गुरुवार 27 जुलाई 2023 की दैनिक मुरली

27-07-2023 praatahmurli om shanti "baapdaada"' madhuban

“meethe bachche - koi bhi vikarma karke chhipaana nahin, chhipkar sabha mein baithne vaale par bahut danda padta hai isliye saavdhaan, vikaar ki kadi bhool kabhi bhi nahin ho''

prashn:- kis lakshya ko saamne rakhte hue purushaartha mein sada aage badhte rehna hai?

uttar:- lakshya hai - humein sapoot bachcha ban maat-pita ke takhtansheen banna hai। har kadam mein follow father karna hai। aisi koi chalan nahin chalni hai, jisse kul kalankit banen। aise sapoot bachche apne ko yaatri samajh yaatra mein sada tatpar rehte hain। yaatri kabhi bhi yaatra par patit nahin bante, agar koi vikaar ke vash hote hain to chaknaachoor ho jaate hain, satyaanaash ho jaati hai। phir bahut duhkhi hote hain।

geet:- bachpan ke din bhoola na dena…

om shanti। yeh bachchon ke liye hi geet hai। mama baba kahkar phir vikaar mein gaya to aise samjho mar gaya। yeh manzil badi khabardaari ki hai। main us parampita paramatma ki santaan hoon aur vichitra hoon। mera bhi vaastav mein koi chitra nahin hai, jab vahaan hoon। phir chitra le 84 janma bhog ab ham eeshvareey god ki santaan banta hoon। eeshvareey god ki santaan nishchay kar phir agar vikaaron mein gaya to mara। yeh to samajhte ho - baap sukh dene vaala bhi hai to phir dharmaraaj dvaara hisaab bhi poora lete hain। baap duhkh nahin dete hain। woh to sukh daata hai lekin baba ne samjhaaya hai - jaise government hai to unke saath dharmaraaj arthaat chief justice (bada judge) bhi hai। ek-do ko kasam uthvaate hain na। yahaan bhagwan khud kehte hain - agar tum vikaaron mein gir patit bane aur sunaaya nahin to sauguna danda padta rahega। baap ka bachcha bankar phir agar chhipkar narka ka dvaar bane aur phir baba ko samaachaar nahin diya to ek-dam mar padenge phir kitna bhi purushaartha kare, vijay pa nahin sakenge। baba itla de rahe hain। bahut bachche hain jo chhipaate hain। vikaar mein jaana bada paap hai। chhipaaya aur mara। aise to bachcha na banen to achha hai। bachcha koi kapoot hota hai to baap kehte hain na yeh bachcha to mua bhala। aise koi na samjhe - baba ko thode hi maaloom padta hai। haan, yeh (brahma) bhal baahrayaami hai, inko pata nahin padta hai। parantu woh baba to achhi reeti jaante hain। baap kehte hain - mujhe sukh dena hai। sajaayen phir har ek ko chalan anusaar milti hain। baba sabhi ko batlaate hain। ismen bhi naariyon ko bahut khabardaar rehna hai। kabhi bhi jhooth nahin bolna hai। baba purushon se naari par jaasti merciful rehte hain kyonki naari bahut sataai jaati hai। baap aakar maataaon par kalash rakhte hain, to maataaon par badi responsibility hai। baba krodh ke liye itna nahin kehte, jitna vikaar ke liye। vaastav mein koi bhi patit is sabha mein baith nahin sakta। kahaan phir patiton se milna bhi padta hai। bade aadmi jaasti patit hote hain kyonki unhon ke paas paisa hota hai na isliye maataaon ne hi pukaara hai ki nangan hone se bachaao। sab duhkhi hain। maataaon ki pukaar sunkar baap aate hain। maataaon ko bahut khabardaar rehna chaahiye। naam bhi maataaon ka hai - pukhraaj pari, neelam pari........।

