गुरुवार 25 मई 2023 की दैनिक मुरली

25-05-2023 praatahmurli om shanti "baapdaada"' madhuban

“meethe bachche - deh sahit tumhaare paas jo kuchh bhi hai woh sab bali chadha do phir trustee ban sambhaalo to mamatva nikal jaayega''

prashn:- harek brahman bachche ko kaun-si yukti zaroor seekhni chaahiye?

uttar:- service karne ki yukti zaroor seekho। shauk hona chaahiye ki kaise siddha kar bataayen - paramatma kaun hai। tumhein baap ki shreemat mili hui hai - sensible ban sabko baap ka paigaam sunaao। aise achhe-achhe parche, card chhapaao jo manushyon ko pata pade ki paramatma ko sarvavyaapi kehna unki insult karna hai। tum bachche teertha yaatriyon ki bahut service kar sakte ho।

geet:- jiska saathi hai bhagwan…

om shanti। bachchon ne geet suna। bachche hi iska arth samajhte hain baaki jinhonne geet gaaya woh iska arth kuchh bhi nahin samajhte। na unhon ke saath bhagwan hai, na unhon ko yeh pata hai ki bhagwan kab aakar apne bachchon ko svarga ka varsa dete hain। baap ne hi aakar bachchon ko sammukh mein apna parichay diya hai। vahi baap ab sammukh baithe hain aur tum sunte ho। tum hi toophaanon ko samajhte ho। vo log to calamities aadi ko toofaan samajh lete hain। yeh to 5 vikaar roopi maaya ke toophaan aate hain। purushaartha mein maaya bahut vighna daalti hai। parantu uski parvaah nahin karni chaahiye। sirf baba ko achhi reeti yaad karne se hi toophaan ud jaate hain। baadshaah ka bachcha hoga, unko yeh nishchay hoga ki hamaara baba baadshaah hai। is baadshaahi ka main maalik hoon। nasha rehta hai। tum bachchon mein bhi koi-koi ko aisa pakka nishchay hai aur baap ko apna banaaya hai। apna banaana koi maasi ka ghar nahin hai। bas, mera to ek shivbaaba, doosra na koi। bahut bachche in baaton ko samajhte nahin hain isliye maaya ke toophaan hairaan karte hain aur phir baap ko hi chhod dete hain। duniya mein bhagwan ko yathaartha reeti koi nahin jaante। tum bachche asul mein shivaalay ke rahne vaale the। ab veshyaalay hai। is samay manushya bandar se bhi badtar ban gaye hain। manushya ka krodh bandar se bhi teekha hai। manushya hote bhi aisa kaam karte hain isliye unko bandar se bhi badtar kaha jaata hai। bhaaratvaasiyon ka sabse bada dushman kaun hai, jisne unhon ko bandar se bhi badtar banaaya hai - yeh koi nahin jaante। baap kehte hain tum dil roopi darpan mein apni shakla dekho। tum pahle kya the! ab baap tumko laayak banaate hain। parantu jo shreemat par nahin chalte to maaya unko na-laayak bana deti hai।

