शुक्रवार 25 फ़रवरी 2022 की दैनिक मुरली

25-02-2022 praatahmurli om shanti "baapdaada"' madhuban

“meethe bachche - kadam-kadam par baap ki shreemat par chalna, baap ki shikshaaon ko dhaaran karna, yahi apne oopar kripa karna hai''

prashn:- bachchu baadshaah aur peeru vajeer donon is samay harek ke ang-sang hain - kaise?

uttar:- bachchu baadshaah hai kaam vikaar aur peeru vajeer hai krodh। donon ka aapas mein bahut gahra sambandh hai। sabhi manushya is samay in do ke vasheebhoot hain। agar koi baap ka bachcha kahlaakar phir kaam ya krodh ke vasheebhoot hota hai to baap ka nindak ban jaata hai। nindak bachche apni takdeer ko lakeer lagaate hain। baba kehte meethe bachche, in dushmanon ko jeeto। krodh ke liye to kaha jaata - jahaan krodh hai vahaan paani ke matke bhi sookh jaate hain।

geet:- bachpan ke din bhula na dena…

om shanti। bachche jaante hain ki sabha mein kaun aaya? baap aur daada ikatthe। agar saakaari hota to baap alag, daada alag hona chaahiye। yeh hai wonderful nishaani। kaun aaya? bachchon ki buddhi kehti hai shivbaaba aaya। svarga ka rachayita ek hi baap hota hai, do nahin। haan madadgaar zaroor milte hain। baap aur bachche - donon se kaam chalta hai। balihaari baap ki, so balihaari bachchon ki, yeh daada bhi bachcha ho gaya na। yahaan tum class mein aate ho। sabha akshar bhi common hai। sabhaayen to bahut hoti hain, yeh hai bhagwan ki paathshaala। sab taraph dekha jaata hai ki barobar yeh knowledge sunkar dhaaran kar rahe hain, inka mukhda praphullit ho raha hai। sunte-sunte khushi ka paara chadhta hai। had ke baap teacher guru bhi hote hain। yeh hai behad ka baap teacher। woh aaj tumko padha rahe hain to kitna khushi ka paara chadhna chaahiye। bachche bhi dher hain। shiv bhagvaanuvaach va shivaachaarya bhi kah sakte hain। woh hai gyaan ka saagar। shivaachaarya ke baad phir shankaraachaarya aate hain। sannyaas bhi do prakaar ka hai। yeh hai satopradhaan devi-devta banne ke liye sannyaas। sahaj yog hai। tum jaante ho baap is daada ke tan mein aaya hua hai, isliye baapdaada kehna pade। grand children hote hain na। woh to saakaar father hi grand father, great grand father bante hain। yahaan hai niraakaar grand father। baba ismen pravesh kar tumko sunaate hain। jo brahman kul ke bane hain woh eeshvareey santaan thahre। kehte hain he parampita paramatma ham aapke the phir 84 janma ka part bajaaya। kitni sahaj baat hai। laukik mein bhi baap ko 5-7 bachche hote hain to unmein se ek do kapoot nikal padte hain। is baap ko kitne bachche hain, to kitne kapoot aur sapoot honge। koi mein kaam ki, koi mein krodh ki praveshta hogi। ghar mein kisi ek ko bhi krodh hota hai to ladaai ho jaati hai, krodhi ghar ko bada duhkhi kar deta hai। yahaan bhi koi mein krodh ka bhoot hai to shivbaaba ka nindak thahra na। baap ka naam badnaam kar dete hain arthaat apni takdeer ko lakeer laga dete hain। krodh bahut bada bhaari dushman hai, jahaan krodh, kalah-klesh hoti hai unko narka kaha jaata hai। kehte hain krodh ghar ke matke ka paani bhi sukha deta hai। to baap samjhaate hain jinmen krodh hai unko shreemat milti hai ki krodh se kisko duhkhi mat karo, nahin to takdeer mein lakeer lag jaayegi। pad bhrashta ho jaayega। eeshvareey santaan ke badle aasuri santaan ban jaayenge। yahaan to likha hi jaata hai deity sovereignty is your god fatherly birth right। tumhaara hak hai satayug ka poora varsa lene ka। poora varsa le lakshmi-naaraayan banna hai। agar koi svarga mein praja mein bhi aaye to bhi aho saubhaagya। aayega to sahi na। dheere-dheere sthaapna hoti jaati hai। phir unse pratigya karaai jaati hai। kangan baandho। koi chhipa to rah nahin sakega।

