गुरुवार 28 दिसंबर 2023 की दैनिक मुरली

28-12-2023 praatahmurli om shanti "baapdaada"' madhuban

“meethe bachche - daan sada paatra ko dena hai, phaaltu samay vesta nahin karna hai। har ek ki nabja dekho ki sunte samay unki vritti kahaan jaati hai''

prashn:- paavan duniya mein chalne ke liye tum bachche bahut bhaari parhej karte ho, tumhaari parhej kya hai?

uttar:- grihastha vyavhaar mein kamalphool ke samaan rehna hi sabse bhaari parhej hai। hamaara tyaag hai saari behad ki puraani duniya ka। ek aankh mein hai sweet hom, doosri aankh mein hai sweet raajdhaani - is puraani duniya ko dekhte hue bhi nahin dekhna - yeh hai bahut badi parhej, isi parhej se paavan duniya mein chale jaate hain।

geet:- dheeraj dhar manua…

om shanti। geet sunne se hi bachchon ko khushi ka paara chadh jaana chaahiye kyonki duniya mein duhkh to hai hi। manushya maatra hain hi naastik arthaat baap ko nahin jaante। ab tum naastik se aastik ban rahe ho। tum bachche ab jaante ho ki hamaare sukh ke din aa rahe hain। kahin bhi tum jaate ho to pahle-pahle tum apna parichay do ham apne ko brahmaakumaar-kumaari kyon kahlaate hain? brahma hai prajaapita, shiv ka bachcha। oonch te oonch us niraakaar ko kaha jaata hai। brahma, vishnu, shankar to unke bachche hain। vishnu aur shankar ko kabhi prajaapita nahin kahenge। prajaapita brahma yahaan hai। dekho, yeh point achhi tarah dhaaran karo। lakshmi-naaraayan, raadhe-krishna ko prajaapita nahin kahenge। prajaapita brahma naam mashhoor hai। yeh hai prajaapita saakaar। ab svarga ka rachayita to parampita paramatma shiv hai। svarga ka rachayita brahma nahin hai, niraakaar paramatma hi aakar prajaapita brahma dvaara svarga rachte hain। ham unke bachche kitne dher hain। aatmaayen to hain hi parampita shiv ki santaan। samjhaane ka bada achha tareeka chaahiye। bolo, hamko woh raajayog sikhlaate hain। brahma dvaara srishti ke aadi, madhya, ant ka raaz samjhaate hain। to pahle yeh brahma sun lete hain। jagat amba bhi sun leti hai। ham hain bi.ke.। gaaya bhi jaata hai - kanya woh jo 21 kul ka uddhaar kare, 21 janma ka sukh de। ham parampita paramatma se 21 janma satayug-treta mein sukh paane liye varsa lete hain। barobar satayug-treta mein bhaarat sada sukhi tha, pavitrata bhi thi, to woh hamaara baba hai, yeh hai daada। ab jiske paas itne bachche hain, unko to koi parvaah nahin। kitne unke bachche hain! hamko brahma dvaara shivbaaba raajayog sikhlaate hain। us behad ke baap se hamko varsa milta hai। saari duniya patit hai, unko paavan karne vaala ek baap hai। puraani duniya ko badalne vaala svarga ka rachayita woh satguru hai, sarva ka sadgati daata। nai duniya mein hai hi lakshmi-naaraayan ka raajya। bhaarat mein jo devi-devtaaon ka raajya tha, woh devtaayen hi 84 janma lete hain phir varna bhi bataane pade। samay pahle se le lena chaahiye। bolo, in baaton ko chit lagaakar achhi reeti suno। buddhi ko bhatkaao mat। bhaai ji va behen ji, tum sab vaastav mein shiv ki santaan ho। prajaapita brahma to saare sijre ka head hua। ham brahma mukh vanshaavli brahman unse varsa le rahe hain। yogbal se vishwa ka raajya paate hain, na ki baahubal se। ham gharbaar nahin chhodte hain, ham to apne ghar mein rehte hain। yeh school hai manushya se devta banne ka। manushya to koi devta bana na saken। yeh duniya hi patit hai। paani ki ganga to patit-paavni nahin hai। baar-baar usmein snaan karne jaate hain, paavan bante hi nahin। aise hi raavan ka bhi misaal hai। baar-baar jalaate rehte hain, raavan marta nahin hai। yeh raavan vaala poster bhi le jaana chaahiye। koi aisi badi jagah jaao to album bhi le jaana chaahiye। dekho, yeh sab bachche hain। sabhi ki pratigya ki hui hai pavitra rahne ki। vaastav mein brahma ke sabhi bachche hain। prajaapita brahma sijre ka head hai। is samay practical ham brahmaakumaar-kumaariyaan hain, ho tum bhi parantu tum pahchaante nahin ho। abhi duniya mein koi sachcha brahman nahin hai। sachche brahman to ham hain। raajya bhi ham paate hain। phir yeh hai braahmanon ka sijra। brahman hain choti। bachchon ko samjhaaya hai shreekrishna bhagwan nahin hai। woh to poore 84 janma lete hain। 84 janma poore hote hi phir devta banna hai। kaun banaaye? baap banaate hain। ham unse raajayog seekh rahe hain। unki hi mahima hai ekoankaar। woh hai niraakaar, nirhankaari। unko aakar service karni padti hai। patit duniya, patit shareer mein aate hain। abhi vahi geeta episode repeat ho raha hai। mahaabhaari ladaai lagi thi। sab machchharon sadrishya gaye the। ab vahi samay hai। parampita paramatma shiv bhagvaanuvaach hai, woh hai rachayita। svarga mein lakshmi-naaraayan ka raajya tha। srishti ko satopradhaan banaana baap ka hi kartavya hai। ham unko baba-baba kehte hain। woh aate zaroor hain, shivraatri bhi hai। iska arth bhi bataana chaahiye। point note kar phir dhaaran karni chaahiye। points buddhi mein rahni chaahiye। kanyaaon ki buddhi to achhi hoti hai। kumaari ke pair dhote hain। hain to kumaar aur kumaariyaan donon pavitra। phir kumaari ka naam kyon gaaya jaata hai? kyonki tumhaara abhi ka jo naam hai ki kanya woh jo 21 kul ka uddhaar kare to woh tumhaara maan chala aaya hai। ham bhaarat ki roohaani seva karte hain। hamaara ustaad madadgaar parampita paramatma shiv hai। unse ham yogbal se shakti lete hain, jisse ham 21 janma ever healthy bante hain। yeh guarantee hai। kaliyug mein to sab rogi hain, aayu bhi kam hai। satayug mein itni badi aayu vaale kahaan se aaye? is raajayog se itni badi aayu vaale bante hain। vahaan akaale mrityu hoti nahin। ek shareer chhod doosra liya jaata hai। yeh puraani khaal hai। shivbaaba ki yaad mein rah is deh sahit deh ke sab sambandhon ko bhool jaana hai। buddhi se ham behad ka tyaag karte hain। hamaari buddhiyog ki roohaani yaatra hai। woh jismaani yaatra manushya sikhlaate hain। buddhi ki yaatra baap ke sivaae koi sikhlaane vaala nahin hai। yeh raajayog seekhne vaale hi svarga mein aayenge। ab phir se sapling lag raha hai। ham sab us baap ke bachche hain, ham bachchon ko shivbaaba se varsa milta hai। yeh daada bhi shivbaaba se varsa lete hain। aap bhi behad ke baap se varsa lo। yeh badi hospital hai। ham 21 janma ke liye phir kabhi rogi nahin banenge। ham bhaarat ki sachchi seva kar rahe hain isliye gaayan hai shiv shakti sena।

