गुरुवार 14 दिसंबर 2023 की दैनिक मुरली

14-12-2023 praatahmurli om shanti "baapdaada"' madhuban

“meethe bachche - apna saubhaagya banaana hai to eeshvareey seva mein lag jaao, maataaon-kanyaaon ko baap par kurbaan jaane ki uchhal aani chaahiye, shiv shaktiyaan baap ka naam baala kar sakti hain''

prashn:- sabhi kanyaaon ko baap kaun-si shubh raay dete hain?

uttar:- he kanyaayen - tum ab kamaal karke dikhaao। tumhein mama ke samaan banna hai। ab tum lok-laaj chhodo। nashtomoha bano। agar adhar kanya bani to daag lag jaayega। tumhein rang-birangi maaya se bachkar rehna hai। tum eeshvareey seva karo to hazaaron aakar tumhaare charnon par padenge।

om shanti। tum shiv shaktiyaan ho uchhal maarne vaali। baap ke oopar kurbaan jaane ki uchhal aani chaahiye। isko hi kaha jaata hai maulaai masti। baap ko saamne dekhna hota hai ki kaun-kaun baithe hain। vaastav mein class ki baithak aisi honi chaahiye jo teacher ki harek ke oopar nazar pade। yeh jaise satsang ho jaata hai। parantu kya karen drama ki bhaavi aisi hai। class mein nambarvaar bitha nahin sakte। bachche mukhda dekhne ke pyaase hote hain na, vaise baap bhi pyaase rehte hain। bachchon ke sivaae ghar mein andhiyaara samajhte hain। tum bachche sojhra karne vaale ho। bhaarat mein to kya saari duniya mein sojhra karne vaale ho।

geet:- maata O maata tu hai sabki bhaagya vidhaata…

om shanti। yeh geet bhi tumhaare shaastra hain। sarva shaastramai shiromni geeta hai aur sabhi shaastra mahaabhaarat, raamaayan, shivpuraan, ved, upnishad aadi ismen se hi nikle hain। wonder hai na। manushya kehte hain naatak ke record bajaate hain। shaastra to koi inke paas hain nahin। ham kehte hain in record se jo arth nikalta hai, unse sab ved granth aadi ka saar nikal aata hai। (geet baja) yeh hai mama ki mahima। maataayen to dher hain। parantu mukhya hai jagat amba। yahi jagdamba svarga ka dvaar kholti hai। phir pahle woh khud hi jagat ka maalik banti hai to zaroor maa ke saath tum bachche bhi ho। unka hi gaayan hai tum maat-pita…। shivbaaba ko hi maat-pita kaha jaata hai। bhaarat mein jagdamba bhi hai aur jagatpita bhi hai। parantu brahma ka itna naam va mandir aadi nahin hai। sirf ajmer mein brahma ka mandir naameegraami hai, vahaan brahman bhi rehte hain। brahman do prakaar ke hote hain - saarsiddha aur pushkarni। pushkar mein rahne vaalon ko pushkarni kaha jaata hai। parantu un braahmanon ko yeh thode hi pata hai। kahenge ham brahma mukhvanshaavli hain। jagat amba ka naam to bahut baala hai। brahma ko itna nahin jaante। kisko dhan bahut milta hai to samajhte hain saadhu-santon ki kripa hai। eeshvar ki kripa nahin samajhte। baap kehte hain sivaae mere aur koi bhi kripa kar nahin sakte। ham to sannyaasiyon ki mahima bhi karte hain। agar yeh sannyaasi pavitra na hote to bhaarat jal marta। parantu sadgati daata to ek baap hi hai। manushya, manushya ki sadgati kar nahin sakte।

baba ne samjhaaya hai ki tum sab seetaayen ho shok vaatika mein। duhkh mein shok to hota hai na। beemaari aadi hoti hai to kya duhkh nahin hoga। beemaar padenge to zaroor khyaal chalega - kab achhe honge? aise to nahin kahenge ki beemaar pade rahen। purooshaartha karte hain achhe ho jaaen। nahin to davaai aadi kyon karte? ab baap kehte hain main tum bachchon ko in duhkhon, beemaariyon aadi se chhudaakar izaapha deta hoon। maaya raavan ne tumko duhkh diya hai। mujhe to kehte hain srishti ka rachayita। sab kehte hain bhagwan ne duhkh dene liye srishti rachi hai kya! svarga mein aise thode hi kahenge।। yahaan duhkh hai tab manushya kehte hain ki bhagwan ko kya padi thi jo duhkh ke srishti ki rachna ki, aur koi kaam hi nahin tha? parantu baap kehte hain yeh sukh-duhkh, haar-jeet ka khel bana hua hai। bhaarat par hi khel hai - raam aur raavan ka। bhaarat ki raavan se haare haar hai phir raavan par jeet pahan raam ke bante hain। raam kaha jaata hai shivbaaba ko। raam ka bhi, to shiv ka bhi naam lena padta hai samjhaane ke liye। shivbaaba bachchon ka maalik athva naath hai। woh tumko svarga ka maalik banaate hain। baap ka varsa hai hi svarga ki praapti phir unmein hai pad। svarga mein to devtaayen hi rehte hain। achha svarga banaane vaale ki mahima suno।

