गुरुवार 3 फ़रवरी 2022 की दैनिक मुरली

03-02-2022 praatahmurli om shanti "baapdaada"' madhuban

“meethe bachche - sada isi roohaab mein raho ki baap hamko vaapis le jaane ke liye aaye hain, ab sabko vaapis chalna hai''

prashn:- tum bachche is samay sabse bade te bada punya kaun sa karte ho?

uttar:- apna sab kuchh shivbaaba ke aage samarpan kar dena - yeh hai bahut bada punya। surrender kar poora shreemat par chalne se bahut oonch pad mil jaata hai।

prashn:- kaun si ek nai baat manushyon ki buddhi mein bahut mushkil baithti hai?

uttar:- shivbaaba jo niraakaar hai, usne brahma ke tan mein pravesh kiya hai, vahi sabse bade te badi aasaami hai, unka hi oonche te ooncha part hai, yeh nai baat manushyon ki buddhi mein bahut mushkil baithti hai।

geet:- yeh kaun aaj aaya savere…

om shanti। shivbaaba baithkar apne bachchon ko samjhaate hain - bachche to samajh gaye hain ki shivbaaba niraakaar hai aur ham aatmaayen bhi niraakaar hain। unko hi baith samjhaate hain। yeh yukti sirf ek hi baap ke paas hai। baap baith samjhaate hain, bhagwan kiske saath baat karte hain? apne bachche, aatmaon ke saath। bachche bhi jaante hain aur baap bhi jaante hain। aatma shareer bigar to kuchh sun na sake। shareer dvaara hi sunti hai। ek hi yeh satsang hai jismen parampita paramatma baith samjhaate hain baaki jo bhi sabhi aatmaayen hain, un sabko ab saath le jaana hai kyonki drama ka chakra ab poora hua hai। yeh saari bhaaratvaasiyon ki hi baat hai। baba aate hain bhaarat mein aur bhaaratvaasiyon ko hi kehte hain - bachche tumne sabse jaasti part bajaaya hai। tum hi satayug mein so devi-devta the। ab shoodra bane ho। phir se tumko padhaakar devi-devta banaate hain auron ko kaise padhaayenge। geeta bhi bhaarat ki hi hai। har ek ka apna-apna pustak hai। aur jo bhi dharma pitaayen aaye hain, woh sab manushya hain। unko apna-apna shareer hai। yeh hai sabhi aatmaon ka niraakaar father, jo knowledgeful hai। drama ke aadi madhya ant ko jaante hain। baap ko padhaana bhi tum bachchon ko hi hai kyonki tum hi chakravarti raaja phir se banne vaale ho। sabhi to manushya se devta nahin banenge। jo bhi pahle devi-devta dharma vaale honge unhon ka hi phir sapling lagega, jab devi-devta dharma ki poori sthaapna ho jaayegi to phir aur sab math panth vinaash ko paayenge। sabhi aatmaon ko baap vaapis le jaayenge। baap aate hi hain patit duniya mein, aakar sabko vaapis le jaanen। bachche jaante hain jo sahaj raajayog ham kalpa pahle bhi seekhe the woh ab seekh rahe hain।

vinaash najdeek aayega to sabki aankh khulegi। abhi to sirf tum hi nishchay karte ho ki parampita paramatma ki is tan mein praveshta hoti hai। gaate bhi hain guide athva liberator aayega - jo sabko duhkh se liberate kar le jaayega। yeh jo brahma hai - usmein parampita paramatma ne pravesh kiya hai। yeh kitni bade se badi aasaami ho gai। tum bachchon ko itne roohaab mein rehna hai ki baap hamko lene aaya hai। kehte hain mujhe yaad karo। us regard se bahut mushkil koi dekhte hain। bhagwan ki kitni mahima hai। vahi sarvashaktimaan hai। doosre koi ki itni mahima hai nahin। itna regard tum bachchon ko rakhna hai। sangathan mein tum jab baithte ho to yaad achhi rehti hai phir idhar udhar jaate ho to woh yaad rehna mushkil hai। ghadi-ghadi apne ko dehi-abhimaani samjho tab baap ko yaad kar sakenge। aise baap ke saath bada regard se chalna pade। parantu baba saadhaaran hone kaaran woh regard nahin rehta। samajhte bhi hain ki baba kaalon ka kaal hai, yeh shivbaaba jisko tum baapdaada kehte ho yeh sabko saath le jaayega। baba ko oonche te ooncha part mila hua hai, jisko saari duniya yaad karti hai। aatma kya cheez hai, yeh koi aur bata na sake। kehte hain ling hai। pooja to shivling ki hoti hai। ham bhi likhte hain jyortilingam। parantu vaastav mein itna bada hai nahin। yeh to star misal hai। inmen hi saara part bhara hua hai। yeh bhi kiski buddhi mein nahin aayega। jab sunenge aatma star hai, paramatma bhi star hai to wonder khaayenge ki kitna woh taakatvaan ismen pravesh hota hai jo poore 84 janma lete hain, usmein baith saari knowledge dete hain ki tum aatma ho। tumhaare 84 janma ab poore hue hain। ab mujhe yaad karo to vikarma vinaash honge।

