मंगलवार 2 मई 2023 की दैनिक मुरली

02-05-2023 praatahmurli om shanti "baapdaada"' madhuban

“meethe bachche - aatma-abhimaani bhav, ek baap ki shreemat par chalte raho, tumhaara oonch kul hai, tum svadarshan chakradhaari bano''

prashn:- shiv shakti paandav sena prati baap ka direction kaun-sa hai?

uttar:- baap ka direction hai - shreemat par chal tum is bhaarat ka beda paar karo। sarva dharmaan parityaj… maamekam yaad karo। paavan bankar auron ko paavan banaao। tum shiv shakti, paandav sena pavitra ban apne tan-man-dhan se bhaarat ko svarga banaane ki seva karo। tum shreemat par nonviolence (ahinsa) ke bal se bhaarat ki sachchi seva karo।

geet:- om namo shivaae....

om shanti। bachchon ne geet suna। yeh hai niraakaar shiv parampita paramatma ki mahima। unko bhagwan kaha jaata hai। bhagwan ek hi hota hai। bhaaratvaasiyon ke bhagwan anek hain। kutta, billi, patthar, bhittar sabko bhagwan maan lete hain aur khud ko bhi bhagwan samajhte hain isliye bhagwan kehte hain yeh sab naastik hain। parampita paramatma ki to bahut mahima hai, patit srishti ko paavan karte hain athva kaudi jaise kangaal bhaarat ko heere jaisa sirtaaj banaate hain। 5 hazaar varsha ki baat hai jabki bhaarat double sirtaaj tha। yeh kaun samjhaate hain? vahi parampita paramatma shiv, jisko gyaan ka saagar bhi kehte hain। mahima rachta baap ki hai, baaki to sab hain rachna। bhaaratvaasi kehte hain tum maat-pita ham baalak tere। bhaarat ko sukh ghanere the, ab nahin hain। ab hai aasuri raavan sampradaay। harek nar-naari mein 5 vikaar vyaapak hain, ismen raaja-raani, saadhu-sannyaasi aadi sab aa jaate hain। koi na koi vikaar hai zaroor। yeh hai hi patit duniya, patit bhaarat। satayug mein bhaarat paavan tha। pavitra grihastha dharma, pavitra pravritti maarga tha। abhi hai apvitra pravritti maarga। bhaarat double sirtaaj tha, athaah dhan tha, heere-javaahron ke mahal the, baad mein musalmaanon aadi ne lootkar apne maszidon, kabron aadi mein heere-javaahar lagaaye hain। bhaaratvaasi to bilkul hi kangaal ban gaye hain। mere ko bhoolne kaaran naastik ban pade hain। main to bhaaratvaasiyon ko devta banaata hoon। mahima bhi hai ki tum maat-pita... to zaroor baap se hi svarga ka varsa milna chaahiye। unse svarga ke sukh ghanere mil sakte hain। baap kehte hain main tumko svarga ka maalik banaata hoon - raajayog aur gyaan sikhla karke। parampita paramatma aatmaon ko aakar padhaate hain, kehte hain aatma-abhimaani bhav। aise nahin, parmaatma-abhimaani bhav। yeh wrong hai। eeshvar sarvavyaapi hai nahin। baap hai shiv aur bachche hain saaligraam। donon hi paramdham mein rehte hain। to ham sab aatma thahre। sannyaasi phir kah dete brahmo-ham, brahm hi brahm hai। baaki sab jhooth hai। ham bhi brahm hain। ab shri shri 108 jagat guru, patit-paavan to ek hai, unko hi satguru kaha jaata hai। jo patit duniya mein rahne vaale hain unko patit-paavan kaise kahenge? woh khud hi patit hain to auron ko paavan kaise karenge। jo pahle pavitra hain unko bhi shaadi karaae aur hi patit bana dete hain।