(geet) bhaarat ki saubhaagya vidhaata yeh jagdamba hi hai। unko koi jaante hi nahin। ambaaji par to bahut manushya jaate honge। yeh baba bhi bahut baar gaya hai। baburnaath ke mandir mein, lakshmi-naaraayan ke mandir me anek baar gaye honge। parantu kuchh bhi pata nahin tha। kitna besmajh the। ab mainne inko kitna samajhdaar banaaya hai। jagdamba ka title kitna bada hai - bhaarat ki saubhaagya vidhaata। ab tumko ambaaji ke mandir mein jaakar service karni chaahiye। jagat amba ke 84 janmon ki kahaani bataani chaahiye। aise to mandir bahut hain। mama ke is chitra ko to maanenge nahin। achha, us amba ki moorti par hi samjhaao aur saath mein yeh geet le jaao। yeh geet hi tumhaari sachchi geeta hain। service to bahut hai na। parantu service karne vaale bachchon mein bhi sachchaai chaahiye। tum yeh geet jagat amba ke mandir mein le jaakar samjhaao। jagdamba bhi kanya hai, braahmani hai। jagdamba ko itni bhujaayen kyon di hain? kyonki unke madadgaar bachche bahut hain। shakti sena hai na। to chitron mein phir anek baahen dikha di hain। shareer kaise dikhlaate? baahen nishaani sahaj hain, shobhti hain। taange den to pata nahin kaisi shakla ho jaae। brahma ko bhi bhujaayen dikhaate hain। tum sab unke bachche ho parantu itni baahen to de na saken। to tum kanyaaon-maataaon ko service mein lag jaana chaahiye। apna saubhaagya bana lo। amba ke mandir mein tum is geet par jaakar mahima karo to dher aa jaayenge। tum itna naam nikaalengi jo puraani brahmaakumaariyaan bhi nahin nikaalti। yeh chhoti-chhoti kanyaayen kamaal kar sakti hain। baba sirf ek ko nahin, sab kanyaaon ko kehte hain। hazaaron aakar tumhaare charnon par girenge। unke aage itne nahin girenge jitne tumhaare aage girenge। haan, ismen loklaaj ko chhodna hai। bilkul hi nashtomoha hona hai। kahengi mujhe to sagaai karni hi nahin hai, ham to pavitra rahkar bhaarat ko svarga banaane ki seva karengi। adhar kumaari ko to phir bhi daag lag jaata hai। kumaari ne sagaai ki aur daag lagne shuru ho jaate hain। rang-binragi maaya lag jaati hai। is janma mein manushya kya se kya ho sakta hai। mama bhi is janma mein hui hai। unhon ko martaba mila hai alpakaal ke liye। mama ko milta hai 21 janmon ke liye। tum bhi nar se naaraayan, naari se lakshmi ban rahi ho। sampoorn paas ho jaayenge to phir daivi janma milega। unhon ko to hai alpakaal ka sukh, usmein bhi kitni phikra rehti hai। ham to hain gupta। hamko baahar mein kuchh show nahin karna hai। woh show karte hain। yeh raajya to roonya ke paani misal (mrigtrishna samaan) hai। shaastron mein bhi hai dropdi ne kaha - andhe ki aulaad andhe, yeh jisko raajya samajhte ho yeh to abhi khatma hua ki hua। rakta ki nadiyaan bahni hain। paakistaan ka jab bantavaara hua to ghar-ghar mein kitni maarpeet karte the। abhi to chalte-phirte raaston par maarpeet hogi। kitna khoon bahta hai, kya isko svarga kahenge? kya yahi nai dehli, naya bhaarat hai? naya bhaarat to paristaan tha। abhi to vikaaron ki praveshta hai, bade dushman hain। raam-raavan ka janma bhaarat mein hi dikhaate hain। shiv jayanti vilaayat mein nahin manaate hain, yahaan hi manaate hain। tum jaante ho raavan kab aata hai? jab din poora ho raat hui to raavan aa gaya। jisko vaam maarga kaha jaata hai। dikhaate bhi hain vaam maarga mein jaane se devtaaon ki kya haalat ho jaati hai।

