शुक्रवार 10 जून 2022 की दैनिक मुरली

10-06-2022 praatahmurli om shanti "baapdaada"' madhuban

“meethe bachche - sada isi nashe mein raho ki gyaan saagar baap ki gyaan varsha hamaare oopar ho rahi hai, jisse ham paavan ban apne bade ghar mein jaayenge''

prashn:- tum bachchon ka nishchay kis aadhaar se aur bhi pakka hota jaayega?

uttar:- duniya mein jitne hangaamen badhenge, tumhaare daivi jhaad ki vriddhi hogi, utna puraani duniya se dil hatti jaayegi aur tumhaara nishchay pakka hota jaayega। vihang maarga ki service hoti jaayegi, dhaarna par attention dete jaayenge to buddhi ka haunsala badhta jaayega। apaar khushi mein rahenge।

om shanti। bachchon ko roz yeh kahne ki darkaar nahin rehti hai ki shivbaaba ko yaad karo। bachche jaante hain ham shivbaaba ki santaan hain। kahne ki darkaar nahin rehti। shivbaaba hamko is dvaara padhaate hain, yeh hai gyaan saagar ke gyaan ki varsha। bachchon ki buddhi mein hai ki gyaan saagar ki ab hamaare oopar gyaan varsha ho rahi hai। jo aakar brahman bante hain un par hi main gyaan ki varsha karta hoon, bachchon ke sammukh hota hoon। abhi bachche sammukh baithe hain। baba ghadi-ghadi sammukh hone ka nasha chadhaate hain। maaya phir nasha utaar deti hai। kiska poora utaar deti, kiska kam। bachche jaante hain - ham aaye hain saagar ke paas refresh hone arthaat murli ki point dhaaran kar direction lene। ham unke saamne baithe hain। is gyaan saagar ki varsha ek hi baar hoti hai। baap aate hi hain patiton ko paavan banaane। mahima bhi aise gaate hain he patit-paavan… satayug mein to aise nahin pukaarenge। vahaan to gyaan saagar ki gyaan varsha se paavan bane hue hain, gyaan ke saath phir vairaagya bhi hai। kis cheez ka? puraani patit duniya ka buddhi se vairaagya aata hai। bachche buddhi se jaante hain ki abhi ham nai duniya mein jaate hain। puraani duniya ko chhodna hai - isko vairaagya akshar kah diya hai। jaise baba naya makaan banaate hain to puraane se buddhiyog hatkar naye se lag jaata hai। samajhte hain puraana khalaas ho to ham naye mein jaaven। bachche bhi andar mein kehte honge jaldi-jaldi svarga ki sthaapna ho jaaye, tab ham apne ghar jaayen, sukhi hoven। pahle-pahle ham saazan ke saath ghar jaayenge। yeh piyarghar hai, yeh chhota, woh bade baba ka ghar bada ghar hai। tum jaante ho woh to sabhi aatmaon ka ghar hai। yeh tum bachchon ki buddhi mein hai aur kiski buddhi mein nahin hai। aage to andhiyaara tha, ab sojhra hai। yeh bhi samajhte ho ki gyaan to sab nahin lenge। ghar to sab jaayenge zaroor। tum bachchon ki buddhi mein hai ki ab ham apne ghar ja rahe hain। shreemat par laayak ban rahe hain। svarga ke laayak banna hai। ek to mujhe yaad karo to vikarma vinaash ho jaaen, doosra chakra ko phiraao। srishti ka chakra kaise phirta hai, inki aayu kitni hai। kaun kab aate hain, yeh saara baap baith samjhaate hain। yeh jo kehte hain manushya 84 laakh janma lete hain to kya sabhi lete hain? abhi tum jaante ho 84 janma hote hain, unka bhi hisaab hai। sab to 84 janma bhi nahin lenge। shuru se lekar punarjanma mein aate rehte hain। pichhaadi mein kiske ek do janma bhi hote hain। pahle-pahle jo aayenge woh 84 janma lenge। jaise misaal yeh lakshmi-naaraayan hain, manushya bhal inhon ke mandiron mein jaate hain parantu kuchh bhi pata nahin hai। bas kahenge bhagwan bhagavti ka darshan karne jaate hain। parantu inhon ki yeh raajdhaani kaise sthaapan hui, yeh kuchh bhi nahin jaante। jiski pooja karte unke occupation ko hi nahin jaante to woh pooja kya kaam ki! isliye inko kaha jaata hai andhashraddha। jap tap teertha aadi karte hain, samajhte hain inse bhagwan ko paane ka raasta milta hai। parantu inse koi ko bhagwan mil nahin sakta। samjho yahaan bhi koi-koi aate hain, jagat amba ke mandiron mein aate hain darshan karne। baba samjhenge inki buddhi mein kuchh baitha nahin hai। tumhaari to sab manokaamnaayen poori ho rahi hain na। jagat amba ka part accurate chal raha hai। barobar jagat amba ka part ooncha hai। pahle lakshmi peechhe naaraayan। tumhaara yeh antim janma hai। hisaab-kitaab yahaan se chuktu hota hai। karma ka bhog bhogkar chhootna hai aur baap ki yaad mein rehna hai। vaastav mein bachchon ko yaad karna ek baap ko hi hai। dehdhaari ko yaad kiya to woh time vesta ho jaayega। aisa to ho nahin sakta ki koi nirantar yaad kare। aisi koi cheez nahin jise nirantar yaad kiya jaae। stri pati ko bhi nirantar yaad kar na sake। zaroor khaana banaayegi, bachchon ki sambhaal karegi to pati thode hi yaad aayega। yahaan to tumko nirantar yaad karne ka abhyaas karna hai। taaki pichhaadi mein aisi avastha ho ki ek ki hi yaad rahe, bada bhaari imtahaan hai। 8 ratnon ki bhi badi mahima hai। kisko grihchaari baithti hai to 8 ratnon ki angoothi pahante hain। pichhaadi ke samay ek baap ki hi yaad rahe, woh bhi buddhi ki line ekdam clear ho aur kiski bhi yaad na aaye - tab maala ka daana ban sakenge। 9 ratnon ki mahima bahut bhaari hai। to ab nirantar yaad karne ka abhyaas karna hai। abhi to do teen ghanta koi mushkil yaad karte hain। jitna duniya mein hangaamen badhte jaayenge utna tumko nishchay hota jaayega, puraani duniya se dil tootta jaayega। marenge to bahut, buddhi bhi kehti hai maaya bahut puraana dushman hai। aisi koi jagah nahin jahaan dushman na hon।

