गुरुवार 1 फ़रवरी 2024 की दैनिक मुरली

01-02-2024 praatahmurli om shanti "baapdaada"' madhuban

“meethe bachche - ab tak jo kuchh padha hai woh sab bhool jaao, ekdam bachpan mein chale jaao tab is roohaani padhaai mein paas ho sakenge''

prashn:- jin bachchon ko divya buddhi mili hai, unki nishaani kya hogi?

uttar:- ve bachche is puraani duniya ko in okhon se dekhte hue bhi nahin dekhenge। unki buddhi mein sada rehta hai ki yeh puraani duniya khatma hui ki hui। yeh shareer bhi puraana tamopradhaan hai to aatma bhi tamopradhaan hai, inse kya preet karen। aise divya buddhi vaale bachchon se hi baap ki bhi dil lagti hai। aise bachche hi baap ki yaad mein nirantar rah sakte hain। seva mein bhi aage ja sakte hain।

om shanti। meethe-meethe roohaani bachchon ko roohaani baap samjhaate hain। jaise had ke sannyaasi hain, woh gharbaar chhod dete hain kyonki woh samajhte hain ham brahm mein leen ho jaayenge, isliye duniya se aasakti chhodni chaahiye। abhyaas bhi aise karte honge। jaakar ekaanta mein rehte hain। woh hain hathayogi, tatva gyaani। samajhte hain brahm mein leen ho jaayenge isliye mamatva mitaane ke liye gharbaar ko chhod dete hain। vairaagya aa jaata hai। parantu phat se mamatva nahin mitta। stri, bachche aadi yaad aate rehte hain। yahaan to tumko gyaan ki buddhi se sab-kuchh bhulaana hota hai। koi bhi cheez jaldi nahin bhoolti। abhi tum yeh behad ka sannyaas karte ho। yaad to sab sannyaasiyon ko bhi rehti hai। parantu buddhi se samajhte hain hamko brahm mein leen hona hai, isliye hamko deh bhaan nahin rakhna hai। woh hai hathayog maarga। samajhte hain ham yeh shareer chhod brahm mein leen ho jaayenge। unko yeh pata hi nahin ki ham shantidham mein kaise ja sakte। tum ab jaante ho hamko apne ghar jaana hai। jaise vilaayat se aate hain to samajhte hain hamko baambe jaana hai via…। abhi tum bachchon ko bhi pakka nishchay hai। bahut kehte hain inki pavitrata achhi hai, gyaan achha hai, sanstha achhi hai। maataayen mehnat achhi karti hain kyonki athak ho samjhaati hain। apna tan-man-dhan lagaati hain isliye achhi lagti hain। parantu ham bhi aisa abhyaas karen, yeh khyaal bhi nahin aayega। koi virla nikalta hai। woh to baap bhi kehte hain koton mein koi arthaat jo tumhaare paas aate hain, unmein se koi nikalta hai। baaki yeh puraani duniya khatma hone vaali hai। tum jaante ho ab baap aaya hua hai। saakshaatkaar ho na ho, vivek kehta hai behad ka baap aaye hain। yeh bhi tum jaante ho baap ek hai, vahi paarlaukik baap gyaan ka saagar hai। laukik ko kabhi gyaan ka saagar nahin kahenge। yeh bhi baap hi aakar tum bachchon ko apna parichay dete hain। tum jaante ho ab puraani duniya khatma hone vaali hai। hamne 84 janmon ka chakra poora kiya। abhi ham purushaartha karte hain vaapis sukhdhaam jaane ka via shantidham। shantidham to zaroor jaana hai। vahaan se phir yahaan vaapis aana hai। manushya to in baaton mein moonjhe hue hain। koi marta hai to samajhte hain vaikuntha gaya। parantu vaikuntha hai kahaan? yeh vaikuntha ka naam to bhaaratvaasi hi jaante hain aur dharma vaale jaante hi nahin। sirf naam suna hai, chitra dekhe hain। devtaaon ke mandir aadi bahut dekhe hain। jaise yeh delvaada mandir hai। laakhon-karodon roopaya kharcha karke banaaya hai, banaate hi rehte hain। devi-devtaaon ko vaishnav kahenge। ve vishnu ki vanshaavli hain। vo to hain hi pavitra। satayug ko kaha jaata hai paavan duniya। yeh hai patit duniya। satayug ke vaibhav aadi yahaan hote nahin। yahaan to anaaj aadi sab tamopradhaan ban jaate hain। svaad bhi tamopradhaan। bachchiyaan dhyaan mein jaati hain, kehti hain ham shoobeeras peekar aai। bahut svaad tha। yahaan bhi tumhaare haath ka khaate hain to kehte hain bahut svaad hai kyonki tum achhi reeti banaati ho। sab dil bharkar ke khaate hain। aise nahin, tum yog mein rahkar banaate ho tab svaadishta hota hai! nahin, yeh bhi practice hoti hai। koi bahut achha bhojan banaate hain। vahaan to har cheez satopradhaan hoti hai, isliye bahut taakat rehti hai। tamopradhaan hone se taakat kam ho jaati hai, phir unse beemaariyaan duhkh aadi bhi hota rehta hai। naam hi hai duhkhadhaam। sukhdhaam mein duhkh ki baat hi nahin। ham itne sukh mein jaate hain, jisko svarga ka sukh kaha jaata hai। sirf tumko pavitra banna hai, so bhi is janma ke liye। peechhe ka khyaal mat karo, abhi to tum pavitra bano। pahle to vichaar karo - kehte kaun hain! behad ke baap ka parichay dena pade। behad ke baap se sukh ka varsa milta hai। laukik baap bhi paarlaukik baap ko yaad karte hain। buddhi oopar chali jaati hai। tum bachche jo nishchaybuddhi pakke ho, unhon ke andar rahega ki is duniya mein ham baaki thode din hain। yeh to kaudi misal shareer hai। aatma bhi kaudi misal ban padi hai, isko vairaagya kaha jaata hai।

