शनिवार 3 जून 2023 की दैनिक मुरली

03-06-2023 praatahmurli om shanti "baapdaada"' madhuban

“meethe bachche - jaise baap sabko sukh dete hain, aise tum bachche bhi phool ban sabko sukh do, kisi ko kaanta nahin lagaao, sada harshit raho''

prashn:- baap jab bachchon se milte hain to kaun-si baat aur kin meethe shabdon mein poochhte hain?

uttar:- meethe-meethe laadle sikeeldhe bachche - khush mauj mein ho? yeh pyaar ke bol shivbaaba ke mukh se hi achhe lagte hain। pyaar se shivbaaba poochhte hain - bachche, raaji khushi ho? kyonki baap jaante hain bachche abhi yuddha ke maidaan mein khade hain। maaya pahalvaan ban bachchon ko peechhe hataane aati hai, isliye baba poochhte hain ki - bachche, maayaajeet bane ho, sada samartha ustaad yaad rehta hai? khushi rehti hai?

geet:- maata O maata…

om shanti। shiv bhagvaanuvaach। ab shiv koi shareer ka naam nahin hai। in brahma ko koi bhagwan kah na sake। brahma kehte hain shiv bhagvaanuvaach। brahma ka baap shiv hai। rachayita baap zaroor moolavtanvaasi oonch te oonch hoga। brahma-vishnu-shankar ko oonch te oonch nahin kaha jaata। oonch te oonch ek creator baap thahra। bachche jaante hain oonch te oonch baap se ham varsa lene aaye hain। woh baap svarga ka rachayita hai। ab baap sammukh baithe hue hain। to maat-pita bhi chaahiye। tvamev maataashcha pita... gaaya jaata hai। abhi shiv-baba svayan kehte hain main is tan mein aakar mukh vanshaavli rachta hoon। vanshaavli maata bigar to rach nahin sakte। to yeh brahma maata hai। parantu yeh maata paalna nahin kar sakti hai। yeh to pita ka roop ho gaya। maata ka roop chaahiye। yeh daada (brahma) hai। yeh badi guhya, ramneek baaten samajhne ki hain। yeh to bachche jaante hain ham brahma ki mukh vanshaavli hain। inko adoption kaha jaata hai। kukh vanshaavli ko adoption nahin kahenge। mukh se kehte hain tum meri ho, isko mukh vanshaavli kaha jaata hai। jaise sannyaasi hoga to kahenge aap hamaare guru ho। woh kehte hain tum hamaare shishya ho। to woh ho gaye mukh ke followers। mukh ki utpatti। kukh vanshaavli nahin kahenge। ab baba poochhte hain ki shankaraachaarya ka baap kaun? kya jisse woh paida hua, unko baap kahenge? nahin। shankaraachaarya