tum bachche abhi malechchha se svachchha ban rahe ho। tumko gyaan hai - malechchha ke haath ka ham kha nahin sakte। gaaya hua bhi hai jaisa anna vaisa man। jo kharaab cheez khareed karta hai, jo banaata hai, jo khaata hai - un sabke oopar paap pad jaata hai। baap to sab baaten achhi reeti samjhaate hain। tum bachche yahaan se refresh hokar jaate ho। saara din buddhi mein srishti chakra phirta rahe aur apna ghar yaad rahe। yahaan se tum apne laukik ghar mein jaate ho to avastha mein pharka pad jaata hai kyonki sang aisa ho jaata hai। yahaan baithe bhi koi-koi ka buddhiyog baahar chala jaata hai, isliye poori dhaarna nahin kar sakte hain। tum aatmaon ko behad ka baap baith samjhaate hain। tum aatma ho, tum is shareer dvaara kaarya kar rahe ho। tum jaante ho ham baba se shreemat le apna raajya bhaagya le rahe hain। kitni khushi honi chaahiye। gaayan bhi hai ateendriy sukh gopi vallabh ke bachchon se poochho। jitna jaasti avastha banegi aur vriddhi ko paayenge to khushi ka paara bhi chadhta rahega aur nishchay bhi pakka hota jaayega। dhaarna par attention dete jaayenge to tumhaari buddhi ka haunsala badhta jaayega। aage chalkar tumhaari vihang maarga ki service hoti jaayegi। yukti nikaalni hoti hai, jisse koi ko achhi reeti teer lage। mukhya to hai hi baap ka parichay dena। behad ke baap se behad ka varsa milta hai। gyaan-saagar bhi woh hai। gyaan se hi manushya paavan hote hain। patit-paavan vahi baap hai। tum ek hi point uthaao ki sarvavyaapi ki baat se bhakti bhi chal na sake। yeh baat achhi reeti samjhaani hai। vo log kehte hain ki inhon ke gyaan se vinaash hoga। tum bhi kehte ho is roodra gyaan yagya se vinaash jvaala nikli hai। woh bhi sach kehte hain। koi baat nahin maanenge to vinaash hi hoga aur kya! yeh to kalpa pahle bhi vinaash hua tha। bhagvaanuvaach roodra gyaan yagya mein yeh sab svaaha honge। vo log samajhte hain inhon ka gyaan aisa hai, isliye saamna karte hain। samajhte hain ki bahut bhakti karne se bhagwan milta hai। ham bhi kehte hain jinhonne bhakti bahut ki hai, unko hi bhagwan mila hai। parantu in baaton ko samajhne mein manushyon ko bahut mehnat lagti hai। kalpa pahle bhi tum bachchon ne baap ki madad se narka ko svarga banaaya tha। to zaroor narka ka vinaash bhi hua hoga। jab narka ka vinaash ho tab svarga ki sthaapna ho। yeh bhi tum samjha sakte ho bhaarat barobar paavan tha। yeh to koi bhi dharma vaala kahega - barobar svarga tha। praacheen maana sabse puraana। so to svarga hi hoga na, jo puraana ho gaya hai woh phir naya hona hai। yeh tum bachchon ki buddhi mein hai। barobar in devi-devtaaon ka raajya tha, ab nahin hai। phir se aadi sanaatan devi-devta dharma ki sthaapna kara rahe hain। kiski madad se? jo sarva ka niraakaar baapu ji hai। sarva aatmaon ka baap। in baaton ko tum jaante ho। tum kitne saadhaaran ho। baap kehte hain main bhi gareeb nivaaz hoon, tum gareeb ho na। tumhaare paas kya hai। tumne sab kuchh bhaarat ke oopar svaaha kiya hai, tumhaari kitni badi raavan se ladaai hai। shakti sena hai na। vande maatram gaaya jaata hai। apvitra, pavitra ki vandana karte hain। kaun si maata? woh dharti maata samajh lete hain। parantu yeh to dharti par rahne vaalon ki baat hai। jagat amba hai to bachche bhi hain। yeh dilvaala mandir yaadgaar bana hua hai। kumaariyaan, adhar kumaariyaan bhi hain। inko maata bhi kah dete hain। tum kehte ho baba ham to bi.ke. hain। hamko maata na kah beti kaho, ham kumaari hain। kitni guhya samajh ki baat hai। parantu utha nahin sakte hain। puraana janma-janmaantar ka bhaan baitha hua hai, woh tootta hi nahin hai। tumhaari buddhi mein hai ki baba hamaare saamne baithe hain। aatmaon se baat kar rahe hain। baap ki is shareer mein praveshta hai। baba aakar alaukik divya kartavya karte hain। patit ko paavan banaane ke liye padhaate hain। poori yaad rahni chaahiye। hamko patit-paavan shivbaaba padhaate hain। patit-paavan sabse ooncha hua, phir baap teacher bhi hai। pahle-pahle akshar hi aana chaahiye patit-paavan। unko yaad karte hain O god father aao। aakar phir se humein raajayog sikhlaao। baap bhi kehte hain phir se tum bachchon ko sahaj gyaan, yog sikhla raha hoon, ismen pustak aadi ki koi baat nahin। yeh to unhonne naam rakh diya hai। ab to baap tumko laayak banne ki shiksha de rahe hain। nitya nai point milti hain। aur geetaayen, granth aadi jo banaate hain unmein koi addition va kat-koot nahin karte hain, vahi sunaate hain। yahaan addition kiya jaata hai, katkut bhi kiya jaata hai। roz nai-nai points milti hain। knowledge badi wonderful hai jo aur koi shaastron mein nahin hai। kaam mahaashatru hai, bhagvaanuvaach deh sahit sabko bhool jaao, ek ko yaad karo। main tum sab aatmaon ko vaapis le jaaoonga। main akaal moorta, kaalon ka kaal hoon। main sab bachchon ko lene aaya hoon, to tumko khushi honi chaahiye na।

