शुक्रवार 9 फ़रवरी 2024 की दैनिक मुरली

09-02-2024 praatahmurli om shanti "baapdaada"' madhuban

“meethe bachche - shiv jayanti par tum khoob dhoomdhaam se niraakaar baap ki biography sabko sunaao, yeh shiv jayanti hi heere tulya hai''

prashn:- tum braahmanon ki sachchi deevaali kab hai aur kaise?

uttar:- vaastav mein shiv jayanti hi tumhaare liye sachchi-sachchi deevaali hai kyonki shivbaaba aakar tum aatma roopi deepak ko jagaate hain। harek ke ghar ka deep jalta hai arthaat aatma ki jyoti jagti hai। woh sthool deepak jalaate lekin tumhaara sachcha deepak shiv baap ke aane se jagta hai isliye tum khoob dhoomdhaam se shiv jayanti manaao।

om shanti। meethe-meethe roohaani bachche shiv ki jayanti manaate hain aur bhaarat mein to shiv jayanti manaate hi hain। jayanti ek ki manaai jaati hai। usko phir sarvavyaapi kah dete hain। ab sarvavyaapi ki jayanti to ho na sake। jayanti kab manaai jaati hai? jab garbha se baahar aate hain। shivjayanti manaate to zaroor hain। aarya samaaji bhi manaate hain। abhi tum manaayenge (2024 mein) 88veen jayanti, goya 88 varsha hua jayanti ko। janma din to sabko yaad rehta hai, phalaane din yeh garbha se baahar aaya। ab shivbaaba ki tum 88veen jayanti manaayenge। woh to hai niraakaar, unki jayanti kaise ho sakti hai? itne bade-bade manushyon ke paas nimantran card jaate hain, koi ko poochhna to chaahiye - jayanti kaise manaate ho? usne janma kab aur kaise liya? phir uske shareer ka naam kya rakha? parantu aise pattharbuddhi hain jo kabhi poochhte nahin hain। tum unko bata sakte ho - woh hai niraakaar, unka naam hai shiv। tum saaligraam bachche ho। jaante ho is shareer mein saaligraam hain। naam shareer ka padta hai। woh hai param aatma shiv। ab tum kitna dhoomdhaam se programme rakhte ho। din-pratidin tum dhoomdhaam se samjhaate rehte ho ki jab shivbaaba ki brahma ke tan mein praveshta hoti hai, vahi unki jayanti gaai jaati hai। unki tithi taareekh koi hoti nahin। kehte hain main saadhaaran tan mein pravesh karta hoon। parantu kab, kis ghadi woh nahin bataate। tithi-taareekh, din aadi bataayen to kahen ki phalaani taareekh। janma patri aadi to inki hoti nahin। vaastav mein janma patri to sabse oonchi inki hai। kartavya bhi inka sabse ooncha hai। kehte hain prabhu teri mahima aparmaapaar hai। to zaroor kuchh karte honge। mahima to bahuton ki gaai jaati hai। nehru, gaandhi aadi sabki mahima gaate hain। inki mahima koi bata na sake। tum samjhaate ho woh gyaan ka saagar, shanti ka saagar hai। woh to ek thahra na। phir unko sarvavyaapi kaise kah sakte। parantu kuchh bhi samajhte nahin hain। aur tum manaate ho to koi poochhne ka saahas bhi nahin karte hain। nahin to poochhna chaahiye shiv jayanti manaai jaati hai, mahima gaai jaati hai to zaroor koi hokar gaye hain। bahut bhakta log hain। agar government na maane to bhakton, saadhuon, gurooon ki stamp bhi na banaaye। jaisi hai government, aisi hai raiyat (praja)। abhi tum bachchon ko baap ki biography ka bhi achhi tarah maaloom pada hai। tumko jitna fakhur rehta hai utna aur koi ko nahin rah sakta। tum hi kehte ho shiv jayanti heere tulya hai, baaki sab jayantiyaan kaudi misal hain। baap hi aakar kaudi ko heere tulya banaate hain। shreekrishna bhi baap dvaara itna oonch bana isliye unka janma heere tulya gaaya jaata hai। pahle kaudi tulya hoga phir heere tulya baba ne banaaya। yeh baaten manushya nahin jaante। unko aisa world ka prince kisne banaaya? to yeh bhi samjhaana chaahiye - shreekrishna janmaashtami manaate hain। bachcha to maata ke garbha se hi baahar nikla। unko tokri mein le gaye। ab shreekrishna to world prince tha phir unko dar kaahe ka? vahaan kans aadi kahaan se aaya? yeh sab baaten shaastron mein likh di hain। ab tumko achhi reeti samjhaana chaahiye। samjhaane ki yuktiyaan bahut achhi chaahiye। sab ek jaisa nahin padha sakte। yuktiyukta na samjhaane se aur hi disservice hoti hai।

