गुरुवार 1 दिसंबर 2022 की दैनिक मुरली

01-12-2022 praatahmurli om shanti "baapdaada"' madhuban

meethe bachche - yogeshvar baap aaye hain tumhein raajayog sikhlaane, is yog se hi tum vikarmaajeet ban bhavishya mein vishwa mahaaraaja-mahaaraani bante ho

prashn:- vikarmon se bachne ke liye kaun si pratigya yaad rakho?

uttar:- mera to ek shivbaaba doosra na koi। ek baap se sachcha roohaani lav rakhna hai। yeh pratigya yaad rahe to vikarma nahin hoga। maaya deh-abhimaan mein laakar ulta karma karaati hai। baba ustaad hai, use yaad kar maaya se poori yuddha karo to haar nahin ho sakti।

prashn:- apne bachchon prati baap ki kaun si aash hai?

uttar:- - jaise laukik baap chaahte hain main bachchon ko oonch padhaaoon, behad ka baap bhi kehte hain main apne bachchon ko svarga ki pari bana doon। bachche sirf meri shreemat par chale to shreshtha ban jaayen।

geet:- takdeer jagaakar aai hoon…

om shanti। meethe-meethe bachche jaante hain ham apni nai takdeer banaane yahaan aaye hain। kiske paas? yogeshvar ke paas, sikhlaane vaale eeshvar ke paas। isko kehte hain raajayog। eeshvar yog sikhlaate hain, kaun sa yog? hathayog to anek prakaar ka hai। yeh jismaani yog nahin hai। sannyaasiyon ka tatva yog, brahm yog hai। unko eeshvar yog nahin sikhaate। tum bachche jaante ho parampita paramatma hamko phir se kalpa pahle muaaphik raajayog sikhlaate hain। sannyaasi aise kabhi nahin kahenge। yeh yog kalpa pahle bhi sikhaaya tha aur abhi bhi sikhla raha hoon। tum bachche kah sakte ho, woh hathayogi raajayog sikhla nahin sakte hain। hamko sikhlaane vaala shivbaaba hai, jisko yogeshvar kaha jaata hai। manushya bhool se shreekrishna ko yogeshvar kah dete hain। shreekrishna satayug ka prince hai, vahaan yog ki baat hi nahin। yeh bahut achhi point hai, samjhaane ki tarkeeb seekho। yukti se samjhaaya jaata hai। tumhaara saara madaar yog par hai, jitna yog mein rahenge utna vikarmaajeet banenge। bhaarat ka praacheen yog bahut gaaya hua hai। yeh raajayog parampita paramatma ke sivaae koi sikhla na sake, isliye inka naam yogeshvar hai। eeshvar hi raajayog sikhlaate hain। kiske liye raajayog sikhlaate hain? kya bhaarat ko raajaai dete hain? nahin, sirf bhaarat ki baat nahin। tum bachchon ko saare vishwa ka maalik banaane ke liye raajayog sikhlaate hain। yeh em object clear hai। bhal raajaai koi tukde par karenge, vishwa mein to nahin karenge parantu kahne mein aata hai vishwa ka maalik।

tum bachche jaante ho nai duniya ke liye ham takdeer banaakar aaye hain। saari vishwa nai ban jaati hai। capital bhaarat hai। tumhaare naye vishwa mein bhi capital dehli hogi। unka naam gaaya hua hai paristaan। tum ho gyaan pariyaan। gyaan saagar mein gota khaakar manushya se badal svarga ki pariyaan ban jaate ho। yeh maan sarovar hai na। kehte hain vahaan snaan karne se manushya pari ban jaate hain। tum yahaan aaye ho svarga ki pariyaan banne ke liye। tum baadshaahi lete ho। tumhaare paas jevar aadi dher honge। tum kahenge ham raajayog seekhte hain, jisse ham bhavishya mein mahaaraaja mahaaraani banenge। parantu agar shreemat par achhi reeti chalenge to। aise mat samajhna ki praja mein jaane vaale ko pari kahenge, nahin। shreemat par daiveegun dhaaran karne hain। laukik baap ka bachchon mein moh hota hai to kehte hain bachchon ko oonch padhaaoon। yeh baap bhi kehte hain inhon ko ekdam svarga ki pari bana doon। shreemat par jitna chalenge utna shreshtha banenge। koi bhi takleeph nahin hai। saahookaaron ko sunne ki phursat nahin milti, sirf gareebon ko phursat milti hai। tumhaare jitni phursat kisko nahin hai, jinko laphde jyaada hain, unka yog lag nahin sakta।