baap shreemat dete hain - deh sahit jo kuchh bhi tumhaare paas hai woh sab bali chadho। phir tumko trustee bana denge। tumhaara mamatva mita denge। tum ablaaon ke liye bahut sahaj hai। raajasthaan ke taraph raajaaon ko apne bachche nahin hote hain to god lete hain। gareeb ka baalak agar saahookaar ki god mein jaata hai to kitna khush hota hai - ham itni property ke maalik hain! bade aadmiyon ke bachchon ko bhi bahut nasha rehta hai ki ham karodapti ke bachche hain। is gyaan ka to unko pata hi nahin hai। tum jaante ho ki is gyaan mein kitna bhaari nasha rehta hai! shreemat par chalne se shreshtha banenge, nahin chalne se nahin banenge। bhagwan kehte hain tumko to koi kisma ki parvaah hi nahin। raat-din tumko nasha rehna chaahiye ki hamko baba 21 janmon ke liye svarga ki raajaai ka varsa dete hain। ham baba ki santaan bane hain। vaastav mein sab shivbaaba ki santaan hain। parantu ab shivbaaba aakar practical mein apna bachcha banaate hain। abhi tum sammukh baithe ho, jaante ho shivbaaba hamko apna banaakar svarga ke laayak banaane liye mat dete hain ki bachche, kiske naam-roop mein nahin phansana hai। ek shivbaaba ka naam-roop hi buddhi mein rakhna hai। unka naam-roop hi manushyon se nyaara hai। baap kehte hain tum hamaare the, nirvaandhaam mein rahne vaale the। kya tum bhool gae ho ki ham aatma paramdham, shantidham athva nirvaandhaam ki rahne vaali hain? hamaara svadharma shant hai। yeh shareer organs hain karma karne ke liye। nahin to part kaise bajaayenge? ham aatma niraakaari duniya ki rahvaasi hain - yeh bilkul nahin jaante। yeh sab baaten manushya hi jaanenge, jaanvar thode hi jaanenge। paramatma ko sarvavyaapi kah diya hai to khud ko bhi bhool gaye hain ki ham aatma hain। kehte hain Christ ko, ibraaham ko parampita paramatma ne bheja। to zaroor koi baap hai bhejne vaala। yeh to tum jaante ho ki drama anusaar har ek aata rehta hai। bhejne karne ka to savaal hi nahin uthta। is samay manushya agyaan andhere mein hain। na baap ko, na apne ko, na rachna ko jaante hain। main aatma hoon, yeh shareer alag hai। ham aatma vahaan se aaye hain - yeh sab baaten baba hi yaad dilaate hain। aur baap kehte hain sabhi ko yaad dilaao। tumhaara nimantran bahut achha chhapa hua hai। shiv ka chitra bhi hai। yeh baba, yeh lakshmi-naaraayan hai varsa। likha hua hai parampita paramatma se aakar lakshmi-naaraayan jaisa banne ka varsa lo। tum nar se naaraayan banne ke student ho। woh saahookaar aadi ke bachche padhte honge to kitna khush hote honge! parantu hamaare aage to woh kuchh bhi nahin hai। alpa-kaal ke sukh liye mehnat karte hain। tum bachche sada sukh paate ho। yeh bhi tum hi kah sakte ho। kahaan bhi jaao haath mein nimantran patra ho। bolo, yeh sabhi aatmaon ka baap svarga ka rachayita hai, unse varsa kaise milta hai so likha hua hai। yeh nimantran aeroplane se gira sakte ho। akhbaar mein bhi daal sakte ho। bade-bade ko nimantran mil jaayega। yeh aeroplane vinaash ke liye bhi hai to tumhaari service ke liye bhi hai। yeh kaam gareeb to kar na saken parantu baap hai hi gareeb nivaaz। gareeb hi varsa paate hain। saahookaar to mamatva mein phanse hue hain। surrender hone mein hriday videerna hota hai। kanyaaon-maataaon ka is samay hi bhaagya uday hota hai।

baap kehte hain in maataaon dvaara hi bhaarat ka aur saadhu-santa, vidvaanon ka uddhaar karna hai। aage chalkar woh sab aayenge। abhi vo log samajhte hain - hamaare jaisa koi hai nahin। woh yeh nahin jaante ki grihastha vyavhaar mein rehte baap ne raajayog sikhaaya hai। unhon ka hathayog karma-sannyaas alag hai। bhagwan to zaroor aakar svarga ka maalik banaayenge। to tumko kitni khushi rahni chaahiye! baba bhakti mein bhi lakshmi-naaraayan ke chitra ko bahut pyaar se saath mein rakhte the। shreekrishna ke chitra ko dekh bahut khush hote the। baba bachchon ko samjhaate hain ki apna aur doosron ka kalyaan karna hai to service mein lag jaao। em object to bahut clear hai। varsa hai deity world sovereignty। oopar shivbaaba, neeche lakshmi-naaraayan, kitna sahaj hai samjhaana! to sabko nimantran dena hai। behad ke baap se svarga ka varsa zaroor milna hai। jahaan bahut log jaate hain vahaan yeh parche zaroor phenkane chaahiye। koi kuchh kah nahin sakta। agar koi kahe to ham siddha kar samjhaayenge ki baap, jisse svarga ka varsa milta hai, unko tum sarvavyaapi kehte ho! baap kehte hain - dekho, yeh meri insult karte ho! main svarga ka maalik banaata, mujhe phir bhittar-thikkar mein daal diya hai! ab tumhein shreemat milti hai ki yeh parche khoob baanto। amarnaath ki yaatra par jhunda jaata hai - vahaan jaakar boto। ismen likha hua hai - yagya, tap, teertha aadi se main nahin milta hoon। parantu samjhaane vaala sensible chaahiye। samjhaana chaahiye woh hai god father। sirf bhagwan, eeshvar, paramatma kahne se pita akshar nahin aata। god father kahne se pita akshar aata hai। ham sabhi ek father ke bachche thahre। paramatma sarvavyaapi hai to kya paramatma patit ho gaya? woh to hai oonche te ooncha। unka yaadgaar mandir bhi hai। to bachchon ko yukti se service karne ka shauk chaahiye। yaatra par jaakar bahut service kar sakte ho। woh hai jismaani yaatri, tum ho roohaani yaatri। samjhaana chaahiye tum kahaan jaate ho। shankar-paarvati to sookshm vatan mein rehte hain। yahaan woh kahaan se aaye। yeh sab hai bhaktimaarga। to aise tum bahut service kar sakte ho। bhakta bichaare bahut dhakke khaate rehte hain, to un par taras padta hai। unko bolo - tum apne dharma ko bhoole hue ho। hindu dharma kisne sthaapan kiya? service to bahut hai। bachchon ko khada hona chaahiye। baap aaya hai svarga ka varsa dene phir bhi maaya naak se pakad ekdam munh phira deti hai isliye maaya se bahut khabardaar rehna hai। abhi tum bachche baapdaada ke sammukh baithe ho। duniya ko thode hi maaloom hai ki baap sammukh aaye hain। sab aatmaon ki jyot bujhi hui hai। ekdam bujh nahin jaati hai, thodi light rehti hai। phir baba aakar gyaan-ghrit daalte hain। jab koi marta hai to deeva jagaate hain। yahaan yog se aatma ki jyot jagaai jaati hai। gyaan ki dhaarna karte rehte hain। bhaarat ka praacheen raajayog mashhoor hai। woh nivritti maarga vaale to anek prakaar ke hathayog sikhlaate hain। phaayda kuchh bhi nahin। neeche girte hi jaate hain। sivaae yogeshvar ke koi yog sikhla na sake। yog sikhlaane vaala hai eeshvar, woh hai niraakaar।

