शुक्रवार 4 मार्च 2022 की दैनिक मुरली

04-03-2022 praatahmurli om shanti "baapdaada"' madhuban

“meethe bachche -raat ko jaagkar kamaai karo, amritvele uthne ki aadat daalo''

prashn:- gyaan mein aate hi jo nasha chadhta hai, us nashe ko sthaai rakhne ki vidhi kya hai?

uttar:- jab gyaan mein naye-naye aate hain to bahut nasha chadhta hai। usi samay apne aapse anek pratigyaayen bhi karte hain। baba kehte woh pratigyaayen diary mein note kar lo phir use revise karte raho to nasha sthaai rahega। nahin to maaya ke toofaanon mein aane se nasha ud jaayega। agar koi bhool chalte-chalte ho jaaye to phauran sunaakar halke ho jaao phir dubaara woh bhool na ho, nahin to vriddhi hoti rahegi।

geet:- duhkhiyon par raham karo maa baap hamaare…

om shanti। yeh geet bahut achha hai kyonki duhkhi to saari duniya hai aur yaad bhi karte aaye hain tum maat-pita.. tumhaari kripa se sukh ghanere milte hain। is samay saari duniya duhkhi hai isliye phir baap ko yaad karte hain, to maa ko bhi zaroor karenge। yeh geet bahut achha hai। tum jaante ho maa baap ke paas janma lene se hamko varsa milta hai ek second mein। bhaarat mein yeh gaayan hai। bachche ab sammukh baithe hain। jagat amba hai - to zaroor jagat pita bhi hoga। unke oopar bhi koi hoga kyonki is samay sukhdhaam ka varsa milna hai। to sukhdhaam ki sthaapna karne vaala maat-pita bhi chaahiye। koi maat-pita saahookaar hote hain to unka first class ghar hota hai। koi maat-pita gareeb hote hain to ghar bhi aisa hi hoga। satayug mein dekho raadhe krishna hain, unhon ko pahli-pahli baadshaahi mili hai। raadhe zaroor koi raaja ke paas janma legi to raajkumaari hogi aur shreekrishna raajkumaar hoga phir unhon ko shaadi karni hi hai। yeh to barobar hai। maat-pita ab daivi raajdhaani sthaapan kar rahe hain। devi devtaayen sooryavanshi mahaaraaja mahaaraani the। tum jaante ho inhon ko yeh martaba kaise mila? raam seeta ko chandravanshi raajaai kaise mili? kaliyug ke ant mein to kuchh bhi nahin hai। yeh hai padhaai se raajaai। jaise us padhaai se engineer, barrister aadi bante hain। yeh hai phir padhaai se raajaaon ka raaja banna। ek hi baap hai jo raajaai pad ke liye raajayog sikhlaate hain। aur koi aisi university nahin jahaan raajya pad praapta karne ke liye purushaartha karaaya jaata ho। iska naam bhi hai geeta paathshaala। geeta se to raajaai pad milta hai। achha ved upnishad se kaun sa pad milta hai? raajayog to bhagwan hi aakar sikhlaate hain। kitni sahaj baat hai। kal ki baat hai। barobar lakshmi-naaraayan ka raajya tha। gaate bhi hain Christ se 3000 varsha pahle devtaaon ka raajya tha। unhon ko kaise mila? zaroor bhagwan ne vinaash ke pahle padhaaya hai। unke baad hi vinaash hua hoga phir raajayog se satayug mein raajya pad paaya। yeh hai sangam।

