बुधवार 4 अक्टूबर 2023 की दैनिक मुरली

04-10-2023 praatahmurli om shanti "baapdaada"' madhuban

“meethe bachche - nishchay karo ki ham aatma hain, yeh hamaara shareer hai, ismen saakshaatkaar ki koi baat nahin, aatma ka saakshaatkaar bhi ho to samajh nahin sakenge''

prashn:- baap ki kis shreemat par chalne se garbhajel ki sajaaon se chhoot sakte hain?

uttar:- baap ki shreemat hai - bachche nashtomoha bano, ek baap doosra na koi, tum sirf mujhe yaad karo aur koi bhi paap karma na karo to garbhajel ki sajaaon se chhoot jaayenge। yahaan tum janma-janmaantar jel bird bante aaye, ab baap aaye hain un sajaaon se bachaane। satayug mein garbha jel hota nahin।

om shanti। roohaani baap roohaani bachchon ko samjhaate hain - aatma kya hai aur unka baap paramatma kaun hai? ise phir se samjhaate hain kyonki yeh to hai patit duniya। patit hamesha besmajh hote hain। paavan duniya samajhdaar hoti hai। bhaarat paavan duniya arthaat devi-devtaaon ka raajya tha, in lakshmi-naaraayan ka raajya tha। bade dhanvaan, sukhi the parantu bhaaratvaasi in baaton ko samajhte nahin। baap, parampita athva rachta ko hi nahin jaante। manushya hi jaan sakte hain, jaanvar to nahin jaanenge na। yaad bhi karte hain - he parampita paramatma। woh paarlaukik father hai। aatma yaad karti hai apne parampita paramatma ko। is shareer ko janma dene vaala to laukik father hai aur woh parampita paramatma hai paarlaukik father, aatmaon ka baap। manushya lakshmi-naaraayan ki pooja karte hain, samajhte bhi hain yeh satayug mein the aur raam-seeta treta mein the। baap aakar samjhaate hain - bachche, tum mujh paarlaukik baap ko janma-janmaantar yaad karte aaye ho। god father to zaroor niraakaar hua na। hamaari aatma bhi niraakaar hai na। yahaan aakar saakaar bani hai। yeh thodi-si baat bhi koi ki buddhi mein nahin aati। woh tumhaara behad ka baap rachayita hai। pukaarte hain tum maat-pita… aapke ham bante hain to ham svarga ke maalik bante hain phir aapko bhoolne se narka ke maalik ban jaate hain। abhi woh baap in dvaara baith samjhaate hain - main rachayita hoon, yeh meri rachna hai, jiska raaz tumko samjhaata hoon। yeh bhi samajh jaate hain। aatma ko kisi ne bhi dekha nahin hai phir kyon kehte hain aham aatma? yeh to samajhte hain na - aham aatma ek shareer chhod doosra leti hoon। mahaan aatma, punya aatma kehte hain na। nishchay karte hain - ham aatma hain, yeh hamaara shareer hai। shareer vinaashi hai, aatma avinaashi hai। us parampita paramatma ki santaan hai। kitni sahaj baat hai। parantu achhe-achhe buddhivaan samajh nahin sakte। maaya ne buddhi ko taala laga diya hai। tumko apni aatma ka hi saakshaatkaar nahin hota hai। aatma hi anek janma leti hai na। har janma mein baap badalta jaata hai। tum apne ko aatma nishchay kyon nahin karte ho? kehte hain aatma ka saakshaatkaar ho। are, itne janma koi ko bola tha kya ki aatma ka saakshaatkaar ho? koi-koi ko aatma ka saakshaatkaar hota bhi hai parantu samajh nahin sakte। baap ko tum jaante nahin। behad ke baap bigar aatmaon ko paramatma ka saakshaatkaar bhi koi kara nahin sakta। kehte hain - he bhagwan, to baap hua na। tumko do baap hain - ek to hai vinaashi shareer ko janma dene vaala vinaashi baap, doosra hai avinaashi aatmaon ka avinaashi baap। tum gaate ho - tum maat pita........ unko yaad karte ho to zaroor woh aaya hoga na। jagat amba aur jagat pita baithe hain, raajayog seekh rahe hain। vaikuntha mein lakshmi-naaraayan ka raajya tha, woh bhi bhaarat mein hi the na। manushya samajhte hain oopar kahaan svarga hoga। are, lakshmi-naaraayan ka yahaan yaadgaar hai, zaroor yahaan hi raajya kiya hoga। yeh delvaada mandir tumhaara abhi ka yaadgaar bana hua hai। tum raajayogi ho। adharkumaar, kumaar kumaariyaan sab yahaan baithe ho, unka yaadgaar phir bhakti mein banta hai। delvaada naam ka bhi koi arth hoga na। dil lene vaala kaun hai? yeh aadi dev aur aadi devi bhi raajayog seekh rahe hain। yeh bhi yaad karenge us niraakaar parampita paramatma ko। woh hai oonch te oonch gyaan saagar। is aadi dev ke shareer mein baith sab bachchon ko samjhaate hain। yeh mandir kab bana, kyon bana, kinhon ka yeh yaadgaar hai? kuchh bhi jaante nahin। deviyon aadi ke kitne naam lete hain। kaali, durga, annapoorna... ab saare vishwa ki annapoorna kaun hogi? kaun-si deviyaan anna ki poorti karti hain, tum jaante ho? bhaarat svarga tha, vahaan to athaah vaibhav rehte hain jabki abhi hi 80-90 varsha pahle 10-12 aane man anaaj milta tha to usse pahle kitni sastaai hogi। satayug mein to anaaj aadi bahut sasta achha hota hai। parantu yeh bhi koi samajhte nahin। baap aakar tum aatmaon ko padhaate hain। aatma in karmendriyon se sunti hai। aatma ko yeh aankhe mili hain dekhne ke liye, kaan mile hain sunne ke liye। baap kehte hain main niraakaar bhi is shareer ka aadhaar leta hoon। mujhe sadaiv shiv hi kehte hain। manushyon ne bahut naam rakhe hain - roodra, shiv, somnaath........ parantu mera ek hi naam shiv hai। shivaae namah, bhakta bhagwan ko yaad karte aaye hain। unko 2500 varsha hue hain। bhakti maarga mein pahle avyabhichaari bhakti thi। abhi to tumne thikkar-bhittar mein daal diya hai। abhi is bhakti ka ant hain। sabko vaapis le jaane main aaya hoon। yeh puraani duniya khatma honi hai। bombs bane hue hain to kitne mein sab khalaas ho jaayenge। satayug mein kitne thode sirf 9 laakh honge। baaki itne sab kahaan jaayenge? yeh ladaai earthquake aadi hogi। vinaash to zaroor hona hai।

