शनिवार 17 दिसंबर 2022 की दैनिक मुरली

17-12-2022 praatahmurli om shanti "baapdaada"' madhuban

“meethe bachche - idhar-udhar baithkar phaaltu baaton mein apna time vesta mat karo, baap ki yaad mein raho to time aabaad ho jaayega''

prashn:- baap ka show (naam) kaun se bachche nikaal sakte hain?

uttar:- jo baap samaan seva karte hain। agar har karma baap ke samaan ho to bahut bada phal mil jaayega। baba ham bachchon ko aap samaan banaane ke liye purushaartha kara rahe hain।

prashn:- antarmukhi kise kahenge? tumhaari antarmukhta niraali hai kaise?

uttar:- soul conscious hokar rehna hi antarmukhi banna hai। andar jo aatma hai unko sab kuchh baap se hi sunna hai, ek baap se hi buddhiyog rakh gunvaan banna hai, yahi hai niraali antarmukhta।

geet:- om namo shivaae…

om shanti। meethe-meethe sikeeldhe bachchon ne yeh geet suna। baap ki mahima suni aur baap ki mahima ka phal phir bachchon ko mil raha hai। aur bachche phir baap ka show karte hain। parantu show tab karenge jab un jaisi service karenge। woh phal bhi bhaari paayenge। ab tum bachche practical mein ho। bhagat sirf gaate rehte hain। tum jaante ho baapdaada sangam par hamaare sammukh baithe hain। baap zaroor daada ke tan se hi bataayega। yeh bachchon ko pakka nishchay hai ki ham purushaartha kar avashya baap samaan banenge। baap patit-paavan, gyaan saagar hai। usse tum patit-paavni gyaan gangaayen nikli ho। gangaayen kyon kaha jaata hai? kyonki tum sab sajniyaan ho। sabko ham gyaan ganga hi kahenge। bachchon ko nasha chadhta hai ki ham shreemat par saare vishwa ke manushya maatra ko sukh de sakte hain, jo aur koi nahin de sakta। ab baap aaya hai sabko sadgati dene, aur dilaate bhi hain bachchon dvaara kyonki karnakraavanhaar hai na। to aise baap ki shreemat par zaroor chalna pade। baap kehte hain jo karega aur jitni service karega - vahi 21 janmon ke liye oonch praalabdha paayega। parantu takdeer mein nahin hai to kuchh karte nahin hain। hai bahut sahaj। din-pratidin baap bahut achhi-achhi points dete rehte hain, aur baap kehte hain jitni jholi bharni ho utni bhar lo। yeh maaloom bhi apne ko pad sakta hai ki ham apni jholi achhi reeti bhar rahe hain ya kahaan time vesta karte hain। bhakti mein to bahut time vesta kiya, energy vesta ki, paise bhi barbaad kiye to mehnat bhi barbaad ki। dekho kitni mehnat karte hain। jap, tap, daan, teertha aadi kitna karte hain। ab yeh jo kuchh hua draamaanusaar। abhi to hai purushaartha ki baat। jo beet chuka uska to kuchh hona nahin hai। phir apne samay par repeat hoga। ab baap kehte hain shreemat par chalo। apna time yahaan vahaan barbaad mat karo। time ko aabaad karo - baap ki yaad mein। bahut bachche hain jo baap ki baaten ek kaan se sunkar doosre se nikaal dete hain। jo achhi reeti dhaaran karenge woh phir auron ki bhi zaroor service karenge। apna samay kahaan bhi barbaad nahin karenge। bahut bachche hain jo saara din baaharmukhi rehte hain। bachchon ko purushaartha kar arntamukhi banna hai। andar aatma hai na। yeh nishchay karna hai ki ham aatmaon ko baap samjha rahe hain ki bachche tumko soul conscious hokar rehna hai, sachcha-sachcha antarmukh isko kaha jaata hai। hamaare antarmukh hone ki baaten hi niraali hain। andar jo aatma hai unko sab kuchh baap se hi sunna hai। baap pyaar se bachchon ko baar-baar samjhaate hain। maat-pita aur bhi jo ananya bhaai-behen hain, jo achhi service karte hain, unhon se tumko seekhna hai। bhal thode bahut avgun to sabhi mein abhi hain। gaate bhi hain ki mujh nirgun haare mein.. abhi tum bachchon ko gunvaan banna hai। so tab ban sakte ho jab baap ke saath buddhiyog hoga। maaya to bahut bhatkaayegi। bachche girte aur chadhte rehte hain। jo body conscious rehte hain woh girte rehte hain। jo soul conscious rehte hain woh girte nahin hain। woh baap se anjaam (vaayda) karte hain ki ham yeh kaam karke hi dikhaayenge। poorn pavitra bankar hi dikhaayenge। andar mein yeh pakka nishchay karna chaahiye ki ham baap se poora-poora varsa lenge। kahaan bhi phaaltu time nahin ganvaayenge। bachchon ko shareer nirvaah bhi karna hai। gharbaar chhodna to hathayogi sannyaasiyon ka kaam hai। tumko to apni rachna ki bhi poori dekh-rekh karni hai aur dil mein yeh nishchay rakhna hai ki in aankhon se ham jo dekhte hain, woh sab vinaash ho jaane vaala hai। ismen mamatva rakhne se hi apna nuksaan karenge। mamatva ek baap se rakhna hai। mukhya baat hai pavitrata ki। is par bhi bahut hangaamen hote hain। krodh par itna hangaama nahin hoga। baap kehte hain yeh kaam vikaar to is samay sabmen pravesh hai। sab vikaar se paida hote hain। tum samjha sakte ho ki ham bhrashtaachaari ko shreshthaachaari banaane mein madad kar rahe hain।