ka baap parampita paramatma hai। shankaraachaarya ki nai soul aakar pravesh karti hai, dharma sthaapan karne। jaise parampita paramatma ne inmen pravesh kiya hai, vaise shankaraachaarya ki nai soul ne pravesh kar mukh vanshaavli banaai। phir woh mukh vanshaavli chalti hai। un dvaara dharma sthaapan hota hai। jaise brahma dvaara brahman dharma sthaapan hota hai। baap har baat samjhaate hain। shivbaaba aise nahin kahenge ki aatmaayen meri mukh vanshaavli hain। aatmaayen to hain hi hain। shivbaaba aate hain, aakar is prajaapita brahma dvaara rachna rachte hain। shivbaaba is mukh dvaara kehte hain - tum mere ho। bachche phir kehte hain - baba, aap hamaare ho। brahma dvaara hi tum bachche ban sakte ho। shivbaaba kehte hain - bachche, khyaal rakhna, varsa tumko hamse lena hai, brahma se nahin milna hai। bilkul nahin milna hai। svarga ki raajdhaani ka varsa hamse hi mil sakta hai। rachayita svarga ka main hoon, mujhe heavenly god father kaha jaata hai। prajaapita brahma ko heavenly god father nahin kahenge। phir inko master creator kahenge। woh ho gaya baap। kya create karte hain? svarga ki rachna। kis dvaara? mukhya ek bachcha brahma hai। phir hain unke potre potriyaan। ek hai roohaani baap, doosra hai jismaani baap। ab niraakaari roohaani baap aaye kaise? zaroor unko shareer chaahiye। aise to nahin shivbaaba saagar mein patte par angootha chooskar aayega। shareer to chaahiye na। gaaya hua hai brahma ke mukh vanshaavli brahman। to brahma ka baap chaahiye। brahma ka baap hai shiv, isliye shivbaaba kehte hain - tumko brahma athva brahma ki beti sarasvati ko yaad nahin karna hai। inhon dvaara tumko shivbaaba ki yaad milti hai। brahma mukh vanshaavli mein sarasvati number one chali gai। jagat amba ka bada bhaari mela lagta hai kyonki baal brahmachaari pavitra hai। pavitrata se kitna naam baala ho jaata hai। jagat amba ka naam is (brahma) ko de nahin sakte। jagat amba zaroor chaahiye। to baap kaise rachna rachte hain। baap hi bachchon ko samjhaate hain। bachche bahut hain na। kehte hain rukamni, satyabhaama aadi ko bhagaaya arthaat apna banaaya। aise-aise naam bahut daal diye hain। thoda bahut aate mein namak koi aisi-aisi baaten hain।

