बुधवार 19 अक्टूबर 2022 की दैनिक मुरली

19-10-2022 praatahmurli om shanti "baapdaada"' madhuban

“meethe bachche - baap aaye hain tumhein sab ghutkon se chhudaane, tum abhi is shok vaatika se ashok vaatika mein chalte ho, is vishay vaitarni nadi se paar jaate ho''

prashn:- yaad mein baithte samay kis baat ka vighna nahin padta aur kis baat ka vighna padta hai?

uttar:- yaad mein baithne ke samay kisi bhi aavaaj ka ya shorgul ka vighna nahin padta woh gyaan mein padta hai lekin yaad mein maaya ka vighna zaroor padta hai। maaya yaad ke samay hi vighna daalti hai। anek prakaar ke sankalp-vikalpa le aati hai isliye baba kehte hain bachche saavdhaan raho। maaya ka ghoonsa mat khaao। shivbaaba jo tumhein apaar sukh deta hai, sarva sambandhon ki saccharin hai - use bahut-bahut pyaar se yaad karo। yaad mein teekhi daudi lagaao।

geet:- raat ke raahi…

om shanti। meethe-meethe bachche jo yaatra par hain। vaise jo baithe hain unko yaatra par thode hi kaha jaata। yeh yaatra kaisi wonderful hai। shanti ki yaatra, shantidham mein jaane ki yaatra। raavan ke raajya mein ghutka khaakar marna hota hai। ek satyavaan saavitri ki kahaani hai na ki kaal se bhi saavitri, satyavaan ki aatma ko vaapis le aai। vaastav mein aisi koi baat hai nahin। baaki aadhaakalpa kaal khaata hai। ant mein ghutka aata hai na। raavan jisko varsha-varsha jalaate rehte hain, woh hamaara dushman hai, yeh nahin jaante। baba kehte hain main aaya hoon tumko shok vaatika se nikaal ashok vaatika mein le jaane, jahaan ghutka khaana nahin hota। yahaan to anek prakaar ke ghutke hain। maa baap pati bachchon ke ghutke khaate rehte hain। pati vikaar mein phansaate hain। baap aakar in sab ghutkon se chhudaate hain aur nai duniya mein le jaate hain। abhi aatma ke pankh toot gaye hain। aatma ud nahin sakti। phir yaad ki yaatra nahin kar sakte hain। barobar yeh buddhiyog ki yaatra hai, likha hai na - manamnaabhav। iska arth koi yaatra thode hi samajhte hain। kehte hain raam ne bandaron ki sena li aur bandaron ne pul banaai। bandar pul kaise banaayenge। yeh tumhaari yaad ke yaatra ki pul ban rahi hai, jis pul se tum vishay vaitarni nadi paar ho jaate ho। baap is nadi mein tairna sikhlaate hain। khivaiya hai na। vishay vaitarni nadi se paar karaae shivaalay mein le jaate hain। kehte hain amrit chhod vish kaahe ko khaae। to gyaan ko amrit kaha jaata hai। gyaan se sadgati hoti hai। shaastron ko gyaan nahin kahenge। woh hai bhakti ki saamagri। shaastra padhne se satayug aa nahin sakta, sadgati ho nahin sakti isliye unko gyaan amrit nahin kahenge, woh hai bhakti। gyaan mein pahle 100 pratishat sadgati phir dheere-dheere neeche utarte hain। yeh nahin kahenge ki satayug mein bhi durgati hoti hai, vahaan durgati ka naam nahin hota। kaliyug mein sabki durgati hoti hai।

