रविवार 29 मई 2022 की दैनिक मुरली

29-05-22 praatahmurli om shanti ''avyakt-baapdaada'' revise 25-02-91 madhuban

soch aur karma mein samaanta laana hi parmaatma pyaar nibhaana hai

aaj baapdaada apne sarva svaraajya adhikaari bachchon ko dekh harshit ho rahe hain kyonki svaraajya adhikaari vahi anek janma vishwa raajya adhikaari bante hain। to aaj double videshi bachchon se baapdaada svaraajya ka samaachaar poochh rahe hain। har ek raajya adhikaari ka raajya achhi tarah se chal raha hai? aapke raajya chalaane vaale saathi sahayogi saathi, sada samay par yathaartha reeti se sahayog de rahe hain ki beech-beech mein kabhi dhokha bhi de dete hain? jitne bhi sahayogi karmachaari karmendriyaan, chaahe sthool hain, chaahe sookshm hain, sabhi aapke order mein hai? jisko jis samay jo order karo usi samay usi vidhi se aapke madadgaar bante hain? roz apni raajya darbaar lagaate ho? raajya kaarobaari sabhi 100 pratishat aagyaakaari, vaphaadaar, ever ready hain? kya haalchaal hai? achha hai va bahut achha hai va bahut, bahut, bahut achha hai? raajya darbaar achhi tarah se sada saphaltaapoorvak hoti hai va kabhi-kabhi koi sahayogi karmachaari halchal to nahin karte hain? is puraani duniya ki raajya sabha ka haalchaal to achhi tarah se jaante ho - na law hai, na order hai। lekin aapki raajya darbaar law full bhi hai aur sada haan ji, ji haajir - is order mein chalti hai। jitna raajya adhikaari shaktishaali hai utna raajya sahayogi karmachaari bhi svatah hi sada ishaare se chalte, raajya adhikaari ne order diya ki yeh nahin sunna hai aur yeh nahin karna hai, nahin bolna hai, to second mein ishaare pramaan kaarya karen। aise nahin ki aapne order kiya - nahin dekho aur woh dekh karke phir maaphi maange ki meri galti ho gai। karne ke baad soche to usko samajhdaar saathi kahenge? man ko order diya ki vyartha nahin socho, second mein full stop, do second bhi nahin lagne chaahiye। isko kaha jaata hai - yuktiyukta raajya darbaar। aise raajya adhikaari bane ho? roz raajya darbaar lagaate ho ya jab yaad aata hai tab order dete ho? roz din samaapta hote apne sahayogi karmachaariyon ko check karo। agar koi bhi karmendriyon se va karmachaari se baar-baar galti hoti rehti hai to galat kaarya karte-karte sanskaar pakke ho jaate hain। phir change karne mein samay aur mehnat bhi lagti hai। usi samay check kiya aur change karne ki shakti di to sada ke liye theek ho jaayenge। sirf baar-baar check karte raho ki yeh wrong hai, yeh theek nahin hai aur usko change karne ki yukti va knowledge ki shakti nahin di to sirf baar-baar check karne se bhi parivartan nahin hota,isliye pahle sada karmendriyon ko knowledge ki shakti se change karo। sirf yeh nahin socho ki yeh wrong hai। lekin right kya hai aur right par chalne ki vidhi spashta ho। agar kisi ko kehte rahenge to kahne se parivartan nahin hoga lekin kahne ke saath-saath vidhi spashta karo to siddhi ho। jo aatma svaraajya chalaane mein saphal rehti hai to saphal raajya adhikaari ki nishaani hai woh sada apne purushaartha se aur saath-saath jo bhi samparka mein aane vaali aatmaaen hain woh bhi sada us saphal aatma se santushta hongi aur sada dil se us aatma ke prati shukriya nikalta rahega। sarva ke dil se, sada dil ke saaj se vaah-vaah ke geet bajte rahenge, unke kaanon mein sarva dvaara yeh vaah-vaah ka shukriya ka sangeet sunaai dega। yeh geet automatic hai, iske liye teprikaardar bajaana nahin padta। iske liye koi saadhnon ki aavashyakta nahin। yeh anhad geet hai। to aise saphal raajya adhikaari bane ho? kyonki abhi ke saphal raajya adhikaari bhavishya mein saphalta ka phal vishwa ka raajya praapta karenge। agar sampoorn saphalta nahin, kabhi kaise hain, kabhi kaise hain, kabhi 100 pratishat saphalta hai, kabhi sirf saphalta hai। 100 pratishat saphal nahin hain to aise raajya adhikaari aatma ko vishwa ka, raajya ka takhta, taaj praapta nahin hota lekin royal family mein aa jaata hai। ek hain takhtansheen aur doosre hain takhtansheen royal family। takhta nasheen arthaat vartamaan samay bhi sada double takhtansheen rahe। double takhta kaun sa? ek akaal takhta aur doosra baap ka dil takhta। to jo abhi sada double takhta nasheen hai, kabhi-kabhi vaala nahin, aise sada diltakhtansheen vishwa ka bhi takhtansheen hota hai। to check karo - saare din mein double takhtansheen rahe? agar takhtansheen nahin to aapke sahayogi karmachaari karmendriyaan bhi aapke order par nahin chal sakteen। raaja ka order maana jaata hai। raajya (takhta) par nahin ho aur woh order kare to maana nahin jaata hai। aajkal to takhta ke bajaae kursi ho gai hai, takhta to khatma ho gaya। yogya nahin hai to takhta gaayab ho gaya hai। kursi par hain to sab maanenge। agar kursi par bhi nahin hain to sab nahin maanenge। lekin aap to kursi vaale neta nahin ho। svaraajya adhikaari raaje ho। sabhi raaja ho ki koi praja bhi hai? raajayogi arthaat raaja। dekho kitne padma padma padma bhaagyavaan ho! duniya, usmein bhi vishesh videsh halchal mein hai। woh vaar aur haar ki duvidha mein hai। koi haar raha hai, koi vaar kar raha hai aur koi haalchaal sun karke usi halchal mein hai। to woh hai haar aur vaar ki halchal mein aur aap ho baapdaada ke pyaar mein। parmaatma pyaar door-door se kheench kar laaya hai। kaisi bhi paristhitiyaan ho lekin parmaatma pyaar ke aage paristhitiyaan rok nahin sakteen। parmaatma pyaar buddhivaan ki buddhi ban paristhiti ko shreshtha sthiti mein badal leta hai। double videshiyon mein bhi dekho pahle polenda vaale kitne prayatna karte the, asambhav lagta tha aur abhi kya lagta hai? Russia vaale bhi asambhav samajhte the, chaahe 24 ghanta bhi line mein khada rehna pada, pahunch to gaye na। mushkil sahaj ho gaya। to shukriya kahenge na। aise hi sada hota rahega। kai sochte hain ant mein vimaan banda ho jaayenge phir ham kaise jaayenge? parmaatma pyaar mein woh shakti hai jo kisi ki aankhon mein aisa jaadu kar degi jo woh aapko bhejne liye parvash ho jaayenge lekin sirf pyaar karne vaale nahin, lekin nibhaane vaale hon। nibhaane vaali aatmaon se baap ka bhi vaayda hai - ant tak har samasya ko paar karne mein preeti ki reeti nibhaate rahenge। kabhi-kabhi preet karne vaale nahin banna। sada nibhaane vaale। preet karna anekon ko aata hai lekin nibhaana koi-koi ko aata hai isliye aap koi mein koi ho।

