बुधवार 21 जून 2023 की दैनिक मुरली

21-06-2023 praatahmurli om shanti "baapdaada"' madhuban

“meethe bachche - tum gyaan saagar baap ke paas aate ho - sammukh milan manaane, baadal bharne, tum yahaan koi teertha karne va pahaadi ki hava khaane nahin aate ho।''

prashn:- grihastha vyavhaar mein rehte hue kis vidhi se chalte raho to ever healthy ban jaayenge?

uttar:- ever healthy banne ke liye sadaiv baba-baba karte raho। tumheen se khaaoon, tumhi sang ghoomoon… sab kuchh buddhi se baap havaale kar do। aisa samajhkar chalo ki ham shivbaaba ki paravrish ke andar pal rahe hain। kisi bhi cheez mein mamatva na rahe। arpan karke uske hukm se khaao to sab pavitra ho jaayega aur tum ever healthy ban jaayenge।

geet:- door desh ka rahne vaala....

om shanti। door desh ke rahne vaale paas bachchiyaan milne aati hain। bachchiyaan koi teertha par nahin aati hain va pahaadi par hava khaane nahin aati hain। manushya to pahaadon par jaate hain hava khaane। parantu bachche yahaan par aate hain maat-pita paas milne। yeh jaante ho maat-pita doordesh ke rahne vaale aate hain paraaye desh mein। kyon aate hai? svarga rachne। unse milne liye bachche bhinna-bhinna gaanv se, kitna doordesh se aate hain। vilaayat se bhi aayenge। kislie? koi cheej dekhne liye nahin। aatmaayen athva jeev aatmaayen aati hain maat-pita se milne। maat-pita bhi hai doordesh ka rahne vaala। ab tum kiske aage baithe ho? maat-pita ke saamne baithe hain, jisse svarga ke sukh milne hain parantu unki mat par chalne se, isliye shreemat ka itna gaayan hai। bhagvaanuvaach shreemat gaai hui hai। brahma-vishnu-shankar ki shreemat ka gaayan nahin hai। sabse shreshtha maat-pita hai jiska gaayan karte hain। is srishti ke rachayita maat-pita ka aahvaan karte hain ki is chhi-chhi patit duniya mein aao, hamko paavan banaao। ab woh paraaye desh mein aaya hai। tum bhi paraaye desh mein baithe ho। yeh raavan ka desh hai। yeh akaasur, bakaasur, pootnaayen, soopankhaayen, hiranyakashyap aadi sab is manushya srishti ke manushyon par naam hain। asuron ka koi doosra roop nahin hai। na devtaaon ka koi doosra roop hai, na 4 bhujaayen hain। hain to woh bhi manushya aur devtaayen bhi manushya। parantu devtaaon ka paavan desh mein punarjanma tha।

