सोमवार 2 अक्टूबर 2023 की दैनिक मुरली

02-10-2023 praatahmurli om shanti "baapdaada"' madhuban

“meethe bachche - nai duniya ke liye baap tumhein sab nai baaten sunaate, nai mat dete isliye unki gat-mat nyaari gaai jaati hai''

prashn:- merciful baap sabhi bachchon ko kis baat mein saavdhaan kar oonch takdeer bana dete hain?

uttar:- baba kehte - bachche, oonch takdeer banaani hai to service karo। agar khaaya aur soya, service nahin ki to oonchi takdeer nahin bana sakenge। service ke bigar khaana haraam hai, isliye baba saavdhaan karte। saara madaar padhaai par hai। tum braahmanon ko padhna aur padhaana hai, sachchi geeta sunaani hai। baap ko raham padta hai isliye har baat ki roshni dete rehte hain।

geet:- jis din se mile ham tum…

om shanti। roohaani baap samjhaate hain। jab bachchon ko behad ka baap milta hai to har ek baat nai sunaate hain kyonki yeh baap nai duniya sthaapan karne vaala hai। manushya to aisi nai baaten suna na saken। baap, jisko heavenly god father kaha jaata hai, woh behad ka baap svarga ki sthaapna karne vaala hai। narka ki sthaapna karne vaala hai raavan। 5 vikaar stri mein, 5 vikaar purush mein, woh ho gai raavan sampradaay। to yeh nai baat sunaai na! svarga banaane vaala hai parampita paramatma, jisko raam kehte hain। narka banaane vaala hai raavan, jiska chitra banaakar varsha-varsha jalaate hain। ek baar jal gaya to phir unka effigy dekhne mein thode hi aayega। woh aatma jaakar doosra shareer leti hai। features aadi badal jaate hain। yeh to raavan ke vahi features varsha-varsha banaate aur jalaate hain। vaastav mein jaise niraakaar shivbaaba ka koi feature nahin, vaise raavan ka bhi koi feature nahin। yeh raavan to vikaar hain। baap yeh samjhaate hain। manushya bhakti maarga mein kya chaahte hain? bhagwan aate hi hain bhakti ka phal dene va raksha karne kyonki bhakti mein duhkh bahut hai। sukh hai alpakaal kshan bhangur। bhaaratvaasiyon ka bilkul duhkhi jeevan hai। koi ka bachcha mara, koi ka devaala nikla, jeevan to duhkhi rehta hai na। baap kehte hain main aata hoon sabhi ka jeevan sukhi banaane। baap aakar ke nai baat bataate hain, kehte hain main aaya hoon svarga ki sthaapna karne। vahaan tum vikaar mein nahin jaayenge। woh hai nirvikaari raajya, yeh hai vikaari raajya। agar tumko svarga ka raajya chaahiye to woh baap hi sthaapan karte hain। narka ka raajya raavan sthaapan karte hain। to baap poochhte hain tum svarga mein chalenge? vaikuntha ki mahaaraani-mahaaraaja vishwa ke maalik banenge? yeh koi ved-shaastra aadi ki baaten nahin hain। baap aise nahin kehte ki raam-raam kaho va dar-dar dhakke khaao, mandiron, teertho aadi mein jaao va geeta, bhaagvat aadi baithkar padho। nahin, satayug mein to shaastra hote nahin। tum bhal kitne bhi ved-shaastra aadi padho, yagya, jap, daan-punya aadi karo - yeh hai hi dhakke khaana, inse praapti kuchh bhi nahin। bhakti maarga mein koi em object nahin hai। main tumko svarga ka maalik banaane aaya hoon। is samay sab narkavaasi hain। agar koi ko kaho tum narkavaasi ho to bigdenge। vaastav mein tum jaante ho narka kaliyug ko aur svarga satayug ko kaha jaata hai। baap vaikuntha ki baadshaahi le aaye hain। kehte hain svarga ka maalik banna hai to pavitra zaroor banna padega। mool baat saari pavitrata ki hai। kai manushya kehte hain ham pavitra to kabhi nahin rah sakte। are, tumko paavan banaate hain svarga mein chalne liye। pahle vaapis shantidham mein jaakar phir svarga mein aana hai। sabhi dharma vaalon ko kehte hain deh ko chhod ashareeri bankar jaana hai isliye deh ke abhimaan ko todo। main Christian hoon, bauddhi hoon, yeh sab hain deh ke dharma। aatma to sweet hom mein rehti hai।

