मंगलवार 28 जून 2022 की दैनिक मुरली

28-06-2022 praatahmurli om shanti "baapdaada"' madhuban

“meethe bachche - tum brahma mukh vanshaavli braahmanon ko behad ke baap se 21 janmon ka poora varsa lene ke liye shreemat par zaroor chalna hai''

prashn:- tum bachche kaun si taiyaari kar rahe ho? tumhaara plan kya hai?

uttar:- tum amarlok mein jaane ke liye taiyaari kar rahe ho। tumhaara plan hai bhaarat ko svarga banaane ka। tum apne hi tan-man-dhan se is bhaarat ko svarga banaane ki seva mein lage ho। tum baap ke saath poore madadgaar ho। ahinsa ke bal se tumhaari nai raajdhaani sthaapan ho rahi hai। manushya to vinaash ke liye plan banaate rehte hain।

geet:- maata O maata…

om shanti। yeh mahima kiski suni? do maataaon ki। ek to baap ki mahima hoti hai tum maat-pita... niraakaar ki bhi aisi mahima hoti hai, tum maat pita... kyonki pita hai to maata bhi zaroor hogi। tum jaante ho parampita paramatma ko jab srishti rachni hoti hai to maata zaroor chaahiye। baap ko to aana hi hai koi saadhaaran tan mein। shiv jayanti va shivraatri gaai jaati hai। zaroor parampita paramatma avtaar lete hain। kislie? nai rachna rachne ke liye, puraani rachna ka vinaash karne ke liye। brahma dvaara hi rachna rachni hai। laukik baap bhi had ka brahma hai। woh apni stri dvaara had ki rachna rachte hain। to unko bachche hi maat-pita kahenge। sabhi to nahin kahenge - tum maat-pita ham baalak tere, kyonki yeh to bahut bachchon ka question hai। prajaapita brahma ko hain dher bachche। to zaroor brahma mukh kamal se brahman kul athva brahman varna behad ke baap ne racha hoga। unki hui mukh ki paidaais। us maa baap ki hoti hai kukh ki paidaais। woh yeh mahima kar nahin sakenge। yeh mahima hai hi behad ke maa baap ki। tum maat pita... aapne aakar hamko apna banaaya hai। bas, aapse hamko svarga ke 21 janma sukh ghanere milte hain। to brahma mukh dvaara tum shivbaaba ke potre potriyaan ho gaye। brahma ki mukh vanshaavli jagat amba sarasvati banti hai। bhaarat mein gaate hain tum maat-pita... to zaroor jagat amba, jagatpita chaahiye। unke mukh dvaara hi tum dharma ke bachche bane ho। varsa tumko shivbaaba se milta hai, is brahma se nahin। jismen pravesh hua, jisko maa kaha jaata hai। maa se varsa nahin milta hai। varsa hamesha baap se milta hai। tumko bhi varsa behad ke baap se mil raha hai। bhakti maarga mein jo gaayan hota aaya hai to zaroor phir unko aana hi pade। bachche bahut duhkhi hain। duhkhadhaam ke baad sukhdhaam aana hai। satayug mein hai satopradhaan sukh phir treta mein kuchh kam। do kala kam kahenge। dvaapar kaliyug mein usse kam hota jaata hai। ab is chakra ko to phirna hi hai। bachche jaante hain behad ka baap hi svarga ki rachna rachte hain। unko zaroor pahle sookshm vatan rachna pade kyonki brahma to zaroor chaahiye। brahma ko bhi shivbaaba adopt karte hain। kehte hain tum mere ho। yeh bhi kehta hai baba main aapka hoon, to brahma valda shiv ho gaya। shivbaaba ke teen bachche, teenon ki biography batlaate hain। yeh vyakta brahma phir avyakt banta hai। tum bhi vyakta brahma ki aulaad phir avyakt aulaad bante ho। yeh badi guhya baaten hain। parampita paramatma vishwa ka rachayita hai। pahle-pahle rachta hai svarga। baap se varsa to svarga ka milna chaahiye na। abhi ham narka mein hain। varsa to zaroor tab diya hoga - jab hamko racha hoga। baap kehte hain - abhi ham rach raha hoon। 5 hajaar varsha pahle bhi mainne aise hi aakar brahma dvaara brahman kul ko racha tha। yeh jo roodra gyaan yagya hai, unki brahman hi sambhaal kar sakte hain। to yeh hue brahma mukh vanshaavli brahman। un braahmanon ko kahenge kukh vanshaavli brahman। aise nahin kahenge ki brahma ke mukh vanshaavli brahman। to ab tum bachche ho brahma ke mukh vanshaavli। pahle zaroor brahman chaahiye। brahman kahaan se convert kiye? shoodra varna yahaan par hai। tum bachchon ko ab brahman varna mein laaya। pair se phir choti brahman, brahman se devta banna hai। yeh varna aadi sanaatan devi-devta dharma vaalon ke liye hi hain, aur dharma vaalon ke liye varna nahin hain। 21 janma tum devta varna mein rehte ho। brahman varna ka yeh ek janma ya dedh bhi ho sakta hai kyonki jo bachche sanskaar le shareer chhod chale jaate hain phir aakar gyaan le sakte hain। to baap samjhaate hain bachche agar svarga ka maalik banna hai to pavitra zaroor banna hai। 63 janma tumne gote khaaye hain, ab tum maha duhkh mein ho। saare bhaarat ka question hai na। aise nahin ki ab saara bhaarat sukhi hai। haan, bhaarat mein dhanvaan bahut hain। dekho ek aaya tha, bhal karodapti tha parantu taang baanh nahin chalti thi, to duhkh hua na। duniya mein ek bhi duhkh vaala hai to zaroor duhkhadhaam kahenge। satayug mein ek bhi duhkhi nahin hota। bhaarat sukhdhaam tha। kisne svarga ko racha? baap ne। ham bachche hakdaar hain। 5 hajaar varsha pahle bhi ham svarga mein zaroor the। kehte hain Christ se 3 hajaar varsha pahle geeta sunaane aaye। to 5 hajaar varsha ka time hua na। 2 hajaar varsha Christ ke aur 3 hajaar varsha unke aage। to ab geeta sunaane aaya hai na। barobar devta dharma bhi praayahlop hai।

