शनिवार 27 मई 2023 की दैनिक मुरली

27-05-2023 praatahmurli om shanti "baapdaada"' madhuban

“meethe bachche - aadhaakalpa se maaya ne tumhein shraapit kiya hai, ab baap tumhaare sab shraap mitaakar varsa dene aaye hain, tum shreemat par chalo to varse ke laayak ban jaayenge।''

prashn:- dehi-abhimaani banne ka yathaartha rahasya tum bachchon ne kya samjha hai?

uttar:- puraani duniya se markar baap ka banna arthaat marjeeva banna hi dehi-abhimaani banna hai। is puraani jutti ko bhool baap samaan ashareeri ban baap ko yaad karo - yahi hai dehi-abhimaani banne ka yathaartha rahasya।

geet:- om namo shivaae…

om shanti। bachchon ne geet suna। ek taraph hain bhakta ghor andhiyaare mein, doosri taraph hain maat-pita ke bachche। jinki mahima suni aur tum to ab sammukh baithe hue ho। kehte bhi hain shivaae namah। phir phat se kah dete hain tum maat-pita... sabka maat-pita bhi thahra, sabka svaami bhi thahra। samjhaaya gaya hai jo bhi manushya maatra hain - nar athva naari, sab hain bhakta, brides aur woh ek hai bridegroom, svaami, maat-pita। barobar tum bachchon ka baap bhi hai, sajniyon ka saajan bhi hai। yeh baaten tum bachche hi jaante ho aur sab andhiyaare mein hain। tum abhi sojhre mein ho। tum jaante ho ham baap ke sammukh baithe hain। niraakaar bhagwan srishti kaise rache? zaroor maat-pita chaahiye isliye baap kehte hain main is dvaara bachchon ko naya janma deta hoon। tum bhi kehte ho ham is puraani duniya se markar baap ke bane hain arthaat dehi-abhimaani bane hain। baap to sadaiv dehi-abhimaani hi hai। woh aakar is samay dehi-abhimaani banaane ka rahasya samjhaate hain। tum jinki mahima karte the, tvamev maataashcha pita... unke sammukh baithe ho। bhal tum apne gaanv mein ho to bhi sammukh ho।

