शनिवार 6 मई 2023 की दैनिक मुरली

06-05-2023 praatahmurli om shanti "baapdaada"' madhuban

“meethe bachche - sapoot ban shreemat par chal maat-pita ki aasheervaad le aage badhte raho, aasheervaad lene mein kabhi bhool nahin karna''

prashn:- baap bachchon ko kaun sa shubh maarga batlaate hain, jo koi bhi manushya nahin batla sakte?

uttar:- patit se paavan banne ka। mukti-jeevanmukti praapta karne ka shubh maarga ek baap hi batlaate hain। yeh maarga kisi ko bhi pata nahin hai। agar kisi bhi aatma ko pata hota to duhkh aate hi aatma phauran vahaan bhaag jaati। baap ne tumhein maarga bataaya - bachche, deh sahit sab kuchh bhool apne ko aatma samajh baap ko yaad karo, isse hi paavan banenge।

geet:- le lo duaayen maa baap ki…

om shanti। meethe-meethe bachchon ne geet suna। ab ham maat-pita ko patit-paavan to kehte hi hain। bachche jaante hain ki janma-janmaantar ke paapon ki gathri utarni hai, kaise? sirf maat-pita ko yaad karne se। pukaarte shivbaaba ko hi hain। oonch te oonch gyaan baap samjhaate rehte hain। bachche varsa lete hain baap se। parantu jab tak adopt na kare, mukh vanshaavli na bane to bachche kaise kahlaave। bhakti maarga vaale to sirf gaate hain, tum yahaan sammukh baithe ho। baap kehte hain ab main aaya hoon tumhaari janma-janmaantar ki gathri ko utaarne ki raay dene, shreemat par chalaane। yeh baba nahin kehte, shivbaaba kehte hain - mere laadle sikeeldhe bachche, samajhte ho barobar patit-paavan baap hi paapon ki gathri utaarne ka maarga athva patit se paavan banaane ka maarga bataate hain। jaise subhaash maarga naam rakhte hain na। yeh hai patit se paavan banne ka maarga। baap kehte hain - meethe-meethe bachche, main tumko maarga bataane aaya hoon। manushya pukaarte rehte hain - he patit-paavan aao aur aakar patit se paavan banaane ka maarga bataao। tumhein abhi woh maarga kaun bataate hain? most beloved baap। saadhu aadi saadhna karte hain mukti mein jaane liye, parantu ja nahin sakte। jab duniya patit hoti hai tab paavan duniya ka maarga bataane baap ko aana padta hai। koi bhi manushya mukti-jeevanmukti ka maarga bata na sake। to shreemat par chalna chaahiye। sab sang todna hai। sarva dharmaani parityaj, maamekam... deh ke jo bhi sab dharma hain, sabhi chhod apne ko aatma samjho। main phalaana hoon, yeh meri milkiyat hai - yeh sab chhod apne ko aatma samjho aur nirantar purushaartha karo, mere ko yaad karo। main shubh maarga bataata hoon। in jaisa shubh maarga koi hota nahin hai। ab yeh duhkh ka naatak poora hota hai। abhi bhi yeh duhkh ka part bajaana chaahte ho kya? to aur hi duhkhi honge। yahaan koi bhi manushya sukhi nahin hai। akaale mrityu aadi kitni duhkh ki baaten hain। koi ek virla badi aayu vaale hain, baaki to rogi ban padte hain।