aaj baba bachchi se poochh raha tha ki tum jaanti ho ki ham kiske rath ki seva kar rahe hain। ghode ki sambhaal karne vaala samjhega ki ham phalaane saaheb ke ghode ki sambhaal kar rahe hain। tum bhi jaante ho yeh kiska rath hai। agar shivbaaba ko yaad kar tum is rath ki seva karo to tum bahuton se achha pad pa sakti ho। yeh hua rath, yaad to shivbaaba ko karna hai। yeh bhi yaad rahe to beda paar ho sakta hai। baba kahaan ke liye raajayog sikhlaate hain? bhavishya nai duniya ke liye, aur sikhaate hain sangam par। shreekrishna kaise raajayog sikhaayenge? woh to satayugi raajaai mein tha, parantu woh raajaai kisne sthaapan ki? baap ne। praacheen devi-devtaaon ko aisa kisne banaaya? kisne raajayog sikhaaya? woh shreekrishna ka naam lete hain। baap kehte hain main tum bachchon ko abhi sikhla raha hoon। tum takdeer jagaakar aaye ho, bhavishya nai duniya mein oonch pad paane ke liye। baap kehte hain mujhe yaad karo to pavitra duniya ka maalik bano aur koi upaay nahin। ek taraph yaad karte hain patit-paavan aao। doosre taraph nadiyon ko kehte hain patit-paavni... kitni bhool hai, baat chhoti hai parantu manushyon ki aankh kholni hai। baap jab aate hain aakar samjhaate hain ki patit-paavan main hoon। main hi tumko gyaan snaan karaae paavan banaata hoon। yeh patit duniya hai। sannyaasi anek prakaar ke yog sikhlaate hain। parantu raajayog to ek hi sikhlaane vaala main hoon। parampita paramatma ko hi patit-paavan kehte hain। unko kitna yaad karna chaahiye, phir manners bhi achhe chaahiye। ham 16 kala sampoorn bante hain। khaan-paan shuddh hona chaahiye। koi jhat dhaaran karte hain। gaaya hua hai second mein jeevanmukti। ek janak thode hi hoga। misaal ek ka diya jaata hai। dropdi ek thode hi hogi, sabki laaz rakhte hain। stri purush donon ko patit hone se bachaate hain। geeta mein shreekrishna ka naam likh diya hai। is samay tum bachche jo kuchh bhi karte ho, bhakti mein yaadgaar banta hai। shivbaaba ka kitna bada mandir hai। jo service karte hain, unka naamaachaar nikalta hai। tumhaara delvaada mandir accurate yaadgaar hai। neeche tapasya kar rahe ho oopar raajaai ke chitra khade hain। abhi tum baap se yog laga rahe ho, svarga ka maalik banne ke liye। svarga ko bhi yaad karte ho। koi marta hai kehte hain svarga padhaara, parantu svarga hai kahaan, yeh kisko maaloom nahin। samajhte hain bhaarat svarga tha phir oopar kah dete hain। baap samjhaate hain second mein jeevanmukti gaai hui hai। phir bhi kehte hain gyaan ka saagar hai। jangal ko kalam banaao, saagar ko syaahi banaao.. to bhi khutta nahin, pichhaadi tak chalega। to mehnat ki jaati hai na। second ki baat bhi theek hai। baap ko jaana to baap ka varsa hai jeevanmukti। saath-saath yeh samjhaaya jaata hai to chakra kaise phirta hai, dharma kaise sthaapan hote hain। kitni baaten hain samjhaane ki। saath mein baba ko yaad karo, varse ko yaad karo। tum yaad karte ho, nishchay bhi karte ho - ham vishwa ki baadshaahi le rahe hain। phir kyon bhool jaate ho? baba kehte hain jitna yaad karenge, utne vikarma vinaash honge, ismen time lagta hai, jab tak karmaateet avastha ho jaaye। karmaateet avastha ho gai phir to tum yahaan rah nahin sakte ho। bachchon ko varshon se samjhaate rehte hain - baat hai bilkul sahaj। alpha aur be, chakra ka raaz bhi baba samjhaate hain। buddhi mein poora raaz aata hai to phir auron ko bhi samjhaana padta hai। saara jhaad buddhi mein aa jaata hai। baap se sahaj te sahaj varsa lena hai। kehte hain baba yog nahin lagta। maaya vikarma kara deti hai। baap samjhaate hain bachche agar vikarma kar liya phir to bahut purushaartha karna padega। maaya deh-abhimaan mein laakar ulta kaam kara leti hai। baap kehte bachche mera bankar koi bhi vikarma nahin karo। tumne pratigya ki hai - mera to ek shivbaaba, doosra na koi। jaise kanya ki jab sagaai hoti hai to pati ke saath kitna lav ho jaata hai। to behad ke baap se kitna lav hona chaahiye। tumhaara kitna gupta lav hai। woh hai jismaani, yeh hai roohaani। unki practice pad gai hai। yeh tum ghadi-ghadi bhool jaate ho kyonki nai baat hai। apne ko aatma samajh baap ko yaad karna hai। tum ho khudaai khidmatgaar। tum ho roohaani sevaadhaari। tum ladaai ke maidaan mein khade ho। baba ustaad bhi khada hai। kehte hain maaya ke saath poori yuddha karo, jo yeh 5 vikaar pravesh hi na karen। likhte hain baba yeh bhoot aa gaya। baba kehte hain in bhooton ko bhagaate raho। yeh to ant tak aayenge aur hi zor se toofaan aayenge। agyaan mein bhi kabhi nahin aaye honge woh bhi aayenge। tum kahenge vaanaprastha mein the, kabhi khyaal bhi nahin aata tha। gyaan mein aane se kaam ka nasha aa gaya। svapna bhi aate rehte hain, yeh kya? yeh wonderful gyaan hai। koi moonjhakar chhod bhi jaate hain। baba bata deta hai - toofaan bahut aayenge। jitna pahalvaan banenge maaya bahut pachhaadegi, isliye mahaaveer ban stheriyam rehna hai। baba ki yaad mein rehna hai। karma mein nahin aana hai। karma mein aane se vikarma ban jaata hai। bahut purushaartha karna hai, kharaab aadten nikaalni hain। avinaashi surgeon jaante hain, yeh baba bhi jaante hain। maaya ke anek prakaar ke vighna padte hain। yahaan bahut shuddh banna hai। chaahte ho ham sooryavanshi banen to laayak banna pade। yeh hai raajayog, praja yog nahin hai। to purushaartha kar raajaai leni chaahiye। tum yukti se gupta reeti se kahaan bhi ja sakte ho। bolo - hamko bataao ham kisko yaad karen, jo ham duhkh se chhoot jaayen? bhala kehte hain - bhaarat ka praacheen yog, woh kya hai? aap hamko raajayog sikhla sakte ho jo ham raaja banen? aisi-aisi baaten karte gyaan mein le aana chaahiye। tum aisi pahalvaani dikhaao jo ek hi baat se unki buddhi dheeli ho jaae। yukti vaale chaahiye, tab baba poochhte hain itne serviceable bane ho? bahut sambhaal rakhni padti hai। duniya is samay bahut gandi hai। yeh bhi ek kahaani hai। dropdi ke pichhaadi keechak lage... isliye baba kehte hain bahut khabardaar rehna hai। mool baat hai raajayog ki। kisko bhi yeh samjhaao ki raaj-yog sikhlaaya baap ne, naam daala hai bachche ka। doosri yeh baat siddha karo ki geeta ka bhagwan shiv hai, jisse svarga ka varsa milta hai। samjhaane ki yukti chaahiye।