abhi tum bachche drama ko jaan chuke ho। bhakti maarga ka part chalna hi hai। sab bhakti mein hain, naphrat ki darkaar nahin। sannyaasi khud naphrat dilaate hain। ghar mein sab duhkhi ho jaate hain, woh khud apne ko jaakar thoda sukhi karte hain। vaapis mukti mein koi ja nahin sakte। jo bhi koi aaye hain, vaapis koi bhi gaya nahin hai। sab yahaan hi hain। ek bhi nirvaandhaam va brahm mein nahin gaya hai। woh samajhte hain phalaana brahm mein leen ho gaya। yeh sab bhakti maarga ke shaastron mein hai। baap kehte hain in shaastron aadi mein jo kuchh hai, sab bhaktimaarga hai। tum bachchon ko abhi gyaan mil raha hai isliye tumhein kuchh bhi padhne ki darkaar nahin hai। parantu koi-koi aise hain jinmen phir novels aadi padhne ki aadat hai। gyaan to poora hai nahin। unhein kaha jaata hai kukkad gyaani। raat ko novel padhkar neend karte hain to unki gati kya hogi? yahaan to baap kehte hain jo kuchh padhe ho sab bhool jaao। is roohaani padhaai mein lag jaao। yeh to bhagwan padhaate hain, jisse tum devta ban jaayenge, 21janmon ke liye। baaki jo kuchh padhe ho woh sab bhulaana pade। ekdam bachpan mein chale jaao। apne ko aatma samjho। bhal in okhon se dekhte ho parantu dekhte bhi nahin dekho। tumhein divya drishti, divya buddhi mili hai to samajhte ho yeh saari puraani duniya hai। yeh khatma ho jaani hai। yeh sab kabristaani hain, unse kya dil lagaayenge। abhi paristaani banna hai। tum ab kabristaan aur paristaan ke beech mein baithe ho। paristaan abhi ban raha hai। abhi baithe hain puraani duniya mein। parantu beech mein buddhi ka yog vahaan chala gaya hai। tum purushaartha hi nai duniya ke liye kar rahe ho। abhi beech mein baithe ho, purushottam banne ke liye। is purushottam sangamayug ka bhi kisko pata nahin hai। purushottam maas, purushottam varsha ka bhi arth nahin samajhte। purushottam sangamayug ko time bahut thoda mila hua hai। deri se university mein aayenge to bahut mehnat karni padegi। yaad bahut mushkil thaharti hai, maaya vighna daalti rehti hai। to baap samjhaate hain yeh puraani duniya khatma hone vaali hai। baap bhal yahaan baithe hain, dekhte hain parantu buddhi mein hai yeh sab khatma hone vaala hai। kuchh bhi rahega nahin। yeh to puraani duniya hai, inse vairaagya ho jaata hai। shareerdhaari bhi sab puraane hain। shareer puraana tamopradhaan hai to aatma bhi tamopradhaan hai। aisi cheez ko ham dekhkar kya karen। yeh to kuchh bhi rehna nahin hai, unse preet nahin। bachchon mein bhi baap ki dil unse lagti hai jo baap ko achhi reeti yaad karte hain aur service karte hain। baaki bachche to sab hain। kitne dher bachche hain। sab to kabhi dekhenge bhi nahin। prajaapita brahma ko to jaante hi nahin hain। prajaapita brahma ka naam to suna hai parantu unse kya milta hai - yeh kuchh bhi pata nahin hai। brahma ka mandir hai, daadhi vaala dikhaaya hai। parantu unko koi yaad nahin karta hai kyonki unse varsa milna nahin hai। aatmaon ko varsa milta hai ek laukik baap se, doosra paarlaukik baap se। prajaapita brahma ko to koi jaante hi nahin। yeh hai wonderful। baap hokar varsa na de to alaukik thahra na। varsa hota hi hai had ka aur behad ka। beech mein varsa hota nahin। bhal prajaapita kehte hain parantu varsa kuchh bhi nahin। is alaukik baap ko bhi varsa paarlaukik se milta hai to yeh phir denge kaise! paarlaukik baap inke through deta hai। yeh hai rath। inko kya yaad karna hai। inko khud bhi us baap ko yaad karna padta hai। woh log samajhte hain yeh brahma ko hi paramatma samajhte hain। parantu hamko varsa inse nahin milta hai, varsa to shivbaaba se milta hai। yeh to beech mein dalaal roop hai। yeh bhi hamaare jaisa student hai। darne ki koi baat nahin।