baap kehte hain main guide bankar aaya hoon। ab maat-pita ko yaad karo। shreemat par chalne se tumhaare oopar kitni aasheervaad hoti hai jo tum sab bhaagyashaali ban jaate ho। baap kehte hain tum vishwa ka maalik banne vaale ho। behad ke baap se vishwa ka maalikapna lena koi kam baat thode hi hai! paise ke liye kitna thagi aadi karte hain। yahaan aisi koi baat nahin। baap kehte hain mujhe yaad karo to sadaiv ke liye nirogi ban jaayenge। 21 janma ke liye kitna bhaari varsa dete hain! aise baap se bhakti maarga mein pratigya karte aaye ho। tum par kurbaan jaayenge, phir aapse svarga ka varsa lenge। ab tum jaante ho - ham apne most beloved baap ke paas baithe hain। baap niraakaar, nirhankaari gaaya hua hai। kitna oonch te oonch baap hai। jab bhakti poori hoti hai tab bhakti maarga ka phal dene liye main aata hoon। woh bhi bataate hain - mere sachche-sachche bhakta kaun hain! jo pahle-pahle poojya the, bhagwan-bhagavti the, phir oopar se neeche aaye hain, sato-rajo-tamo mein aate-aate ab bilkul hi jadajdeebhoot ho gaye hain। tum jaante ho ham so vishwa ke maalik the। bhaarat ki badi mahima hai isliye sab bhaarat ko madad karte hain। jaante hain bhaarat pahle bahut saahookaar tha। ab gareeb ho gaya hai to sabko taras padta hai। bhaarat ko bahut gareeb samajhkar madad karte hain। koi bahut saahookaar hote hain aur phir gareeb ban padte hain to unko daan dene liye sabki dil hoti hai। baap kehte hain bhaaratvaasi kitne moonjhe hue hain। shiv jayanti manaate hain, parantu jaante nahin ki shivbaaba kab aaya, kya aakar kiya। zaroor baap varsa lekar aaya hoga। svarga ka maalik banaaya hoga। kehte hain main bachchon ko sada sukhi banaakar, takhta dekar vaanaprastha mein chala jaata hoon। main koi tamanna nahin rakhta hoon। vishwa ka raajya paane liye main maalik nahin banta hoon। aise beloved baap ko kaise pakadna chaahiye। haath se pakadne ki baat nahin। buddhi se pakadne ki baat hai। sabko apne ghar grihastha mein bhi rehna hai। bachchon ki paalna bhi karni hai। yeh hai behad ka sannyaas। deh sahit jo kuchh hai unko chhodna hai। yahaan harek cheez jadajdeebhoot tamopradhaan hai। duhkh dene vaali hai। tatva bhi duhkh dete hain। barsaat na padi famine ho jaata hai। baadh aa jaati hai। vahaan to yeh tatva aadi sab tumhaare order mein rahenge। paanch tatva bhi tumhaari avagya nahin karenge।

