शुक्रवार 1 दिसंबर 2023 की दैनिक मुरली

01-12-2023 praatahmurli om shanti "baapdaada"' madhuban

“meethe bachche - is paathshaala mein aane se tumhein pratyakshaphal ki praapti hoti hai, ek-ek gyaan ratna laakhon ki milkiyat hai, jo baap dete hain''

prashn:- baba jo nasha chadhaate hain, woh halka kyon ho jaata hai? nasha sada chadha rahe uski yukti kya hai?

uttar:- nasha halka tab hota hai jab baahar jaakar kutumba parivaar vaalon ka mukh dekhte ho। nashtomoha nahin bane ho। nasha sada chadha rahe uske liye baap se roohrihaan karna seekho। baba, ham aapke the, aapne humein svarga mein bheja, hamne 21 janma sukh bhoga phir duhkhi hue। ab ham phir se sukh ka varsa lene aaye hain। nashtomoha bano to nasha chadha rahe।

geet:- marna teri gali mein…

om shanti। yeh kiske bol sune? gop gopiyon ke। kiske liye kehte hain? parampita paramatma shivbaaba ke liye। naam to zaroor chaahiye na। kehte hain - baba, aapke gale ka haar banne ke liye jeete ji ham aapka bante hain। aapko hi yaad karne se ham aapke gale ka haar banenge। rudra maala to prasiddha hai। baap ne samjhaaya hai sab aatmaayen rudra ki maala hai। yeh roohaani jhaad hai। woh hai genealogical manushyon ka jhaad, yeh hai aatmaon ka jhaad। jhaad mein section bhi hain। devi-devtaaon ka section, islaamiyon ka section, bauddhiyon ka section। yeh baaten aur koi samjha nahin sakte। geeta ka bhagwan hi sunaate hain। vahi janma-maran rahit hai। unko ajanma nahin kah sakte। sirf janma-maran mein aane vaala nahin hai। unka sthool va sookshm shareer nahin hai। mandiron mein bhi shivling ko hi poojte hain, unko hi paramatma kehte hain। devtaaon ke aage hi jaakar mahima gaate hain। brahma parmaatmaae namah kabhi nahin kahenge। shiv ko hi hamesha paramatma samajhte hain। shiv paramatma namah kahenge। woh hai mool vatan, woh sookshm vatan aur yeh hai sthool vatan।

abhi tum bachche jaante ho ki yahaan woh gyaan nahin ki paramatma sarvavyaapi hai। yadi inmen bhi paramatma ho to phir inko paramatma namah kaha jaae। shareer mein hote paramatma namah nahin kehte। vaastav mein akshar hi hai mahaan aatma, punya aatma, paap aatma…। mahaan paramatma nahin kaha jaata। punya paramatma va paap paramatma akshar bhi nahin hai। yeh to samajhne ki baaten hai na। sirf tum bachche hi jaante ho ki is paathshaala mein aane se pratyakshaphal dene vaali praapti hoti hai। is padhaai se ham bhavishya mein devi-devta banenge aur koi aisa kah nahin sakte। manushya se devta to tum bante ho। devtaaon mein prasiddha hain lakshmi-naaraayan isliye satya naaraayan ki katha kehte hain। naaraayan ke saath lakshmi to zaroor hogi। sat raam ki katha nahin kehte। sat naaraayan ki katha kehte hain। achha, usse kya hoga? nar se naaraayan banenge। barrister dvaara barrister ki katha sun barrister banenge। yahaan tum aate hi ho bhavishya 21 janmon ki praapti ke liye। bhavishya 21 janmon ki praapti bhi tab hoti hai jab sangamayug hota hai। tum jaante ho ham aaye hain baap se satayugi raajdhaani ka varsa lene। lekin pahle to yeh pakka nishchay chaahiye ki shivbaaba hamaara baba hai। is brahma ka bhi woh baba hai। to bi.ke. ka daada hua। yeh baap kehte hain yeh meri property nahin hai। daada ki property tumko milti hai। shiv-baba ke paas gyaan ratnon ka dhan hai। ek-ek ratna laakhon ki milkiyat hai। iski keemat itni bhaari hai jo 21 janma ke liye raajya bhaagya koi ke svapna mein bhi nahin hoga। lakshmi-naaraayan aadi ki pooja to bhal karte aaye hain parantu yeh kisko pata nahin ki inhonne yeh pad kaise paaya? satayug ki aayu laakhon varsha kah di hai isliye kuchh samajh nahin sakte hain। abhi tum jaante ho unhon ko raajya kiye 5 hajaar varsha hue। phir ek sanvat se shuru hui kahaani kahi jaati hai। long-long ago… is bhaarat mein hi lakshmi-naaraayan ka raajya tha। bhaarat ko bahishta, svarga kaha jaata hai। yeh kiski buddhi mein nahin hai। abhi tum bachche jaante ho kalpa ki aayu hi 5 hajaar varsha hai। in shaastron mein jo likha hai yeh sab bhi drama mein noondh hai। inhen sunne se parinaam kuchh bhi nahin nikla। kitne shaadmaane karte hain। jagat amba hai to ek hi parantu unki moortiyaan kitni banaate hain। to jagat amba sarasvati brahma ki beti hai। baaki 8-10 bhujaayen to hain nahin। baap kehte hain yeh sab bhakti maarga ki badi saamagri hai। gyaan mein to yeh kuchh nahin hai, chup rehna hai। baap ko yaad karna hai। aisi bahut bachchiyaan hain jinhonne kabhi dekha bhi nahin। likhti hain baba aap hamko pahchaante nahin ho lekin main achhi reeti jaanti hoon। aap vahi baba ho, ham aapse varsa lekar hi chhodenge। ghar baithe bhi bahuton ko saakshaatkaar hote hain। bhal saakshaatkaar na bhi ho to bhi likhti rehti hain। yaad mein ekdam lavleen ho jaati hain। baap hi sadgati daata hai, unko kitna pyaar karna chaahiye। maa-baap se bachche ekdam lipat jaate hain kyonki maa-baap bachchon ko sukh dete hain। lekin aajkal ke maa-baap koi sukh nahin dete hain aur hi vikaaron mein phansa dete hain। baap kehte hain - past is past। ab tumko shiksha milti hai - bachche, kaam kataari ki baaten chhod pavitra bano kyonki abhi tumhein krishnapuri mein chalna hai। shreekrishna ka raajya hai hi satayug mein। manushyon ne shreekrishna ko dvaapar mein dikha diya hai। aise thode hi satayug ka prince dvaapar mein aakar geeta sunaayenge। unko to shri naaraayan ban satayug mein raajya karna hai।