baap aaye hain bachchon ki service mein। patit-paavan baap jaante hain ki mujhe hi patiton ko paavan banaana padta hai। yaad to unko hi karte hain na - patit-paavan aao। abhi to tum sangamayug par ho। jaante ho barobar ham patit the। patiton ko paavan karne vaala ek baap hai jisko kehte hain shivaae namah। bachche baap ko pukaarte hain। bachche sabko pyaare lagte hain। bachchon ki seva mein baap upasthit rehte hain। bachche paida hote hain to baap unhon ki service mein upasthit hote hain। abhi tum jaante ho un dvaara paavan ban rahe hain। barobar woh beloved baap hai na, jisko aadhaakalpa hamne pukaara hai। satayug-treta mein hamne baap ka varsa paaya tha। phir woh varsa gum ho gaya। maaya raavan ka shraap lag gaya। ham bilkul hi duhkhi ban pade the। duniya mein sab duhkhi hi duhkhi hain। duhkh ke pahaad girte hain। tab hi baap kehte hain - ham aate hain। sab paap aatma ban pade hain। paap karne vaale duhkhi ban padte hain। baap aakar ke punya aatma banaate hain, varsa dete hain। tum jaante ho barobar ham phir se behad ke baap se 21 janmon ka varsa lete hain। maaya ne shraapit kar diya hai। baap woh shraap mitaate hain। baap kehte hain mujhe yaad karo to tum sada shant ban jaayenge। yahaan to shanti ho na sake। duhkhadhaam hai na। ham tumko shantidham mein le chalte hain। vahaan sukh, shanti, dhan aadi sab hai। behad ke baap se tum 21 janmon ke liye jholi bharne aaye ho। harek ko apne purushaartha se varsa paana hai, jabki bhagwan ke bachche bane ho। woh hai svarga ka rachayita। to zaroor svarga ka varsa deta hoga। ham unke bachche hain to zaroor varsa milna chaahiye। bachche hi varse ke adhikaari hain। baap kehte hain 5 hajaar varsha pahle tumko varsa diya tha phir ganva diya। abhi sangamayug hai, phir tumko varsa mil raha hai। yeh tum jaante ho ki kalpa pahle svadarshan chakradhaari brahman kul bhooshan bane the। vahi dheere-dheere aate rahenge। din-pratidin brahman kul bhooshan bante rahenge। biraadri badhti rahegi। brahma mukh vanshaavli aap bante ho। banaate hain shivbaaba। tum is samay eeshvareey aulaad ho। tumko sarvagun sampanna, 16 kala sampoorn, ahinsa parmodharma ka banaate hain। devtaayen kab hinsa nahin karte। tum jaante ho ham so devta the। ab phir se ham bante hain। chakra lagaaya, devta kul se kshatriy kul athva varna mein aaye। kshatriy kul se vaishya kul athva varna mein aaye। ham 84 janmon ka chakra poora kar aaye hain। ab phir se baap aaye hain varsa dene। shraap mitaakar patit se paavan banaate hain। yahaan sab manushya maatra shraapit hue pade hain। baap aakar shraap mitaakar varsa dete hain। yeh hai sangamayug। abhi satayug tumse door nahin hai। svarga itna najdeek hai, jitna yeh aatma ka shareer najdeek hai। bahut najdeek hai। manushya svarga ko bahut door samajhte hain। parantu tum bachche ab bahut najdeek aaye ho। paanch hajaar varsha pahle ki baat hai jabki svarga tha। aadha kalpa svarga tha phir aadha kalpa narka chala hai। abhi svarga saamne khada hai।

