गुरुवार 16 मार्च 2023 की दैनिक मुरली

16-03-2023 praatahmurli om shanti "baapdaada"' madhuban

“meethe bachche - baba aaya hai tum bachchon ki mahphil mein, abhi tum gyaan amrit ki mahphil mana rahe ho, tumhaari musaaphiri ab poori hui, vaapas ghar jaana hai''

prashn:- anek prakaar ke toofaanon mein yaad ko sahaj banaane ki vidhi kya hai?

uttar:- shareer nirvaah karte 5-10 minute bhi buddhi ko shivbaaba mein lagaane ki koshish karo, is shareer ko bhulaate jaao। main ashareeri aatma hoon, part bajaane ke liye is shareer mein aai hoon। ab phir ashareeri ban ghar jaana hai। aise-aise apne saath baaten karo। ek sat baap ke saath buddhi ka sang ho, doosre sang se apni sambhaal karo to yaad sahaj ho jaayegi।

geet:- aa gaye dil mein tu…

om shanti। bachchon ne geet suna aur arth bhi bachchon ne dil mein samjha hoga। phir bhi baap samjhaate hain kyonki abhi baap is mahphil mein aaye hue hain। mahphil tumhaari bhi hai, saari duniya ki bhi hai। bhagwan kehte hain main aata hoon bhakton ki mahphil mein, to sab bhakta thahre। unmein bhi phir khaas un bhakton ki mahphil mein aata hoon, jo bhakta mujh parampita paramatma se varsa lene aaye hue hain। jin aatmaon ki buddhi mein ab parampita paramatma ki yaad hai, unhon ki mahphil mein haazir hoon। mahphil mein kuchh khilaaya, pilaaya jaata hai। baap kehte hain tum bachchon ko gyaan amrit ki mahphil kara raha hoon। jo aakar baap ke bane hain, woh samajhte hain baba aaya hua hai - hamaari is mahphil mein। phir nambarvaar sabko vaapis le jaayenge। khaas tum bachchon ki mahphil hai, aam sabki hai। jahaan baap hoga vahaan ham bachche bhi honge। baap kehte hain ham bhi ashareeri hain, tum bhi jab ashareeri the to mere paas the। yaad dilaate hain 5 hajaar varsha hue। long-long ago kehte hain na। 5 hajaar varsha se badi musaaphiri hoti nahin। bhaaratvaasi bachche yeh bhoole hue hain ki shiv bhagwan kab aaye the, unki jayanti manaate rehte hain। kehte hain aaye the zaroor, long-long ago... parantu kab aaye the, yeh koi ko pata nahin। koi kahenge laakhon varsha hue, koi kya kahenge। accurate to koi ko pata nahin hai। yeh to baap hi bata sakte hain। kehte hain bachche 5 hajaar varsha pahle bhi ham tum bachchon ke paas is mahphil mein aaya tha। duniya mein shiv jayanti to manaate hain। usi din unse jaakar poochho ki bataao inko kitne varsha hue? gaandhi ki jayanti manaayenge to jhat bata denge ki itne varsha hue... shiv ka koi bata nahin sakte। parantu tum bachche jaante ho shiv ko to bahut samay hua jabki aaya tha। woh to kuchh bhi jaante nahin। kehte hain janma maran rahit hai, naam roop se nyaara hai। are naam roop se nyaara hai to phir jayanti kiski manaate ho? to naam roop se nyaara ho nahin sakta। zaroor bhaarat mein hi aaya tha tab to jayanti manaate ho na। phir naam roop se nyaara kaise kehte ho? yaad karte ho parantu woh kab aaya tha? zaroor bhakti ka samay jab poora hoga tab bhagwan ko ghar baithe aana pade। bhagwan kis roop mein aate hain, yeh koi bhi nahin jaante। bada chaturaai se koi se poochhna hai aur phir samjhaana hai। bhagwan to hai niraakaar। tum unki pooja karte ho, kehte ho he paramatma, he bhagwan, unko koi devta nahin kahenge। devtaayen hain brahma vishnu shankar to in chitron par bhi samjhaana pade। tum shiv ke mandir mein jaayenge to unse poochhenge yeh kab aaye the, kaise aaye? niraakaari duniya se to sab aate hain। parampita paramatma ko patit-paavan kehte hain to kya kiya? patit ko paavan kaise banaaya? zaroor saakaar mein aakar mukh se samjhaaya hoga। koi shiksha di hogi। aise hi to koi kah na sake। zaroor manushya tan mein hi aayenge। bhagwan aate hain nai rachna rachne। to zaroor koi ke tan mein aaya hoga। gaaya hua hai brahma mukh se manushya srishti rachi gai। brahman srishti naam nahin likha hua hai। brahma mukh kanval se manushya rache jaate hain to zaroor brahma ke bachche brahman hi honge। prajaapita brahma ne to zaroor brahman braahmaniyaan rache honge। sirf mel rachen to vriddhi kaise ho? sirf females rachen to bhi vriddhi kaise hogi? isliye donon hi hain brahmaakumaar aur kumaariyaan। nahin to brahman sampradaay kaise banen। parampita paramatma rachta beshak hai, brahma dvaara manushya srishti rachi jaati hai to zaroor brahma tan mein aana padta hoga। yeh baaten jo achhi reeti samajhkar aur dhaaran karenge vahi phir samjha sakenge। jo poore raajayogi honge baap ko aur raajaai ko yaad karte honge, jiske liye hi baba kehte hain bachche svadarshan chakradhaari bano। sab to poora yaad karte nahin hain। baba ke paas aate hain, kehte hain gyaan to sahaj hai, chakra ko bhi samjha hai। 