ab tum bachchon ko soul-conscious banna hai। patit-paavan baap ko yaad karna hai। bulaate bhi hain ki he patit-paavan aao to aakar kya karenge? zaroor paavan banaayenge। yahaan snaan aadi ki to baat nahin। baap kehte hain maamekam yaad karo aur koi bhi upaay hai nahin। yog agni se hi tum patit se paavan banenge। iron ez se tum golden ez mein jaayenge। yeh ek hi upaay hai, doosra koi upaay hi nahin। sab beemaariyon ki ek hi davaai hai, baap ki yaad। isse hi sab duhkh door ho jaayenge। baap ki yaad se varsa bhi yaad aayega। baap maana hi varsa। laukik baap bhal kitna bhi gareeb hoga to paai-paise, bartan aadi ka kuchh to varsa dega zaroor। to tumko pahle baap ko phir varse ko yaad karna hai। baap kehte hain manamnaabhav, madhyaaji bhav। baap tumko sabhi vedon, shaastron ka saar samjhaate hain। doosra koi bhi yeh saar jaante hi nahin। baap seedha kehte hain bachche deh-abhimaan ko chhod do। tumko samajhna chaahiye ki ham aatmaon se baap baat kar rahe hain। niraakaar baap niraakaar bachchon ko hi kahenge ki tum aatmaayen kaanon se sunti ho। tum hi sab kuchh karti ho। koi bhi haalat mein bachchon ko deh-abhimaani nahin banna hai। apne ko aatma samajh baap ko yaad karo। service bhi karo kyonki deh se hi sab kaam hota hai। woh to karna hi pade। koi-koi kuchh samay ke liye unconscious, behosh bhi ho jaate hain। parantu woh koi gyaan ki baat nahin। yahaan to baap ko yaad karne ki hi mehnat karni hai, jismen hi maaya ke bahut vighna padte hain। tum jaante ho hamne baap ki god li hai to baap ko zaroor yaad karna pade। bhog banaate ho to bhi shivbaaba ko yaad karna hai। aage bhog banaate the to krishna ko, raam ko, guroonaanak ko yaad karte the। guru-vaani padhte the। yaad mein banaayenge tab to shuddh hoga। phir practice pad jaati hai। yahaan bhi baap ke yaad ki practice pad jaani chaahiye। jitna ho sake bhog va bhojan banaane ke samay baba ko yaad zaroor karna hai, bahut-bahut zaroori hai। parantu bachche yaad karte nahin। bhandaare mein ek do ko yaad karaana chaahiye ki baba ko yaad kar bhojan banaao। aise karte-karte pakke ho jaayenge। jinko abhyaas nahin hoga, woh to kabhi yaad karenge nahin। brahma-bhojan ki bahut mahima hai to zaroor kuchh hoga na। devtaayen bhi ichchha rakhte hain brahma bhojan ki। to yaad mein rah bhojan banaane se apna bhi kalyaan hota hai to aane vaalon ka bhi kalyaan hota hai। yaad mein rahne se buddhi mein aa jaata hai ki ham shivbaaba se varsa le rahe hain। parantu bachche yaad karte nahin hain, yeh kachchaai hai। aage chalkar aise bachche niklenge jo baap ki yaad mein ekdam masta ho jaayenge। yaad mein hi bhojan aadi banaayenge। jaise sharaab ka nasha chadh jaata hai। tum bachchon ko phir yeh roohaani baap ki yaad ka nasha rehna chaahiye, isse bahut faayda hai। saazan ko va baap ko yaad karna hai, ati meetha baap hai। in jaisa meetha koi hota nahin। baahar vaale to in baaton ko jaante hi nahin। devi-devta dharma vaale hi samajh sakte hain। tvamev maata cha pita.. yeh ek niraakaar baap ki mahima hai। zaroor baap ne itna oonch kartavya kiya hai tab phir bhakti maarga mein ham unki itni mahima karte hain।