abhi tum bachche baap se duaayen le rahe ho। duaayen milegi shreemat par। baap ki shreemat par madadgaar bano phir mujhe yaad karo। parantu raho kamal phool samaan। bas, yaad se hi tum is bhaarat ko svarga bana denge। baap kehte hain tum sirf pavitra bano। aise nahin ki sab manushya anguli denge। jo kalpa pahle shreemat par baap ke madadgaar bane hain, vahi banenge। yeh fakhur hona chaahiye ham parampita paramatma ke right hand bante hain! right hand banne se poora righteous ban jaayenge। vijay maala mein piro jaayenge। hai bahut sahaj। ismen koi hathayog aadi nahin karaate hain। naatak poora hua, 84 janmon ka part poora hua। abhi chhi-chhi kapda chhodna hai। ab mujhe yaad karte-karte shantidham mein aa jaayenge। pahle vahaan nivaas karenge phir tumko sukh ke sambandh mein bhej denge। barobar ham aatmaayen vahaan se aati hain। woh sweet hom to sab bhool gaye hain। manushya kaashi kalvat khaate hain। samajhte hain yahaan duhkh hai, ham jaate hain shiv ke paas। parantu shiv-baba ke paas pahunch nahin sakte। yahaan to tum bachchon ko padhaate hain। tum kamaai karte ho। pahle baba ke bachche bante ho। baba padhaana shuru karte hain phir tumko vaapis le jaate hain phir svarga mein bhej dete hain। prajaapita brahma to zaroor yahaan chaahiye na। to tum samjha sakte ho - ham hain brahmaakumaar kumaariyaan। brahma hai shivbaaba ka bachcha। shivbaaba hamaara daada hai। varsa daade se milta hai। woh hai svarga ka rachayita। unse hi svarga ka varsa milna hai isliye baba ki mat par chalna hai। unse aasheervaad leni hai। aagyaakaari bachche hi aasheervaad lene ke hakdaar hain। baap kehte hain kapoot nahin lekin sapoot bano। baba ka haath poora pakad lo। tumko bahut aaraam se le jaate hain। sab aatmaon ko pankh mil jaate hain। tum jitna baap ko yaad karenge utna udne ke pankh milte jaayenge। saja khaane vaale thode hi oonch pad paayenge। shreemat par chalo phir saja ke laayak nahin banenge। paas with honour hone ke liye purushaartha karna chaahiye। mama-baba ke oopar bhi jeet paani hoti hai। baap baar-baar kehte hain - bachche, baap se mukh nahin modna। koi centre sthaapan karte, khoob sevaayen karte, koi phir chalte-chalte rooth jaate hain, sampoorn to koi bane nahin hain। koi na koi khit-khit hoti hai। parantu kabhi bhi baap ko chhodna nahin hai। baba, ham aapke hain, aapse varsa lete hain। grihastha vyavhaar ko bhi sambhaalna hai। yeh koi woh sannyaas nahin hai। tumne bachchon ko racha hai to unki paalna bhi karni hai। unmein bhi kapoot aur sapoot zaroor honge। kapoot bachche sabko tang karenge। baap kehte hain tum sabko paarlaukik baap ka parichay do। bolo - O god father kehte ho, phir sarvavyaapi kaise ho sakta hai? kehte hi hain patit-paavan, god father... to zaroor patit duniya hai aur paavan duniya bhi hai। sabhi aatmaon ka baap woh ek hai। abhi tum jaante ho ham us baap ke saamne baithe hain jo hamko patit se paavan banaakar aasheervaad dete hain - chiranjeevi raho। vahaan tumko kaal kha nahin sakta। to baap kehte hain shreemat par chalo। sabko sukh do। baap aaye hi hain sabko sukhi banaane। sukh aur shanti donon varsa dete hain। vahaan to maaya hi nahin, to duhkh kahaan se aaya? yahaan to ek do mein ladte-jhagadte rehte hain। baap aaye hain - sukhdhaam-shantidham ka maalik banaane। uske liye tum padhte ho। baap ne sabhi prabandha rakhe hain। hai to sab bachchon ka hi। baap kehte hain main tumhaara servant hoon। bachche kehte hain - shiv baba, hamaare naam par makaan bana lena। achha, jo hukm। baap bhi kehte hain jo hukm bachchon ka। shivbaaba brahma dvaara hi tumhaare liye banva rahe hain। sab kuchh shivbaaba hi karte hain। baba ne kaha hai chitthi bhi likho to shivbaaba care oph brahma। yeh aadat pad jaani chaahiye। shivbaaba ko yaad karne se kitne paap katte hain। baba yuktiyaan bataate rehte hain। shivbaaba care oph brahma। bahut sahaj hai na। naam hi hai sahaj raajayog aur sahaj gyaan। baap hai gyaan ka saagar, knowledgeful... saari srishti ke aadi-madhya-ant ka raaz bataate hain। yeh bhi second ki baat hai। ab bhaarat-vaasiyon par raahu ki dasha badalkar brihaspati ki dasha baithti hai।

