मंगलवार 5 अप्रैल 2022 की दैनिक मुरली

05-04-2022 praatahmurli om shanti "baapdaada"' madhuban

“meethe bachche - baap, teacher aur satguru teenon hi parmapriy hain, teenon hi ek hain, to yaad karna bhi sahaj hona chaahiye''

prashn:- is kaliyug mein sada javaan kaun rehta hai aur kaise?

uttar:- yahaan raavan (vikaar) sada javaan rehta hai। manushya bhal boodha ho jaae lekin usmein jo vikaar hain, krodh hai woh kabhi boodha nahin hota। woh sada javaan rehta hai। marne tak bhi vikaar ki aash bani rehti hai। baap kehte hain kaam mahaashatru hai parantu manushyon ka vahi param mitra hai isliye ek do ko tang karte rehte hain।

geet:- main ek nanha sa bachcha hoon…

om shanti। bachche baap ko yaad karte hain। samajhte hain ham is samay maaya athva raavan balvaan ki janjeeron mein phanse hue hain। baap kehte hain isse chhudaane vaala samartha hai। tum bachche jaante ho ham aatmaayen balheen hain। raavan ne balheen banaaya hai। yeh gyaan koi manushyon mein nahin hai। baap baith bachchon ko gyaan dete hain। tum kitne sarvashaktimaan vishwa ke maalik the। ab kitna kangaal, nirbal ho gaye ho isliye sab pukaarte hain he parampita paramatma hamko aakar is raavan ki janjeeron se chhudaao। he patit-paavan aao। vahi patiton ko paavan banaane vaala hai। is samay hai raavan raajya, svarga ko raamraajya, narka ko raavanraajya kaha jaata hai। raavan bhi balvaan hai, raam bhi balvaan hai kyonki donon hi aadha-aadha kalpa raajya karte hain। manushya to sab patit hain। tum bhi pahle patit the, ab patit-paavan aakar tumko paavan banne ka gyaan de rahe hain। yog aur gyaan। pahle to baap ke saath yog chaahiye। duniya mein baap alag, teacher alag, guru alag hai। yaad karna padta hai। phalaana teacher hamko padhaate hain। tum teenon hi sambandh se ek ko hi yaad karte ho। teenon ka naam ek hi shiv hai। parmapriy param pita, parmapriy shikshak, parmapriy satguru woh ek hi hai। manushya to teacher ko alag, guru ko alag, baap ko alag yaad karenge। unhon ka naam roop alag-alag hai। yahaan teenon ka naam roop ek hi buddhi mein aata hai। roop niraakaar hai, naam shiv hai। buddhi mein ek hi yaad aata hai। shivbaaba kehte hain main aata hoon tum bachchon ko is mrityulok se le jaane, jiske aasaar bhi dekh rahe hain। balvaan banne mein maaya bahut saamna karti hai, vighna daalti hai। tum bahut chot khaate ho। maaya kabhi jor se thappad maarti hain, kabhi halka। jor se aisa maarti hai jo vikaar mein bhi gir padte hain। phir woh asar bahut samay chalta hai। buddhi ko jaise taala lag jaata hai। ab baba kehte hain maaya bhulaane ki bahut koshish karegi। parantu tum bhoolna nahin jitna tum mere ko yaad karenge to varsa bhi buddhi mein aayega aur oonch pad bhi paayenge। aisa koi bachcha nahin hoga, jisko baap ka varsa yaad na aaye। varsa bachche se chhip nahin sakta। tum bhi jaante ho ki ham vishwa ki baadshaahi le sakte hain, nambarvaar purushaartha anusaar। sab ek jaisi raajdhaani to le nahin sakenge। yeh raajdhaani sthaapan ho rahi hai aur jo aate hain woh koi raajdhaani sthaapan nahin karte hain। aise nahin kahenge ki woh raavan ke raajya mein aate hain। raavan ka connection hai hi bhaarat ke saath। yahaan hi raavan ko jalaate hain aur taraph to raavan ko jaante hi nahin। aadhaakalpa ke baad raavan raajya hota hai। zaroor sooryavanshi va chandravanshi vaalon se hi islaami dharma vaale nikle honge। ek dharma se hi phir aur biraadriyaan nikalti hain na। aise nahin woh biraadri nikli to us samay vahaan raavan raajya hoga। nahin, woh to baad mein aate hain। baba to aakar raajdhaani sthaapan karte hain। woh koi aadha mein, koi quarter mein aate hain। satopradhaan se phir tamopradhaan banna hai। unke liye alpakaal ka sukh aur bahutkaal ka duhkh hai। yeh bhi khel samjhaaya jaata hai। pahle paavan the, phir patit bante hain। pahle ek hi devi-devta dharma tha। phir aur dharmon ki vriddhi hoti hai। devtaayen khud hi hindu ban jaate hain phir kisam-kisam ki malteephikeshan hoti rehti hai। woh phir apne dharma sthaapak ke pichhaadi chale jaate hain। devta dharma praayahlop hai। hain sab devi devta dharma vaale, parantu apne ko devta kah nahin sakte kyonki pavitra nahin hain। pavitrata ke bigar apne ko devta kahlaana bekaayde ho jaata hai। jo asul devi devtaayen the, vahi phir kshatriy, phir so vaishya, so shoodra ban jaate hain। abhi phir tum brahman bane ho। yeh baaten aur dharma vaale nahin samjhenge। devta dharma vaale hi yahaan aayenge, baaki to baad mein aate rahenge। aage chalkar vriddhi bahut hogi। mukh vanshaavli ki vriddhi hoti hai। prajaapita brahma, brahman dharma ab sthaapan karte hain। prajaapita brahma ke bachche zaroor brahmaakumaar kumaariyaan honge na। brahman varna vaale hi devta banenge। dher aakar knowledge lenge।