ab shiv jayanti manaai jaati hai to zaroor shiv ki hi mahima karenge। gaandhi jayanti par gaandhi ki hi mahima karenge। aur kuchh soojhega nahin। ab shivjayanti tum manaate ho to zaroor unki mahima, unki biography va jeevan charitra bhi hoga। tum us din unka hi jeevan charitra baith sunaao। jaise baap kehte hain manushya koi poochhte bhi nahin hain ki shiv jayanti kaise shuru hui। uska kuchh bhi varnan hai nahin। unki mahima to aprampaar gaai jaati hai। shivbaaba ko bholaanaath kah bahut mahima karte hain। woh to bhola bhandaari hai। woh log shiv-shankar kah dete hain। shankar ko bholaanaath samajh lete hain। vaastav mein bholaanaath shankar to nahin lagta। unke liye to kehte hain aankh kholi to vinaash hua, dhatoora khaate unko phir bhola-naath kaise kah sakte hain। mahima to ek ki hi hoti hai। tumko shiv ke mandir mein jaakar samjhaana chaahiye। vahaan bahut log aate hain to shiv ka jeevan charitra sunaana hai। kehte hain bhola bhandaari shivbaaba। ab shiv aur shankar ka bhed bhi tumne hi bataaya hai। shiv ki pooja hoti hai shiv ke mandir mein। to vahaan jaakar tumko shiv ki jeevan kahaani bataani hai। jeevan kahaani akshar sunkar koi ka maatha hi chakrit ho jaayega ki shiv ki jeevan kahaani kaise sunaayenge? to manushya wonderful baat samajh bahut aayenge। bolo, nimantran par jo aayenge unko ham niraakaar parampita paramatma ki jeevan kahaani bataayenge। gaandhi aadi ki bhi biography sunte hain na। abhi tum mahima karenge shiv ki to manushyon ki buddhi se sarvavyaapi ki baat ud jaayegi। ek ki mahima phir doosre se mil na sake। yeh jo mandap banaate hain va pradarshani karte hain, woh koi shiv ka mandir to hai nahin। tum jaante ho sachcha-sachcha shiv ka mandir vaastav mein yeh hai, jahaan rachta khud baith rachta aur rachna ke aadi-madhya-ant ka raaz samjhaate hain। tum likh sakte ho rachta ki jeevan kahaani aur rachna ke aadi-madhya-ant ka raaz athva history sunaayenge। hindi-angreji mein likhat ho। bade-bade ke paas jaayenge to wonder khaayenge ki yeh kaun hain jo parampita paramatma ki biography bataate hain। sirf rachna ke liye tum kahenge to samjhenge pralay hui phir nai rachna rachi। parantu nahin, tumko to samjhaana hai baap patiton ko aakar paavan banaate hain to manushya wonder khaayenge। shiv ke mandir mein bhi bahut aayenge। haal va mandap bada hona chaahiye। bhal tum prabhaat pheri nikaalte ho, usmein bhi yeh lakshmi-naaraayan ka raajya kisne sthaapan kiya, unhon ko yeh samjhaana hai। niraakaar shivbaaba jo sabhi aatmaon ka baap hai vo hi aakar raajayog sikhaate hain। aise-aise vichaar saagar manthan karna chaahiye ki kaise shiv ke mandir mein jaakar service karni chaahiye। shiv ke mandir mein savere pooja karte hain, ghante aadi bhi savere bajte hain। shivbaaba bhi prabhaat ke samay aate hain। aadhi raat nahin kahenge। us samay tum gyaan bhi nahin suna sakte ho kyonki manushya soye rehte hain। raat ko phir bhi manushyon ko phursat hoti hai। battiyaan aadi bhi jalti hain। roshni bhi achhi karni chaahiye। shivbaaba aakar tum aatmaon ko jagaate hain। sachchi deepaavli to yeh hai, harek ke ghar ka deep jalta hai yaani aatma ki jyoti jagti hai। woh to ghar mein sthool deepak jalaate hain। parantu deepaavli ka vaastav mein arth yeh hai। koi-koi ka deepak to bilkul jagta nahin। tum jaante ho hamaara deepak kaise jagta hai? koi marta hai to deeva jalaate hain ki andhiyaara na ho। parantu pahle to aatma ka deepak jage tab andhiyaara na ho। nahin to manushya ghor andhiyaare mein hain। aatma to second mein ek shareer chhod doosra leti hai। andhiyaare aadi ki ismen baat hi nahin। yeh bhakti maarga ki rasma hai। ghrit khalaas hone se deeva bujh jaata hai। andhiyaare ka bhi arth kuchh samajhte nahin hain। pitra aadi khilaane ka bhi arth nahin samajhte hain। aage aatmaon ko bulaate the, kuchh poochhte the। abhi itna nahin chalta hai। yahaan bhi aate hain। koi-koi samay kuchh bol dete hain। bolo tum sukhi ho? to kahenge haan ji। so to zaroor yahaan se jo jaayenge achhe ghar mein hi janma lenge। janma zaroor agyaani ke ghar mein lenge। gyaani ke ghar mein to janma le nahin sakte kyonki gyaani brahman to vikaar mein ja nahin sakta। woh to pavitra hai। baaki haan, achhe sukhi ghar mein jaakar janma lenge। vivek bhi kehta hai - jaisi avastha, vaisa janma। phir vahaan apna jalva dikhaate hain। bhal shareer chhota hai isliye bol na saken। thoda bada hone se gyaan ka jalva dikhaayenge zaroor। jaise koi-koi shaastron ke sanskaar le jaate hain to chhote-pan mein hi usmein lag jaate hain, yahaan se bhi knowledge le jaate hain to zaroor mahima niklegi।