ab baap kehte hain - meethe bachche aur sab taraph se buddhiyog hataao। saari duniya se, apni deh se bhi buddhi ka yog hataae maamekam yaad karo to tumhaara beda paar ho jaayega। bahut sasta sauda hai parantu lene vaale nambarvaar hain। yeh bhi drama bana hua hai। baba kitna achhi reeti samjhaate hain। sunte bhi hain, koi to achhi reeti dhaaran karte hain, koi to ek kaan se sun doosre se nikaal dete hain। yahaan sammukh sunne se bachche refresh hote hain phir baahar jaane se bhool jaate hain। kuchh bhi yaad nahin rehta। koi to achhi reeti repeat bhi karenge। jo baba ne samjhaaya hai woh practical mein karenge। savere uthkar tum baba ki yaad mein bhojan banaayenge to bhojan mein taakat rahegi। itna tum bachchon ko nasha rehna chaahiye - saare manushya kul ka uddhaar karna hai। manushya kul ki hi baat hai। aise nahin jaanvar aadi ka uddhaar karenge। unka drama mein part hi yeh hai। jaisa manushya vaisa furniture। satayug mein kichad-patti hoti nahin। tumhaare liye kitne vaibhav hain। vahaan panchhi jaanvar aadi sab royal hote hain। jaisa manushya vaisi unki saamagri hoti hai। gareeb ki saamagri kya hogi? saahookaar ki saamagri kitni royal hogi। tum bachche jaante ho baba hamko bahut oonchi kamaai kara raha hai। phir jitna jo kare padhaai ek hi hai। pad har ek nambarvaar paate hain। raaja-raani, praja, saahookaar ke naukar chaakar, gareeb ke naukar-chaakar sab hote hain। buddhi mein hai ki ham apni raajdhaani yogbal se sthaapan kar rahe hain। hathiyaaron aadi ki yahaan baat nahin hai। yeh hai abhi ki baat। yogbal se tum raajaai paate ho। is samay tum braahmaniyaan (shaktiyaan) ho। satayug mein deviyon ko hathiyaar aadi ho nahin sakte। yeh hai abhi ki baat - gyaan talvaar, gyaan khadag। phir woh sab sthool roop mein le gaye hain। ab tumhaari soorat aur seerat donon badalti hain। kaale se gore bante ho। sarvagun sampanna aur 16 kala sampoorn bante ho, jitna jo purushaartha karenge, ismen jhooth to chal na sake। agar andar kuchh kaala bhara hua hoga to baahar bhi kaala hi dikhaai padega।