84 janmon ka raaz bhi theek samjha hai। 84 janma to zaroor lene hain aur jo pahle number vaale hain vahi 84 janma lenge, yeh to sab theek hai। parantu yaad mein rehna, yeh bada mushkil hai। yog mein anek prakaar ke toofaan aate hain, unko kaise vash karen? uska upaay kya hai? kaun sa time hai jismen achhi reeti yaad kar saken? to baba ne samjhaaya yoon to chalte-phirte, uthte-baithte yaad karo। abhi tum yahaan baithe ho, ham tumse poochhte hain stri ko yaad karte ho? ab naam stri ka suna aur jhat buddhi bhaagi stri ke taraph। buddhi ka kaam ho gaya na। vaise hi tum bhal koi bhi kaam shareer nirvaah arth karo parantu shivbaaba ke paas buddhi lagaane ki koshish karo। 5 minute 10 minute bhi yaad karo। haan yeh maaya bhi vighna zaroor daalegi। toofaan badi jor se aayenge dagamgaane ke liye। parantu phir bhi tum apna purushaartha karte chalo। is shareer ko bhulaana athva baap ki yaad mein rehna, baat ek hi hai। apne ko aatma ashareeri samajhna pade। main asul ashareeri tha। part bajaane ke liye yeh shareer liya hai phir ashareeri ban ghar jaata hoon। buddhi mein sirf baap aur baap ka ghar yaad ho, baap ka ghar vahi hai jahaan ab jaana hai। phir yeh buddhi mein hai ki baap ki property hai satayug। to ek baap ki yaad se woh bhi yaad aayegi। bhakti maarga athva gyaan maarga mein buddhi to aur taraph jaati hai। kanya ki sagaai ho jaati hai to phir ek do ki yaad rehti hai। bhakti mein koi baithenge to bhi maaya vighna daalti hai। buddhi dhandhe aadi taraph chali jaayegi। maaya ki dushmani hai na। bhakta devtaaon ko yaad karenge to bhi buddhi aur taraph bhaag jaayegi। maaya buddhi ko thikaane lagne nahin deti hai। office mein jaate ho to bhi usi kaarya mein buddhi rehti hai। imtahaan paas kiya hai tab yeh kaam karna hota hai। usmein buddhi lag jaati hai। avyakt cheez mein buddhi lagaane mein maaya hairaan karti hai। bhakton ko bhi badi mushkil se saakshaatkaar hota hai। jab bahut teevra bhakti karte hain tab baap khush hote hain। abhi to bhakti ki baat hi nahin। abhi to hai knowledge। vaastav mein bhakti bhi karni chaahiye ek ki। avyabhichaari bhakti ho to saakshaatkaar bhi ho। aajkal to vyabhichaari ban gai hai। sabko yaad karte rehte hain, to baba saakshaatkaar bhi nahin karaate hain। ek mein poora nishchay ho to baba saakshaatkaar bhi karaaye। to baap samjhaate hain mujh ek ko yaad karo। mukh se kuchh bhi kehna nahin hai। tum stri ko yaad karte ho to kuchh mukh se kehna padta hai kya? khyaal aaya aur buddhi bhaag jaati hai। yeh behad ka baap to sada sukh dene vaala hai। to ab tumhaari sagaai karaate hain, us parampita paramatma se। to usko yaad karne ka prayatna karo। maaya to toofaan laayegi। saari duniya dushman banengi, parantu baap ko nahin bhoolna। jitna baap ko yaad karenge utna vikarma vinaash honge। aise to bahut manushya hote hain jo saara din bhagwan ka naam bhi nahin lete। bahut kharaab sang hota hai isliye gaaya jaata hai sang taare kusang bore..... sat parampita paramatma ka sang hi patit se paavan banaayega। abhi to saari duniya patit hai, unko sang chaahiye patit-paavan ka। to zaroor unko yahaan saakaar mein aana pade na। sat hai hi ek। sat ki mahphil mein tum baithe ho। jaante ho ham aatmaon ka sang ab parampita paramatma ke saath hai। baap kehte hain meri yaad se hi tumhaare vikarma vinaash honge। achha sang hoga to murli sunenge, buddhiyog ek baap ke saath laga rahega। to aisa sang taarega