tum jaante ho sarva par daya karne vaala baap ek hi hai jisko shri-shri kaha jaata hai। phir shri shri ka title sab par rakh dete hain। shri kaha jaata hai devtaaon ko। shri lakshmi-naaraayan, shri raam-seeta, to aisa shri banaane vaale ko shri shri kaha jaata hai। tum baap ke saamne pratigya karte ho ki ham kabhi vikaar mein nahin jaayenge। agar pratigya kar phir bhool ki to baap ka right hand dharmaraaj bhi baitha hai। dharmaraaj maaph nahin karega। baap bhi gupta, gyaan bhi gupta, martaba bhi gupta। yeh sirf tum bachche hi jaante ho ki hamko shreemat dene vaala koi manushya ho nahin sakta। prajaapita brahma dvaara baap rachna rachte hain। prajaapita sookshm vatan mein to hota nahin। zaroor yahaan hi hoga। tum bachche samajh gaye ho ki brahma is samay brahman hai। inko bhavishya mein baadshaahi milti hai। devtaayen patit duniya mein to raajaai kar na saken। to puraani duniya ka vinaash chaahiye, vinaash hona bhi hai zaroor। abhi thodi deri hai। tumhaara abhi naye jhaad ka sapling hi poora nahin laga hai। aage gaate the - tvamev maataashcha pita... sabke aage yeh mahima gaate rehte hain। samajhte kuchh bhi nahin। achha vichaar karo brahma maata kaise ho sakte? lakshmi-naaraayan ki bhi apni raajaai chalti hai। to unko maat pita kah na saken। to is samay parampita paramatma practical mein maat-pita ka part baja rahe hain। phir bhakti maarga mein mahima gaai jaati hai। usmein bhi pahle-pahle shivbaaba ko tvamev maataashcha pita kehte hain। peechhe lakshmi-naaraayan, seeta-raam sabko kehte rehte। akla to kuchh hai nahin। shivbaaba hai peen। yeh manushya-maatra sab aasuri mat par duhkh hi dete hain aur main sabke evaj mein sabse jaasti sukh deta hoon। main daata hoon। main tum bachchon ko shreemat deta hoon ki bachche tum jitna yaad ki yaatra par rahenge, svadarshan chakra phiraayenge, kamal phool samaan banenge utna oonch pad paayenge। in alankaaron ka arth koi samjha na sake। alankaar tum hi dhaaran karte ho। nishaani vishnu ko de di hai। teesra netra bhi devtaaon ko de diya hai। vaastav mein teesra netra bhi tumko milta hai। trinetri, trikaaldarshi.... akshar hai na। iska arth bhi is samay tum aatma ki buddhi mein hai। aatma ki buddhi mein hi sab kuchh rehta hai। meri aankh, naak, kaan bhi shareer nahin kehta hai। aatma kehti hai yeh mera shareer roopi mahal hai। aatma ko maaloom pada hai ki mujh aatma mein 84 janmon ka part noondha hua hai। kitni gupta baaten hain। aatma ko rocket bhi kehte hain, jis aatma ko shareer chhod london mein jaana hoga to second mein chali jaayegi। unhonne kitna teekha rocket banaaya hai, jo subah chale to shaam ko pahunch jaaye। aage steamer mein 3-4 maas lag jaate the। abhi bhi steamer mein ek maas lag jaata hai। aeroplane mein ek din। parantu aatma bahut teekha rocket hai, jo ek second mein pahunch jaati hai, jo koi bhi dekh na sake। tum aatma ka all-round part hai। achha paramatma ka part kya hai? dvaapar se mera saakshaatkaar karaane ka part hai, jo-jo jis bhaavna se mujhe yaad karta hai, unki manokaamna poorn karta hoon। abhi mera gyaan dene ka part hai, patiton ko paavan banaane ka part hai। tumko master knowledgeful god ke bachche master god banaata hoon। jinhonne kalpa pahle purushaartha kiya tha, wahin karenge। bachche kehte hain kalpa pahle aaye the, ab phir se varsa le rahe hain। kiske paas? maat-pita ke paas। sarasvati sabki maata hai। unki maata yeh brahma। inki maata to koi hai nahin। shivbaaba khud kehte hain tum meri vanni (patni) ho to phir main kehta hoon pati bigar khaana main kaise khaaoonga। to achha shivbaaba aur ham donon ikatthe khaate hain। nasha to rehta hai na। tum bhi khud kehte ho ki baba dalaal ban aaya hai, apne saath sagaai karaane। tum shreemat par paramatma ke saath sabki sagaai karaate ho। panditon ne jo vikaar ka hathiyaala baandha hai woh baap cancel karaate hain। baap kehte hain tum gyaan chita par baitho to gore banenge। kaam chita par baith tum kaala munh kyon karte ho! shyaam-sundar ka arth tum jaante ho। shreekrishna hai sundar, abhi to woh bhi shyaam hai। ab baap ne aakar apna parichay diya hai।

tum ho patit-paavan god father ke student। to yeh paathshaala hai। paathshaala mein padhaai hoti hai। mehnat karni padti hai aur un satsangon mein mehnat nahin hai। vahaan to geeta suni, granth suna aur ghar gaya। vahaan koi thode hi kehta hai ki pavitra bano, yaatra karo। aage chal yeh sab jismaani yaatraayen aadi banda ho jaayengi। barpha padi va accident hua to koi jaayenge nahin kyonki tumhaari yaatra jor hoti jaayegi। hamaari yaatra hai shivaalay taraph। pahle shiv ki puri shivaalay mein jaayenge। phir shiv ki sthaapan ki hui puri shivaalay (svarga) mein jaayenge। shivpuri aur vishnupuri donon ko shivaalay kahenge kyonki mukti-jeevanmukti donon shivbaaba hi dete hain। to satayugi daivi gharaana shivbaaba sthaapan karte hain।

achha - yaad mein aavaaj ka vighna pad nahin sakta। gyaan sunne mein shor ka vighna padega। manushya to kehte hain shanti karo, nahin to yaad mein vighna padega। parantu yog mein aavaaj vighna nahin daalta। vighna daalti hai maaya। bachchon ke saath maaya ki yuddha hai। bachchon ko yuddha ke maidaan mein haar nahin khaani chaahiye। maaya to ghoonsa lagaati rehti hai। maaya ne naak par ghoonsa lagaaya to yeh gira। phir khade hue phir naak par lagaaya to yeh gire। to baap kehte hain yeh maaya kaam krodh ke ghoonse maarti hai, isse tumhein bahut-bahut saavdhaan rehna hai। ghoonse nahin khaane hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan ke sab alankaaron ko dhaaran kar svadarshan chakradhaari, trinetri, trikaaldarshi arthaat master god banna hai।