satayug-treta jaise eeshvar ka ghar hai। svarga mein aate ho to apne ghar mein aate ho। ab ho paraaye ghar raavan ke ghar mein। to baap aakar tumko raavan ke ghar se chhudaate hain, liberate karte hain। aadha kalpa to tum maaya ke desh mein punarjanma lete rehte ho। satayug-treta mein to raam raajya arthaat eeshvar ka raajya hai kyonki eeshvar ne sthaapan kiya hai। aadha kalpa vahaan punarjanma lete aaye। aadha kalpa raavan ke raajya mein punarjanma liya। ab bachchon ko samajh padi hai ki ham kiske saamne baithe hain। yeh teacher bhi hai, satguru bhi hai। tum maataayen bhi teacher ho, satguru bhi ho। tum bhi padhaati ho - manushya se devta banaane liye। ab to tum aasuri sampradaay se daivi sampradaay ban rahe ho। tumko kaanton se phool banaane is rath par baap savaar ho aaye hain। yeh to bachchon se milne aur deshon mein bhi jaate hain kyonki chaitanya gyaan saagar hai। jad saagar to nahin hai jo dubo de। nahin, yeh chaitanya hai। gaayan hai - aatma paramatma alag rahe... to paramatma bhi aate hain। to unse milne aatmaayen bhi aati hain। kahaan-kahaan se bachchiyaan aati hain। baap bhi chakra lagaate hain। bhakton ne to jahaan-tahaan mandir banaaye hain। jaise Christ ke jad chitra bhi banaate hain। ab woh to hai dehdhaari aur jo bhi hain brahma, vishnu, shankar dehdhaari hain। in sabse oonch te oonch hai bhagwan, unko apna shareer nahin hai। unko to sabhi baap kahenge। parampita god father। unko to na sthool shareer hai, na sookshm shareer hai। aate bhi hain zaroor। kaise aate hain? yeh sab bhool gaye hain। aise to nahin kahenge shreekrishna patit-paavan hai। na shreekrishna ke shareer mein aakar paavan banaate hain। to shreekrishna bhagvaanuvaach wrong ho gaya। shreekrishna ke mukh dvaara kya rache? kya devtaayen? nahin। pahle to brahman chaahiye। uske liye brahma chaahiye। nahin to brahma ka occupation kahaan? shreekrishna ka naam lagaane se brahma ki biography gum ho jaati hai। shreekrishna dvaara satayug sthaapan kiya to brahma ka occupation hi gum kar diya। parantu tum bachche jaante ho jo yahaan aate ho, baaki jo nahin jaante woh samjhenge ki yeh bhi ek satsang hai jahaan geeta sunaate hain। parantu yahaan kaun sunaate hain - yeh tum bachche jaante ho। gyaan ka saagar most beloved maat-pita sunaate hain। kitna meetha, kitna pyaara hai! tum koi manushya ko meetha kah nahin sakte kyonki sabhi kaduve vikaari hain। baap unko paavan bana rahe hain। to oonch te oonch hai bhagwan। uske baad jo bhi manushya hokar gaye hain, abhi woh sab patit hain। jab tak baap aakar paavan na banaaye to sab patit duhkhi rah jaate hain। jaise manushya kehte hain - kaliyug hajaaron varsha ka hai, yeh to impossible hai। mahaabhaari ladaai saamne khadi hai, jismen mukti-jeevanmukti ke gates khulte hain, tab tak koi mukti-jeevanmukti mein ja nahin sakte। sabhi yahaan bhatakte rehte hain। jaise bhool-bhulaiya hai। sabhi thokar khaate rehte hain। darvaaja milta nahin। chaahte hain mukti-jeevanmukti ke get mein jaayen। koi marta hai to bhi kehte hain svargavaasi hua। parantu yeh to narka hai। svarga mein tab ja sakte hain jab baap aaye, raajayog sikhlaaye, tab raajaai va praja pad pa sakte hain। ab yeh hai kamaai। kehte hain na - isne kaun-si kamaai ki jo yeh itna saahookaar bana। to satayug ke devtaaon ne kaun-si kamaai aur kab ki jo yeh aise banen? zaroor kaliyug ke ant mein ki hogi tab satayug mein banen। ab tum jaante ho ham aisi kamaai kar rahe hain, jo svarga ke maalik banenge। zaroor uski result tum svarga mein bhogenge। ab tum kaliyug aur satayug ke sangam par ho। unko alag yug kar diya hai। saare karma-akarma-vikarma ki gati baap samjhaate hain। kehte hain - bachche, ab jo karma main tumko sikhaata hoon vahi karo। isko kaliyug nahin kahenge, sangamayug ka kisko pata nahin hai। jab satayug se treta hota hai tab bhi kisko pata nahin padta ki satayug-treta ka sangam paas ho raha hai। yeh peechhe gaaya jaata hai ki satayug mein phalaane raajya karte the, treta mein phalaane raajya karte the। dvaapar hua to devi-devta vaam maarga mein chale gaye, yeh sab ab tumko pata padta hai। yeh gyaan aur koi mein nahin hai। tum hi world ki history-geography padhte ho। tumhaare paas em object hai। jo bhi duniya mein geeta paathshaalaayen hain vahaan ved-shaastra sunaate hain। em object koi nahin hai। school-college ko paathshaala kehte hain। woh padhaai phir bhi source oph income hai। to tumhaare paas em object hai ki is padhaai se paavan ban mukti-dhaam mein jaayenge। phir vahaan se part bajaane satayug mein aayenge। tumko satayug se kaliyug tak kaun-sa part bajaana hai - woh saara pata hai। tum baadal yahaan aaye ho bharne ke liye। 21 janma ke liye source aaph income banaane। kitni oonch padhaai hai to padhaane vaala bhi oonch te oonch bhagwan ek hai। baaki to sab hain behen-bhaai। brahma-sarasvati, shankar-paarvati, vishnu sab inke bachche hain। bachchon ko bachchon se varsa nahin milta hai। varsa baap se milta hai। jo jaisa purushaartha karenge vaisa varsa milega। aur purushaartha kitna sahaj hai। achha, itna gyaan nahin suna sakte to teen pair prithvi ka lekar chhote kamre mein hi geeta paathshaala khol do। board mein likh do - aakar baap se 21 janmon ke liye varsa lo। chhota board hi lagaao। usmein likho ki 21 janmon ke liye svarga ki baadshaahi tumhaara eeshvareey janma siddha adhikaar hai। bhal aakar poochho। tum jisko maat-pita kehte ho woh to zaroor svarga ka rachta hai to tumko zaroor svarga ka varsa milna chaahiye। woh kehte hain nirantar mujhe yaad karo aur sabko bhoolo। inke saath rehte hue, saamne dekhte hue buddhi vahaan lagaani hai। baba ka pharmaan milta hai to sir par rakhna chaahiye na। baap ordinance nikaalte hain - bachche, ab vish ka dhandha banda karo। aur koi se baat nahin karte, bachchon ko hi samjhaate hain। baahar vaala to yahaan sabha mein koi baith nahin sakta। jab tak 7 roj aakar na samjhe। kahaani hai na indraprastha mein pukhraaj pari ek patit manushya ko le aai to unko saja mil gai। to yeh kaayda nahin। jab tak 7 roj bhatthi mein nahin daala hai। bhatthi mein svachchha hone bigar baith nahin sakte। haan, koi bade manushya milne ko aate hain, sunte to hain na subah ka class dekhen, to oopar se poochh kar shreemat se bataate hain। dekhte hain achha hai, ulta nahin uthaayega to unko thoda pahle samjhaaya jaata hai। phir aane ki chhutti deni padti hai।