baap kehte hain bachche duaayen le lo to tumhaare paap ki gathri utre। maamekam yaad karne ki practice karo। uthte-baithte, chalte-phirte baap kehte hain mujh most beloved baap ko yaad karo। tumko kaisa varsa deta hoon! to maa-baap se duaayen lene ke laayak banna chaahiye। isne (brahma ne) bhi laukik baap ki bahut duaayen li hai। baap ki bahut seva ki hai। pichhaadi mein kaha kaashi mein nivaas karaao। achha baba chalo। vahaan bithaakar naukar-chaakar sab diye। vahaan hi unki manokaamna poori hui। baba ki aasheervaad mili na। sabki service ki to aasheervaad mili। maa-baap ki aasheervaad aage badhaati hai। abhi hai behad ki baat isliye sapoot bachche ban aasheervaad leni hai। to shreemat par chalte raho aur sabko maarga bataao। bhaaratvaasi svarga ke maalik bane the। abhi baba aaya hai varsa dene। kehte hain sirf mujh baap ko yaad karo aur kiske naam-roop mein nahin phansana hai। dehi abhimaani ban baap ko yaad karo to beda paar ho jaayega। tum maat-pita ham baalak tere... ab woh maat-pita saamne baithe hain। baba barobar aap kalpa pahle aaye the। kalpa-kalpa bhi aap aise aate ho। yeh ham jaante hain aur koi nahin jaante hain। tum 84 janma ke chakra ko jaan gaye ho। abhi baap se aasheervaad lene mein bhool na karo। yeh badi jabardasta aasheervaad hai। baap tum bachchon ko vishwa ka maalik banaakar khud nirvaandhaam mein baith jaate hain। yeh khud is srishti ka sukh nahin lete hain। achha! baap kehte hain vistaar se kya sunaaoon। thodi-si baat sirf samajh lo - tum baap ko yaad karna bhool jaate ho। gaanth baandh lo। manushya koi baat yaad karne liye gaanth baandh lete hain to bhoolta nahin hai। to yeh bhi bhoolna nahin hai।

centre kholne vaalon ko kitni aasheervaad milti hai! svarga ke founder ko sab kitna yaad karte hain! O god father, mercy on me। woh hai sarva ka sadgatidaata, shanti daata.....। baap kaise baith bachchon ki seva karte hain। kitna oonch te oonch banaate hain। koi ko bhi pata nahin padta ki baap inhon ko kya banaate hain। baap bachchon ki seva mein upasthit hai, bahut nirhankaari hai, bachche kisma-kisma ke hain to bhi kehte hain bhaavi aisi bani hui hai। baap kehte hain meri act hu-ba-hu kalpa pahle muaaphik chalti hai। gaandhi athva nehru bhi chaahte the ki one almighty authority government ho। ab yeh kaarya baap kar rahe hain। aahiste-aahiste jaante jaayenge। parantu tu let hote jaayenge। karmaateet avastha hui to yeh shareer nahin rahega। pichhaadi mein aane vaalon ko bahut achha purushaartha karna padega aur aise bhi pichhaadi mein aane vaale bahut teekhe jaate hain। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ki shreemat par poora chal baap ka right hand ban poora righteous banna hai। baap ka poora madadgaar banna hai।

2) maat-pita ki aasheervaad aage badhaati hai isliye aagyaakaari ban aasheervaad leni hai। baap samaan nirhankaari banna hai।

vardaan:- mansa-vaacha aur karmana teenon sevaaon ke khaate jama karne vaale yagya snehi bhav

baapdaada ke paas sabhi bachchon ki seva ke teen prakaar ke khaate jama hain। jo yagya snehi hain woh mansa-vaacha-karmana, tan man aur dhan teenon seva mein sada sahayogi bante hain। har khaate ki 100 marks hain। agar kisi ki vaacha seva ki duty hai to usmein mansa aur karmana ki percentage kam na ho। vaacha seva sahaj hai lekin mansa mein attention dene ki baat hai aur karmana sirf sthool seva nahin lekin sangathan mein samparka-sambandh mein aana - yeh bhi karma ke khaate mein jama hota hai।

slogan:- apne oopar raajya karne vaale svaraajya adhikaari bano, saathiyon par raajya karne vaale nahin।