baba saavdhaan karte hain - yahaan asur se devta banaaya jaata hai। asur patit ko kaha jaata hai। yeh saari patit aasuri duniya hai। patit duniya mein paavan koi hota nahin। sannyaasiyon ke liye bhi samjhaaya hai ki woh koi devtaaon jaise paavan nahin hain। rehte to phir bhi patit duniya mein hain। aur hain bhi nivritti maarga vaale। satayug mein to sab pavitra sampoorn nirvikaari the। tum yahaan aaye ho sampoorn paavan banne kyonki yeh sampoorn patit duniya hai। ek bhi paavan nahin। treta ko bhi kaha jaata hai 2 kala kam। satayug mein hain 16 kala, treta mein do kala kam ho jaati hain। vaastav mein treta ko svarga nahin kahenge। svarga hai hi satayug। tum bachchon ko taiyaari karni hai satayug ke liye। vikaar mein gire to svarga mein aa nahin sakenge। mool baat yeh hai ki patit nahin banna hai। shivbaaba to jaante hain na parantu ek-ek se kitna poochhte rahenge। apvitra ban aur phir chhipaaya to bahut-bahut kadi saja bhogni padegi। tribunal baithti hai phir yeh baba bhi baithenge। dharmaraaj bhi baithenge। phir dharmaraaj batlaate hain - tum phalaane samay vikaar mein gaye aur sabha mein aakar baithe। bataaya nahin tha, ab khaao saja isliye baba kehte hain - bahut khabardaar rehna hai। kabhi bhi vikaar mein jaakar phir yahaan baith nahin sakte। aise bahut centres par aakar baithte hain। baba jaante hain - agar kahen na baitho to koi samay phir asur ban vighna daalte hain। traitor ban padenge। hangaama karne lag padenge। isko kaha jaata hai - patit raajya, kaanton ki duniya। raaja-raani to hai nahin। yatha bade minister tatha praja। woh in baaton ko samjhenge nahin। sachche baba ke saath sachcha hona chaahiye। sachchi dil par saaheb raazi। buddhi ka taala khol denge। sachchi dil nahin hogi to taala nahin kholenge। phir murjhaate rahenge। vighna padte rahenge, isliye baba samjha dete hain। shaastron mein bhi likha hua hai - indraprastha mein shaitaan aakar chhipkar baith jaate the। yahaan athva centre mein to aise hi aakar baith jaate hain। dekhen kya hai phir kanyaaon ko dekhenge। chanchalta karenge।

ab behad ka baap aakar bachchon ko samjhaate hain, duniya nahin jaanti hai। bhagwan to khud gyaan ka saagar hai, woh baith samjhaate hain। us baap ko hi yaad karna hai kyonki ab vaapis jaana hai। tum ab yaad ki yaatra par ho। teertha yaatra par kabhi koi vikaar mein nahin jaate hain। yeh lambi yaatra hai। jab tak jeete hain tab tak yaatra par hain। yaatra par chalte-chalte vikaar mein gira to chaknaachoor ho jaayega। yeh khyaal mein rakhna hai - ham yaatra par hain, vikaar mein nahin jaana hai। aajkal duniya to bahut gandi hai। teerthon par bhi pande log bahut gande hote hain। baba anubhvi bahut hai। to baap aakar sabse jaasti kanyaaon aur maataaon ko uthaate hain। jagat amba shakti sena naam gaaya hua hai। baba samjhaate hain, yeh to khyaal rakhna hota hai - jaisa karma ham karenge hamko dekh aur karenge। agar bi.ke. mein hi koi vikaar, deh-abhimaan va lobh aadi hoga to service kar nahin sakengi। phir naapaas ho jaati hain, jigyaasu naaraaj ho jaate hain। brahmaakumaari achhi hogi to zaroor achha dukaan chalaayegi। jo achhi service karte hain to mahaaraaja-mahaaraani bante hain। kam service to mahaaraaja-mahaaraani ke daas-daasiyaan ban padenge। lakshmi-naaraayan ke paas daas-daasiyaan bhi to honge na। woh to king queen ke saath rehte hain। yahaan tum manushya se devta bante ho। tum yaatra par ho। yaatra ko bhoole, shivbaaba athva sweet hom ko bhoole to maaya ka thappad bada jor se lag jaata hai। tumko bahut purushaartha karna hai। vikaar se bachkar rehna hai। yahaan koi bhi baat chhip nahin sakti। shivbaaba se kuchh chhip na sake। saja to unko deni hai।