baba kehte hain - bachche tum aise meethe bano jo sab samjhe to inko banaane vaala kaun hai। tumhaari buddhi mein saare srishti ke aadi-madhya-ant ki knowledge hai। is chakra ko jaanne se hi tum chakravarti raaja ban jaayenge। board laga do ki rachta hai baap, vahi saari knowledge dete hain। tum ho brahman। tumhaari jaat hi nyaari hai। tum brahma mukh vanshaavli braahmanon ko hi baap knowledge suna rahe hain। to shivbaaba ke saath tumhaara kitna lav hona chaahiye। parantu achhe-achhe first class bachche yog mein fail ho padte hain। gyaan to bada sahaj hai। murli bhi achhi chalaate hain parantu yog mein mehnat hai। yaad se vikarma vinaash karna - yeh mehnat hai। bas ismen bahut fail hote hain। bhagvaanuvaach tumko manushya se devta, patit se paavan banaane aaya hoon। gyaan se hi sadgati hoti hai, to gyaan saagar ko zaroor knowledge dena pade। baaki paani ka saagar va nadiyaan thode hi paavan bana sakti hain। abhi tum bachche samajhte ho ham apne liye raajdhaani sthaapan kar rahe hain। aatma-abhimaani ban rahe hain। ham baba se knowledge ka varsa lekar vishwa ka maalik ban jaayenge। kahaan unhon ki buddhi, kahaan tumhaari buddhi। woh sab vinaash ke liye kaam karte, tum sthaapna ke liye karte ho। yeh baaten bhoolni nahin chaahiye। parantu jinki takdeer mein nahin hai to dhaarna karte hi nahin। purushaartha karna chaahiye - oonch pad paane ke liye। ham paas hokar oonch number leven। chaahte to hain parantu mehnat nahin pahunchti। yeh hai behad ki padhaai, baap to vishwa ki baadshaahi dete hain। wonder hai na। bahut pyaar se samjhaate hain। bachche, mujhe yaad karo, haddi yaad karna hai। baap phir se aaya hua hai। ham zaroor baap ki mat par chalkar poora varsa lenge। baba ham aapko jaan gaye hain। baba ko dekha bhi nahin hai, ghar baithe bhi touching ho jaati hai। koi ko thoda sunne se bhi nasha chadh jaata hai। takdeer bhi saath deti hai। koi phir sangadosh mein aakar padhaai chhod dete hain। raavan mat vaale alag hain, eeshvareey mat vaale alag hain। tum bachche jaante ho - kaise raajaai sthaapan ho rahi hai yogbal se। baahubal anek prakaar ka hai। yogbal ek hi prakaar ka hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) antarmukhi ban ek baap se hi sunna hai। ek baap ke saath buddhiyog rakh gunvaan banna hai। baaharmukhta mein nahin aana hai।

2) roohaani baap ki yaad ke nashe mein rah bhojan banaana va khaana hai। pakka yogi banna hai।

vardaan:- svaraajya ki smriti dvaara toofaanon ko tohpha banaane vaale akhanda sukh-shanti sampanna bhav

akhanda sukh-shaantimay, sampanna jeevan ka anubhav karne ke liye svaraajya adhikaari bano। svaraajya adhikaari ke liye toofaan anubhvi banaane vaale udti kala ka tohpha ban jaate hain। unhein saadhan, salvation va prashansa ke aadhaar par sukh ki anubhooti nahin hoti lekin parmaatma praapti ke aadhaar par akhanda sukh-shanti ka anubhav karte hain। kisi bhi prakaar ki ashaanta karne vaali paristhitiyaan unki akhanda shanti ko khandit nahin kar sakti।

slogan:- sada bharpoorta ka anubhav karna hai to duaayen do aur duaayen lo।