yeh hai prajaapita, kitne brahmaakumaar-kumaariyaan hain। brahma ka baap kaun hai? niraakaar shiv। ham unke potre-potriyaan hain। shiv-baba se ham varsa lete hain। to unko hi yaad karna hai। yaad se hi paapon ka bojha utrega। tum jaante ho yeh hai hi vicious, patit duniya। satayug hai viceless duniya। vahaan vish (vikaar) hota nahin। kaayde anusaar ek hi bachcha hota hai। kabhi akaale mrityu nahin hoti hai। hai hi sukhdhaam। yahaan to kitna duhkh hai। parantu yeh baaten koi bhi jaante nahin। geeta sunaate hain, shreemat bhagvat geeta, bhagvaanuvaach। achha, bhagwan kaun hai? kah dete shreekrishna। are, woh to chhota bachcha hai, woh kaise raajayog sikhlaayega? us samay patit duniya thode hi hai। sadgati ke liye raajayog sikhlaane vaala to yahaan chaahiye। geeta mein likha hua bhi hai roodra geeta gyaan yagya। shreekrishna geeta gyaan yagya to hai nahin। yeh gyaan yagya kitne varshon se chalta aa raha hai, inki samaapti kab hogi? jab saari srishti ismen svaaha hogi। yagya jab samaapta hota hai to usmein sab kuchh svaaha karte hain na। yeh yagya bhi ant tak chalta rahega। yeh puraani duniya khatma hone vaali hai। baap kehte hain main kaalon ka kaal hoon, sabko lene liye aaya hoon। tumko padha raha hoon ki tum svarga ke maalik bano। tum jaante ho is samay sabhi manushyamaatra hain sada durbhaagya-shaali, satayug mein the sada saubhaagyashaali - yeh farka sabko samjhaana hai। yahaan aate hain to achhi reeti samajhte hain phir ghar jaate hain to sab khalaas ho jaata। jaise garbhajel mein anjaam (vaayda) kar aate hain - ham paap nahin karenge। baahar nikalte hain to phir paap karne lag padte hain। jel bird hote hain na। is samay jo bhi manushya maatra hain sab jel bird hain। ghadi-ghadi garbhajel mein jaakar sajaayen khaate hain। baap kehte hain - abhi tumko garbhajel bird banne se chhudaate hain। satayug mein garbha ko jel nahin kahenge। tumko in sajaaon se bachaane aaya hoon। ab mujhe yaad karo, koi bhi paap nahin karo, nashtomoha bano। gaate hain mera to ek doosra na koi........ yeh koi shreekrishna ki baat nahin hai। shreekrishna to 84 janma le ab aakar brahma bana hai phir vahi shreekrishna banna hai, isliye is shareer mein hi pravesh kiya hai। yeh bana banaaya drama hai। abhi bhagwan yeh sooryavanshi, chandravanshi raajdhaani sthaapan kar rahe hain। tumhaari bhavishya ke liye praalabdha banaate hain। abhi tum purushaartha kar anek janmon ki praalabdha bana rahe ho behad ke baap dvaara, jo baap svarga ka rachayita hai। yeh baaten samajhne ki hain। drama mein har ek actor ka apna-apna part hai। ismen ham kyon royen peeten? ham jeete ji us ek baap ko yaad karte hain। is shareer ki bhi hamko parvaah nahin hai। yeh puraana shareer chhoote aur ham baba ke paas jaayen। is samay tum bhaarat ki kitni seva karte ho। tumhaare hi naam gaaye hue hain - annapoorna, durga, kaali aadi-aadi। baaki kaali koi aisi bhayaanak shakla vaali va ganesh soondh vaala thode hi hota hai। manushya to manushya hi hote hain। ab baap samjhaate hain main tum bachchon ko in lakshmi-naaraayan jaisa bana raha hoon। tum nishchay karo ham baba se varsa le rahe hain phir bhavishya