abhi tum bachchon ko khyaal mein aata hai ki aatma kitni chhoti bindi hai। usmein 84 janmon ka part hai jo apne samay par accurate repeat karna hi hai। parantu shivbaaba ka sabse oonche te ooncha part hai, jaise drama mein raaja raani ko ooncha part milta hai na। yeh bhi bana banaaya drama hai jo repeat hota hi rehta hai aur tum bachche yeh bhi jaante ho to oonche te oonche baap ko oonche te ooncha part mila hua hai। tumhein bhi saare behad ka drama buddhi mein hai। baba supreme soul kaise saadhaaran tan mein pravesh karte hain। shaastron mein to arjun ka rath ghoda gaadi bana diya hai। rath ka arth kitna bada hai। yeh hai unka rath। parampita paramatma khud kehte hain main inmen pravesh kar tumko sabhi baaten samjhaata hoon। yeh gyaan ki baaten koi shaastra aadi mein nahin hain। shivbaaba ne brahma tan mein pravesh kiya hai। yeh bilkul nai baat hone ke kaaran kiski buddhi mein baithti nahin hain। ab baap kehte hain bachche dehi-abhimaani bano। ab tumko parampita paramatma padhaate hain, unko hi yaad karna hai, woh is tan mein baithe hain। inko to tum daada kehte the। yeh baapdaada donon combined hain। tum baapdaada kah bulaate ho na। pahle baap phir daada। phir yeh tumhaari maa bhi hai। yeh guhya baaten samjhaate hain। yeh hai brahm putra nadi। yeh saagar nahin hai। bade te badi nadi inko kahenge। phir hai sarasvati। tum ho gyaan saagar se nikli hui gyaan gangaayen। unhonne phir woh chitra bana diya hai। brahma putra kahaan se nikli, yeh unhon ko kya pata। phir sindha sarasvati ka bhi naam hai। kuchh na kuchh thoda bahut shaastron mein hai। aatma hi paavan, aatma hi patit banti hai। shareer ke liye nahin kaha jaata hai, aatma ke liye kehte hain। is samay praayah sabhi patit hain। shareer to kiska pavitra nahin। sabhi paap aatma hain। sabse jaasti punya aatma tum bante ho। sab kuchh shivbaaba ko surrender karte ho। aise bahut hote hain jo ek-ek cheez surrender karaate hain। lobh ko surrender karo, phalaani cheez chhodo। yahaan tum jab baba ke banen, to sab kuchh baap ko surrender karte ho। baba phir evza dete hain। jo jitna shreemat par chalte hain, surrender karte hain utna unko darja milta hai। mukhya hai shivbaaba ko yaad karna। shivbaaba yahaan aate hain padhaane। saara din to ismen nahin baith jaayega। second ki baat hai। tum yaad karo aur aa jaayega। tum samajhte hoge ki baba sadaiv yahaan hai, parantu yeh khud hi bhool jaate hain। is samay baap khud kehte hain main to sabko lene aaya hoon। vivek bhi kehta hai ki vinaash to zaroor hona hai। ab to bahut manushya ho gaye hain। vinaash ki khoob taiyaariyaan ho rahi hain। yeh bhi tum hi jaante ho। baaki aur bhal kehte hain vinaash hoga parantu uske baad kya hoga, yeh nahin jaante। tumhaare mein bhi nambarvaar jaante hain ki baba aaya hai, raajdhaani sthaapan ho rahi hai। ham bhi baba ke saath service mein madadgaar hain। kaanton ko phool bana rahe hain। bhakti maarga vaale to baap ko jaante hi nahin। agar kahen ki shaastra padhne se paramatma se milne ka raasta milta hai, to pahunch jaane chaahiye। parantu baap kehte hain vaapis koi bhi paramdham gaya hi nahin hai। kai samajhte hain nai duniya phir naye-sir utpanna hogi। anek duniya mein mat-mataantar hain। baap kehte hain yeh sab asatya hai। satya bolne vaala ek hi baap hai। kehte hain sat shri akaal moorta। sabhi aatmaayen akaal moorta hain। to sat shri akaal ek hai। baaki sab hain asat arthaat jhooth। satya, gyaan ki baaton ke liye kaha jaata hai। eeshvar ke liye jo gyaan dete hain woh sab jhooth। godly knowledge ek god hi aakar dete hain। tum bachchon ko yaad rakhna hai ki yeh drama poora hota hai, abhi hamko vaapis jaana hai। jaise naatak ki jab pichhaadi hoti hai to actors samajhte hain ab naatak poora hoga ham sab ghar jaayenge। ham sab actors hain to hamko bhi knowledge ka pata hona chaahiye ki ab baaki thoda samay hai। baba aaya hai ham sabhi aatmaon ko le hi jaayega। parantu kab le jaayega, yeh nahin bataate hain kyonki drama hai na। achaanak hi sab kuchh hota rahega। jitna ho sake auron ko bhi yeh samjhaani deni hai। woh itna nahin samajhte hain ki yeh right hai - parantu kahne vaala zaroor samajhte hain tab to kehte hain na। tum bachchon ko samjhaana hai - had ke baap se to janma-janmaantar varsa lete aaye ho। ab behad ke baap se varsa lo। teer unhon ko lagega jinhonne kalpa pahle liya hoga। tum bachche ghadi-ghadi yaad karo to ab hamko shantidham ghar mein jaana hai। government ke servant 8 ghante service karte hain, tumko bhi 8 ghante tak yeh yaad ki yaatra badhaani hai। ant mein tum 8 ghanta is service mein rahenge tab hi poora varsa lenge। sab to nahin kar sakenge। bhal koi jor se purooshaartha karte ho parantu phir thak jaate hain। manzil badi bhaari hai।

