सोमवार 23 मई 2022 की दैनिक मुरली

23-05-2022 praatahmurli om shanti "baapdaada"' madhuban

“ meethe bachche - baap ki shreemat par chalne se oonch banenge , raavan ki mat par chalne se saari ijjat hi mitti mein mil jaayegi ''

prashn:- eeshvareey birth right lene vaale vaaris bachchon ki nishaani sunaao?

uttar:- aise vaaris bachche - 1- baap ko poora-poora follow karte hue chalenge। 2- shoodron ke sang se bahut-bahut sambhaal rakhenge। kabhi bhi unke sang mein aakar baap ki shreemat mein apni manmat mix nahin karenge। 3- apna sachcha-sachcha potaamel baap ko sunaayenge। 4- ek do ko saavdhaan karte unnati ko paate rahenge। 5- kabhi bhi baap ka haath chhodne ka sankalp bhi nahin karenge।

geet:- maata O maata tu sabki bhaagya vidhaata…

om shanti। bachchon ne yeh geet suna। jagat amba kaamdhenu ka varnan to hai hi। yeh mahima hai jagat amba ki। vaastav mein gupta roop mein to yeh brahmaputra nadi bhi hai। gaaya bhi jaata hai tum maat pita... shivbaaba brahma ke mukh kamal se bachche paida karte hain। to yeh maata ho gai na। yeh hain guhya baaten। yeh baaten shaastron mein nahin hain। baba ne samjhaaya hai shaastra hain bhakti maarga ki saamagri। baap baith sab shaastron ka saar samjhaate hain। aise nahin ki geeta par samjhaate hain। nahin, baap to khud hi gyaan ka saagar hai। bhal yeh geeta bhaagvat aadi padha hua hai। shivbaaba ke liye aise nahin kahenge ki woh sab padha hua hai। nahin, woh to knowledgeful hai। kehte hain main is manushya srishti ka beej hoon। srishti ke aadi-madhya-ant ka mere mein knowledge hai। baap kehte hain main iska varnan karta hoon - is brahma dvaara। phir yeh varnan praayah lop ho jaayega। yeh sachchi geeta jo abhi tum banaate ho woh bhi haath mein nahin aayegi। geeta aadi to bhakti maarga ke shaastra hain, ve hi phir niklenge। in shaastra aadi padhne se kisko sadgati nahin milti। tum bachche jaante ho yeh jo bhi actors hain, pahle sab bigar shareer muktidhaam mein the phir yahaan aakar shareer dhaaran kar part bajaate hain। woh bhi aatma mein avinaashi part bhara hua hai। yeh srishti ka chakra bhi ek hai, inka rachayita bhi ek hai। ek hi srishti ka chakra phirta rehta hai। yeh hai avinaashi bana banaaya drama। satayug mein devi-devtaaon ka raajya tha। abhi tum phir se ban rahe ho। parampita paramatma pahle-pahle brahma mukh se brahman srishti rachte hain। pahle-pahle nai srishti hai sangam ki। puraana aur naya। brahman hain choti। pair aur choti, isko sangam kehte hain। tum brahman baap ke saath vishwa ki roohaani seva karte ho। baap bhi roohon ki service karte hain। tum bhi roohon ki service karte ho arthaat jo tamopradhaan ban gaye hain unko satopradhaan banaate ho। to baap ki shreemat par chalne vaale hi oonch te oonch pad paayenge। bachchon ko shreemat se hi shreshtha banna hai। tum bachche jaante ho ham so devi-devta, sooryavanshi chandravanshi the phir maaya ne hamaari ijjat le li, poojya se pujaari patit bana diya। shreemat se manushya shreshtha ban jaate hain phir raavan ki mat se saari ijjat mitti mein mil jaati hai। ab phir shivbaaba ki mat par chalne se nai duniya mein devta banenge। kadam-kadam shreemat par chalna hai। gaandhi ji bhi naya bhaarat, naya raajya chaahte the। parantu nai duniya to satayug ko kaha jaata hai। yahaan to din-pratidin duhkh badhta hi jaata hai। baba kehte hain duhkh badhna hi hai, tab to main aata hoon। main apne vaayde anusaar phir se aakar sahaj raajayog sikhaata hoon। shaastra to baad mein bante hain। yeh geeta aadi bhi vahi banenge। ab is vinaash jvaala mein sab khatma honge। tum is chakra ko jaante ho। tum bachchon ko school mein jaakar samjhaana hai।

