag jaae। iske liye samaane aur sametne ki shakti chaahiye, tab udti kala mein ja sakenge।

slogan:- khushi ki khuraak khaate raho to man aur buddhi shaktishaali ban jaayegi।

maateshvari ji ke anmol mahaavaakya - “duniya mein anek prakaaron ki mat se paramatma ki shreshtha mat''

is duniya mein teen prakaar ki mat hai ek hai manmat, doosri hai guru mat, teesri hai shaastra mat। ab vichaar ki baat hai man mat, guru mat athva shaastra mat, sabhi aatmaon ki mat thahri na devta mat thahri, na paramatma ki mat thahri। bhal koi devta ki mat milen parantu vo manushya aatma ki mat hui parantu devtaayen to sarvagun sampanna, 16 kala sampoorn hain, unhein guru mat, shaastra mat ki jaroorat nahin hai। unhein guru ki bhi jarurat nahin thi। guru kiya jaata hai sadgati ke liye। to jo adhogti mein hain vo guru kar sakte hain parantu satayug treta mein adhogti nahin hai na, to vahaan guru karne ki jarurat nahin hai। vaastav mein sachcha guru ek paramatma hai jo sarva aatmaon ko sadgati dene is drama ke ant mein aata hai। baaki to sabhi naam maatra guru hain kyonki koi bhi manushya aatma mukti aur jeevanmukti ka raasta bata nahin sakti। devtaayen bhi manushya se devta bane hain, baaki ve koi teesri okh vaale ya chaar bhujaadhaari nahin the। log to samajhte hain ki devtaayen koi manushya se bhinna honge, haan bhinnata yeh hai ki vo 16 kala sampoorn hone ke kaaran bahut pavitra hain, unhon ke sanskaar shuddh the, baaki manushya to manushya the। manushya mein jab daivi-gun hain to unhein devta kehte hain। ab yeh mat hamko paramatma dvaara mil rahi hai, ham manushya mat ya guru mat par nahin hain। ham chal rahe hain paramatma ki mat par, sabhi aatmaon se paramatma ki zaroor shreshtha mat hogi। achha - om shanti।