शुक्रवार 28 अप्रैल 2023 की दैनिक मुरली

28-04-2023 praatahmurli om shanti "baapdaada"' madhuban

“meethe bachche - is kaliyugi duniya ka sukh kaag vishta ke samaan hai, yeh duniya ab gai ki gai isliye isse lagaav nahin rakhna hai, aasakti nikaal deni hai''

prashn:- kin bachchon ki dil is puraani duniya se nahin lag sakti hai?

uttar:- jo aagyaakaari, vaphaadaar, nishchaybuddhi bachche hain unki dil is puraani duniya se lag nahin sakti kyonki unki buddhi mein rehta yeh to vinaash hui ki hui। yeh tilsam (jaadu) ka khel hai, maaya ka bhabhka hai। iska ab vinaash hona hi hai। dam phatenge, earthquake hogi, saagar dharni ko hap karega… yeh sab hona hai, nothing new। sweet hom, sweet raajdhaani yaad hai to is duniya se dil nahin lag sakti।

geet:- jiska saathi hai bhagwan...

om shanti। yeh nishchay ke oopar geet hai। jab baap ka bante hain va baap aate hain to woh aakar hamaara saathi bante hain। bachche jaante hain baap jab aate hain tab hi vinaash ke toofaan hote hain। baap aate hain puraani duniya ko khalaas kar nai duniya sthaapan karne। earthquake hogi, samudra neeche se dharti ko kha jaayega, barsaat oopar se dharti ko kha jaayegi। yeh sab hona hi hai। geet to unhonne aise hi baith banaaye hain। tum brahman kul bhooshan bachche jaante ho barobar puraani duniya ka vinaash hona hai। baap aaye hi hain nai duniya ki sthaapna karne। braahmanon ko saare vishwa ka maalik banaate hain। puraani duniya ka vinaash karaae phir saare vishwa ki raajaai bachchon ko varse mein dete hain। tum jaante ho baap se naye vishwa ke maalikapne ka varsa milta hai। yeh puraani vishwa to koi kaam ki nahin hai। manushya samajhte hain ab to svarga banta ja raha hai। parantu yeh sab hai maaya ka bhabhka। sab cheez mulamme ki hai, saara raajya mulamme ka hai। roonya ke paani (mrigtrishna) samaan hai, ismen manushya khush hote hain। aage jab musalmaanon ka raajya tha to yeh aeroplane, motor aadi thode hi thi। yeh sab maaya ka bhabhka hai। kitne plans banaate hain। bachche jaante hain yeh sab vinaash hone hain। earthquake hogi, yeh dam aadi sab paani hi paani kar denge। manushya samajhte hain isse sukh milega, parantu in sabse duhkh hi milega। yeh aeroplane bhi duhkhadaai ban padenge, bombs giraayenge। to bachche yeh sab baaten bhool jaate hain isliye puraani duniya mein dil lag jaati hai। jo baap ke aagyaakaari, vaphaadaar, poore madadgaar bachche bante hain, pakke nishchaybuddhi hain woh to jaante hain ki kuchh bhi ho, yeh koi nai baat nahin hai। yeh to anek baar puraani duniya ka vinaash hua hai, so ab hona hai zaroor। woh samajhte hain bahut nai-nai cheezen ban rahi hain, svarga ban raha hai aur tum bachche sirf jaante ho ki yeh to tilsam (jaadu) ka khel hai। jaise koi puraane sone ko rang roop lagaakar chamakdaar bana dete hain, vaise is puraani duniya ko bhi rang roop dekar chamakdaar banaane ke sab taraph plans banaate rehte hain। unko yeh pata hi nahin hai ki vinaash hona hai। yeh to tum brahman hi jaante ho ki yeh puraani duniya vinaash honi hai।

manushya to kah dete hain ki yeh puraani duniya vinaash hogi phir nai duniya bhagwan aakar sthaapan karenge। pahle brahma ko rachenge, phir unse manushya srishti paida hogi। so to pata nahin kab hoga। yeh sirf tum bachchon ko baap baith samjhaate hain। bhagwan ki hai shreemat। ab shreemat jab kaha jaata hai to zaroor samajhna chaahiye yeh to oonch bhagwan ki hi mat hai। shreemat brahma ki va vishnu ki nahin kehte hain। bhagwan aakar brahma tan se shreemat kaise dete hain - yeh manushya nahin jaante hain। woh samajhte nahin - brahma phir neeche kaise aata hai, woh to hai sookshmavtanvaasi। to in sab baaton ko na jaanne ke kaaran shreekrishna ka naam de diya hai। aise bhi nahin ho sakta ki shreekrishna ka koi saadhaaran roop hai jismen paramatma pravesh karte hain। yeh baaten koi nahin jaante। baap kehte hain hamaare bhi bahut guru kiye hue the, parantu kuchh pata nahin tha। bhoole hue the ki shreemat kiski hai? shreshtha te shreshtha to hai niraakaar, unki hi shreemat hai। shivaae namah kehte hain na। unki mahima aparmaapaar hai। in baaton ko tum bachche hi jaante ho। yeh sab baaten kisko buddhi mein bithaane mein kitni mehnat lagti hai!