tumhaari hai had ki history-geography, isko koi world ki history-geography nahin kahenge। bachchon ko to behad ki history- geography sikhlaani chaahiye, tab yeh oonch pad pa sakte hain। had ki history-geography se had ka pad milta hai। yeh hai behad ki। ismen teenon lokon ka gyaan aa jaata hai। aadi mein niraakaari duniya mein bahut aatmaayen rehti hain। ant mein phir sabhi aatmaayen neeche aa jaati hain। sookshm vatan vaasi brahma, vishnu, shankar ka part bhi abhi hai। to tum unhon se poochh sakte ho ki tum jaante ho ki satayug mein lakshmi-naaraayan ka raajya tha। phir kya hua? kya treta ke ant tak ek hi lakshmi-naaraayan ka raajya tha? kitna samay raajya kiya aur kitni area par? abhi to aasmaan-jameen mein bhi partition ho gaye hain। vahaan yeh baaten hoti nahin। vahaan bhaarat mein behad ka raajya chalta hai। abhi to kitne tukde ho gaye hain। yeh sab milkar ek hon, so to ho nahin sakta। ab baap behad ki history-geography sunaate hain। 84 ke chakra mein world ki history-geography aa jaati hai aur phir saath mein pavitrata bhi zaroor chaahiye। abhi no purity, no pees, no prosperity hai।

manushya samajhte hain sannyaasiyon ke paas jaane se shanti milti hai। baap kehte hain shanti to tumhaare gale ka haar hai। vaastav mein aham aatma ka svadharma hai hi shant। aatma kahaan ki rahne vaali hai? to kahenge nirvaandhaam ki। jab aatma ka svadharma hi shant hai to gurooon aadi se kya shanti milegi? ashaanta karne vaali hai maaya। jab shreemat se is maaya par jeet praapta karen tab satayug mein pavitrata, sukh, shanti ka varsa paayen। vahaan kab koi nahin kahega ki main ashaanta hoon, mere ko shanti chaahiye। bhaarat mein hi pavitrata-sukh-shanti thi। abhi tum shoodra se badal brahman bane ho।

is samay bhaaratvaasiyon ko yeh bhi pata nahin ki ham kis dharma ke hain। hamaara dharma kisne aur kab racha? aadi sanaatan devi-devta dharma ka kisko pata nahin hai। aarya aur anaaarya। devtaaon ko bhagwan bhagavti kehte hain, kyonki bhagwan ne khud svarga ki sthaapna ki hai। parantu unhon ka naam phir bhi devi-devta hai। bhaarat ka aadi sanaatan devi-devta dharma hai, na ki hindu। yeh baap saari baaten samjha rahe hain। yeh bhi tum bachchon ki buddhi mein nambarvaar baithta hai। bahut bachche hain jo shivbaaba ko haphte mein ek baar bhi mushkil yaad karte hain। sang saath na hone ke kaaran yaad bhool jaati hai। ismen to sang chaahiye braahmanon ka, jo ek do ko saavdhaan karte rahen। shoodron ka sang hoga to kuchh asar zaroor padega। baap se poora varsa lene ke liye follow karna chaahiye। dhandhe-dhori mein rehte baba ko sach likhen ki baba ham vyavhaar mein rehte, factory aadi mein rehte kitna yaad mein rahe। apna-apna yaad ka chart bhejna chaahiye to baba bhi samjhe ki yeh achha purooshaarthi hai। yahaan to kai baapdaada ko patra bhi nahin likhte hain। baba samajhte hain koi satopradhaan purooshaartha karte hain, koi rajo, koi tamo। tamo purooshaarthi jo hoga woh sooryavanshiyon ke paas aakar naukri karega। saahookaar praja ke aage jaakar naukar banega। inse bhi kam pad uska hota hai jo baap ke bankar aashcharyavat sunanti, kathanti, phaarakti devanti...unki durgati sabse buri hoti hai। baap ka poora varsa lena hai to potaamel bhejen tab baba result denge। poora purooshaartha nahin karte to maaya ekdam kha jaati hai isliye baba kehte hain sang bahut zaroori hai। sang hoga to samjhenge ham eeshvareey kul ke hain। baap samjhaate hain stri puroosh ho bhal saath raho। agar aag lag gai to khalaas ho jaayenge। baba ke to dher bachche hain। aayenge bhi aur marenge bhi। eeshvareey birth aasuri birth se oonch hai।