tum shiv jayanti manaate ho। woh log kuchh arth nahin samajh sakte hain। poochhna chaahiye - agar woh sarvavyaapi hai to jayanti kaise manaayenge? ab tum bachche padh rahe ho। tum jaante ho woh baap bhi hai, teacher bhi hai, satguru bhi hai। baba ne samjhaaya hai sikkha log bhi kehte hain sat shri akaal hai। ab vaastav mein akaal moorta to sab aatmaayen hain parantu ek shareer chhod doosra lete hain isliye janma-maran kaha jaata hai। aatma to vahi hai। aatma 84 janma leti hai। kalpa jab poora hota hai to khud hi aakar bataate hain ki main kaun hoon? main kaise inmen pravesh karta hoon? jisse tum aapehi samajh jaate ho। pahle nahin samajhte the। haan, paramatma ki praveshta hai parantu kaise, kab hui, kuchh bhi samajhte thode hi the। din-pratidin tumhaari buddhi mein yeh baaten aati rehti hain। nai-nai baaten tum sunte rehte ho। aage thode hi do baap ka raaz samjhaate the। aage to jaise bebiyaan thi। abhi bhi bahut kehte hain-baba, ham do din ka aapka bachcha hoon। itne din ka bachcha hoon। samajhte hain jo kuchh hota hai kalpa pahle misal। ismen badi knowledge hai। samajhne mein bhi samay lagta hai। janma le phir mar bhi padte hain। do maas, 8 maas ka ho mar bhi padte hain। tumhaare paas aate hain kehte hain yeh right hai। woh hamaara baap hai, ham unki santaan hain। haan-haan kehte hain। bachche likhte bhi hain - bahut prabhaavit ho jaate hain। phir baahar gaya khalaas, mar pada। phir aate hi nahin hain to kya hoga? ya to pichhaadi mein aakar refresh hoga ya to praja mein aa jaayega। yeh sab baaten samjhaani hain। ham shiv jayanti kaise manaate hain? shivbaaba kaise sadgati karte hain? shivbaaba svarga ki saugaat le aate hain। khud kehte hain main tumko raajayog sikhaata hoon। vishwa ka maalik banaata hoon। baap to hai hi heaven ka rachayita to zaroor heaven ka hi maalik banaayenge। ham unki biography bataate hain। kaise svarga ki sthaapna karte hain, kaise raajayog sikhaate hain, aakar seekho। jaise baap samjhaate hain, vaise bachche nahin samjha sakte hain kya? ismen bahut achha samjhaane vaala chaahiye। shiv ke mandir mein bahut achha manaate honge, vahaan jaakar samjhaana chaahiye। lakshmi-naaraayan ke mandir mein agar shiv ki jeevan kahaani sunaayenge to kisko janchegi nahin। khyaal mein nahin aayega। phir unhon ko achhi reeti buddhi mein bithaana