शुक्रवार 27 जनवरी 2023 की दैनिक मुरली

27-01-2023 praatahmurli om shanti "baapdaada"' madhuban

“meethe bachche - paarasbuddhi banne ke liye baap jo samjhaate hain use achhi tarah se samajhna hai, svayan mein dhaarna kar doosron ko karaana hai''

prashn:- kaun sa ek raaz bahut hi guhya, gopneey aur samajhne ka hai?

uttar:- niraakaar baap sabhi ka maat-pita kaise bante hain, woh srishti ki rachna kis vidhi se karte hain, yeh bahut hi guhya aur gopneey raaz hai। niraakaar baap maata bigar srishti to rach nahin sakte। kaise woh shareer dhaaran kar, usmein pravesh kar unke mukh se bachche adopt karte hain, yeh brahma pita bhi hai to maata bhi hai - yeh baat bahut hi samajhkar simran karne va smriti mein rakhne ki hai।

geet:- tumheen ho maata…

om shanti। jisko maat-pita kehte ho to zaroor pharmaan pita hi karenge। yeh to maata pita combined hai। yeh baat manushyon ke liye samajhna bada difficult hai aur yahi mukhya baat hai samajhne ki। niraakaar parampita paramatma jisko pita kaha jaata hai unko maata bhi kehte, yeh wonderful baat hai। parampita paramatma manushya srishti rachega, to maata zaroor chaahiye। yeh baat badi guhya hai aur koi ki buddhi mein kabhi aa na sake। ab woh hai sabhi ka baap, maata bhi zaroor chaahiye। woh pita to hai niraakaar, phir maa kisko rakhen? shaadi to nahin ki hogi। yeh hain ati guhya gopneey samajhne ki baaten। naye-naye to samajh na saken। puraane bhi mushkil samajhkar aur us smriti mein rehte hain। bachche hi mo baap ki smriti mein rahenge na। bhaarat mein lakshmi-naaraayan ko bhi kah dete hain tum maat-pita...to raadhe-krishna ke aage bhi jaakar kehte - tum maat-pita... ab woh to hain prince princess। unhon ko maat-pita koi besmajh bhi na kahe। manushyon ki to kahne ki tev (aadat) pad gai hai। parantu yeh baat hi nyaari hai। lakshmi-naaraayan ko to unke bachche hi kahenge tum maat-pita.... manushya samajhte hain jiske paas bahut dhan hai, mahal-maadiyo hain woh svarga mein hain। unhon ke bachche kahenge hamaare maa baap ke paas bahut sukh hai। zaroor aage janma mein kuchh achhe karma kiye hain। achha yeh jo gaaya jaata hai tum maat pita... parampita paramatma rachayita to ek hai, jiske ham bachche hain woh bhi niraakaar hai। ham aatmaayen bhi niraakaar hain। parantu niraakaar phir srishti kaise rachte hain। maata bigar to srishti rachi nahin ja sakti। wonder hai srishti rachne ka। ek to paramatma rachayita hai nai duniya ka। puraani duniya mein aakar nai duniya rachte hain। parantu kaise rachte hain। yeh badi guhya baat hai - jo niraakaar ko ham maat-pita kehte hain। baap khud samjhaate hain main bachchon ko adopt karta hoon। pet se bachche nikalne ki baat hi nahin। itne dher bachche pet se kaise niklenge। to kehte hain main is shareer ko dhaaran kar inke mukh dvaara bachche adopt karta hoon। yeh brahma pita bhi hai, manushya srishti rachne vaala aur maata bhi hai। jiske mukh se bachche adopt karta hoon। is reeti bachchon ko adopt karna - yeh sirf baap ka kaam hai। sannyaasi to kar na saken। unhon ke hain jigyaasu, followers, shishya। yahaan to hui rachna ki baat। to baba inmen pravesh karte, yeh hai mukh vanshaavli jo kehte hain tum maat-pita... to maata yeh siddha hui। woh baap ismen pravesh ho rachte hain। yeh boodha prajaapita bhi thahra phir maata bhi boodhi thahri। boodhi hi chaahiye na। ab bachchon ko maat-pita ko yaad karna pade। inki to property hai nahin। tum bante ho vaaris, isliye inko baapdaada kehte hain। tumko prajaapita brahma se property nahin leni hai। yeh daada (brahma) bhi unse lete hain। inko daada bhi to maata bhi kaha jaata hai। nahin to maat-pita kaise siddha ho। maat-pita bigar bachche kaise hon - yeh badi guhya samajhne aur simran karne ki baat hai। baba aap pita ho, is maata dvaara hamne janma liya hai। barobar varsa bhi yaad aata hai। yaad us baap ko karna hai। gyaan se tum samajh bhi sakte ho ki kaise baap patit duniya mein aate hain। kehte hain jismen pravesh karta hoon, yeh hamaara bachcha bhi hai, tumhaara baap bhi hai aur phir maata bhi hai। tum ho gaye bachche। to baap ko yaad karne se varsa milta hai। maata ko yaad karne se varsa nahin milega। nirantar us baap ko yaad karna hai। baaki is shareer ko bhoolna hai। yeh gyaan ki baaten samajhne ki hain।