tum bachche ho paandav, jinhon ka sahaayak hai geeta ka bhagwan। woh hai niraakaar। shaastron mein bhi hai roodra gyaan yagya, vaastav mein hai shivraatri, shiv jayanti। roodra jayanti va roodra raatri nahin kehte। shiv raatri kyon kehte hain? abhi behad ki raatri, ghor andhiyaara hai na। baap kehte hain main aata hoon behad ki raat ke samay। ab din hone vaala hai। mera janma praakritik manushyon sadrishya nahin hota hai। krishna ne to maa ke garbha mahal se janma liya। ab tum bachche jaante ho us maat-pita se svarga ke sukh ghanere mil rahe hain। duniya to jaanti nahin ki svarga aur narka kis chidiya ka naam hai। ab tum yahaan padhne aaye ho, shreemat par chalte ho। shreemat par chalne se tum svarga ke shri lakshmi-naaraayan bante ho। satayug ke maalik hain to zaroor kaliyug ke ant mein unka 84 vaan antim janma hoga, tab raajayog seekhe honge। sirf ek to nahin, saara sooryavanshi gharaana raajayog seekhta hai। jo aakar behad ke baap se sooryavanshi, chandravanshi raajya ka varsa le rahe hain। baap kehte hain ab tum mujhse pavitra rahne ki pratigya karo kyonki main pavitra duniya ki sthaapna karta hoon। 63 janma tum patit bante aaye, isliye duhkhi hue ho। svarga mein to bahut sukhi the। yeh bhaarat jo kaudi misal hai phir heere misal banega। yeh ek hi baap hai jo kehte hain main tumko phir se raajayog sikhlaane aaya hoon। behad ka baap kehte hain tum yeh antim janma pavitra bano। is maa baap se tumko amrit peena hai, vish peena chhodna hai। kaam chita se utar gyaan chita par baitho। shreemat tumko milti hai। jinko varsa lene ka nishchay nahin hai woh kehte baba vish chhodna to badi museebat hai। are tumko 21 janma sukh ki praapti hoti hai, uske liye tum yeh nahin chhod sakte ho। bhakti, jap, tap aadi karne se had ka sukh milta hai। behad ka sukh behad ke baap se milta hai। baap kehte hain main saadhuon ka bhi uddhaar karta hoon kyonki shivbaaba ko na jaanne ke kaaran sadgati ko koi bhi nahin paate hain, vaapis ghar mein bhi koi ja nahin sakte। agar baap ke ghar ka raasta jaante to vahaan aaven jaaven na। sabhi ko punarjanma lena hi hai। sato, rajo, tamo mein aana hi hai। abhi to hai jhoothi maaya, jhoothi kaaya। jisne dharma sthaapan kiya uske naam par hi shaastra nikalte hain, jisko dharma shaastra kehte hain। Christ ne aakar kya kiya? khud aaya unke pichhaadi unke gharaane ki aatmaon ko aana hai। vriddhi honi hai। ab dekho Christian banaate jaate hain। bahut karke hindu dharma vaalon ko convert karte jaate hain। unhon ko apne dharma ka pata hi nahin hai। abhi tum jaante ho ham devta varna mein jaayenge। krishna ki aatma bhi ab padh rahi hai। parantu sangam hone ke kaaran mix kar diya hai। yeh chitra aadi jo bhi hain sabhi hain bhaktimaarga ki saamagri। gyaan saagar to parampita paramatma hai, un dvaara sabki sadgati honi hai। satayug mein to thode honge। baaki sab hisaab-kitaab chuktu kar muktidhaam mein chale jaayenge। unko shanti tumko sukh milega। abhi tum padhte ho sukh ghanere lene ke liye। jinka part hai vahi kalpa-kalpa purooshaartha karte hain। jo brahman banenge, vahi svarga ke maalik banenge - parantu nambarvaar purooshaartha anusaar। ab devi-devta dharma ka kalam lag raha hai। jo kalpa pahle aaye honge, vahi aayenge। drama tumse purooshaartha bhi zaroor karaayega। is samay sab pattharbuddhi hain। paarasbuddhi hote hain satayug mein। vahaan yatha raaja raani tatha praja paaras buddhi hain।