baap kehte hain is samay saari duniya tamopradhaan hai। tumko yogbal se satopradhaan banna hai। laukik baap se had ka varsa milta hai। tumko ab buddhi lagaani hai behad mein। baap kehte hain sivaae baap se aur kisse bhi kuchh milna nahin hai, phir bhal devtaayen kyon na hon। is samay to sab tamopradhaan hain। laukik baap se varsa to milta hi hai। baaki in lakshmi-naaraayan se tum kya chaahte ho? woh log to samajhte hain yeh amar hain, kabhi marte nahin hain। tamopradhaan bante nahin hain। lekin tum jaante ho jo satopradhaan the vahi tamopradhaan mein aate hain। shreekrishna ko lakshmi-naaraayan se bhi oonch samajhte hain kyonki ve phir bhi shaadi kiye hue hain। shreekrishna to janma se hi pavitra hai isliye shreekrishna ki bahut mahima hai। jhoola bhi shreekrishna ko jhulaate hain। jayanti bhi shreekrishna ki manaate hain। lakshmi-naaraayan ki kyon nahin manaate hain? gyaan na hone ke kaaran shreekrishna ko dvaapar mein le gaye hain। kehte hain geeta gyaan dvaapar yug mein diya hai। kitna kathin hai kisko samjhaana! kah dete hain gyaan to parampara se chala aa raha hai। parantu parampara bhi kab se? yeh koi nahin jaante। pooja kab se shuru hui yeh bhi nahin jaante hain isliye kah dete rachta aur srishti ke aadi-madhya-ant ko nahin jaante hain। kalpa ki aayu laakhon varsha kahne se parampara kah dete hain। tithi-taareekh kuchh bhi nahin jaante। lakshmi-naaraayan ka bhi janma din nahin manaate। isko kaha jaata hai agyaan andhiyaara। tumhaare mein bhi koi yathaartha reeti in baaton ko jaante nahin। tab to kaha jaata hai - mahaarthi, ghodesvaar aur pyaade। gaj ko graah ne khaaya। graah bade hote hain, ekdam hap kar lete hain। jaise sarpa medhak ko hap karte hain।