kaha jaata hai - follow father mother.....। father thode hi aise kuchh karenge। baba ke paas bahut aate hain, unki baatcheet se hi pata pad jaata hai ki yeh patit hai। mushkil pavitra rehte honge। shak padta hai phir murli mein samjhaana padta hai। bahut hain jo chhipaate hain। yaatra par vikaar mein jaana bada kharaab hai। tum vijay maala mein piro nahin sakenge। chaahte ho - ham sooryavanshi banen to yaatra par chalte kabhi apvitra nahin banna hai। yaatra par hoon - yeh bachche bhoolte rehte hain। koi to saare din mein ek ghanta, aadha ghanta bhi yaad nahin karte। baba ki yaad mein rehna bada mushkil hai। phir royal gharaane mein bhi aakar daas-daasi pad paate hain। purushaartha kar maat-pita ke takhtansheen ban dikhaao। nahin to baap kahenge kapoot bachcha hai jo theek reeti se chalte nahin hain। tum brahman yaatra par ho, agar kuchh aisi chalan chal kul ko kalank lagaaya to bahut saja khaayenge। janma-janmaantar to garbha jel birds bane ho। is samay sabhi manushya jel birds hain। ghadi-ghadi saja khaate hain। tumko to abhi garbha mahal mein jaana hai। to kitni mehnat karni chaahiye! bhale tum kahaan bhi baithe ho, train mein ho athva kahaan bhi tum yaatra par ho, yaad mein rehna hai। kehte to sab hain - ham naaraayan va lakshmi ko varenge। to aisa bankar dikhaao। pad na paaya to baaki kya kiya। baba saavdhaan kar dete hain। baba ke paas aate ho to baba achhi reeti hansaate-bahlaate hain। koi to moh ke keede aise hain jaise bandar-bandariyaan। mitra-sambandhiyon aadi se buddhiyog tootta hi nahin hai। jo apvitra bante hain phir likhte bhi hain - baba, hamne haar khaai, kaam ke gutter mein gir pada। chaknaachoor ho jaate hain। baba saavdhaan karte rehte hain - tum yaatra par ho। kaam vikaar yahaan nahin hona chaahiye। nahin to bahut duhkhi honge। baap se vaikuntha ka varsa lena hai to aise bhoolkar bhi apni satyaanaash nahin kar dena। kaam mahaashatru hai। aadi-madhya-ant duhkh dene vaala hai। mrityu-lok mein sab aadi-madhya-ant duhkh bhogte rehte hain। satayug ko amarlok kaha jaata hai। amarnaath shivbaaba se katha sunne se baadshaahi milti hai। budhiyaayen aur kanyaayen vikaar se bachi hui hain, vidhvaayen bhi bahut bhaagyashaali hain। patiyon ka pati to shiv-baba hai। eeshvareey paathshaala mein aakar murli sunenge to nai-nai baaten sunenge। behad ka baap svarga pavitra duniya ka maalik banaate hain to phat se pavitra banna chaahiye na। ghutka khaate rahenge, vish peete rahenge to dhaarna nahin hogi। ismen sone ka bartan chaahiye। baap ko nirhankaari ban patit duniya mein aana padta hai। mujhe sirf bachche hi jaante hain। unmein se bhi maaya koi-koi ko naak se pakad gira deti hai। woh regard nahin rakhte। oho, bhagwan hamko padhaate hain! ham kitne saubhaagyashaali hain! baba kitne saadhaaran tan mein baitha hai! tum bachchon ko bhi nirhankaari banna hai। woh hai hi niraakaar, deh ka ahankaar unko ho na sake। tum bhi nirhankaari bano। aap mare, mar gai duniya। hamko ab baba paas jaana hai। is kabristaan ko kya yaad karna hai। apne se aisi-aisi baaten karte rahenge tab khushi ka paara chadhega aur sadaiv praphullit rahenge।

ham baba ke saath yaatra par hain। baba lene ke liye aaya hai। aisa na ho maaya kahin kaan kaat de। phir sunte hue bhi dhaarna nahin hogi। khushi ka paara nahin chadhega। bahuton ko daan karenge to bahuton ki aasheervaad milegi। gyaan maarga mein sabse bahut meetha rehna hai। loon-paani nahin banna hai। vikaari sambandh se aur daivi sambandh se tod nibhaana hai। donon taraph se snehi banna hai। baap bhi apne sapoot bachchon ko dekh khush hote hain। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) abhi ham yaatra par hain, isliye bahut sambhalkar chalna hai। pavitra zaroor rehna hai।

2) baap samaan nirhankaari banna hai। hamko baba paas jaana hai isliye sabse mamatva nikaal dena hai। apne aapse baaten kar praphullit rehna hai।

vardaan:- “karaane vaala kara raha hai'', is smriti dvaara nimitta ban har karma karne vaale beparvaah baadshaah bhav

chalaane vaala chala raha hai, karaane vaala kara raha hai - is smriti dvaara nimitta bankar har karma karte chalo to beparvaah baadshaah rahenge। “main kar raha hoon'' - yeh bhaan aaya to beparvaah nahin rah sakte। lekin baap dvaara nimitta bana hua hoon - yeh smriti bephikar va nishchint jeevan ka anubhav karaati hai, kal kya hoga, uski bhi chinta nahin। unhein yeh nishchay rehta ki jo ho raha hai woh achha aur jo hone vaala hai woh aur bhi bahut achha, kyonki karaane vaala achhe te achha hai।

slogan:- apne shanti aur sukh ke vibration se har ek ko sukh chain ki anubhooti karaao tab kahenge sachche sevaadhaari।