tum likh sakte ho is samay hi second mein sooryavanshi, chandravanshi raajaai praapta ho sakti hai, aakar samjho। chitron par tum achhi tarah samjha sakte ho। samjhaane vaale shrewd buddhi (samajhdaar) chaahiye। brahmaakumaar aur kumaariyaan so shiv ke potre aur potriyaan hue। parantu baap kehte hain mujhe koton mein koi pahchaante hain aur mujhse varsa lete hain। second mein jeevanmukti paate hain। phir jeevanmukti mein oonch pad praapta karne ke liye purushaartha karna hai। yeh sab samjhaane ke liye yeh mele pradarshani nikle hain। khyaalaat chalte hain। nai-nai points nikalti hain। din-pratidin chitra aadi sahaj nikalte jaate hain aur nikalte sab drama anusaar hi hain। kalpa pahle jo act chali hai, vahi chalni hai। aisa koi likh na sake ki yeh pradarshani 5 hajaar varsha ke baad phir is samay nikaali gai hai, phir kalpa ke baad niklegi। ek hi baar kalpa ke sangam par yeh pradarshani nikalti hai athva 5 hajaar varsha ke baad yeh pradarshani parampita paramatma se second mein jeevanmukti pad paane athva samjhaane ke liye ham nikaalte hain। yeh sab desh deshaantar mein jaayegi। nai-nai points baba samjhaate rahenge। addition, correction hoti rahegi। vo log raamaayan aadi chhapaayenge to vahi chhapaayenge isliye hamko kehte hain aage tum kya likhte the, ab kya likh rahe ho। baba kehte hain main tumko roz nai baaten sunaata hoon। sab ikatthi thode hi sunaaoonga। unhonne likha hai yuddha ke maidaan mein geeta sunaai। 18 adhyaay ki geeta banaai hai, jo sanskrit mein hoshiyaar hote hain woh aadha ghante mein shlok kantha kar lete hain। mukhya hai hi geeta। baaki bhaagvat mein to kahaaniyaan hain। geeta ko hi sanskrit mein banaaya hai। chhoti si geeta sanskrit mein banaai hai। gyaan saagar baba to itna gyaan sunaate hain jo saagar ko syaahi banaao.... jangal ko kalam banaao, saari prithvi ko kaagaj banaao to bhi poora na ho। unhonne to 18 adhyaay mein poora kar diya। parantu aise to hai nahin। na koi sanskrit ki baat hai। hindi bhaasha chalti hai। bhaashaayen to dher hain। sab bhaashaayen ek to nahin seekh sakte। koshish karke 5-6 bhaashaayen koi seekh jaata hai to unka bhi bahut maan hota hai। ab bhagwan sabhi bhaashaaon mein thode hi samjhaayega। woh to hindi mein hi samjhaate hain। jaise hindi tooti phooti sab jaante hain, aise angreji bhi tooti phooti jaante hain। tum bachchon ko baba hindi mein samjhaate hain। bhakton ko bhagwan aakar bhakti ka phal dete hain। bhagat to anek hain। bhagwan ek hai। kehte bhi hain patit-paavan aao। aise to nahin kehte - bhagwan aao। sabka baap ek hi hai। sabka god father ek hai। woh creator hai। create karenge sukh ke liye। baap bachchon ko sukh ke liye hi chaahte hain। god father svarga rachte hain aur jinhon ko svarga ka maalik banaate hain unhon ko god goddess kaha jaata hai। parantu sabko nahin kahenge, yeh bahut gupta baaten hain। god father Adam Eve dvaara kaise srishti rachte hain। god alag hai। yeh dheere-dheere samajhte jaayenge। jhaad vriddhi ko paata rahega। bhaarat ko hi mukti-jeevanmukti milti hai। sukhdhaam bhaarat banta hai। pahle bhaarat hi praacheen khanda tha, jahaan devi devtaayen raajya karte the, uske baad islaami, bauddhi khanda sthaapan hue। bilkul sahaj hai। jis samay jiska sapling lagna hai, unhon ka hi lagta hai।