ab tum paandav sena ho। tum baap ki madad se svarga ka foundation laga rahe ho। tum svarga ka plan bana rahe ho। amarlok jaane ki taiyaari kar rahe ho। baaki jo sab plan bana rahe hain woh apne hi vinaash ke liye। tum ho ahinsak। woh sab hain hinsak। hinsak aapas mein hi ladkar khatma hote hain, phir jayjaykaar ho jaayega। tum bachche jaante ho drama anusaar jo kalpa pahle aaye the, vahi vriddhi ko paate rehte hain। koi to baap ke bankar phir phaarakti de dete hain। baap kehte hain agar tum shreemat par chalenge to sooryavanshi mahaaraaja mahaaraani banenge। yahaan to mehnat ki baat hai। bhal woh bahut dhang se shaastron ki kathaayen sunaate hain। so to sunte aaye। sunte-sunte narkavaasi hote gaye, kalaayen kamti hoti gai। bhal kehte hain pati hi eeshvar hai, phir bhi guru karte hain। kala kamti hoti hai na। srishti ko tamopradhaan banna hi hai। baap aatmaon se baat karte hain। baap kehte hain meethe bachche ab tumhaare 84 janma poore hue। ab dehi-abhimaani bhav। maamekam yaad karo। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sachche-sachche brahman ban is roodra gyaan yagya ki sambhaal bhi karni hai aur saath-saath jaise vyakta brahma avyakt banta hai, aise avyakt banne ka purooshaartha karna hai।

2) 21 janmon tak sukhi banne ke liye is ek janma mein baap se paavan rahne ki pratigya karni hai। kaam chita ko chhod gyaan chita par baithna hai। shreemat par zaroor chalna hai।

vardaan:- satguru dvaara praapta hue mahaamantra ki chaabi se sarva praapti sampanna bhav

satguru dvaara janmate hi pahla-pahla mahaamantra mila - “pavitra bano-yogi bano''। yeh mahaamantra hi sarva praaptiyon ki chaabi hai। agar pavitrata nahin, yogi jeevan nahin to adhikaari hote hue bhi adhikaar ki anubhooti nahin kar sakte, isliye yeh mahaamantra sarva khajaanon ke anubhooti ki chaabi hai। aisi chaabi ka mahaamantra satguru dvaara jo shreshtha bhaagya mein mila hai use smriti mein rakh sarva praaptiyon se sampanna bano।

slogan:- sangathan mein hi svayan ki safety hai, sangathan ke mahatva ko jaankar mahaan bano।

maateshvari ji ke anmol mahaavaakya

manushya prashn poochhte hain ki srishti ki aadi kaise hui? vo to itna hi jaante hain ki srishti ki aadi hamaare dharma se hi hui hai। ibraaham vaale, islaam vaale kahenge hamaare dharma se srishti shuru hui। Christian phir apne samay par aadi samajhte hain। bauddhi phir apne dharma se aadi samajhte hain aur muslim kahenge hamaare dharma se aadi hui hai aur bhaaratvaasi phir apne dharma se aadi samajhte hain। phir dikhlaate hain srishti ke aadi mein aadmi kaise banaaye hain? shuru mein pahle-pahle haddiyon se aadmi banaaya gaya, phir aise dikhlaate hain ki pahle hava thi phir unse shvaans banaaya gaya, phir lans banaai phir manushya bana। aise hi pahla aadmi bana, baad mein saari srishti paida hui। ab yeh hain manushyon ki suni sunaai baaten parantu apne ko to svayan paramatma bata rahe hain ki asul mein srishti kaise paida hui? vaastav mein paramatma to anaadi hai to yeh srishti bhi anaadi hai, us anaadi srishti ki aadi bhi paramatma dvaara hi hui। dekho, geeta mein hai bhagvaanuvaach jab main aata hoon to aasuri duniya ka vinaash kar daivi duniya ki sthaapna karta hoon arthaat kaliyugi tamoguni apvitra aatmaon ko pavitra banaata hoon। to pahle-pahle paramatma ne srishti ke aadi mein brahma, vishnu, shankar teen roop rache phir brahma aur sarasvati dvaara daivi duniya ki sthaapna ki। to goya srishti ki aadi brahma se shuru hui jis brahma ko Christian Adam aur sarasvati ko iv kehte hain। aur muslim mein phir daada Adam beebi kehte hain। ab vaastav mein yathaartha baat yeh hai। parantu is raaz ko na jaanne ke kaaran ek hi brahma ko alag-alag naam de diye hain। jaise paramatma ko koi god kehte hain, koi allaah kehte hain parantu paramatma to ek thahra, yeh sirf bhaasha ka pharka hai। achha - om shanti।