baapdaada sadaiv double videshi bachchon ko dekh khush hote hain kyonki himmat se baap ki madad ke paatra ban anek prakaar ki maaya ke bondage aur anek prakaar ke reeti, rivaaj aur rasma ke baaundreez ko paar karke pahunch gaye hain। yeh himmat bhi kam nahin hai। himmat sabhi ne achhi rakhi hai। chaahe naye hain, chaahe puraane hain, donon baithe hain। bahut puraane se puraane bhi hain aur is kalpa ke naye bhi hain। donon ki himmat achhi hai। is himmat mein to sabhi number one ho phir number kis baat mein hai? double videshi vishesh purushaartha karte hain aur roohrihaan mein bhi kehte hain - 108 ki maala mein zaroor aayenge। koi question karte hain ki aa sakte hain? aane avashya hain। double videshiyon ke liye bhi maala mein seat rijarvda hai। lekin kaun aur kitne - woh aage chal sunaayenge। to number kyon bante hain? har ek apne adhikaar se kehte ho - mera baba hai। to adhikaar bhi poora hai phir bhi number kyon? jo number one hoga aur number aath hoga, donon mein antar to hoga na! itna antar kyon padta? 16 hajaar ki to baat chhodo, 108 mein bhi dekho - kahaan ek, kahaan 108। to kya antar hua? himmat mein sab paas ho lekin himmat ke return mein jo baap aur brahman parivaar dvaara madad milti hai, us madad ko praapta kar kaarya mein lagaana aur samay par madad ko use karna, jis samay jo madad arthaat shakti chaahiye usi shakti dvaara samay par kaam lena, yeh nirnay shakti aur kaarya mein lagaane ki kaarya shakti ismen antar ho jaata hai। sarvashaktivaan baap dvaara sarva shaktiyon ka varsa sabhi ko milta hai। koi ko 8 shakti, koi ko 6 shakti nahin milti। sarvashaktiyaan milti hain। pahle bhi sunaaya na ki vidhi se siddhi hoti hai। kaarya shakti ki vidhi - ek hai baap ke banne ki vidhi, doosri hai baap se varsa praapta karne ki vidhi aur teesri hai praapta kiye hue varse ko kaarya mein lagaane ki vidhi। kaarya mein lagaane ki vidhi mein antar ho jaata hai। points sabke paas hai। ek topic par workshop karte ho to kitni points nikaalte ho! to ek point buddhi mein rakhna, yeh hai ek vidhi, aur doosra hai point ban point ko kaarya mein lagaana। point roop bhi ho aur points bhi hon। donon ka balance ho। yeh hai number one vidhi se number one siddhi praapta karna। kabhi point ke vistaar mein chale jaate hain। kabhi point roop mein tik jaate hain। point roop aur point saath-saath chaahiye। kaarya shakti ko badhaao। samjha। number one aana hai to yeh karna padega।