baap kehte hain tumko ab yog sikhla raha hoon। ab tumhaara 84 ka part poora hua। koi ke 84 janma, koi ke 60, koi ke ek do janma bhi hote hain। tum bachchon ko khoob service karni hai। bhaarat hi heaven tha। god-goddess ka raajya tha। yeh baaten tumhaare sivaae koi samjha na sake। gaali bhi tumko khaani padti hai। baba gaali khaayenge to kya bachche nahin khaayenge। sitam sahan karenge। yeh bhi drama mein noondh hai। phir bhi aise hi hoga। abhi tum bachchon ko paaras buddhi banaata hoon। aise baap ko bahut yaad karna chaahiye - jo vishwa ka maalik banaate hain। kehte hain bachche jeete raho। svarga ka raajya lo। aise meethe-meethe baap ko tum yaad nahin kar sakte ho? yaad se hi vikarma vinaash honge। raha hua paapon ka khaata yahaan chuktu karna hai। agar yog nahin lagaayenge to saja khaani padegi। us samay baba saakshaatkaar bhi karaate hain - tum hamaare bankar phir phaarakti de tum traitor ban gaye। tumne shurooaat mein saakshaatkaar bhi kiya hai। achha!

meethe-meethe sikeeldhe sada salaamat bachchon ko maat-pita ka yaad, pyaar aur good morning। bachchon ko samajhna hai ki ham yeh shareer chhod sweet hom mein jaayenge। ab yahaan rahne mein zara bhi maja nahin hai। ab ham baba ke paas jaate hain। baba ko hi yaad karna hai। vahaan se phir svargadhaam mein jaayenge। yeh yaatra badi wonderful hai, ismen maaya bahut vighna daalti hai। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek shivbaaba ka naam-roop buddhi mein rakhna hai aur kisi ke bhi naam-roop mein phansana nahin hai।

2) maaya ke toophaanon ki parvaah nahin karni hai। mera to ek shivbaaba, doosra na koi.... is vidhi se toophaan hata dene hain।

vardaan:- sada yathaartha shreshtha karma dvaara saphalta ka phal praapta karne vaale gyaani, yogi tu aatma bhav

jo gyaani aur yogi tu aatma hain unke har karma svatah yuktiyukta hote hain। yuktiyukta arthaat sada yathaartha shreshtha karma। koi bhi karma roopi beej phal ke sivaae nahin hota। jo yuktiyukta hoga woh jis samay jo sankalp, vaani ya karma chaahe woh kar sakega। unke sankalp bhi yuktiyukta honge। aise nahin yeh karna nahin chaahta tha, ho gaya। sochna nahin chaahiye tha, soch liya। raazayukta, yogayukta ki nishaani hai hi yuktiyukta।

slogan:- jinki dil badi hai unke bhandaare sada bharpoor rehte hain।