ab shivbaaba kehte hain - bachche, aatma-abhimaani bhav। apne ko aatma nishchay karo। baap hi aakar raajayog sikhlaate hain। shreekrishna ko bhagwan nahin kaha ja sakta। woh hai daivi gunon vaala manushya। satayug ka prince tha। parampita paramatma ki mahima bahut bhaari hai। khud aatmaon ko kehte hain - he aatmaayen, tum jab satayug mein thi to kitni paavan thi, ab patit ban padi ho। ab agar tumko phir se sukhi banna hai to shreemat par chalo। shreshtha te shreshtha mat hai hi bhagwan ki। manushya to ek taraph kehte - bhagwan naam-roop se nyaara hai phir kah dete - woh sarva-vyaapi hai, isko kaha jaata hai dharma glaani। koi ko pata nahin ki bhaarat mein aadi sanaatan devi-devta dharma tha। woh kisne sthaapan kiya - kuchh knowledge nahin। baap aur baap ki rachna ke aadi-madhya-ant ko nahin jaante hain। manushya hi jaanenge, jaanvar to nahin jaanenge। shivbaaba ko bhi baba kaha jaata hai। phir prajaapita brahma dvaara brahman kul ki sthaapna hoti hai। koi bhi manushya nahin jaante ki parampita paramatma hamko kaise rachte hain aur phir kaise paalna karaate hain। prajaapita brahma hai manushya srishti ko rachne vaala, phir parampita paramatma ko bhi creator kehte hain। woh aatmaon ka baap hai। to sab ho gaye shiv ki santaan brahmaakumaar-kumaariyaan। varsa us maat-pita se milta hai। baba kehte hain mainne tumko janma diya to yaad phir bhi mujhe karna hai aur varse ko bhi yaad karo। maut saamne hai। marne samay kehte hain bhagwan ko yaad karo। ab bhagwan khud kehte hain - bachche, tum meri shreemat par chalo। ek hai yaadav mat, doosri hai kaurav mat। yeh hai paandav mat। paandavon ko milti hai eeshvareey mat। gaaya bhi hua hai vinaash kaale vipreet buddhi। paandavon ki hai preet buddhi।