pade। lakshmi-naaraayan ke mandir mein bahut aate hain। unhon ko lakshmi-naaraayan, raadhe-krishna ka raaz samjha sakte ho। unka alag-alag mandir hona nahin chaahiye। shreekrishna jayanti par tum shreekrishna ke mandir mein jaakar samjhaayenge - krishna hi gora, krishna hi saanvara kyon gaaya jaata hai? kehte hain gaanvade ka chhora। gaanvade mein to gaayen-bakriyaan charaate honge na। baba feel karta hai ham bhi gaanvade ke the। na topi, na jutti। ab smriti aati hai ham kya the phir baba ne aakar pravesh kiya hai। to yeh baap ka lakshya sabko mile ki shivbaaba ko yaad karo vo hi sadgati daata hai। tum raamchandra ki bhi jeevan kahaani bata sakte ho। kab se unka raajya shuru hua, kitna varsha hua। aise-aise khyaalaat aane chaahiye। shiv ke mandir mein shiv ki biography sunaani pade। lakshmi-naaraayan ke mandir mein lakshmi-naaraayan ki mahima karni pade। raam ke mandir mein jaayenge to raam ki jeevan kahaani sunaayenge। ab tum purooshaartha kar rahe ho devi-devta dharma sthaapan karne ka। hindu dharma to koi ne sthaapan nahin kiya hai। baaki hindu koi dharma nahin hai - yeh seedha kahne se bigdenge। samajhte hain yeh koi eesaai hain। tum bolo ham aadi sanaatan devi-devta dharma ke hain jisko aajkal hindu kah diya hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shivjayanti dhoomdhaam se manaao। shivbaaba ke mandir mein shiv ki aur lakshmi-naaraayan ke mandir mein lakshmi-naaraayan va raadhe-krishna ki biography sunaao। sabko yuktiyukta samjhaani do।

2) agyaan andhiyaare se bachne ke liye aatma roopi deepak ko gyaan ghrit se sada prajjavlit rakhna hai। doosron ko bhi agyaan andhiyaare se nikaalna hai।

vardaan:- sarva khajaanon se sampanna ban nirantar seva karne vaale akhut, akhanda mahaadaani bhav

baapdaada ne sangamayug par sabhi bachchon ko “atal-akhanda'' ka vardaan diya hai। jo is vardaan ko jeevan mein dhaaran kar akhanda mahaadaani arthaat nirantar sahaj sevaadhaari bante hain woh number one ban jaate hain। dvaapar se bhakta aatmaayen bhi daani banti hain lekin akhut khajaanon ke daani nahin ban sakti। vinaashi khajaane ya vastu ke daani bante hain, lekin aap daata ke bachche jo sarva khajaanon se sampanna ho woh ek second bhi daan dene ke bina rah nahin sakte।

slogan:- andar ki sachchaai saphaai pratyaksha tab hoti hai jab svabhaav mein saralta ho।