baap puraani duniya mein aakar nai duniya rachte hain। puraani ko khalaas kar dete hain। nahin to kaun khalaas kare। gaaya bhi hua hai shankar dvaara puraani duniya ka vinaash - yeh drama mein noondh hai isliye gaayan mein bhi aata hai। tum bachche jaante ho hamaare liye nai raajdhaani ban rahi hai। vinaash ki full taiyaariyaan hain। tum itne dher ho, sab raajaai pad pa rahe ho। aise nahin andhashraddha se maan liya hai। koi ne kaha raam ki seeta churaai gai। sat। koi bhi baat na samjho to samajhne ki koshish karo। nahin to besmajh ke besmajh hi rah jaayenge। bhaktimaarga mein to alpakaal ka sukh milta hai। uska phal us hi janma mein va doosre janma mein alpakaal ke liye mil jaata hai। teertha yaatra par jaate hain, kuchh samay to pavitra rehte hain, paap nahin karte। daan punya bhi karte hain, isko kaag vishta ke samaan sukh kaha jaata hai। yeh tum bachche hi samajh sakte ho kyonki tum bandar se badal mandir laayak bane ho। satayug mein tum paarasbuddhi the kyonki paarasnaath, paarasnaathini ka raajya tha। sone ke mahal the। ab to patthar hi patthar hain। paarasbuddhi se pattharbuddhi kaun banaate hain? 5 vikaar roopi raavan। jab sab pattharbuddhi ban padte hain tab hi phir paarasbuddhi banaane vaala baap aate hain। kitna sahaj samajhkar samjhaate hain। beej aur jhaad। baaki detail to samjhaate rehte hain, samjhaate rahenge। nutshell mein kehte hain baap ko yaad karo, jisse varsa milta hai। maata ko yaad karne ki jaroorat nahin। baap kehte hain bachche mujhe yaad karo to zaroor bachchon ne maata se janma liya hoga? janma liya, baap se varsa lene ke liye। to is maata ko bhi chhodo, sab dehdhaariyon ko chhodo kyonki ab varsa baap se lena hai। ab bachche samajh gaye hain ki ham aatma roohaani baap ke bachche hain aur phir jismaani maat-pita ke bhi bachche bane hain। woh behad ka baap nai srishti rachte hain। bhaarat svarga tha na। yeh lakshmi-naaraayan svarga ke maalik the, ab nahin hain। behad ka baap samjhaate hain - tum har janma mein had ka varsa lete aaye ho। narka mein to hai hi had ka varsa। svarga mein had ka varsa nahin kahenge। woh hai behad ka varsa kyonki behad ke arthaat saare srishti ke maalik hain aur koi dharma nahin hai। had ka varsa shuru hota hai dvaapar se। satayug mein hai behad ka। tum praalabdha bhogte ho। vahaan tumko behad ki baadshaahi hai। yatha raaja raani tatha praja। praja bhi kahegi ham saare srishti ke maalik hain। abhi to praja aise nahin kahegi ki ham saare srishti ke maalik hain। abhi to haden lagi padi hain। woh kehte hain hamaare paani ke andar nahin aa sakte, yeh tukda hamaara hai। vahaan praja bhi kahegi ham vishwa ke maalik hain। hamaare mahaaraaja mahaaraani lakshmi-naaraayan bhi vishwa ke maalik। yeh abhi ham samajhte hain ki vahaan ek hi raajya rehta hai। woh hai behad ki baadshaahi। bhaarat kya tha, kiski buddhi mein bhi nahin hai। tum bachchon ko ab shiksha milti hai ki behad ke baap se varsa lo। ham kehte hain to zaroor ham le rahe hain। behad ka baap hai hi svarga ka rachayita। gaaya bhi jaata hai 21 peedhi raajya-bhaagya। peedhi kyon kehte hain? kyonki vahaan boodhe hokar marenge। vahaan akaale mrityu nahin hoga। maataayen kabhi vidhva nahin banengi। rona peetna nahin hoga। yahaan to kitna rote peette hain। vahaan bachchon ko bhi rone ki darkaar nahin। yahaan to bachchon ko rulaate rehte hain ki mukh bada ho। vahaan aisi baat nahin। yeh to sab bachche samajhte hain ki ham abhi behad ke baap se kalpa pahle misal varsa le rahe hain। 84 janma poore hue, ab jaana hai। nirantar baap aur varse ko yaad karne se vikarma vinaash honge। manmanaabhav ka arth kitna sahaj hai। geeta bhal jhoothi hai, parantu usmein kuchh na kuchh to sach hai na। mujh apne baap ko yaad karo, shreekrishna to aise nahin kahenge ki mujhe yaad karo, tumko mere paas aana hai। paramatma abhi sarva aatmaon ko kehte hain ki tum sabhi aatmaon ko machchharon sadrishya aana hai। to zaroor aatma, paramatma baap ko hi follow karegi। shreekrishna aise nahin kahenge ki mujh aatma ko yaad karo। unka naam hi krishna hai। aatma koi bhi nahin kah sakti, aatmaayen sabhi bhaai-bhaai hain। yeh to baap kehte hain main niraakaar hoon, mujh param aatma ka naam hai shiv। to shreekrishna kaise kahenge, unko to shareer hai। shivbaaba ko to apna shareer hai nahin। shivbaaba kehte hain bachche tumhein bhi pahle apna shareer nahin tha। tum aatma niraakaar thi, phir shareer liya hai। ab tumko drama ke aadi madhya ant ki smriti aai hai। baap srishti kaise, kab aur kyon rachte hain? srishti to hai na। gaayan bhi hai brahma dvaara nai srishti ki rachna ki। to zaroor puraani srishti se hi nai srishti ki rachna karte honge। kehte bhi hain manushya se devta banaaya। baap kehte hain main tumko is padhaai se manushya se devta banaata hoon। poojya devta the, phir pujaari ban gaye ho। manushya to samajhte nahin ki 84 janma kaise lete hain। kya sabhi 84 janma lenge? srishti vriddhi ko praapta karti rehti hai। to sabhi kaise 84 janma lenge! zaroor jo peechhe aayenge unke janma kam honge। 25-50 varsha ke andar 84 janma kaise lenge? yeh hai svadarshan chakra। unhonne phir svadarshan chakra ko ek hathiyaar ka roop bana diya hai। ab tum aatmaon ko yeh smriti aai hai ki hamne 84 janma aise-aise bhoge। abhi chakra poora hota hai, phir se drama ko repeat karna hai। pahle-pahle aadi sanaatan devi-devta dharma zaroor chaahiye, jo praayahlop ho gaya hai।