mahaabhaari mahaabhaarat yuddha bhi shaastron mein gaai hui hai। phir unko kehte third world vaar। yeh rehearsal hoti rahegi। first world vaar, second world vaar, third world vaar bhi hai। ab bachche jaante hain yeh ladaai to bahut zor se lagegi। nahin to maut kaise aayega। yaadav kul ka vinaash, kaurav kul ka vinaash। baaki paandav kul rah jaata hai। tum paandav kul vaale baithe ho। tumhaari buddhi mein geeta ka gyaan hai। baap baith sab shaastron ka saar samjhaate hain। saakshaatkaar karaate hain। khud jaante hain tab to saakshaatkaar karaate hain na। jo bhi shaastra-ved aadi tumne padhe hai, main tumko sabka saar sunaata hoon। meri hai sarva shaastramai shiromni bhagvat geeta। jo main raajayog sikhlaata hoon unka baithkar kitaab banaate hain। hamne tum bachchon ko aakar yuddha ke maidaan mein knowledge di hai। raajayog sikhlaaya hai। yuddha hai maaya ki। unhonne phir sthool yuddha ka maidaan dikhaaya hai। mukhya jo bade hote hain unki biography bataate hain। tumhaare mein bhi mukhya kaun-kaun hain, woh bhi bataate hain। yahaan barobar mukhya hai sarasvati। brahma bhi hai jinhonne yagya ki sthaapna ki aur phir jinhonne shaakhaaon ki sthaapna ki hai unhon mein bhi nambarvaar priy lagte hain। kahenge phalaane dvaara bahut hi kaante se kali aur kali se phool bane hain। jo achhi reeti dhaaran karte hain unko phool kaha jaata hai। kaante usko kehte hain jo ek do ko duhkh dete hain। duhkh dena kaante ka kaam hai। woh kaante jad hain। yeh phir hain human kaante। baba kehte hain main tumko phool banaata hoon। phool ek-do ko athaah sukh dete hain। vahaan to jaanvar bhi ek-do ko sukh dete isliye kaha jaata hai sher-bakri ikatthe jal peete hain arthaat vahaan duhkh bilkul nahin hota। woh avastha abhi bachchon ko dhaaran karni hai। satayug mein to tumko praalabdha milti hai। drama anusaar nambarvaar purushaartha anusaar dhaarna karte rehte hain aur phir dhaarna karaate hain। purushaartha bigar kuchh hota nahin। baap kehte hain sirf mujhe yaad karo। yeh brahma to aise kah na sake। yeh kehte hain tumko varsa baap se milna hai। maa se milta nahin। bhal gyaan samjhaate hain parantu varsa unse milna hai jiske paas jaana hai। unki aatma ko bhi mere paas aana hai। mere ko yaad karna hai। yaad par hi saara madaar hai। alpha mila to sab kuchh mila। alpha arthaat allaah, eeshvar। eeshvar arthaat baap। bachcha baap ke paas janma leta hai। bachchon ko baap mila goya sab kuchh mila। baap ki saari property mili। second mein saari property mil jaati hai। janma liya aur second mein baap ki milkiyat ka maalik bana। yeh baap kehte hain main tumko maalik banaata hoon, main nahin banta hoon। woh to hai sadaiv karmaateet। hamko karmabandhan se ateet hokar phir naye karma sambandh mein jutna hai, isliye purushaartha karna hai। purushaartha karaane vaala hai baap। yeh wonderful baaten hain। baap baith samjhaate hain aur sab guru log manushya hain। manushya main nahin banta hoon। mera to shareer hi nahin hai। brahma, vishnu, shankar ko sookshm chola hai। unko devta kehte hain, mujhe to devta nahin kehte। oonch te oonch bhagwan hi kahenge। gaaya jaata hai tvamev maataashcha pita tvamev... to vahi maata thahri। baap adopt karte hain। maataaon ki seva karte hain isliye inka naam jagat amba pada hai। shivbaaba brahman-braahmaniyaan rachte hain brahma mukh dvaara। yeh hai mukh vanshaavli। inko apna rath banaakar rachna rachte hain। brahma ke mukh vanshaavli brahman-braahmaniyaan thahre। parantu brahma se to varsa mil na sake। brahma ke paas kya hai, kuchh bhi nahin। sab kuchh sannyaas kar diya। brahma to beggar hai। deh sahit sab kuchh de diya। sarva dharmaani parityaj... ham to aatma hain। behad baap ka bachcha hoon। yeh inki aatma kehti hai। baba bhi kehte hain - mera yeh murabbi bachcha hai। parantu praja to maata dvaara rachte hain। to brahma ke mukh dvaara brahman-braahmaniyaan rachte hain। tum sab brahman-braahmaniyaan purushaartha kar rahe ho। tum braahmanon ko bhi itna hi meetha banna hai। sabko sukh dena hai। baap kitna meetha hai, aisa meetha banna hai।