tum jaante ho - yeh hai jhooth khanda। paanch hazaar varsha pahle tha sachkhanda। devtaayen raajya karte the। bhaaratvaasi saare vishwa ke maalik the, jo abhi nahin hain। abhi tum phir se vishwa ke maalik ban rahe ho। satayug mein world almighty authority ka raajya tha, abhi woh nahin hai। baap kehte hain phir se main sthaapan kar raha hoon। baaki sab dharma khalaas ho jaayenge। ab tum patit-paavan paramatma ko yaad karo, apne ko aatma samjho। paap-aatma, punya-aatma kaha jaata hai। bhaarat mein sab punya-aatmaayen the, abhi paap-aatmaayen hain। punya-paramatma nahin kahenge। tum bachchon ke ab 84 janma poore hue hain। ab main aaya hoon bachchon ko vaapas le jaane, main tumhaara behad ka baap teacher bhi hoon। tumko behad ki history-geography ka raaz batlaakar svadarshan chakradhaari banaata hoon। devtaayen svadarshan chakradhaari nahin hote। braahmanon ka hai sabse oonch kul। brahman choti hain na। prajaapita brahma ki santaan jo phir devta banne vaale hain। baap kehte hain tum pahle brahman the, phir kshatriy, vaishya, shoodra bane। punarjanma lete aaye। ab phir tumko shiksha de devi-devta banaata hoon। is samay bhaaratvaasi bilkul kabradaakhil hain aur apne ko bade-bade title dete rehte hain - sarvodaya leader। sarva arthaat saari srishti ke manushya maatra par daya, so to manushya kar na sake। knowledgeful, blissful ek hi baap ko kaha jaata hai। ab baba kehte hain sarva dharmaan parityaj.... maamekam yaad karo to yog agni se tumhaare vikarma vinaash honge। aise nahin, patit-paavni ganga hai। patit-paavan ek hi baap hai। yeh hai shiv shakti paandav sena, jo pavitra rehte hain। yeh bhaarat ki maataayen shiv shakti paandav sena hain jo tan-man-dhan se is bhaarat ko svarga bana rahe hain। ek taraph hai nonviolence, doosre taraph hai violence। woh kya karte hain aur tum kya karte ho? yaadgaar khada hai, 5 hazaar varsha pahle jo seva ki thi unka yaadgaar hai। tum service karte ho। yeh knowledge hai, ismen andhashraddha ki koi baat nahin। tum shiv ke mandir mein jaate ho parantu jaante nahin ki shivbaaba to svarga ka rachayita hai। to unse zaroor svarga ka varsa milna chaahiye। paramatma hamesha bachchon ko sukh ka varsa dete hain isliye sab unko yaad karte hain - patit-paavan aao। he baba, hamko aakar phir se svarga ka raajya-bhaagya do, aakar jeevanmukti do। sadgati daata bhagwan hi hai। paavan bankar auron ko paavan banaane vaale tum shivshakti paandav sena ho। tum shreemat par bhaarat ka beda paar karne vaale ho। tumhein baap ki shreemat mili hui hai - sarva dharmaan parityaj.. maamekam yaad karo। woh baap hai sat-chit-gyaan ka saagar, sukh ka saagar..। woh aate hain bachchon ko padhaane। baap aatmaon se baat karte hain। aatmaayen sunti hain। aatma hi sab kuchh karti hai। baap kehte hain tum ho sikeeldhe bahutkaal se bichhude hue.... paramdham se pahle kaun si aatmaayen aati hain? jinko ant tak yahaan rehna hai। svarga ke aadi mein yeh devi-devtaayen the। unhonne hi poore 84 janma bhoge hain। jab parampita paramatma aate hain to bahut kaal se jo bichhudi hui aatmaayen hain vahi pahle-pahle aakar baap se varsa leti hain। bachche, grihastha vyavhaar mein rehte baba ko yaad karo, kamal phool samaan raho, shreemat par phir se aisa shreshtha bano। aadhaakalpa tumne bahut sukh bhoga tha phir maaya raavan ne aasuri mat se tumko giraaya। jo sooryavanshi the vahi chandravanshi bane.... ab phir shoodra se brahman bane ho। tum ho gupta। tumko koi pahchaante nahin। behad ka baapu ji kehta hai main saare srishti ka baapu ji hoon, svarga to main hi sthaapan karoonga। had ke baapu ji ne foreigners ko bhagaaya। yeh phir sabko is srishti se bhagaakar le jaate hain। anek dharmon ka vinaash, ek dharma ki sthaapna ho rahi hai। in sab baaton ko samjhenge vahi jinhonne kalpa pahle samjha hoga। jo sooryavanshi raajya mein aate hain vahi phir aakar raajya karenge। yeh bada jhaad hai। aadi sanaatan devi-devta dharma ka sapling lag raha hai। kaliyug hai kaanton ka jangal aur satayug hai phoolon ka bageecha। jo ek do ko sukh dete hain unko kaha jaata hai daivi sampradaay। jo duhkh dete hain unko kaha jaata hai aasuri sampradaay। shivbaaba aakar shivaalay sthaapan karte hain। tumko svarga ka maalik banaate hain। jitna jo purushaartha karenge utna pad paayenge। bhaarat mein pahle daivi sampradaay the phir aasuri sampradaay athva shoodra sampradaay bane hain। ab phir tum daivi sampradaay banenge। ab tum eeshvareey sampradaay bane ho phir devta banenge। is chakra ko achhi reeti samajhna hai। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। vande maatram। roohaani baap ki roohaani bachchon ko namaste।

dhaarna ke liye mukhya saar:-

1) sabko sukh de daivi sampradaay ka banna hai। aasuri sampradaay vaala koi bhi kartavya nahin karna hai। shivaalay ki sthaapna mein madadgaar banna hai।

2) aatma-abhimaani hokar rehna hai। grihastha vyavhaar mein rehte ek baap ko hi yaad karna hai। yog agni se apne vikarma dagdha karne hain।

vardaan:- attention aur abhyaas ke nizi sanskaar dvaara sva aur sarva ki seva mein saphaltaamoorta bhav

brahman aatmaon ka nizi sanskaar “attention aur abhyaas'' hai। isliye kabhi attention ka bhi tension nahin rakhna। sada sva seva aur auron ki seva saath-saath karo। jo sva seva chhod par seva mein lage rehte hain unhein saphalta nahin mil sakti, isliye donon ka balance rakh aage badho। kamjor nahin bano। anek baar ke nimitta bane hue vijayi aatma ho, vijayi aatma ke liye koi mehnat nahin, mushkil nahin।

slogan:- gyaanayukta merciful bano to kamjoriyon se dil ka vairaagya aayega।