ab baap kehte hain yaad se apne vikarma vinaash karo to aatma shuddh ban jaayegi aur gyaan ko dhaaran karne se tum chakravarti raaja banenge। ham pavitra banenge to lakshmi ko athva naaraayan ko bhi varenge। sarvagun sampanna, sampoorn nirvikaari yahaan nahin banenge to lakshmi-naaraayan ko kaise varenge? isliye kaha jaata hai aaine mein apne ko dekho - lakshmi-naaraayan ko varne laayak bane ho? poora nashtomoha nahin banenge to lakshmi ko var nahin sakenge phir praja mein jaayenge। shivbaaba ko bhi paramdham se aana padta hai। zaroor patit duniya mein aaye to paavan banaakar le jaaye। yahaan ham parhez bhi bahut rakhte hain। hamaari ek aankh mein sweet hom aur doosri mein sweet raajdhaani hai। hamaara tyaag saari duniya ka hai। ghar grihastha mein rehte kamal phool samaan pavitra rehte hain। budhe samajhte hain - vaanaprastha avastha hai, chalo, muktidhaam ke liye purushaartha karen। is samay to sabki vaanaprastha avastha hai। har ek ko hak hai baap se varsa lene ka। duhkhadhaam ko bhool jaana hai। yeh hai buddhi se tyaag। ham puraani duniya ko buddhi se bhool nai duniya ko yaad karte hain। phir ant mati so gati ho jaati hai। yeh sabse badi god fatherly university hai। bhagvaanuvaach - main raajayog sikhlaakar manushya se devta banaata hoon। aise-aise samjhaana chaahiye। bolo, ham jo sunaate hain woh baithkar suno। beech mein prashn poochhne se woh pravaah toot padta hai। ham aapko saare srishti chakra ka raaz batlaate hain, shivbaaba ka drama mein kya part hai, lakshmi-naaraayan kaun hain, ham sabki jeevan kahaani bataayenge। har ek ki nabz dekhni chaahiye। us samay ki vritti dekhni chaahiye - theek sunta hai, tavaai hokar to nahin baitha hai? yahaan-vahaan to nahin dekhta hai। yahaan baba bhi dekhte hain kaun saamne sunkar jhoomte hain, yeh gyaan ka dance hai। ve school to chhote hote hain jo teacher achhi reeti dekh sake aur nambarvaar bithaaye, yahaan to bahut hain, nambarvaar bitha nahin sakte। to dekhna padta hai - kiski buddhi kahin bhaagti to nahin hai? muskaraate hain? khushi ka paara chadhta hai? dhyaan se sunta hai? daan sada paatra ko dena chaahiye। phaaltu samay vesta nahin karna chaahiye। nabz dekhne ki bhi samajhdaari chaahiye। manushya to darte hain - khaas sindhi log samajhte hain kahin bi.ke. jaadu na laga den isliye saamne dekhte bhi nahin hain।