baap kehte hain second mein svarga ka raajya lo। barobar tum jaante ho ham baap ke bante hain to svarga ke maalik bante hain। jaise bachcha samajhta hai ham baap se varsa lete hain। baap samjhenge vaaris paida hua। bhal chhota bachcha hai, mukh se kuchh bol nahin sakta hai parantu baap jaante hain yeh vaaris hai। yeh hai behad ka baap। aatma samajhti hai barobar ham baap ke bane aur vaaris ho gaye। baap bhi kehte hain tum svarga ke vaaris to zaroor ban gaye। parantu varse mein bhi bahut darje hain। koi sooryavanshi, koi chandravanshi, koi praja mein aayenge। martabe to alag-alag hain। bachche kahenge ham baap ki property ke maalik bante hain। tum bachche jaante ho ham behad baap ke bachche hain। ham saare vishwa ke maalik bante hain। sirf bhaarat hi nahin, saare vishwa ke। bhal bhaarat mein raajya karte ho parantu vishwa ke maalik ho। vahaan koi doosra raaja raajya karne vaala nahin rehta। to tumko kitna nasha rehna chaahiye! behad ka baap aur behad ke bachche। ab tum kitne bachche ho! tum kahenge ham svarga ke maalik ban rahe hain। baap jaisa meetha koi nahin। baap nishkaam seva karte hain। khud maalik nahin bante, bachchon ko banaate hain। manushya kehte hain is daada ne khud to bahut sukh dekhe, budhaape mein aakar sannyaas kiya to kya hua। shivbaaba ke liye to aisa nahin kahenge na। woh to kehte hain main to svarga ka sukh nahin leta hoon। main tumko svarga ka maalik banaakar tumko svarga ki raajdhaani deta hoon। woh raaje log khud raajya karke phir raajya-bhaagya dete hain। yeh to kehte hain - laadle bachche, main paramdham se aaya hoon tumko raajya-bhaagya dene ke liye। main raajya nahin karta hoon। mujhe is patit duniya, patit shareer mein aana padta hai tumko paavan banaane। ismen bhi kitne vighna padte hain! shreekrishna ne nahin bhagaaya tha। shivbaaba ke paas tum bhaagkar aate ho। kahenge - ham baba ke paas jaate hain poora varsa lene। sammukh jaakar god lete hain। tum kehte ho hamne ab eeshvareey god li hai। eeshvar se varsa paana hai। baap aate hain patit duniya mein, is raavan roopi dushman se chhudaane। yeh 5 vikaar roopi raavan hi manushya ka bade te bada dushman hai। yahaan tumko is dushman se chhootna hai। patit-paavan ek hi baap hai, jisko shivaae namah kehte hain। sabka saajan abhi tum sajniyon ko gul-gul banaakar le jaate hain। abhi tumhaari aatma aur shareer - donon hi patit hain। main tumhaari aatma ko pavitra banaata hoon to shareer bhi pavitra milega। phir tum satayug ke mahaaraaja-mahaaraani banenge। saajan aakar laayak banaate hain। jaante ho ki maaya raavan ne naalaayak banaaya tha। abhi shivbaaba brahma tan se laayak banaate hain। agar shreemat par chalte rahenge to। shreemat hai bhagwan ki। maat-pita bhi unko kehte hain। shreekrishna ko nahin kahenge। abhi tum bachche jaante ho jiski woh mahima karte hain, unse ham padh rahe hain। brahman kul banta hai zaroor। phir daivi kul mein jaana hai। zaroor brahma mukh se pahle-pahle yeh brahman choti nikalte hain। tum brahman ho roohaani pande, roohaani seva karne vaale। baap kehte hain main tumhaara panda ban aaya hoon sachche-sachche teertha par le jaane। tumko bahut sahaj baat batlaata hoon। sirf baap ko yaad karna hai aur apne ko aatma samajhna hai। tumhein koi bhi evil baaten nahin sunni hai, evil baaten bahut nuksaankaarak hain। is samay saari duniya mein paanch bhooton ki praveshta hai। to evil hi sunaayenge। behad ke baap ki kitni bhaari mahima hai phir kah dete sarvavyaapi hai। tum samjha sakte ho - gaate ho patit-paavan aao। phir sarvavyaapi kehte ho to sab paavan hone chaahiye। sarvavyaapi ke gyaan ne hi bhaarat ko naastik, kaudi tulya bana diya hai। baap to kehte hain main tum bachchon ko kalpa-kalpa aakar patit se paavan banaakar svarga ka maalik banaata hoon। main tumhaari seva mein upasthit hoon। bhal kitna bhi sahan karna padta hai to bhi seva mein upasthit hoon। main to jaanta hoon - bachche bahut hain, koi shreemat par chalte hain, koi nahin chalte hain, koi nahin jaante hain। athaah bachche hain। prajaapita brahma so to zaroor praja ka hi baap hoga। creator brahma dvaara srishti rachte hain। brahma dvaara tum bachchon ko shiksha deta hoon। laadle bachche, mujhe nirantar yaad karo to tum patit se paavan bante jaayenge aur tumhaari buddhi ka taala khulta jaayega। patthar se paaras buddhi banaane ki seva karne aaya hoon। narka se svarga mein le jaata hoon। baap aate hi hain sangam par। jabki saari srishti patit tamopradhaan jadajdeebhoot ban jaati hai। ek-do ko duhkh dene lag padte hain। kaam kataari chalaakar ek do ko duhkh dete hain। abhi tum bachche jaante ho ki ham baba ke paas shantidham mein jaayenge phir sukhdhaam mein aayenge। baap kehte hain tum bachchon ko roohaani naynon par bithaakar sweet hom le jaayenge। ab tum bhi pande ke bachche pande bante ho। tumhaara naam bhi hai shiv shakti paandav sena। harek ko apne baap ka parichay de baap ke paas jaane ka raasta bataate ho। tumhein khud bhi varsa lena hai aur auron ko bhi dena hai।