tum sabko samjhaao ki yeh hamaare maat-pita hain jisse svarga ke sukh milte hain। yeh baap, teacher, satguru teenon hain। tumko jaise 3 engine mile hain। isi samay teenon ikatthe milte hain। vahaan to alag-alag milte hain। pahle baap phir teacher aur vriddha avastha mein guru karte hain। tum ab kiski paravrish ke neeche ho? shivbaaba ki kyonki tumhaare paas jo kuchh bhi hai woh shivbaaba ko arpan kiya hai। tumhaari paravrish jaise ki shivbaaba ke bhandaare se hoti hai। tumne apna sab kuchh shivbaaba ko daan kiya hai। ab unse hi tum palte ho। kitna pavitra anna milta hai। aise kabhi hota nahin jo koi dharma (daan) kare usse hi unki paravrish ho। woh to jisko daan karte woh kha jaata hai। yahaan to tum shivbaaba ko dete ho to kitna pavitra ban jaata hai! isse tumhaari hi paravrish hoti hai। baap kehte hain ghar mein rahkar aisa samjho sab baba ka hai। aise samajh khaate ho to hu-ba-hu tum shiv ke bhandaare se khaate ho। ismen koi mamatva nahin। baap ka samajhte ho। baap ka diya hua hai। baap ko arpan kiya hua hai। unke hukm se kha rahe hain। bhal baitha ghar mein hai parantu shiv ke bhandaare se khaate hain। kehte ho na tumheen se khaaoon... tumheen se ghoomoon। baba-baba kahne se unse yog laga rahega। ever healthy ban jaayenge। yeh hai healthy banne ki sanatorium। us sanatorium mein saari aayu thode hi rehte hain। thoda time rahkar chale jaate hain। yahaan to tum baithe hue ho। ever healthy 21 janmon liye bante ho। yahaan aate ho kislie? aadha kalpa liye ever healthy, ever wealthy, ever happy banne liye। is khyaalaat se aate ho na। yahaan hava khaane liye va teertha karne to nahin aate ho। yahaan aate ho shivbaaba paas। baap bhi aate hain paraaye desh, paraaye tan mein। geeta jo gaai hui hai, kuchh to right hoga। aahvaan karte hain - baap ke aane liye। to zaroor unko patit se paavan banaane liye aana pade। patit to nahin paramdham mein unke paas jaayenge, paavan hone liye। ja nahin sakte। harek bhakta ki aatma pukaarti hai ki baba aao। baap kehte hain main aata hoon sabki gati-sadgati karne। sarva ke oopar daya karne vaala, sarvodaya to ek baap hai na। kaun-si daya karte hain? shreemat dete hain। shreemat to mashhoor hai। jis par chalne se shreshtha arthaat svarga ke maalik banenge। phir jo jitna direction par chale। koi takleeph to nahin dete - hathayog karne athva teerthon par dhakka khaane ki। America ho, Philippine ho.... kahaan bhi ho grihastha vyavhaar mein to rehna chaahiye। parantu rehte hue kamal pushpa samaan rehna hai। janak ka misaal hai। tumhaara hai raajayog। woh to kahenge svarga ke sukh to kaag vishta ke samaan hain। parantu bhaarat ka raajayog to mashhoor hai। isko koi jaante nahin। praacheen yog to praacheen baap hi sikhaayenge। geeta ved shaastra aadi sab bhaktimaarga ki saamagri hai। jhaad ko poora hona hi hai, phir isi jhaad ko sabja hona hai। to tum aaye ho maat-pita paas refresh hone aur ghadi-ghadi aayenge kyonki sammukh maza aata hai। yahaan sada ke liye to baith nahin sakte। law nahin। apna grihastha vyavhaar bhi sambhaalna hai zaroor।