tum purushaartha karte ho sooryavanshi raajdhaani mein aane ka। unmein bhi mukhya hain 8, baaki to vriddhi ho jaati hai। jo mama baba ka banenge, kuchh sunenge to woh aayenge। pradarshani mein dher aate hain। unse koi nikalte hain jo achhi reeti purushaartha karte hain। pahle-pahle baap ka parichay zaroor hona chaahiye। phir karke koi ling roop kehte va jyoti-swaroop kehte, baap samajhne se brahm jo mahtatva hai, unko phir bhagwan nahin kah sakte। parampita paramatma to knowledgeful hai। brahm knowledgeful thode hi hai। tum poochhte ho to aatma ka roop kya hai? to ling kah dete hain kyonki ling roop ki hi pooja hoti hai। star ki pooja to kahaan hai nahin। na jaanne ke kaaran phir kuchh na kuchh bana dete hain। thikkar bhittar sabmen bhagwan kah dete hain। baap samjhaate hain aatma to star hai, aatmaon ka ikattha jhunda bhi dekh sakte hain। jab sabhi aatmaayen vaapis jaayengi to bada jhunda hoga na। unko kaha jaata hai sookshm se bhi sookshm। saakshaatkaar se koi kuchh samajh na sake। samjho kisko shiv ka athva brahma vishnu shankar ka saakshaatkaar bhi ho, parantu phaayda kuchh nahin। yahaan to srishti ke aadi madhya ant ko jaanna hota hai। yeh padhaai hai। paramatma bhi ek star hai। itni chhoti cheez ki dekho, kitni mahima hai। gyaan ka saagar, prem ka saagar, sukh ka saagar vahi saara kaam karte hain। isko kaha jaata hai - ati guhya baaten hain।