tum jaante ho abhi ham ghar jaate hain। jaldi hoshiyaar ho jaayen, baba se varsa to le leven। tab tak ladaai na lage। baba kahenge main thode hi kuchh kar sakta hoon। pahle rehearsal hogi। abhi to raajaayen aadi bhi nahin aaye hain, raajasthaan par bhi samjha sakte ho। bolo tumko pata hai ki raajasthaan naam kyon pada hai? bhaarat mein lakshmi-naaraayan ka raajya tha na। phir se woh raajasthaan hona chaahiye, so ab phir se sthaapan ho raha hai। ham jaante hain parantu buddhi mein jab baithe tab khushi ka paara chadhe। bhakti maarga mein in devtaaon ke mandir banaate hain। bhaarat mein kitna dhan tha। ham phir se inko daivi raajasthaan banaate hain। in baaton ko aakar samjho। samjhaane ka bhi umang hona chaahiye। yeh bhi seminar hai na। kaise service karni chaahiye। baba ne samjhaaya hai kumaariyaan, maataayen, gop sab ikatthe sunte hain। oonch te oonch ek bhagwan hai, krishna nahin। to raajasthaan par tum samjha sakte ho। barobar raajasthaan tha jinhon ke mandir bane hue hain phir se ham bana rahe hain। baap hamko raajayog sikha rahe hain। tum bhi try karo - aadhaakalpa ke liye। phir kabhi rona nahin padega। ham raam ki shreemat se raavan par jeet pa rahe hain। akshar sunenge to andar janchega। jinko teer lagega woh samajhne ke liye aa jaayenge। yeh behad ka seminar roz baba karte hain। yeh hai aatmaon ka paramatma ke saath seminar। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) karmabhog se chhootne ke liye ek baap ki yaad mein rehna hai। dehdhaari ki yaad se time vesta nahin karna hai। buddhi ki line bahut clear rakhni hai।

2) bhojan bahut shuddh khaana hai। jaisa anna vaisa man isliye kisi bhi malechchha ke haath ka bhojan nahin khaana hai। buddhi ko svachchha banaana hai।

vardaan:- roohaani sampethi dvaara sarva ko santushta karne vaale sada sampattivaan bhav

aaj ke vishwa mein sampatti vaale to bahut hain lekin sabse bade se badi aavashyak sampatti hai sampethi। chaahe gareeb ho, chaahe dhanvaan ho lekin aaj simpethi nahin hai। aapke paas simpethi ki sampatti hai isliye kisi ko aur bhale kuchh bhi nahin do lekin simpethi se sabko santushta kar sakte ho। aapki simpethi eeshvareey parivaar ke naate se hai, is roohaani simpethi se tan man aur dhan ki poorti kar sakte ho।

slogan:- har kaarya mein saahas ko saathi bana lo to saphalta avashya milegi।