baaki yeh paathshaala ajun bahut vriddhi ko paayegi। yeh vighna aadi na paden to yeh bahut badh jaayen isliye vighna padte hain। paanch hajaar ikatthe baith kaise padhenge isliye limit hai, jinko baap sammukh dekh bhi sake। baap dekhte to aatmaon ko hain na। shareer ko nahin dekhte। jor se dekhenge to unko shareer hi bhool jaayega। chumbak hai na। to jaise unconscious hota jaayega। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) oonchi manzil par jaane ke liye baap-teacher-guru ke roop mein humein teen engine mile hain - sada isi smriti se aage badhna hai।

2) buddhi se sab kuchh baap havaale kar unki paravrish ke neeche palna hai। bahut meetha paavan banna hai। patitapne ka kaduvaapan nikaal dena hai

vardaan:- anubhvon ki sampannata dvaara sada umang-ullaas mein rahne vaale ma. almighty authority bhav

anubhav bade se badi authority hai, har gun, har shakti, har gyaan ke point ke anubhvon mein sampanna bano to chehre par sada umang-ullaas ki chamak dikhaai degi। ab sunne sunaane ke saath-saath anubhvi moorta banne ka vishesh part bajaao। anubhav ki authority vaale svayan ko sada bharpoor aatma anubhav karenge। jaise beej bharpoor hota hai aise gyaan, gun, shaktiyaan sabmen bharpoor hone ke kaaran ma. almighty authority ban jaate hain।

slogan:- amritvela vishesh prabhu paalna ki vela hai, iska mahatva jaan poora laabh lo।