to ab baap kehte hain vaapis muktidhaam chalenge? vahaan tum shanti mein rahenge। bataao tum vaapis kaise chal sakte ho? mujh baap ko aur apne sweet hom ko yaad karo। deh ke sab dharma chhodo। yeh maama hai, kaaka hai, chaacha hai in sab deh ke sambandhon ko chhodo। apne ko dehi samjho। mujhe yaad karo। bas yeh hai mehnat aur main kuchh nahin sunaata hoon। shaastra aadi jo padhe ho woh sab chhodo। main nai duniya ke liye tumko nai mat deta hoon। kaha jaata hai na - eeshvar ki gat aur mat nyaari hai। gati kaha jaata hai mukti ko। baap nai baat sunaate hain na। manushya bhi jab sunte hain to kehte hain yahaan to nai baaten hain। shaastron ki koi baat nahin। yoon to hai geeta ki baat parantu manushyon ne geeta ko bhi khandan kar diya hai। mainne to geeta pustak kuchh bhi nahin uthaai hai। woh to baad mein banti hai। main to tumko gyaan sunaata hoon। aise kabhi koi nahin kahenge ki tum mere sikeeldhe bachche ho। yeh niraakaar paramatma hi kehte hain। niraakaar aatmaon se baat karte hain। aatma sunti hai, yeh shareer hai organs। yeh baat kabhi koi samajhte nahin। woh manushya, manushya ko sunaate hain, yeh paramatma baith aatmaon ko sunaate hain। ham aatmaayen sunti hain in kaanon dvaara। tum jaante ho parampita paramatma baith samjhaate hain। manushya to yeh wonder khaate hain - bhagwan kaise samjhaayega। woh to samajhte hain shreekrishna bhagvaanuvaach। are, shreekrishna to dehdhaari hai। main to dehdhaari nahin, main videhi hoon aur videhi aatmaon ko sunaata hoon। to yeh nai baaten sunne se manushya chakit ho jaate hain। jo kalpa pahle bachche sunkar gaye hain unhon ko to bahut achha lagta hai, padhte hain, mama-baba kehte hain। ismen andhashradha ki to koi baat ho na sake। laukik reeti bhi bachche maa-baap ko, maa-baap kehte hain। abhi tum un laukik maa-baap ki yaad chhod paarlaukik maat-pita ko yaad karo। yeh paarlaukik maa-baap tumhein amrit ki len-den sikhlaane vaale hain। kehte hain - he bachche, ab vish ki len-den chhodo। main tumko jo shiksha deta hoon woh ek-do ko do to tum svarga ke maalik ban jaayenge। thoda sunenge to bhi svarga mein aa jaayenge। parantu auron ko aapasmaan nahin bana sakte to daas-daasi jaakar banenge। daas-daasiyon mein bhi nambarvaar hote hain। bachchon ko sambhaalne vaale daas-daasiyaan zaroor achhe martabe vaale honge। yahaan rehte hue phir agar padhte nahin to daas-daasi ban padte hain। praja mein bhi nambarvaar hote hain। jo achhi reeti padhte hain woh itna oonch pad paate hain। praja mein saahookaaron ke bhi daas-daasiyaan honge। har ek ko apni shakla dekhni hai - ham kya banne laayak hain? baba se agar koi poochhe to baba jhat bata denge। baap to sab-kuchh jaante hain aur siddha kar batlaate hain ki is kaaran yeh tum banenge। bhal surrender kiya hai, uska bhi hisaab-kitaab hai। surrender kiya hai parantu kuchh service nahin karte, sirf khaate-peete rehte to jo diya woh khaakar khatma karte hain। diya so khaaya, service nahin ki to third class daas-daasi jaakar banenge। haan, service karte hain aur khaate hain to theek hai। dhandha kuchh nahin karte to kha-kha kar khatma kar dete hain phir aur bhi bojha chadh jaata hai। yahaan rehte hain jo diya so khaaya। jo bhal nahin dete hain parantu service bahut karte hain to woh oonch pad pa lete hain। mama ne dhan kuchh nahin diya, parantu pad bahut oonch paati hai kyonki baba ki roohaani service karti hai। hisaab hai na। kaiyon ko nasha rehta hai hamne to sab kuchh diya hai, surrender hue hain। parantu khaate bhi to hain na। baba misaal to sab bataate hain। service nahin ki khaaya aur khalaas kiya। kehte hain na - jin soya tin khoya। 8 ghanta service karne bigar khaana haraam hai। khaate rahenge to jama kuchh nahin hoga phir service karni padegi। baap ko to sab batlaana padta hai na, jo koi aise nahin kahe ki hamko batlaaya kyon nahin? baba ne sab-kuchh diya aur phir service bhi karte rehte hain, to oonch pad bhi hai। surrender hue aur baith khaaya, service nahin ki to kya banega? shreemat par chalte nahin। baba khaas samjha rahe hain। aise nahin ki pichhaadi ko kahe ki hamaara pad aisa kyon hua? to baap samjhaate hain service na karna, muphta mein khaana, uska nateeja kalpa-kalpaantar ka yeh ho jaayega isliye baba saavdhaan karte hain। samajhna chaahiye kalpa-kalpaantar ke liye hamaara pad bhrashta ho jaayega। baba ko raham padta hai isliye har baat ki roshni dete hain। service nahin karenge to oonch pad nahin pa sakenge। jo grihastha vyavhaar mein rehte service karte hain, unka pad bahut oonch hai।