manushya kehte hain he god father raham karo। to baap kehte hain - achha tumko duhkh se liberate kar sukhi banaata hoon। baap ka kaam hi hai sabko sukhi banaana, isliye main kalpa-kalpa aata hoon, aakar bhaarat ko heere jaisa banaata hoon। bahut sukhi banaata hoon। baaki sabko muktidhaam bhej deta hoon। bhakta chaahte bhi hain bhagwan se milne kyonki sukh ke liye to sannyaasiyon ne kah diya hai ki yeh kaag vishta samaan sukh hai aur doosra phir kehte is drama ke khel mein phir aayen hi nahin। moksha ko pa len। ab moksha to milna nahin hai। yeh hai bana banaaya drama। saare srishti ki history-geography ko tum bachche abhi jaante ho ki yeh kaise chakra lagaati hai। jisko hi svadarshan chakra kaha jaata hai। yeh jo dikhaate hain svadarshan chakra se sabhi ke sir kaate। kans badh ka naatak dikhaate hain। aise kuchh bhi hai nahin। yahaan hinsa ki bilkul baat hi nahin। yeh to padhaai hai। padhna hai, baap se varsa lena hai। baap se varsa lene ke liye kisko katal karte hain kya? woh hota hai had ka varsa, yeh hai behad ke baap se behad ka varsa lena। geeta mein ladaai aadi ki kitni baaten likh di hain। woh to kuchh bhi hain nahin। paandavon ki ladaai vaastav mein koi ke saath hai nahin। yeh to yogbal se behad ke baap se tum bachche varsa le rahe ho, nai duniya ke liye। ismen ladaai ki koi baat nahin। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap se 21 peedhi ka varsa lene ke liye nirantar baap aur varse ko yaad karne ka purushaartha karna hai। kisi bhi dehdhaari ko yaad nahin karna hai।

2) buddhi mein svadarshan chakra phiraate rehna hai। ham poojya the, phir pujaari banen, 84 janmon ka chakra poora kiya, phir se drama repeat hona hai, humein pujaari se poojya banna hai - yeh smriti hi svadarshan chakra hai।

vardaan:- samaanta dvaara sameepta ki seat le first division mein aane vaale vijayi ratna bhav

samay ki sameepta ke saath-saath ab svayan ko baap ke samaan banaao। sankalp, bol, karma, sanskaar aur seva sabmen baap jaise samaan banna arthaat sameep aana। har sankalp mein baap ke saath ka, sahayog ka, sneh ka anubhav karo। sada baap ke saath aur haath mein haath ki anubhooti karo to first division mein aa jaayenge। nirantar yaad aur sampoorn sneh ek baap se ho to vijay maala ke vijayi ratna ban jaayenge। abhi bhi chance hai, toolate ka board nahin laga hai।

slogan:- sukhdaata ban anek aatmaon ko duhkh ashaanti se mukta karne ki seva karna hi sukhdev banna hai।