aajkal science ki shakti, science ke saadhnon dvaara kaarya-shakti kitni tej kar rahi hai! jo chaitanya manushya kaarya kar sakta hai, jitne samay aur jitna yathaartha chaitanya manushya kar sakta hai utna science ke saadhan computer kitna jaldi kaam karta hai। chaitanya manushya ko bhi correction karta hai। to jab science ke saadhan kaarya-shakti ko teevra bana sakte hain, kai aisi invention nikli bhi hain aur nikal bhi rahi hain, to brahman aatmaon ke silence ki shakti kitna teevra kaarya yathaartha saphal kar sakti hai। second mein nirnay ho, second mein kaarya ko practical mein saphal karo। sochna aur karna - iska bhi balance chaahiye। kai brahman aatmaaen sochti bahut hai, lekin karne ke samay jitna sochte hain utna karte nahin hain aur kai phir karne mein lag jaate hain - sochte peechhe hain ki theek kiya va nahin kiya? kya karna hai abhi? to sochna aur karna - donon saath-saath ho। nahin to kya hota hai? sochte hain ki yeh karna hai lekin soch ke karenge aur sochte sochte kaarya ka samay aur paristhiti badal jaati hai। phir kehte hain karna to tha, socha to tha…। jab science ke saadhan teevra gati ke ho rahe hain, ek second mein kya nahin kar lete hain! vinaash ke saadhan teevra gati ke taraph ja rahe hain to sthaapna ke silence ke shaktishaali saadhan kya nahin kar sakte! abhi to prakriti aap maalikon ka aahvaan kar rahi hai। aap log unko order nahin karte to prakriti kitni dhamaal kar rahi hai! maalik taiyaar ho jaao to prakriti aapka svaagat kare। aise taiyaar ho? ki abhi taiyaar kar rahe ho? sampoorn taiyaari ki mahima aapke bhakta log ab tak kar rahe hain। apni mahima ko jaante ho? ab check karo ki in sabmen sarvagun sampanna bhi ho, sampoorn nirvikaari bhi ho, sampoorn ahinsak aur maryaada purushottam bhi ho, 16 kala sampanna bhi ho? sabhi baaton mein full hain to samjho maalik taiyaar hain aur ismen percentage hai to maalik taiyaar nahin। baalak hai lekin maalik nahin bane hain। to prakriti aap maalik ka svaagat karegi। baap ke baalak hain। woh to theek hai। ismen paas ho। lekin in paanchon hi baaton mein sampanna banna arthaat maalik banna। prakriti ko order karen? achha। tapasya varsha mein to taiyaar ho jaayenge na? phir to order karen na? yeh tapasya varsha last chance hai ya phir kahenge aur thoda chance de do। phir to nahin kahenge na! achha।