saara madaar padhaai aur padhaane par hai। tum brahman ho, tumko sachchi geeta sunaani hai। woh to kachchha mein kuram uthaate hain। tumhaare kachchha mein kuchh nahin। tum ho sachche brahman। tumko sach sunaana hai, sachchi praapti karaani hai, aur sabne ghaata hi dilaaya hai isliye likha jaata hai woh sab jhooth hai। baba sach sunaakar sachkhanda ka maalik banaate hain। yeh to samajhne ki baat hai। vishwa ka maalik banna kam baat hai kya! sensible bachche jo honge woh to plan banaate rahenge - ham sone ki eeton ka aise-aise makaan banaayenge, yeh karenge। saahookaar ka bachcha jaise bada hota jaayega to unke khyaalaat chalenge - ham aise karenge, yeh banaayenge। tum bhi bhavishya mein prince bante ho to shauk hoga na - ham aise-aise mahal banaayenge। jo aur koi ka nahin hoga। yeh khyaalaat unke chalenge jo achhi reeti padhkar padhaate hain। baadshaahi to hogi na। to buddhi mein yeh khyaalaat chalni chaahiye - ham kitne number se paas honge? bada bhaari school hai, ismen laakhon karodon padhenge, dher aayenge। yeh sab baaten baap hi baith samjhaate hain। bhagwan ek hai, unko hi maat-pita kehte hain - woh aakar adopt karte hain। kitni guhya baaten hain। yeh naya school hai, naya padhaane vaala hai। kitna achhi reeti samjhaate hain। jholi unki bharegi jo laayak honge, baap ko yaad karenge। maa-baap ko kabhi koi bhoolta nahin hai। phir sangamayugi bachche baap ko bhool kaise sakte hain। achha!

duniya dhamchakra mein hai aur tum bachche chup ho। chup mein hai shanti, shanti mein hai sukh। tum jaante ho mukti ke baad phir hai jeevan-mukti। tum bachchon ko sirf do akshar yaad hain - alpha allaah aur be baadshaahi। sirf ek alpha ko yaad karne se baadshaahi mil gai। baaki kya bacha? baaki rahi chhaanchh। alpha mila goya makkhan mila, baaki sab hai chhaanchh। aise hain na? ham chup rehte hain। jaante hain chup rahkar ham shreemat par chalte hain। parantu wonder yeh hai ki bachche alpha ko bhi poora yaad nahin karte, bhool jaate hain। maaya toofaan laati hai। baap bhi kehte hain manamnaabhav, madhyaajeebhav। geeta mein akshar hain। to tumko geeta vaalon se arth poochhna chaahiye ki manamnaabhav, madhyaajeebhav ka arth kya hai? baap kehte hain mujhe yaad karo to tumko baadshaahi milegi। sab deh ke dharma chhod dehi ban jaao aur baap ko yaad karo to baadshaahi milegi। granth mein bhi kehte hain - japo alpha ko to baadshaahi milegi। sachkhanda ki raajaai milti hai। ham duniya se bilkul nyaare hain, aur koi bhi aise nahin kahenge। baap tumhein nai baaten sunaate hain, baaki sab puraani baaten hi sunaate hain। baat badi sahaj hai। alpha ke bano to baadshaahi milegi। phir bhi purushaartha to karna pade। aapasmaan banaane ki jitni service karenge utna phal milega। manushya na alpha ko jaante hain, na be ko jaante hain। be maana baadshaahi ka makkhan। shreekrishna ke mukh mein makkhan dikhaate hain na। zaroor svarga ki sthaapna karne vaale ne hi baadshaahi di hogi। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vaapis sweet hom (ghar) jaana hai isliye deh ke dharmon aur sambandhon ko bhool svayan ko dehi samajhna hai। isi abhyaas mein rehna hai।

2) baap ki jo shikshaayen mili hain, woh doosron ko deni hai, aap samaan banaana hai। 8 ghante service zaroor karni hai।

vardaan:- shuddh feeling dvaara flu ki beemaari ko khatma kar vardaanon se palne vaale saphaltaamoorta bhav

sabhi bachchon ko baapdaada ki shreshtha mat hai - bachche sada shuddh feeling mein raho। main sarva shreshtha arthaat koton mein koi aatma hoon, main dev aatma, mahaan aatma, vishesh paartadhaari aatma hoon - is feeling mein raho to vyartha feeling ka flu nahin aa sakta। jahaan yeh shuddh feeling hai vahaan ashuddha feeling nahin ho sakti। isse flu ki beemaari se arthaat mehnat se bach jaayenge aur sada svayan ko aisa anubhav karenge ki ham vardaanon se pal rahe hain, seva mein saphalta pa rahe hain।

slogan:- sangamayugi maryaada purushottam banna - yahi brahman jeevan ka shreshtha lakshya hai।