baap bahut pyaar se bolte hain - meethe-meethe laadle bachche, shivbaaba kaise pyaar se bolte hain। bachche, raaji khushi ho? yeh baba bhi poochhte hain। kabhi maaya ka vaar to nahin hota hai na! toofaan to maaya ke bahut aayenge। boxing mein haarna nahin hai। ustaad samartha baitha hai। maaya bhi koi kam nahin hai। parantu aise thode hi hai ki sabko haraayegi। abhi tum to samajhte ho - pahalvaan kaun hai? maaya par jeet paane vaale, barobar brahmaputra (brahma) sabse pahalvaan hai। hai to mel। phir nambarvaar tum gangaayen ho। phir males bhi bahut hain। jagdeesh sanjay hai, unko samjhaane ki tact bahut achhi hai। yeh military hai। commander-in-chief, major, general aadi sab hain। parantu yeh hai gupta roohaani sena। bhent to hai na। unhonne kaurav-paandavon ki bhent ulti kar di hai। ab baap kehte hain judge karo। meri sumat “shreemat'' par chalo। janma-janmaantar kumat par chalte ho। yeh hai sumat। shaastron mein likha hai chidiyaaon ne saagar ko hap kiya। ab chidiyaayen thode-hi saagar ko hap kar sakti hain। chidiyaayen tum bachchiyaan ho। gyaan ki bhoon-bhoon karti rehti ho। tum gyaan saagar ko poora hi hap kar leti ho। unse varsa lekar tum sab kuchh le leti ho। baap ke liye raajaai aadi kuchh nahin rakhti ho। poora hap kar leti ho। poora khajaana le leti ho। sab ratna tum le leti ho। baaki chidiyaayen koi panchhi thode hi ho। tum chidiyaaon ne saagar ko hap kiya hai। kahaan ki baat kahaan panchhiyon se jaakar lagaai hai। tumko ratna de dete hain। kahaan gyaan ratnon ki baat, kahaan paani ka saagar baith dikhaaya hai। hai yeh gyaan saagar, gyaan ratna। roop-basanta ki bhi kahaani suni hai। tum jaante ho roop baba hai, is dvaara aakar ratna dete hain। inki koi value nahin rakh sakte। yeh knowledge hai, jisse badi bhaari kamaai hoti hai। baap is mukh dvaara tumko ratna dete hain। baap roop bhi hai, jyoti swaroop bhi hai। gyaan ka saagar hai। zaroor gyaan hi sunaayenge। jyoti swaroop tum bhi ho। parantu gyaan ka saagar ek hai। woh aakar raajayog sikhlaate hain। pahle brahma ko phir tum bachchon ko baith gyaan dete hain। bachchon ko roop-basanta banaate hain। tumhaari aatma ki jholi ek hi baar aakar bharte hain। gyaan-ratnon ki jholi tum bharte ho। saadhu aadi kehte hain bhar do jholi। is bhakti maarga ki jholi mein kya rakha hai? kuchh bhi nahin। maangate hi rehte hain। yeh hai buddhi roopi jholi। yaad se pavitra banaate hain। bartan bada shuddh chaahiye। knowledge bhi brahmacharya mein achhi dhaaran hoti hai। woh to hote hain chhote bachche। yahaan to boodhe javaan sab hain। yog se bartan shuddh hota hai। buddhi ka taala khulta hai। tum jaante ho ham bachchon mein yuddha ke maidaan mein mukhya kaun hai? brahma। second grade mein mama sarasvati। inka naam to bahut oonch hai। naam baala karna hai। yeh brahma to gupta hai। shakti sena mein naam hai mama ka। jagat amba brahma ki beti sarasvati। inki mama phir kaun? yeh guhya baaten ab sunaate hain। zaroor kalpa pahle bhi sunaai hui hain tab to kehte hain - guhya baaten sunaata rehta hoon। bachche to dher aayenge। pichhaadi tak vriddhi ko paate rahenge। vighna bhi zaroor padenge। parantu jhaad avashya phaleebhoot hona hai। koi king oph flower hai। jaise maala ke oopar baba ka roop hai, tum bhi aise roop vaale ho। sirf tum basanta nahin ho। ab baba roop-basanta aaya hai tumko bhi apne samaan banaate hain। achha।

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kaante se phool banaane ki seva karni hai, baap samaan roop-basanta banna hai।

2) samartha ustaad ki sumat (shreemat) par chal maayaajeet jagatjeet banna hai। kabhi bhi haar nahin khaani hai।

vardaan:- svamaan ke saath nirmaan ban sabko maan dene vaali poojyaneey aatma bhav

jo bachche avinaashi svamaan mein rehte hain vahi poojya aatma bante hain। lekin jitna svamaan utna nirmaan। svamaan ka abhimaan nahin। aise nahin ham to oonch ban gaye, doosre chhote hain ya unke prati ghrina bhaav ho, nahin। kaisi bhi aatmaayen hon lekin sabke prati raham ki drishti ho, abhimaan ki nahin। aisi nirmaan aatmaayen har ek ko aatmik drishti se, oonchi drishti se dekhte hue maan dengi। apmaan nahin karengi।

slogan:- baapdaada ke sneh ki duaaon mein palte, udte chalo - yahi shreshtha purushaartha hai।