bhagwan ko baagvaan, maali, khivaiya kyon kehte hain? yeh bhi tum abhi samajhte ho। baap aakar vishay saagar se paar le jaate hain, tab to kehte hain naiya meri paar laga do। tumko bhi abhi pata pada hai ki ham kaise paar ja rahe hain। baba hamko ksheer saagar mein le jaate hain। vahaan duhkh-darda ki baat nahin। tum sunkar auron ko bhi kehte ho ki naiya ko paar karne vaala khivaiya kehte hain - he bachche, tum sab apne ko aatma samjho। tum pahle ksheersaagar mein the, ab vishay saagar mein aa pahunche ho। pahle tum devta the। svarga hai wonder oph world। saari duniya mein roohaani wonder hai svarga। naam sunkar hi khushi hoti hai। heaven mein tum rehte ho। yahaan 7 wonders dikhaate hain। taajamhal ko bhi wonder kehte hain parantu usmein rahne ka thode hi hai। tum to wonder oph world ka maalik bante ho। tumhaare rahne ke liye baap ne kitna wonderful vaikuntha banaaya hai, 21 janmon ke liye padmaapadmapti bante ho। to tum bachchon ko kitni khushi honi chaahiye। ham us paar ja rahe hain। anek baar tum bachche svarga mein gaye honge। yeh chakra tum lagaate hi rehte ho। purushaartha aisa karna chaahiye jo nai duniya mein ham pahle-pahle aayen। puraane makaan mein jaane ki dil thode hi hoti hai। baba zor dete hain purushaartha kar nai duniya mein jaao। baba humein wonder oph world ka maalik banaate hain। to aise baap ko ham kyon nahin yaad karenge। bahut mehnat karni hai। isko dekhte bhi nahin dekho। baap kehte hain bhal main dekhta hoon, parantu mere mein gyaan hai - main thode roz ka musaaphir hoon। vaise tum bhi yahaan part bajaane aaye ho isliye isse mamatva nikaal do। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1. roohaani padhaai mein sada busy rehna hai। kabhi bhi novels aadi padhne ki gandi aadat nahin daalni hai, ab tak jo kuchh padha hai use bhool baap ko yaad karna hai।

2. is puraani duniya mein svayan ko mehmaan samajhkar rehna hai। isse preet nahin rakhni hai, dekhte bhi nahin dekhna hai।

vardaan:- himmat aur umang-utsaah ke pankhon se udti kala mein udne vaale teevra purushaarthi bhav

udti kala ke do pankh hain - himmat aur umang-utsaah। kisi bhi kaarya mein saphalta praapta karne ke liye himmat aur umang-utsaah bahut zaroori hai। jahaan umang-utsaah nahin hota vahaan thakaavat hoti hai aur thaka hua kabhi saphal nahin hota। vartamaan samay ke anusaar udti kala ke sivaae manzil par pahunch nahin sakte kyonki purushaartha ek janma ka aur praapti 21 janma ke liye hi nahin saare kalpa ki hai। to jab samay ki pahchaan smriti mein rehti hai to purushaartha svatah teevragti ka ho jaata hai।

slogan:- sarva ki manokaamnaayen poorn karne vaale hi kaamdhenu hain।