bhagvaanuvaach - is samay sabhi manushyamaatra aasuri svabhaav vaale hain। unko daivi svabhaav vaala banaane geeta ka bhagwan aate hain। us baap ke badle bachche ka naam likh diya hai jis bachche ko phir dvaapar mein le aaye hain। yeh bhi badi bhool hai। phir to yaadav aur paandav siddha na hon। to baap kehte hain - bachche, tum to oonch daivi kul ke the phir tumhaara yeh haal kyon hua hai? ab phir tumko devta banaata hoon। manushya, manushya ko svarga ka raaja nahin bana sakte। manushya thode hi svarga ki sthaapna karenge। aatma ko paramatma kehna kitni badi bhool hai। sannyaasi to manushya se devta bana na sake। yeh to baap ka hi kaam hai। aarya samaaji, aarya samaaji banaayenge। Christian, Christian banaayenge। aise jiske paas tum jaayenge woh vaisa hi banaayenge। devta dharma hai hi satayug mein, to baap ko sangam par aana pade। yeh mahaabhaarat yuddha hai, is ladaai dvaara hi tumhaari vijay hoti hai। vinaash ke baad phir jay-jaykaar hogi। tum to jaante ho vinaash bhi zaroor hone vaala hai। aaj koi takhta par baitha to unko utaarne mein deri thode hi karte hain। kya isko svarga kahenge? yeh to poora narka hai। isko svarga kehna to bhool hai। manushya kitne duhkhi hain। aaj koi janma to khushi-sukh aur mara to duhkh। yahaan to sabse nashtomoha hona pade। nahin to baba service par jaane ke liye kabhi nahin kahenge। baba kehte main to nashtomoha hoon। kisi cheez mein moh kyon rakhoon। main koi grihasthi thode hi hoon।