shivbaaba samjhaate hain - tum braahman hi trikaaldarshi bante ho phir varnon ka raaz bhi samajhne ka hai। ham so ka arth bhi samjhaana hai, ham aatma so paramatma kehna wrong hai। koi phir brahm ko bhi maanne vaale hain। kehte hain ahma brahmaasmi। maaya to 5 vikaar hain। ham brahm ko maante hain। ab brahm to mahtatva hai jo hamaara nivaas sthaan hai। jaise hindustaan mein rahne vaale apna dharma hindu kah dete hain, vaise woh bhi brahm tatva ko kah dete ki ham brahm hain। baap ki mahima alag hai। sarvagun sampanna, 16 kala sampoorn.... yeh mahima devtaaon ki hain। aatma jab shareer ke saath hai tab uski mahima hai। aatma hi patit athva paavan banti hai। aatma ko nirlep nahin kah sakte। itni chhoti si aatma mein 84 janmon ka part hai। usko phir nirlep kaise kahenge?

abhi baba pees sthaapan karte hain to tum bachche baba ko kya prize dete ho? woh tumko 21 janma svarga ki raajdhaani ki prize dete hain। tum baba ko kya dete ho? jo jitni prize baap ko dete hain utni phir baap se lete bhi hain। pahle-pahle isne prize diya। shivbaaba to daata hai। raaje log kabhi haath mein aise lete nahin hain। unko anna-daata kaha jaata hai। manushya ko daata nahin kah sakte। bhal tum sannyaasiyon aadi ko dete ho parantu return phal to phir bhi shivbaaba daata deta hai। kehte hain sab kuchh eeshvar ne diya hai, eeshvar hi lete hain, phir koi marta hai to rote kyon ho? parantu na woh lete hain, na woh dete hain। woh to laukik maa-baap janma dete hain। phir koi mar jaata hai to unko hi duhkh hota hai। yadi eeshvar ne diya, usne hi liya to duhkh kyon hona chaahiye। baba kehte hain main to sukh-duhkh se nyaara hoon। to is daada ne apna sab kuchh diya hai isliye full prize bhi le rahe hain। kanyaaon ke paas to kuchh hai nahin। yadi unko maa-baap dete hain to phir shivbaaba ko de sakti hain। jaise mama bhi gareeb thi phir dekho kitni teekhi gai hai। tan-man-dhan se seva kar rahi hai।

tum jaante ho ham sukhdhaam jaate hain via shantidham। jab tak ham baap ke paas nahin jaayenge to sasur ghar kaise aayenge? piyarghar mein to baithe hain। pahle baap ke paas jaayenge phir sasurghar aayenge। yeh hai shok vaatika, satayug hai ashok vaatika। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is vaanaprastha avastha mein sweet hom aur sweet raajdhaani ko yaad karne ke sivaae buddhi se sab kuchh bhool jaana hai। poora nashtomoha banna hai।

2) buddhiyog se behad ka tyaag kar roohaani yaatra karni hai। shreemat par pavitra ban bhaarat ki sachchi seva karni hai।

vardaan:- shreshtha karma roopi daali mein latakne ke bajaae udti panchhi banne vaale hero paartadhaari bhav

sangamayug par jo shreshtha karma karte ho - yeh shreshtha karma heere ki daali hai। sangamayug ka kaisa bhi shreshtha karma ho lekin shreshtha karma ke bandhan mein bhi phansana athva had ki kaamna rakhna - yeh sone ki janjeer hai। is sone ki janjeer athva heere ki daali mein bhi latakna nahin hai kyonki bandhan to bandhan hai isliye baapdaada sabhi udte panchhiyon ko smriti dilaate hain ki sarva bandhanon arthaat hadon ko paar kar hero paartadhaari bano।

slogan:- andar ki sthiti ka darpan chehra hai, chehra kabhi khushka na ho, khushi ka ho।