ab bhakton ko bhagwan ki mat chaahiye। yeh to drama mein noondh hai। geeta ke bhagwan ne aakar bhakton ko mat di hai। to bhakton ka uddhaar kaise ho, bhakta phir kah dete hain bhagwan sarvavyaapi hai। bhakta hi bhagwan hain to bataao unhon ka kya haal hoga। ab baap baith samjhaate hain ki bhagwan ek hai, woh aate hi hain bhakton ki raksha karne। is samay manushya sab raavan ki shokvaatika mein hain। koi bhi manushya saadhu santa aadi raksha nahin kar sakte hain। bhakton ki raksha bhagwan ko karni hai।

manushya yeh nahin jaante hain ki ham patit duniya narka mein nivaas kar rahe hain। paavan duniya svarga ko kaha jaata hai। yeh baaten samjhenge phir bhi koton mein koi। kalpa pahle vaale sikeeldhe bachche hi aayenge। kalpa-kalpa tum sikeeldhe bante ho phir koi to poora bante hain, koi ko to maaya kachcha hi kha jaati hai। baap ko yaad na karne se jhat vikaar aa jaate hain। pahla-pahla vikaar deh-ahankaar aaya to phir auron ki bhi cheshtha hogi, isliye baap kehte hain dehi-abhimaani bano kyonki sabko vaapis jaana hai। yahaan to duhkh hi duhkh hai। kaliyugi duniya ka sukh kaag vishta ke samaan hai। yeh to sannyaasi bhi kehte hain aur tum bhi samajhte ho। narka aur svarga ko tum bachche jaante ho। narka mein to koi sukh nahin। narka mein koi se bhi lagaav rakhna apna pad bhrashta karna hai। koi bhi cheez mein aasakti nahin rakhni hai। samjhaana chaahiye yeh to puraani duniya khatma hone vaali hai। yeh duniya koi kaam ki nahin hai। pahle-pahle deh-abhimaan aane se unke saath dil lagti hai। dehi-abhimaani phir is puraani duniya se jaise upraam rahenge। woh hota hai had ka vairaagya, yeh hai behad ka vairaagya। ham is puraani duniya ko bhoolte hain, yeh bilkul hi duhkh dene vaali hai। inse baaki thoda sa kaam lena hai, yeh gai ki gai। baaki do ghadi ke ham mehmaan hain। to brahman hi kehte hain ki ham puraani duniya mein do ghadi ke mehmaan hain। ham apne sweet hom, sweet raajdhaani mein aakar sukh bhogenge, ab hamko jaana hai। yeh puraani duniya kabristaan honi hai isliye deh sahit sab kuchh bhool jaana hai। yeh shareer puraani jutti hai, isko ab chhodna hai, yog mein rehna hai। yog mein rahne se aayu badhegi to ham baap se varsa lenge। deh-abhimaani ki aayu badh nahin sakti। unka deh se pyaar ho jaata hai। koi ka shareer achha hai to deh se pyaar hota hai। achhi reeti malte rahenge, jaise bartan male jaate hain। jitna tum yog mein rahenge utna aatma pure hoti jaayegi phir laayak banenge - naya bartan lene ke। ham shareer ko bhal kitna bhi saabun, vaseline, powder aadi lagaayen phir bhi puraana shareer hai na। puraane makaan ko kitna bhi marammat karo to bhi jaise khandahar hai, to yeh shareer bhi aise hai। apne se aisi-aisi baaten karenge tab baap aur varse se dil lagegi aur koi cheez se dil nahin lagaani hai। main aatma hoon, baap ke paas jaane vaali hoon। baap ko yaad karne se faayda hota rehta hai। aayu badhti rehti hai। aatma samajhti hai - main yogbal se pure hoti jaati hoon। yeh mera shareer koi kaam ka nahin hai। bhal sannyaasi pavitra rehte hain parantu shareer to phir bhi patit hai na। yahaan koi ka bhi shareer shuddh nahin ho sakta। vahaan shareer vish se nahin banta। yeh baaten tum bachche hi jaante ho। agar svarga mein bhi vikaaron se hi paidaais hoti to phir unko nirvikaari kyon kehte? vahaan to aatma aur shareer donon pavitra hote hain।