abhi tum brahman ho eeshvareey santaan। baba poochhte hain tumhaara kul bada ya daivi kul bada? ooncha kaun sa hai? (braahmanon ka) ham devtaaon ko bhi itna oonch nahin kehte। brahman hain eeshvareey kul ke। yeh bhaarat ko svarga banaate hain। braahmanon ko choti kahenge। vaastav mein shiv ka mandir banaana hi chaahiye oonchi pahaadi par। parantu aajkal koi ja nahin sakte to shahar mein bana dete hain। oonche te ooncha hai shivbaaba to unka mandir bhi oonchi choti par hona chaahiye। ab dekho duniya ka kya haal ho gaya hai। sabki barbaadi ho gayi hai। baap aakar sabko aabaad karte hain। sangamayug par tum sab aabaad hote ho। poore 63 janma narkavaasi banen। accurate hisaab hai। 21 janma tumne svarga mein raajya kiya phir 63 janma girte aate ho। kalaayen kamti hoti jaati hain। abhi koi kala nahin rahi hai। dhool mein pade hain। kahaavat hai na - sau sau kare shrringaar... yeh bhi abhi ke liye kahaavat hai। baba kehte hain main tumko shrringaar karta hoon ki aisa lakshmi-naaraayan bano phir vikaar mitti mein gira dete hain। krodh ki dhool tang karti rehti hai, krodhi bahut hote hain। hinsa bhi krodh hai na। krodh ke bigar chadhaai kar na saken। property ka hissa na mila, gussa laga to bhaai ko bhi maar dete hain। yeh ladaai krodh se shuru hoti hai। baap samjhaate hain laadle bachche krodh nahin karo, nahin to takdeer ko lakeer lag jaayegi aur jo saathi honge unki takdeer ko bhi lakeer lag jaayegi। krodh mein aakar kehte tum agar hamaare ghar mein aaye to maar daaloonga।

abhi baap tum maataaon ko aage rakhte hain। tum jaante ho ham shiv shaktiyaan kalpa-kalpa banti hain। shivbaaba aakar hamko apna banaate hain। tum bachche na ho to akela shivbaaba bhi kya karega। tum shiv shaktiyaan bhaarat mein mashhoor ho। apna yaadgaar mandir na dekha ho to aabu mein dekho। hoobhu tumhaara yaadgaar hai। haathi par savaari karne vaalon ka bhi chitra hai। wonder hai jo tumhaara bhi nivaas yahaan aakar hua hai। shiv jayanti manaate hain to zaroor aaya hoga na। kab aur kaise aaya, maaloom hai? jisne bhaarat ko heere jaisa banaaya, unke occupation ko nahin jaante ho! devta hi pahle brahman the jo heere jaisa bante hain, jin braahmanon ne madad ki woh devta bane। tum sabka occupation samjha sakte ho। parantu samjhenge bahut thode kyonki raajdhaani ki limit hai na, isliye koton mein koi kaha jaata hai। mama baba kahkar bhi phir bhool jaate hain। aho maaya tum kitni dushtar ho। yeh to hota hi hai। bade-bade commanders bhi mar padte hain, goli lag jaati hai। sipaahi to dher marte hain। jab bade-bade marte hain to haahaakaar ho jaata hai। shiv shakti sena mein phalaane ko maaya ne maar daala। yeh phir bhi hona hi hai। pyaada mar jaaye, unka itna khyaal nahin। mahaarthi ke liye sab kahenge haay maaya ne inko maar daala। aise nahin ki svarga mein nahin jaayega। bhal aayega parantu pad bhrashta ho padega isliye baba kehte hain us line mein nahin jaana। kalpa pahle jo gaye hain woh to jaayenge hi। samaachaar likhte hain phalaana 4 varsha se regular aata tha phir maaya ne pakad liya hai। jaise makkhi marti hai to cheentiyaan use ekdam khaakar khalaas kar deti hain। maaya ke 5 bhoot unki satyaanaash kar dete hain।

ab tum bachche sabka occupation jaante ho। islaami, bauddhi, Christian kitne janma lete hain, woh bhi tum jaante ho। kitna buddhi ka taala khul gaya hai, gyaan ka teesra netra jabardasta mila hua hai। baba kehte hain - geeta hai sabse mukhya। baaki sab hain unke baal bachche। geeta hai maai baap। maai geeta aur baap shiv। unse ham paida ho rahe hain। vaise hi aur shaastra bhi sab unse paida hote hain। jaise aatmaon ka head shivbaaba sabse oopar mein hai vaise sab shaastron se oopar hai sarva shaastramai shiromni shreemat bhagvat geeta। sirf krishna bhagvaanuvaach daalne se saara geeta ka prabhaav uda diya hai। yeh bhi drama mein hai। mool baat hai nirantar shivbaaba ko yaad karte raho। jo baap ki shreemat par poori reeti chalte rehte hain, unki yaad bhi vriddhi ko paati rahegi। jitna aagyaakaari, vaphaadaar hokar rahenge, kahenge baba main aap par balihaar jaata hoon। deh sahit sab kuchh bhool akela banna hai। itna sannyaas karna pade। bahut bachche hain jo bilkul bandhanmukta hain। aate rehte hain to bhi jaise moh ke keede। pati va bachchon ke saath moh hai to shivbaaba ke saath buddhiyog laga na saken। jab tak sachchi dil se saaheb par balihaar na jaayen। gapode to bhal lagaaven parantu ismen balihaari poori chaahiye। poora trustee banna hai। kadam-kadam par shreemat leni pade। bahut bachche hain jo shivbaaba ko potaamel bhej dete hain। phir poochhte hain shaadi karaayen, makaan banaayen। baba kahenge bhal banaao harja nahin। kabhi na nahin ki jaati। jab nashtomoha ban jaate hain to poochhne ki bhi darkaar nahin। aise nahin ki koi poochhe vikaar mein jaaoon... to kahenge haan bhale jaao। nahin, yeh to phir moorkhata kahenge। baaki koi baat mein nuksaan nahin hai to bhale karo। nashtomoha ho, phir to jo chaahe so karo। baap jaante hain tum service mein tatpar rahenge, baap ko follow karte rahenge। yeh puraane bachche sab bali chadhe hue the na। balihaari ki bhi mahima hai। hai to sab gareeb। maataayen badi achhi hain - inhon ko kya bali chadhna hai। bali chadhna hota hai saahookaaron ko। stri ko to kuchh dete nahin hain। koi virle stri ke naam par sab will kar jaate hain। nahin to bachche aadi sab loot lete hain। aajkal to koi bhi kuchh sunta nahin, do paisa do, kaam nikal jaayega। judgement bhi jhoothi de denge phir bhal koi ka beda garka ho jaae। baba ko to kaha jaata hai supreme justice, supreme teacher, supreme satguru। phir supreme dharmaraaj bhi kaha jaata hai। unki judgement mein neeche oopar kuchh nahin ho sakta। drama mein aisi noondh hi nahin। baaki yahaan to ek do ke oopar bahut korten (nyaayaalay) hain। kahaan-kahaan to president ki bhi nahin chalti।