dekho, merath se 22 ki party aai hai। mehnat karte hain, harek ko kaudi se heere jaisa banaane ki raah bataate hain। gaaya bhi jaata hai - bhagwan, andhon ki laathi tum। baap aakar kaanton ki duniya se phoolon ki duniya mein le jaate hain। tum jaante ho asur se phir devta ban rahe hain। ham hi in varnon se chakra lagaakar aaye hain। ab shoodra se brahman ban phir so devta banenge। tum ho gaye svadarshan chakradhaari। yeh alankaar hain tumhaare, parantu vishnu ko de diye hain kyonki tumhaara sthaai to yeh part rehta nahin isliye devtaaon ko yeh nishaani de di hai। baap to bachchon par taras khaate hain। kahaan maaya ka sang na lag jaaye। baap ko yaad nahin karenge to maaya zaroor kha jaayegi। baba jaasti mehnat nahin dete hain। sirf kehte hain mujh baap ko yaad karo। apne ko aatma nishchay karo। yeh hai roohaani yaatra। tum bhi yaatra karo। baap ko thode hi bhoolna chaahiye। yog akshar nikaal do। baap ko yaad karna hai। kya baap ko tum bhool jaate ho? baap kehte hain ashareeri ban jaao। tum ashareeri ho। yahaan aakar yeh shareer dhaaran kiya hai। ab phir shareer ka bhaan chhodo। main vaapis le chaloonga। main kaalon ka kaal hoon। is puraani deh ko bhool mujhe yaad karo। yeh puraani jooti hai। phir tumko naya shareer denge। puraane se mamatva mitaao। main tumko saath le jaaoonga। to khush hona chaahiye ki ham jaate hain piyar ghar। paanch hajaar varsha hue hain, hamne shantidham ko chhoda hai। ab phir ham jaate hain। yeh hai duhkhadhaam। baap aakar bachchon ki seva karte hain। aatma jo chhi-chhi bani hai, unki jyoti jagaate hain। sapoot bachche jo honge woh kahenge ham to shri naaraayan ko varenge। baap kehte hain - apna dil darpan dekho - koi bhoot to nahin baitha hai? bhooton ko bhagaate raho taaki bhooton ka raajya hi khatma ho jaayega। baap to bachchon ki seva mein upasthit hai। woh to vichitra hai, koi chitra nahin hai। doosre ke organs dvaara baba padhaate hain। vaastav mein to vichitra sab aatmaayen hain। phir baad mein chitra lekar part bajaati hain। baap kehte hain main is chitra va prakriti ka aadhaar leta hoon, maataaon ko gyaan kalash deta hoon। jab tum bachche baap ko jaan jaate ho tab hi varsa milta hai। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ko yaad kar, baba ki shreemat par chal maaya ke shraap se poora-poora mukta hona hai।

2) deh ka bhaan chhod ashareeri banna hai, puraani duniya se mamatva mita dena hai।

vardaan:- apni udaarta dvaara sarva ko apnepan ka anubhav karaane vaale baap samaan sarvansh tyaagi bhav

sarva-vansh tyaagi woh hai jiska sankalp, svabhaav, sanskaar, nature baap samaan hai। jo baap ka svabhaav vahi aapka ho, sanskaar sada baap samaan sneh, raham aur udaarta ke hon, jise hi badi dil kehte hain। badi dil arthaat sarva apnaapan anubhav ho। badi dil mein tan, man, dhan, sambandh mein saphalta ki barakkat hoti hai। chhoti dil vaale ko mehnat jyaada, saphalta kam hoti hai। badi dil, udaar dil vaale hi baap samaan bante hain, un par saaheb raazi rehta hai।

slogan:- paripakva banne ke liye pareekshaaon ko good-sign samajh harshit raho।