tum bachche jaante ho barobar is bhambhor ko aag lagni hai, vinaash mein deri thode hi lagti hai। tum kahaan bhaashan karte ho to samjhaate ho ki aakar behad ke baap se varsa lo। had ke baap se had ka varsa milta hai। tumne 63 janma is narka mein liye hain। main 21 janma liye tumko svarga ka varsa dene aaya hoon। ab raavan ka varsa achha ya raam ka? agar raavan ka achha hai to unko jalaate kyon ho? shivbaaba ko kabhi jalaate ho kya? shreekrishna ko thode hi jalaate hain। ve to hain hi raavan sampradaay, vikaar se paida hote hain। yeh hai veshyaalay, vishay saagar। woh hai viceless, shivaalay, amrit saagar। ksheer saagar mein vishnu ko dikhaate hain na। ab ksheer ka saagar thode hi hota hai। doodh to gau se nikalta hai। ab dekho kehte hain eeshvar sarvavyaapi hai phir apne ko shivoham kehte kyonki khud pavitra rehte, doosre ko aise thode hi kehte - tumhaare mein eeshvar hai, tumhaare mein nahin hai kyonki tum patit ho। aatma kehti hai main abhi parampita paramatma dvaara paavan ban rahi hoon, phir paavan ban raajya karenge। tumne anek baar varsa liya aur ganvaaya hai। yeh drama ka chakra buddhi mein baith gaya hai। baap samjhaate hain tum sab paarvatiyaan ho, main shiv hoon। katha aadi yahaan ki baat hai, sookshm vatan mein to katha aadi hoti nahin। amraktha tumko sunaate hain amarpuri ka maalik banaane। woh hai amarlok, vahaan to sukh hi sukh hai, mrityulok mein aadi-madhya-ant duhkh hai। kitna achhi reeti samjhaate hain। jinhonne kalpa pahle baap se varsa liya tha, unhon ka hi ab purushaartha chalta hai। is samay tak jo missionary chalti hai, pahle bhi itni chali thi। bhal baba kehte hain tum service thandi karte ho, parantu yeh bhi samjhaate hain ki kalpa pahle jo tumne service ki thi vahi karte ho। purushaartha phir bhi karte rehna hai। chhote-chhote deepkon ko toofaan hila denge। khivaiya to sabka ek baap hi hai। kahaavat bhi hai - naeeya meri paar lagaao… drama ki bhaavi aisi bani hui hai। sab us puraani duniya taraph ja rahe hain। yahaan hain thode। tum kitne thode ho। bhal pichhaadi mein bahut honge to bhi raat-din ka farka hai। woh saari raavan sampradaay hai। baap nasha to bahut chadhaate hain phir baahar kutumba parivaar ka munh dekha to nasha halka ho jaata hai। aisa hona nahin chaahiye। aatmaon ko kaha jaata hai tum baap se roohrihaan karo - baba, ham aapke the, aapne svarga mein bheja tha। 21 janma raajya kiya phir 63 janma duhkh paaya। ab ham aapse varsa lekar hi chhodenge। baba, aap kitne achhe ho। ham aapko aadhaakalpa bhool gaye the। baba kehte yeh to aanaadi bana-banaaya drama hai। meri bhi yeh duty hai। main kalpa-kalpa aakar tum bachchon ko maaya se liberate kar brahman banaae srishti ke aadi-madhya-ant ka raaz sunaata hoon। main aata hi tab hoon jab svarga banaana hai। tum ab pharishte ban rahe ho। purity ka bhi saakshaatkar karaate hain। tumko nashtomoha bhi banna hai। baba ko agar koi kehte hain - baba, ham service par jaayen? to baba kahenge - agar tum nashto-moha ho to maalik ho, jahaan chaahe jaao। moonjhate kyon ho। maalik ho, andhon ko raah bataani hai। nashtomoha nahin hain tab poochhte hain। nashtomoha ho to yeh bhaage, woh thahar na saken। badi manzil hai। baap serviceable bachchon par kurbaan jaate hain। pahle number mein to yeh baba tha na। tyaag to sab karte hain parantu phir bhi inka first number hai।

baba kehte hain dehi-abhimaani bano arthaat apne ko ashareeri samjho। behad ka baap tumko 21 janmon ka varsa dete hain। achha, woh aaye kaise? likha bhi hua hai - brahma ke mukh se rachna rachte hain to zaroor brahma mein hi aayenge। brahma ko hi prajaapita kaha jaata hai to us behad ke baap se aakar varsa lo। yeh baaten samjhaane mein lajja ki to koi baat nahin hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) brahma baap samaan tyaag mein number aage jaana hai। rudra ke gale ka haar banne ke liye jeete ji balihaar jaana hai।

2) serviceable banne ke liye nashtomoha banna hai। andhon ko raah bataani hai।

vardaan:- man ki khushi dvaara beemaariyon ko door bhagaane vaale ever healthy bhav

kaha jaata - man khush to jahaan khush, man ki beemaari se shareer bhi peela ho jaata hai। man theek hoga to shareer ka rog bhi mahsoos nahin hoga। chaahe shareer beemaar bhi ho to bhi manduroosta hai kyonki aapke paas khushi ki khuraak bahut badhiya hai। yeh khuraak beemaari ko bhaga deti hai, bhula deti hai। to man khush, jahaan khush, jeevan khush, isliye ever healthy ho।

slogan:- samay ke mahatva ko jaan lo to sarva khajaanon se sampanna ban jaayenge।

is maas ki sabhi murliyaan (eeshvareey mahaavaakya) niraakaar paramatma shiv ne brahma mukhakmal se apne brahmaavatson arthaat brahmaakumaar evan brahmaakumaariyon ke sammukh 18-1-1969 se pahle uchchaaran ki thi। yeh keval brahmaakumaareez ki adhikrit teacher bahnon dvaara niymit BK vidyaarthiyon ko sunaane ke liye hain।