arthaat paavan banaayega। paavan banne bigar unke paas koi ja nahin sakte। baap khud hi sikhlaate hain mere saath kaise yog lagaao। padhaane liye khud aakar sammukh hote hain। buddhi ka yog aur sang tod ek sang jodna hai tab vikarma vinaash honge aur koi upaay hai nahin। paavan duniya hai svarga, vahaan ke sukh apaar hain। aise nahin vahaan bhi duhkh hai, daitya hain। vahaan to duhkh ka naam nishaan nahin rehta, so bhi 21 janmon ke liye। baap to yahaan aakar padhaate hain। bhagvaanuvaach ham tumko raajaaon ka raaja banaane sahaj raajayog sikhaata hoon। manushyon ki buddhi mein to shreekrishna ka hi chitra aa jaata hai। tumhaari buddhi mein hai ki hamko padhaane vaala shivbaaba hai, jo hi gyaan ka saagar hai। vahi tum bachchon ko knowledge de rahe hain। yeh hai svadarshan chakradhaari, trikaaldarshi banna। trikaaldarshi maana teenon kaalon ko jaanna। srishti ke aadi madhya ant ko aur teenon lokon ko jaanna। mool vatan, sookshm vatan, sthoolavtan ko bhi tum jaante ho। tumhaare mein bhi nambarvaar purushaartha anusaar jaante hain। baaki ismen takleeph koi nahin hai। shareer nirvaah bhi karna hai। aise nahin kaha jaata ki kanya ko bhi shareer nirvaah arth maatha maarna hai। kanya ko pati ke paas rehna hai। shareer nirvaah pati ko karna hai। kanya ko bhi apne pairon par khada rehna hai। ek kahaani hai na - ek kanya ne baap ko kaha main apna naseeb khaati hoon। to tum kanyaayen bhi apna purushaartha kar rahi ho। jitna padhenge, shreemat par chalenge to 21 janma raajya karenge। kanyaaon ka kaam hai padhna aur sasurghar jaana। tumko bhi vishnupuri svarga mein bheja jaata hai। jitna padhenge utna oonch pad paayenge। woh to aise hi karke kahaani sunaate hain। sachchi-sachchi baat yahaan ki hai। baap khud baith unka rahasya sunaate hain। tum sab kanyaayen ho। adhar kanya bhi apna jeevan bana rahi hain। baap aise karma sikhlaate hain jo kabhi duhkhi va vidhva nahin hona padega। parantu virla hi koi oonchi takdeer banaate hain। koi to banaate-banaate phir aashcharyavat bhaaganti ho aise baap ko bhi phaarakti de dete hain। divorce bhi de dete hain kyonki shivbaaba baap bhi hai to patiyon ka pati bhi hai। aise baap ko bachche phaarakti de dete hain। takdeer ko lakeer laga dete hain। sajni hai to bhi divorce dene se kaudi tulya ban padegi। yeh bhi gaaya hua hai - aashcharyavat divorce devanti, phaarakti devanti.. jis baap se 21janma ka raajya bhaagya milta hai, unko bhi phaarakti de dete। koi to aakar baap ka banenge। koi-koi phir mahaamoorkha bhi banenge jo phaarakti bhi denge, divorce bhi denge। chalan se hi maaloom pad jaata hai। vikaar mein jaate rehte phir chhip-chhip kar baith jaate phir likh bhejte ki baba bhool ho gai, kshama karo। ab sauguna danda to chadh gaya woh kaise cancel ho sakta। sach bataane se aadha maaph bhi ho jaae..... isliye baba kehte hain chhipkar kabhi vikaar mein nahin jaana। na familiarity mein hi aana hai। krodh bhi bahut bhaari bhoot hai, bahuton ko duhkh dete hain। baap ko 5 vikaaron ka daan de phir vaapis le to pad bhi bhrashta ho jaayega। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni oonch takdeer banaane ke liye vikarma vinaash karne ka purushaartha karna hai। padhaai par poora dhyaan dena hai।

2) kusang se apni sambhaal karni hai। patit-paavan baap ke sang se svayan ko paavan banaana hai।

vardaan:- svadarshan chakradhaari ban har karma charitra ke roop mein karne vaale maayaajeet, saphaltaamoorta bhav

jaise baap ke har karma charitra ke roop mein gaaye jaate hain aise aapke bhi har karma charitra ke samaan hon। jo baap ke samaan svadarshan chakradhaari bane hain unse kabhi bhi saadhaaran karma nahin ho sakte। svadarshan chakradhaari ki nishaani hi hai saphalta swaroop। jo bhi kaarya karenge usmein saphalta samaai hui hogi। svadarshan chakradhaari maayaajeet hone ke kaaran saphalta moorta honge aur jo saphaltaamoorta hain woh har kadam mein padmaapdam pati hain।

slogan:- khushi ke samartha sankalpon ki rachna karo to tan-man se sada khush rahenge।