chaaron or ke sarva raajya adhikaari aatmaon ko, sada double takhtansheen vishesh aatmaon ko, sada sochna aur karna donon shaktiyon ko samaan banaane vaali vardaani aatmaon ko, sada parmaatma pyaar nibhaane vaale sachche dil vaale bachchon ko dilaaraam baapdaada ka yaadapyaar aur namaste।

party ke saath avyakt mulaakaat - mahaaraashtra mein rehte hue sachche swaroop mein mahaan ban gaye - yeh khushi rehti hai na? ve to naamdhaari mahaan hai, mahaatmaayen hain, lekin aap practical swaroop se mahaatmaayen ho। yeh khushi hai na? to mahaan aatmaayen sadaiv oonchi sthiti mein rehti hain। vo log to oonche aasan par baith jaate hain, shishyon ko neeche bithaayenge, khud oonche baithenge, lekin aap kahaan baithte ho? oonchi sthiti ke aasan par। oonchi sthiti hi ooncha aasan hai। jab oonchi sthiti ke aasan par rehte ho to maaya nahin aa sakti। vo aapko mahaan samajhkar aapke aage jhukegi। vaar nahin karegi, haar maanegi। jab oonche aasan se neeche aate ho tab maaya vaar karti hai। agar sada oonche aasan par raho to maaya ke aane ki taakat nahin। woh oonche chadh nahin sakti। to kitna sahaj aasan mil gaya hai! bhaagya ke aage tyaag kuchh bhi nahin hai। chhoda bhi kya? jevar pade hain, kapde pade hain, ghar mein rehte ho। agar chhoda hai to kichde ko chhoda hai। to sada shreshtha aasan par sthit rahne vaali mahaan aatmaayen ho। jitna socha nahin tha utna hi ati shreshtha praapti ke adhikaari ban gaye। is bhaagya ki khushi hai na! duniya mein khushi nahin hai। kaala paisa hai lekin khushi nahin hai। khushi ke khajaane se sab gareeb hain, bhikhaari hain। aap khushi ke khajaane se bharpoor ho। yeh khushi kitna samay chalegi? saara kalpa chalti rahegi। aapke jad chitron se bhi khushi lenge। to check karo ki itni khushi jama hui hai? aise to nahin sirf ek do janma chalegi, phir khatma ho jaayegi! itna stock jama karo jo anek janma saath rahe। jiske paas jitna jama hota hai utna uske chehre par khushi aur nasha rehta hai। aap kaho, na kaho, lekin aapki soorat bolegi। kehte hain na - brahmaakumaariyaan sada khush rehti hain, pata nahin kya hua hai inko। duhkh mein bhi khush rehti hain। aap bolo, na bolo, aapki soorat, aapke karma bolte hain। brahmaakumaar-kumaariyon ki nishaani hi hai - khush rehna। duhkh ke din khatma ho gaye। itna khajaana mila, phir duhkh kahaan se aayega? achha!

vardaan:- sampoornata ki sthiti dvaara prakriti ko order karne vaale vishwa parivartak bhav

jab aap vishwa parivartak aatmaayen sangathit roop mein sampanna, sampoorn sthiti se vishwa parivartan ka sankalp karengi tab yeh prakriti sampoorn halchal ki dance shuru karegi। vaayu, dharti, samudra, jal…inki halchal hi saphaai karegi। parantu yeh prakriti aapka order tab maanegi jab pahle aapke svayan ke sahayogi karmendriyaan, man-buddhi-sanskaar aapka order maanenge। saath-saath itni powerful tapasya ki oonchi sthiti ho jo sabka ek saath sankalp ho “parivartan'' aur prakriti haajir ho jaae।

slogan:- apne shreshtha bhaagya dvaara sabka bhaagya banaate sada bhagwan ki smriti dilaate raho।