dekho, kaise-kaise patra likhte hain - baba ham 4 din ke bachche hain। hamne aapko pahchaan liya hai। koi to kitne varshon tak bhal aate rehte hain parantu kabhi patra bhi nahin likhte। koi to phat se patra likhte hain। aage chalkar maaya ke toofaan bahut aayenge। toofaan se puraane patte bhi gir jaate hain। nayon ko pahle-pahle khushi ka paara bahut chadhta hai। baba ham aapke hokar rahenge, parantu maaya kam nahin hai। jab pratigya karte ho to diary par note rakho to hamne kya-kya pratigya ki hai। kai to pratigya kar phir kabhi diary ko dekhte bhi nahin hain, isse kya phaayda। aise nahin hamaare pichhaadi vaale padhenge। yahaan to koi potre-paatriyaan aadi rahne nahin hain। jisne jo uthaaya so uthaaya, na padha to kachcha hi rah jaayega। thodi bhool kar phir bataaya nahin to bhool vriddhi ko paati rahegi। ek kahaani bhi hai ki maa ka kaan pakda ki tumne mujhe pahle kyon nahin sunaaya। pahle sunaati to mujhe jel nahin milta, yeh sab drishtaanta hain। kabhi chori nahin karni chaahiye। nahin to aadat pad jaayegi aur dharmaraaj ke bahut dande khaane padenge। ab baap se jitna varsa lena ho so le lo। vishwa ki baadshaahi baap de rahe hain aur kya den? baaki raha hi kya? apni beggary jeevan hai। ismen dehi-abhimaani banna hai। deh sahit saari duniya ko ham bhoolte hain। lobh nahin rakhna chaahiye। jo mile so achha, kaha jaata hai - maangane se marna bhala। shivbaaba ke bhandaare se to sab kuchh milta hi hai। amritvele aapehi uthne ki aadat daalni hai। raat ko jaagkar kamaai karo। baba ne yeh tan bahut anubhvi liya hai। woh bhi ratna, yeh bhi gyaan ratna। aajkal jhoothe heere bhi aise nikle hain jo baat mat poochho। chitron par samjhaana bahut sahaj hai। second mein baap se aakar varsa le lo। oopar mein baba, yeh hain brahmaakumaar kumaariyaan। jabse ham baba ke bane to jeevanmukti ka varsa to hai hi। baaki ham purushaartha karte hain oonch pad paane ka। parampita paramatma brahma dvaara manushya srishti rachte hain। baandheliyaan kehti hain baba bas ham aapko hi yaad karte hain। bhal ham nahin milengi parantu varsa to zaroor lengi। kitna wonder hai। dher bachche hain। jaise prabhaav nikalta jaayega to baandheliyaan bhi chhootti jaayengi। bahut hain jo pati ki bhi guru ban jaati hain। woh list nikaalenge - kitni striyaan pati ka guru bani hain phir pati bhi likhen ki mujhe isne gyaan diya isliye yeh meri guru hai। purush kahenge barobar stri mera guru hai। aise thodhi koi maanenge। maata guru bigar koi ka uddhaar ho na sake। kalash jagat maata ko milta hai to jagat maata hi guru hui na। aajkal striyon ko bahut maan dete hain। baap bhi kehte hain maata guru bigar mukti jeevanmukti mil nahin sakti। to jab maata dvaara adopt ho tab jeevanmukti mile। maata ko guru samajhna chaahiye। bachchon ko apna ahankaar nahin rakhna hai, maataaon ko martaba dena hai। follow karna hai, deh-abhimaan nahin hona chaahiye। apne ko nirhankaari samajhna hai। baap bhi apne ko niraakaar samajhte hain। tum kahenge, aai em incorporeal kam corporeal। jaise likhte hain hospital kam university। yeh sab baaten samjhaane ke liye di jaati hain। sabmen ekras dhaarna nahin hoti। purushaartha kar dhaaran karna aur karaana hai। suna aur sunaaya, turanta daan mahaapunya। dhan daan nahin karenge to saahookaar kaise banenge।

tum ho sabse jaasti lobhi, saare vishwa ka maalik banne ki kitni bhaari kaamna hai। har ek ko sada sukhi, sada shaantamay banaana hai। manushya maatra ko kaliyugi bhrashtaachaari se satayugi shreshthaachaari banaana hai। bhaarat mein devtaayen the, abhi nahin hain phir zaroor devtaayen honge, unko svarga kaha jaata hai। paradise akshar bahut achha hai। ham purushaartha kar rahe hain - svarga ka maalik banne ke liye। ek baap ke sivaae baaki sab bhool jaana hai। sabse moh nashta ho jaana chaahiye। achha!

meethe-meethe sikeeldhe serviceable bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is beggary jeevan mein poora-poora dehi-abhimaani banna hai। kisi bhi cheez ka jaasti lobh nahin rakhna hai, jo mile so achha। maangane se marna bhala।

2) apna ahankaar na rakh maataaon ko martaba dena hai। baap samaan niraakaari-nirhankaari banna hai। gyaan dhan ka daan karna hai।

vardaan:- chaaron hi subject ko apne swaroop mein laane vaale vishwa kalyaankaari bhav

padhaai ki jo chaar subject hain, un sabka ek do ke saath sambandh hai। jo gyaani tu aatma hai, woh yogi tu aatma bhi avashya hoga aur jisne gyaan-yog ko apni nature bana liya uske karma natural yuktiyukta va shreshtha honge। svabhaav - sanskaar dhaarna swaroop honge। jinke paas in teenon subject ki anubhootiyon ka khajaana hai woh master daata arthaat sevaadhaari svatah ban jaate hain। jo in chaaron subject mein number one lete hain unhein hi kaha jaata hai vishwa kalyaankaari।

slogan:- maaya ke vikraal roop ke khel ko saakshi hokar dekho to nirbhay rahenge।

anmol gyaan ratnah (daadiyon ki puraani diary se)

gyaan ki mahsoosta ka sukh hai hi shanti arthaat nirvikalp ho jaana। andar jaane se shant roop ho jaate hain। is avinaashi gyaan se sampoorn shanti ke sthaan par jaae pahunchte hain। shant arthaat yog neshthi avastha ko dhaaran karne se yog ki bahut tej (light) nikalti hai। jo din raat aisi meethi yog ki avastha mein rehte hain unhein aparmaapaar khushi hoti hai। unke sab had ke bandhan toot behad ki sthaai khushi pragat ho jaati hai। aisi avastha mein dil bahut halki rehti hai aur khushi ki lahron mein phoole nahin samaate hain। yahi neshtha (yog) ki chaabi hai jo ham daivi vatson ne pita eeshvar dvaara praapta ki hai। achha - om shanti।