tum bachche jaante ho ki baap ko sabhi aatmaon ko le jaana hai। kabhi-kabhi is brahma ko bhi khyaal aata hai ki bas ab to sabko vaapis le jaana hai। baba ke sanskaar inmen bharte rehte hain। yeh bhi purooshaarthi hai। ab khel poora hota hai, sabko vaapis jaana hai, agar yeh bhi koi yaad kare to inko kaha jaata hai manamnaabhav।

tum bachche ab sammukh baithe ho। sammukh sunne se jaise chhap jaata hai। ghadi-ghadi yaad karte raho ab vaapis jaana hai। tumhaara ab marne ka dar nikal gaya। marne se kab hichakna nahin hai। dehi-abhimaani banna hai। dehi-abhimaani service achhi kar sakenge। gyaani tu aatma chaahiye। pradarshani mein dhyaani ki service nahin, gyaani chaahiye। gyaani tu aatma hi priy lagti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) nai raajdhaani banaane ke liye baap ki service mein madadgaar banna hai। kaanton ko phool banaane ki seva karni hai।

2) kam se kam 8 ghanta yaad ki yaatra mein rahne ka abhyaas karna hai। maut se hichakna nahin hain kyonki buddhi mein hai “ab ghar jaana hai।''

vardaan:- svayan ko vishesh paartadhaari samajh saadhaaranta ko samaapta karne vaale param va shreshtha bhav

jaise baap param aatma hai, vaise vishesh part bajaane vaale bachche bhi har baat mein param yaani shreshtha hain। sirf chalte-phirte, khaate-peete vishesh paartadhaari samajhkar drama ki stage par part bajaao। har samay apne karma arthaat part par attention rahe। vishesh paartadhaari kabhi albele nahin ban sakte। yadi hero actor saadhaaran act karen to sab hansenge isliye har kadam, har sankalp har samay vishesh ho, saadhaaran nahin।

slogan:- apni vritti ko powerful banaao to seva mein vriddhi svatah hogi।

maateshvari ji ke anmol mahaavaakya -“nirantar yaad arthaat lagaataar yaad rahe''

dekho, paramatma ka pharmaan hai mujhe nirantar yaad karo, ab nirantar shabd ka bhi rahasya samajhna padega। nirantar kaha jaata hai usko jismen koi antar na ho lagaataar yog rahe, jismen khandan na pade use atoot yog bhi kaha jaata hai। ab paramatma pratigya karte hain, agar mujhe nirantar yaad karoge to main tere kiye hue past vikarmon ko bhasma karoonga। to yeh gyaan agni jismen vikarma dagdha hote hain, yeh baap dharmaraaz bhi hai jab woh sazaaon dvaara vikarma vinaash kara sakta hai, to baba ke paas pyaar ka bhi koi tareeka hoga। to jo unke practical aae bachche bane hain, unhon ko phir yeh pharmaan dete hain ki he bachche - manamnaabhav, nirantar mujhe yaad karne se tum vikarmaajeet banenge, dharmaraaz ke dandon se bach jaayenge। paramatma ke paas vikarma vinaash karaane ke do tareeke hain - ek hai sajaaon se pavitra banaane ka tareeka, doosra hai yog lagaane se pavitra banne ka tareeka, jisse paap naash hote hain aur jeevanmukti pad praapta hota hai। duhkh ke aavaagman se chhootne ke liye paramatma ki yaad ke sivaae aur koi upaay hai hi nahin। achha - om shanti।