bachchon ko service karni chaahiye। jo khud jaagrit hoga vahi jaagrit kar sakenge। baba to shubh chintak hai। kahenge kahin inko maaya ka thappad na lage। beemaar honge to service nahin kar sakenge। jagat amba ko hi gyaan ka kalash milta hai, lakshmi ko nahin। lakshmi ko dhan diya, jisse daan kar sakti hai। lekin vahaan to daan aadi hota nahin। daan hamesha gareebon ko kiya jaata hai। to kanyaayen aise-aise mandiron mein jaakar service karen to bahut aayenge। shaabaasi denge, paanv padenge। maataaon ka regard bhi hai। maataayen sunne se praphullit bhi hongi। purooshon ko phir apna nasha rehta hai na।

baba ne samjhaaya hai - yeh saakaar hai baahrayaami। inke andar jo lord rehta hai, woh hai lord oph lord। shreekrishna ko lord krishna kehte hain na। ham to kehte hain shreekrishna ka bhi lord oph lord woh paramatma hai। unko yeh makaan diya gaya hai। to yeh laindaledi aur land lord donon hai। yeh mel bhi hai to female bhi hai। wonder hai na।

bhog lag raha hai। achha, baba ko sabhi ka yaad-pyaar dena। khushi se salaam bhejte hain bade ustaad ko। yeh ek rasma-rivaaj hai। jaise shuru mein saakshaatkaar hote the, aise ant mein bhi baba bahut bahlaayenge। aabu mein bahut bachche aayenge। jo honge so dekhenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

raatri class - 8-4-68

yeh eeshvareey mission chal rahi hai। jo apne devi-devta dharma ke honge vahi aa jaayenge। jaise unhon ki mission hai Christian banaane ki। jo Christian bante hain unko Christian dynasty mein sukh milta hai। vetan achha milta hai, isliye Christian bahut ho gaye hain। bhaaratvaasi itna vetan aadi nahin de sakte। yahaan corruption bahut hai। beech mein rishvat na len to naukri se hi javaab। bachche baap se poochhte hain is haalat mein kya karen? kahenge yukti se kaam karo phir shubh kaarya mein laga dena।

yahaan sabhi baap ko pukaarte hain ki aakar ham patiton ko paavan banaao, liberate karo, ghar le jaao। baap zaroor ghar le jaayenge na। ghar jaane liye hi itni bhakti aadi karte hain। parantu jab baap aaye tab hi le jaaye। bhagwan hai hi ek। aise nahin sabhi mein bhagwan aakar bolte hain। unka aana hi sangam par hota hai। abhi tum aisi-aisi baaten nahin maanenge। aage maante the। abhi tum bhakti nahin karte ho। tum kehte ho ham pahle pooja karte the। ab baap aaya hai hamko poojya devta banaane liye। sikkhon ko bhi tum samjhaao। gaayan hai na manushya se devta…। devtaaon ki mahima hai na। devtaayen rehte hi hain satayug mein। abhi hai kaliyug। baap bhi sangamayug par purushottam banne ki shiksha dete hain। devtaayen hain sabhi se uttam, tab to itna poojte hain। jiski pooja karte hain woh zaroor kabhi the, abhi nahin hain। samajhte hain yeh raajdhaani past ho gai hai। abhi tum ho gupta। koi jaante thode hi hain ki ham vishwa ke maalik banne vaale hain। tum jaante ho ham padhkar yeh bante hain। to padhaai par poora attention dena hai। baap ko bahut pyaar se yaad karna hai। baba hamko vishwa ka maalik banaate hain to kyon nahin yaad karenge। phir daiveegun bhi chaahiye। achha - roohaani bachchon ko roohaani baap va daada ka yaad pyaar goodnight aur namaste।

dhaarna ke liye mukhya saar:-

1) is duniya mein apna baahri show nahin karna hai। sampoorn paas hone ke liye gupta purooshaartha karte rehna hai।

2) is rang-birangi duniya mein phansana nahin hai। nashtomoha ban baap ka naam baala karne ki seva karni hai। sabka saubhaagya jagaana hai।

vardaan:- dilaaraam baap ki yaad dvaara teenon kaalon ko achha banaane vaale ichchha mukta bhav

jin bachchon ki dil mein ek dilaaraam baap ki yaad hai woh sada vaah-vaah ke geet gaate rehte hain, unke man se svapna mein bhi “haay'' shabd nahin nikal sakta kyonki jo hua woh bhi vaah, jo ho raha hai woh bhi vaah aur jo hona hai woh bhi vaah। teenon hi kaal vaah-vaah hai arthaat achhe te achha hai। jahaan sab achha hai vahaan koi ichchha utpanna nahin ho sakti kyonki achha tab kahenge jab sab praaptiyaan hain। praapti sampanna banna hi ichchha mukta banna hai।

slogan:- sanskaaron ko aisa sheetal bana lo jo josh va rob ke sanskaar emerge hi na hon।