aajkal aasuri birth de bahut manaate rehte hain। unko cancel kar eeshvareey birth de manaana shuru karna chaahiye to pakka ho jaaye। baba raay dete hain puraana birth manaana cancel kar naya manaao। aajkal shaadi ka de bhi manaate hain। woh bhi cancel kar dena chaahiye। change aani chaahiye। baap sikeeldhe bachchon ko kehte hain yeh koi nai baat nahin। tum anek baar raajya bhaagya gavaate aur lete ho। kalpa-kalpa baap ke paas ek janma sacrify kar 21 janma ka sukh paaya hai to kyon na ham pavitra banenge। baba aapki shreemat par chalenge। aadhaakalpa aasuri mat par chale hain, to yahaan bahut khabardaari rakhni hai। bada bhaari varsa hai। baat mat poochho। school mein imtahaan mein naapaas hote hain to munh hi peela ho jaata hai। yahaan bhi bahut saza khaani padti hai। baba saakshaatkaar karaate hain। ham khud tumko padhaate the aur kehte the shreemat par chalo phir bhi nahin maana। kitna gunaah kiya, sau guna danda dete hain kyonki baap ki service mein vighna daalte hain। baap ki ninda karaate hain। shreemat par chalne vaala sada meetha hoga। kis par krodh kiya to samjho aasuri mat। koi samajhte baba ne sabha mein hamaari ijjat li, sabke aage sunaaya। are behad ka baap to sabki ijjat badhaate hain। baba ko itne dher bachche hain। ek-ek ko chhipaakar samjhaayenge kya? baap to sabke saamne kah dete hain। baap ki shreemat se hi shreshtha te shreshtha banenge। apni mat par chale to gir padenge। girte-girte mar padenge। yahaan to hai chintaaon ki chita। baap to vahaan le jaate hain jahaan chinta ka naam nahin। to shreemat par chalna pade। phir jo chaahe so bano। shri lakshmi ko varne ki himmat chaahiye। apna munh aaine mein dekhna chaahiye - ham kahaan tak laayak bane hain! jahaan tak jeena hai tab tak knowledge lete rehna hai। jagat amba ke tum ho bachche। jo mama ki mahima so tum bachchon ki। jagat amba phir mukhya ho jaati hai। 16 hajaar, 108 ki bhi maala hai। roodra yagya jab rachte hain to laakh saaligraam aur ek shiv ka chitra banaate hain। to zaroor woh sab madadgaar honge na।

tum sabhi ho roohaani yaatra vaale, brahma ke mukh vanshaavli, sangamayugi brahman। parampita paramatma brahma dvaara nai rachna rachte hain। dharma ke bachche banaate hain। tum shoodra dharma se badal aakar brahma mukh vanshaavli bante ho। maaya badi dushman hai। yog lagaane nahin deti। baba kehte aise kabhi nahin kehna hai ki hamko yog mein bithaao। ek jagah baith yog lagaane ki aadat pad jaayegi, to phir chalte phirte yog lagega nahin। kahenge ki ham deedi ke paas jaakar yog mein baithenge। baap to kehte chalte-phirte baap aur varse ko yaad karo। bas। woh geeta sunaane vaale aise kah na saken। yeh baap hi kehte hain - maamekam yaad karo। svarga ka bhi tumne saakshaatkaar kiya hai। baba abhi jaasti karaate nahin hain, nahin to naye log samajhte hain jaadu hai।

geet tha mama ki mahima ka। mama to yeh (brahma) bhi hai। parantu maataaon ko sambhaalne ke liye jagat-amba mukrar hai। drama mein noondh hai। sabhi se teekhi bhi hai। unki murli badi raseeli hai। tum bachche jaante ho yeh shreekrishna prince se ab beggar ban gaye hain। (shreekrishna ke chitra ko dekh) bataao tumne kya karma kiye jo svarga ka prince bane ho? zaroor aage janma mein raajayog seekha hoga। zaroor baap hi svarga ka rachayita hai, usne sikhaaya hoga। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ki service mein vighna roop nahin banna hai। shreemat par chal bahut-bahut meetha banna hai, kisi par bhi krodh nahin karna hai।

2) maaya se bachne ke liye sang ki bahut sambhaal karni hai, shoodron ka sang nahin karna hai। baba ko apna sachcha-sachcha potaamel dena hai। eeshvareey birth de manaana hai, aasuri nahin।

vardaan:- baapdaada ke sneh ke return mein samaan banne vaale tapasveemoorta bhav

samay ki paristhitiyon ke pramaan, sva ki unnati va teevragti se seva karne tatha baapdaada ke sneh ka return dene ke liye vartamaan samay tapasya ki ati aavashyakta hai। baap se bachchon ka pyaar hai lekin baapdaada pyaar ke return swaroop mein bachchon ko apne samaan dekhna chaahte hain। samaan banne ke liye tapasveemoorta bano। iske liye chaaron or ke kinaare chhod behad ke vairaagi bano। kinaaron ko sahaara nahin banaao।

slogan:- sheetal ban doosron ko sheetal drishti se nihaal karne vaale sheetal yogi bano।