baap kehte hain laadle bachche - ashareeri banna hai। baap ke saath chalna hai। baap guide hai na। liberator bhi unko kehte hain। sab title unke hain। pees maker bhi vahi hai। aajkal yahaan bhi pees prize dete rehte hain। peaceless banaane vaali hai maaya। pees hoti hai satayug mein va muktidhaam mein। nirvaandhaam mein to bilkul hi pees hai। satayug mein bhi 100 pratishat pees, purity aur prosperity hai। naam hi hai sukhdhaam। duhkhadhaam mein pees kahaan se aai। sannyaasiyon ko thodi bahut shanti hai। parantu woh to hai kaag vishta samaan। satayug mein aise nahin kahenge। yahaan ka to raajya bhi kaag vishta samaan hai।

baba samjhaate hain - maaya bahut thappad maaregi। andar ghutka khaate rehte hain। sach nahin batlaate। avinaashi surgeon ke aage to batlaana pade na। nahin to paap badhte jaayenge। phir badi saja hai। sach nahin bolte। achha aage to paap nahin karen na। badnaami karne ki saja bahut bhaari hai। baap aaye hain svarga ka maalik banaane। ismen jo vighna daalte hain woh saja laayak ban padte hain। asur vighna daalte hain। tum bachchon ko to nahin daalna chaahiye। ismen hi tum bachchon ka kalyaan hai। krodhi ka munh dekhna bhi paap ho jaata hai। hear no evil... krodhi ka munh bhi nahin dekhna chaahiye। lobh moh bhi kam nahin hai। bachchu baadshaah hai kaam, peeru vajeer hai krodh। yeh donon bade daaku hain। krodh bada ganda daaku hai। sapoot bachche woh hain jo baap se poora varsa lekar naam baala karte hain। yeh baba kehte ki bachchiyaan hamse hoshiyaar hain। shivbaaba se to hoshiyaar koi ho na sake। baap hi bachchon ko sir par chadhaate hain। behad ke baapdaada ko bhi bachchon ke liye regard pyaar hai। chaahte hain har ek bachcha apna raajya bhaagya le। sada sukhi banen। baap to kahenge bachche jeete raho। aayushvaan bhav। baap jo shiksha dete hain woh dhaaran karne ki apne oopar kripa karo। shreemat par nahin chalenge to takdeer ko lakeer lagaayenge। tum jaante ho shivbaaba paramdham se aaye hain svarga ka varsa dene phir jitna jo purooshaartha karega। jitna apne oopar kripa karenge utna apne ko ooncha banaayenge। vikaar mein gaya to deepak bujh jaayega। phir gyaan ghrit dhaaran nahin hoga। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) dil se saaheb par poora-poora balihaar jaana hai। poora trustee ban kadam-kadam shreemat par chalna hai। deh sahit sab kuchh bhool akela ban jaana hai।

2) bachcha banne ke baad baap ke kaarya mein vighna nahin daalna hai। koi bhi badnaami ka kaarya nahin karna hai। aagyaakaari, vaphaadaar banna hai।

vardaan:- samay aur vaayumandal ko parakhkar svayan ko parivartan karne vaale sarva ke snehi bhav

jismen parivartan shakti hai vo sabka pyaara banta hai, woh vichaaron mein bhi sahaj hoga। usmein mould hone ki shakti hogi। woh kabhi aise nahin kahega ki mera vichaar, mera plan, meri seva itni achhi hote hue bhi mera kyon nahin maana gaya। yeh meraapan aaya maana alloy mix hua। isliye samay aur vaayumandal ko parakhkar svayan ko parivartan kar lo - to sarva ke snehi, number one vijayi ban jaayenge।

slogan:- samasyaaon ko mitaane vaale bano - samasya swaroop nahin।