tum jaante ho is samay 5 tatva bhi iron aged hain to shareer bhi aise milte hain। beemaari aadi ho jaati hai, vahaan kabhi shareer beemaar ho na sake। yeh sab samajhne ki baaten hain। vahaan tumhaare shareer bhi naye bante hain। satopradhaan prakriti ban jaati hai। vahaan yeh davaaeeyaan aadi kuchh nahin hoti। shareer chamakta rehta hai। kaaya kanchan samaan ban jaati hai। abhi to lohe ki hai। wonder hai na kaaya kaise badalti hai! koi polish to nahin ki jaati hai। kaaya ekdam kanchan samaan ho jaati hai usko golden ej kaha jaata hai। sone ke shareer to nahin hote hain। lakshmi-naaraayan ko paarasnaath paarasnaathini kehte hain। unhon ke shareer dekho kitne satopradhaan hain! unhon ki kitni mahima hai। abhi to yeh 5 tatva bhi tamopradhaan hain, vish se shareer paida hote hain। vahaan hai yogbal ki baat। svarga mein zaroor viceless bachche honge। kaam mahaashatru vahaan hota nahin। baap kehte hain yeh kaam tumko aadi-madhya-ant duhkh dene vaala hai। unko kaha hi jaata hai sampoorn nirvikaari duniya aur isko sampoorn vikaari duniya kaha jaata hai। har ek ke andar yeh 5 bhoot hain। 5 bhooton par vijay tab paate jab sarvashaktimaan baap se yog lagaate ho, jis yogbal se tum vishwa ke maalik bante ho। to tum ho incognito shivshakti sena। sena shivbaaba se yog lagaakar shakti le rahi hai। woh sarvashaktimaan baap hai hi svarga ki raajdhaani sthaapan karne vaala, god father। woh aate hi hain tumko svarga ka maalik banaane। abhi tum svarga ke laayak nahin ho। main kalpa-kalpa aakar tum bachchon ko svarga ki raajdhaani mein raajya karne ke laayak banaata hoon। abhi tum ho narka ke maalik। manushya kehte bhi hain phalaana mara, svargavaasi hua। bilkul samajhte nahin hain ki ham narka mein hain। svarga ka vaastav mein koi ko pata hi nahin hai। kehte hain jinke paas dhan daulat bahut hai unke liye yahaan hi svarga hai। are itni beemaariyaan aadi lagi padi hain isko svarga kaise kahenge। svarga to satayug ko kaha jaata hai। kaliyug mein thode hi svarga hai। baap ne samjhaaya hai yeh hai vikaari duniya। har ek naari dropdi, paarvati hai। har ek naari ko amarnaath amraktha sunaate hain। har ek dropdi nangan hone se bach jaayegi। yeh baaten behad ka baap baith samjhaate hain। woh hai hi viceless world, sampoorn nirvikaari duniya, vikaar bilkul nahin। aatma aakar pravesh karti hai to us samay garbha mein bilkul pure rehti hai। aatma bhi pure aati hai isliye unko garbha mein bhi koi saja nahin bhogni padti hai। yahaan to sabhi ko saja milti hai। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is duniya mein svayan ko mehmaan samajhna hai। dehi-abhimaani ban puraani duniya aur puraani deh se upraam rehna hai।

2) yog se aatma aur shareer donon ko paavan banaana hai। puraane shareer taraph aakarshit nahin hona hai, isse lagaav nahin rakhna hai।

vardaan:- shanti ke avtaar ban vishwa mein shanti ki kirnen phailaane vaale shanti deva bhav

jaise chhota sa firefly (jugnu) door se hi apni roshni ka anubhav karaata hai। aise vishwa ki aatmaon va sambandh-samparka mein aane vaali aatmaon ko mahsoos ho ki shanti ki kirnen in vishesh aatmaon dvaara mil rahi hain। buddhi dvaara anubhav karen ki shanti ka avtaar shanti dene aa gaye hain। chaaron or ki ashaanta aatmaayen shanti ki kirnon ke aadhaar par shanti kunda ki taraph khinchi hui aayen। is shanti ki shakti ka abhi prayog karo।

slogan:- jinka svayan par vyaktigat attention hai ve antarmukhi bankar phir baahyamukhta mein aate hain।