tumhaari service hai roohaani। woh social service bhi jismaani karte hain। woh hai jismaani society। yeh hai roohaani society। rooh ko injection lagta hai tab kehte hain gyaan anjan satguru diya.... ab aatma ki jyot bujhi hui hai। manushya jab marte hain to deeva jalaate hain। samajhte hain aatma andhere mein jaayegi। barobar behad ka andhiyaara hai। aadhaakalpa ghrit nahin pada hai। aatma ki jyoti bujh gai hai। ab gyaan ka ghrit padne se roshni ho jaati hai। ab baap bachchon ko kehte hain ki maamekam yaad karo। yeh shreekrishna to nahin kah sakte। ham aatma bhaai-bhaai hain, baap se varsa le rahe hain। achha ham kitna samay yaad mein rehte hain - yeh chart rakhna achha hai। practice karte-karte phir woh avastha pakki ho jaayegi। yeh yukti achhi hai, service bhi karte raho। chart bhi rakho, phir unnati ko paate rahenge। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) koi bhi bhoot andar pravesh na ho, iski sambhaal rakhni hai। kabhi bhi maaya ke toofaanon mein moonjhana nahin hai। kharaab aadten nikaal deni hai।

2) yaad ka chart rakhna hai, saath-saath roohaani sevaadhaari ban roohon ko gyaan ka injection lagaana hai।

vardaan:- koi bhi kaarya karte sada diltakhtansheen rahne vaale bephikra baadshaah bhav

jo sada baapdaada ke diltakhtansheen rehte hain ve bephikra baadshaah ban jaate hain kyonki is takhta ki visheshta hai ki jo takhtansheen hoga woh sab baaton mein bephikra hoga। jaise aajkal bhi koi-koi sthaan ko vishesh koi na koi naveenta, visheshta mili hui hai to diltakhta ki visheshta hai ki phikra aa nahin sakta। yeh diltakhta ko vardaan mila hua hai, isliye koi bhi kaarya karte sada diltakhtansheen raho।

slogan:- number aage lena hai to sneh aur sahayog ke saath shakti roop dhaaran karo।