2) baap ke right hand dharmaraaz ko smriti mein rakh koi bhi vikarma nahin karne hain। paavan banne ki pratigya karke vikaar mein nahin jaana hai।

vardaan:- dridh pratigya dvaara albelepan ke loose screw ko tight karne vaale teevra purooshaarthi bhav

pratigya mein loose hone ka mool kaaran hai - albelaapan। jaise kitni bhi badi machinery ho lekin ek chhota sa screw loose ho jaata hai to saari masheen ko bekaar kar deta hai, vaise pratigya ko poora karne ke liye plan bahut achhe banaate ho, purooshaartha bhi karte ho lekin purooshaartha va plan ko kamjor karne ka screw ek hi hai - albelaapan। woh naye-naye roop mein aata hai। isi loose screw ko tight karo। mujhe baap samaan banna hi hai - isi dridh sankalp se teevra purooshaarthi ban jaayenge।

slogan:- behad ki vairaagya vritti hi samay ki sameepta ka foundation hai।

maateshvari ji ke anmol mahaavaakya

abhi to yeh saari duniya jaanti hai ki paramatma ek hai, us hi paramatma ko koi shakti maante hain, koi kudrat kehte hain matlab to koi na koi roop mein zaroor maante hain। to jis vastu ko maante hain avashya woh koi vastu hogi tab to unke oopar naam pade hain parantu us ek vastu ke baare mein is duniya mein jitne bhi manushya hain utni maten hain, parantu cheez phir bhi ek hi hai। usmein mukhya chaar maten sunaate hain - koi kehta hai eeshvar sarvatra hai, koi kehta hai brahm hi sarvatra hai, kehte hain sarvatra brahm hi brahm hai। koi kehta eeshvar satyam maaya mithyam, koi kehta eeshvar hai hi nahin, kudrat hi kudrat hai। vo phir eeshvar ko nahin maante। ab yeh hain itni maten। vo to samajhte hain jagat prakriti hai, baaki kuchh hai nahin। ab dekho jagat ko maante hain parantu jis paramatma ne jagat racha us jagat ke maalik ko nahin maante! duniya mein jitne anek manushya hain, unhon ki itni maten, aakhreen bhi in sabhi maton ka phainsala svayan paramatma aakar karta hai। is saare jagat ka nirnay paramatma aakar karta hai athva jo sarvottam shaktivaan hoga, vahi apni rachna ka nirnay vistaarpoorvak samjhaayega, vahi humein rachta ka bhi parichay dete hain aur phir apni rachna ka bhi parichay dete hain।

kai manushya aise prashn poochhte hain, hamko kya saabti hai ki ham aatma hain! ab is par samjhaaya jaata hai, jab ham kehte hain aham aatma us paramatma ki santaan hain, ab yeh hai apne aapse poochhne ki baat। ham jo saara din main main kehta rehta hoon, vo kaunsi power hai aur phir jisko ham yaad karte hain vo hamaara kaun hai? jab koi ko yaad kiya jaata hai to zaroor ham aatmaon ko unhon dvaara kuchh chaahiye, har samay unki yaad rahne se hi hamko us dvaara praapti hogi। dekho, manushya jo kuchh karta hai zaroor man mein koi na koi shubh ichchha avashya rehti hai, koi ko sukh ki, koi ko shanti ki ichchha hai to zaroor jab ichchha utpanna hoti hai to avashya koi lene vaala hai aur jis dvaara vo ichchha poorn hoti hai vo avashya koi dene vaala zaroor hai, tabhi to unko yaad kiya jaata hai। ab is raaz ko poorn reeti se samajhna hai, woh kaun hai? yeh bolne vaali shakti main svayan aatma hoon, jiska aakaar jyoti bindu misal hai, jab manushya sthool shareer chhodta hai to vo nikal jaati hai। bhal in okhon se nahin dikhaai padti hai, ab isse siddha hai ki uska sthool aakaar nahin hai parantu manushya mahsoos avashya karte hain ki aatma nikal gai। to ham usko aatma hi kahenge jo aatma jyoti swaroop hai, to avashya us aatma ko paida karne vaala paramatma bhi uske hi roop muaaphik hoga, jo jaisa hoga unki paidaais bhi vaisi hogi। phir ham aatmaayen us paramatma ko kyon kehte hain ki vo ham sarva aatmaon se param hain? kyonki unke oopar koi bhi maaya ka lep-chhep nahin hai। baaki ham aatmaon ke oopar maaya ka lep-chhep avashya lagta hai kyonki ham janma maran ke chakra mein aati hain। ab yeh hai aatma aur paramatma mein pharka। achha। om shanti।