mein jaakar prince-princess banenge। baap jo svarga ka rachayita hai, unko koi bhi nahin jaante। jagdamba ko bhi bhool gaye hain। jiska mandir bana hua hai - abhi woh chaitanya mein baithe hain। kaliyug ke baad phir satayug hona hai। vinaash ke liye manushya poochhte hain। are, pahle tum padhkar hoshiyaar to ho jaao। mahaabhaarat ladaai to barobar hui thi, jiske baad hi svarga ke dvaar khule the। to ab in maataaon dvaara svarga ke dvaar khul rahe hain। vande maatram gaate hain na। paavan ki hi vandana ki jaati hai। maataayen do prakaar ki hain - ek hain jismaani social worker, doosri hain roohaani social worker। tumhaari hai yeh roohaani yaatra। tum jaante ho ham yeh shareer chhod vaapas jaane vaale hain। bhagvaanuvaach - manamnaabhav। mujh apne baap ko yaad karo। shreekrishna bachcha to aise nahin kahenge na। unko to apna baap hai। manamnaabhav ka arth koi bhi nahin jaante। yeh to baap kehte hain mujhe yaad karo to vikarma vinaash honge aur udne ke pankh mil jaayenge। abhi tum pattharbuddhi se paarasbuddhi bante ho। rachta baap to sabka ek hi hai। aadi dev aur aadi devi ke mandir bhi hain। tum unke bachche yahaan raajayog seekh rahe ho। yahaan hi tumne tapasya ki thi, tumhaara yaadgaar saamne khada hai। lakshmi-naaraayan aadi ko raajaai kaise mili, unka yeh mandir hai। tum ho raajarishi। raajaai praapta karne va bhaarat ka phir se raajya-bhaagya paane liye tum purushaartha kar rahe ho। tum bhaarat mein svarga ki raajaai sthaapan karte ho, apne tan-man-dhan se seva karke। baap ki shreemat dvaara tum patit raavan raajya se sabko liberate karte ho। baap hai liberator, duhkh harta, sukh karta। tumhaare duhkh harne ke liye puraani duniya ka vinaash karaate hain। tumko dushman par vijay pahnaate hain, to tum maayaajeet-jagatjeet banenge। tum kalpa-kalpa raajya lete ho aur phir gavaante ho। yeh hai roodra shiv ka gyaan yagya, jisse yeh vinaash jvaala nikli hai। woh sab vinaash ho jaayenge aur tum sada sukhi ban jaayenge। duhkh shuru hota hai dvaapar se। baap kehte hain - main aakar narkavaasiyon ko svargavaasi banaata hoon। kaliyug hai veshyaalay, satayug hai shivaalay। tum behad ke baap se svarga ke maalik bante ho to yeh khushi ka paara chadhna chaahiye na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jeete ji baap ko yaad kar varse ka adhikaar lena hai, kisi bhi baat ki parvaah nahin karni hai।

2) shreemat par apne tan-man-dhan se bhaarat ko svarga banaane ki seva karni hai aur sabko raavan se liberate hone ki yukti bataani hai।

vardaan:- yog jvaala dvaara vishwa ke kichde ko bhasma karne vaale vishwa parivartak bhav

yog jvaala arthaat shreshtha sankalpon ki shakti va lagan ki agni dvaara hi apvitrata roopi kichde ko bhasma kar sakte ho। jaise deviyon ke yaadgaar mein dikhaate hain ki jvaala se aasuri shaktiyon ko khatma kar diya। yeh yaadgaar abhi ka hai। to pahle jvaala roop ban aasuri sanskaar, svabhaav sab kuchh bhasma kar sampoorn paavan bano tab yog aur pavitrata ki jvaala se vishwa ke kichde ko bhasma kar vishwa parivartan ke nimitta banenge।

slogan:- aagyaakaari woh hai jo manmat, parmat se mukta rah sada shreemat par chalta hai।