baap kahne se buddhi mein aana chaahiye ki zaroor svarga ka rachayita hai। kehte bhi hain zaroor bhagwan kahaan na kahaan aaya hua hai। agar geeta ka bhagwan shreekrishna hota to woh dehdhaari to chhip na sake। yeh to bilkul hi guhya baaten hain। kabhi suna hi nahin hai ki parampita paramatma kya cheez hai, aatma kya cheez hai। sirf kah dete hain - bhrakuti ke beech chamakta hai ajab sitaara। phir unko parampita paramatma kah dete hain। ab aatma aur paramatma ke roop mein farka to kuchh bhi nahin padta hai। kya paramatma koi bhaari cheez hai va badi roshni hai? nahin, woh to sirf knowledgeful hai। gati sadgati ke liye gyaan dete hain। to gyaan saagar hai। ab gyaan ka saagar parampita paramatma ko kahenge va raavan mat par chalne vaale manushyon ko? baap kehte hain main authority hoon, baaki yeh sab bhakti maarga ki saamagri hai। brahma ke haath mein shaastra dikhaate hain parantu unko yeh maaloom hi nahin ki brahma kaun hai! baap kehte hain mainne aage bhi kaha hai ki main saadhaaran boodhe tan mein aata hoon। is nandeegan se aakar knowledge sunaata hoon। manushya bhaageerath bhi dikhaate to gau mukh bhi dikhaate hain। ab bhaageerath se bhi ganga, bail se bhi ganga dikhaate hain। right wrong kya hai, samajh nahin sakte। kya bail jaanvar se ganga nikli hai? gaoomukh dikhaate hain to gau honi chaahiye। nandeegan ko bail dikhaate hain, yeh mel to barobar hai। manushya hai। agar gau kahen woh bhi maata to hai na। in baaton ko manushya bilkul hi bhoole hue hain, right kuchh bhi bataate nahin। brahma dvaara sooryavanshi raajya ki sthaapna ho rahi hai। yahaan koi raajaai to hai nahin। yeh behad ka baap behad ka raajya dete hain। padhaai se jo sooryavanshi, chandravanshi gharaane ke honge unki buddhi mein yeh baithega। pahle yeh nishchay chaahiye ki shivbaaba hi hamko saath le jaayega। koi aur guru gosaai ki yeh kahne ki taakat hi nahin hai। patit-paavan to ek baap hi hai, unko hi yaad karte hain ki aakar paavan banaao। nai so puraani, puraani so nai - yeh to hona hi hai। parampita paramatma ke sivaae paavan duniya koi bana na sake। baap se hi sooryavanshi aur chandravanshi raajaai ka varsa milta hai। yahaan to kuchh bhi raajaai hai nahin। yeh badi samajhne ki baaten hain। manushya samajhte hain shaastra sachche hain kyonki bhagwan ne banaaye hain। unhon ko yeh pata hi nahin ki bhagwan ne manushya ke tan mein aakar geeta sunaai hai। us par krishna ka naam daal diya hai। yeh bhool jab buddhi se nikle। pahle shivbaaba ko jaanen tab samjhen ki woh svarga ki sthaapna karte hain। jaante nahin to ladte jhagadte hain। baap kahenge tum svarga mein oonch pad paane ke laayak nahin ho। daivi gun vaale nahin ho, dhaarna nahin hoti hai to vikaar zaroor honge। bhal koi boodhe hain, krodh to unmein bhi bahut hai। krodh boodha nahin hota hai। aajkal boodhe bhi vikaar mein jaate hain। baba kehte hain kaam mahaashatru hai, manushyon ke liye phir mitra hai। vikaar ke liye dekho kitna tang karte hain। raavan sabhi ka mitra hai। vish ki paidaais hai na। vish ki paidaais maana raavan ki paidaais। manushya jaante hi nahin। baap ki shreemat par chalen tab sapoot kahlaayen। vikarma karte hain to jhat saavdhaani di jaati hai। bahuton mein bahut kuchh aadten rehti hain। jhooth bolne ki, chori karne ki, maangane ki। baap kehte hain main to daata hoon, tum koi se maangate kyon ho! jisko insure karna hoga woh aapehi karenge। kabhi bhi maango nahin। aaj baba ka janma din hai, kuchh to bhejen, aise maango nahin। samjhaana hai - insurance karna hai to bhal karo। bhakti maarga mein manushya apne ko insure karte hain eeshvar ke paas, jisko daan kaha jaata hai। uska phal bhi baap dete hain। woh hai had ka insurance, yeh hai behad ka। bhakti maarga mein kehte aaye hain parampita paramatma ne yeh bhakti ka phal diya hai। saahookaar hoga to kahega yeh past karmo ka phal mila hai। koi gareeb hai kyonki insurance nahin kiya hai isliye dhan nahin milta। baap kehte hain mere paas hi sab insure karte hain। kehte hain yeh bhagwan ne diya hai। bhakti maarga mein tum insure karte ho had ka। ab direct behad ka insurance karte ho। maat-pita ne dekho insurance kiya hai, to kitna return mein dete hain। kanya ke paas to paisa hota nahin। woh phir is service mein lag jaaye to sabse ooncha ja sakti hai। mama ne kuchh bhi insure nahin kiya। haan shareer is service mein de diya, to kitna oonch pad paati hai। aatma jaanti hai main is shareer se behad ke baap ki seva kar rahi hoon। jagat amba ka kitna bada martaba hai। jagat amba gyaan gyaaneshvari phir vahi raaj raajeshvari banti hai। yeh sab kuchh tum hi jaante ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sapoot banne ke liye baap ki shreemat par chalna hai। jo bhi buri aadte hain maangane ki, chori karne ki va jhooth bolne ki woh nikaal deni hai।

2) apna sab kuchh baap ke paas insure karna hai। shareer bhi eeshvareey seva mein lagaana hai। maaya ki praveshta kisi bhi kaaran se na ho jaaye, ismen saavdhaan rehna hai।

vardaan:- sada har karma mein roohaani nashe ka anubhav karne aur karaane vaale khushanseeb bhav

sangamayug par aap bachche sabse adhik khushanseeb ho, kyonki svayan bhagwan ne aapko pasanda kar liya। behad ke maalik ban gaye। bhagwan ki dictionary mein “hu is hu'' mein aapka naam hai। behad ka baap mila, behad ka raajya bhaagya mila, behad ka khajaana mila ... yahi nasha sada rahe to ateendriy sukh ka anubhav hota rahega। yeh hai behad ka roohaani nasha, iska anubhav karte aur karaate raho tab kahenge khushanseeb।

slogan:- saadhnon ko seva ke prati use karo - aaraamapsanda banne ke liye nahin।