शनिवार 17 फ़रवरी 2024 की दैनिक मुरली

17-02-2024 praatahmurli om shanti "baapdaada"' madhuban

“meethe bachche-paavan banne ke liye ek hai yaad ka bal, doosra hai sajaaon ka bal, tumhein yaad ke bal se paavan ban oonch pad paana hai''

prashn:- baap roohaani surgeon hai, woh tumhein kaun-sa dheeraj dene aaye hain?

uttar:- jaise woh surgeon rogi ko dheeraj dete hain ki abhi beemaari theek ho jaayegi, aise roohaani surgeon bhi tum bachchon ko dheeraj dete hain - bachche, tum maaya ki beemaari se ghabraao nahin, surgeon dava dete hain to yeh beemaariyaan sab baahar niklengi, jo khyaalaat agyaan mein bhi nahin aaye honge, aayenge। lekin tumhein sab sahan karna hai। thoda mehnat karo, tumhaare ab sukh ke din aaye ki aaye।

om shanti। behad ka baap sabhi bachchon ko samjhaate hain - tum sabko paigaam pahunchaana hai ki ab baap aaye hain। baap dheeraj de rahe hain kyonki bhakti maarga mein bulaate hain - baba aao, liberate karo, duhkh se chhudaao। to baap dheeraj dete hain, baaki thode roz hain। koi ki beemaari chhootne par hoti hai to kehte hain ab theek ho jaayegi। bachche bhi samajhte hain ki is chhi-chhi duniya mein baaki thoda roz hain phir ham nai duniya mein jaayenge। uske liye hamko laayak banna hai phir koi bhi rog aadi tumko nahin sataayenge। baap dhairya dekar kehte hain - thodi mehnat karo। aur koi nahin jo aise dheeraj de। tum hi tamopradhaan ho gaye ho। ab baap aaye hain tumko phir se satopradhaan banaane ke liye। abhi sabhi aatmaayen pavitra ban jaayengi - koi yogbal se, koi sajaaon ke bal se। sazaaon ka bhi bal hai na। sajaaon se jo pavitra banenge unka pad kam ho jaayega। tum bachchon ko shreemat milti rehti hai। baap kehte hain maamekam yaad karo, tumhaare sab paap bhasma ho jaayenge। agar yaad nahin karenge to paap sau guna ban jaayega kyonki paap aatma ban tum meri ninda karaate ho। manushya kahenge inko eeshvar aisi mat dete hain jo aasuri chalan dikhaate hain! laahi-chaadhi (utraav-chadhaav) bhi hota hai na। bachche haar bhi khaate hain। achhe-achhe bachche bhi haar khaate hain। to paap katte hi nahin hain। phir bhogna bhi padta hai। yeh bahut chhi-chhi duniya hai, ismen sab kuchh hota rehta hai। baap ko bulaate hi hain ki baba aakar hamko bhavishya nai duniya ke liye raasta bataao। baba jaante hain - us taraph hai puraani duniya, is taraph hai nai duniya। tum ho naiya। ab tum purushottam banne ke liye chal rahe ho। tumhaara is puraani duniya se langar uth gaya hai। to jahaan ja rahe ho us ghar ko hi yaad karna hai। baap ne kaha hai mere ko yaad karne se tumhaari kat utregi। ya to hai yogbal ya sajaayen। harek aatma pavitra to zaroor banni hai। pavitra banne bigar vaapis to koi ja nahin sakte। sabko apna-apna part mila hua hai। baap kehte hain yeh hai tumhaara antim janma। manushya kehte hain kaliyug ajun chhota bachcha hai। goya manushya abhi isse bhi aur duhkhi honge। tum sangamayugi brahman samajhte ho yeh duhkhadhaam to abhi khatma hona hai। baap dheeraj dete hain। kalpa pahle baap ne kaha tha maamekam, mujhe yaad karo to paapon ki kat utar jaayegi। yeh main guarantee karta hoon। yeh bhi samjhaate hain kaliyug ka vinaash zaroor hona hai aur satayug bhi zaroor aana hai। khaatiri milti hai, bachchon ko nishchay bhi hai। parantu yaad na thaharne ke kaaran koi na koi vikarma kar lete hain। kehte hain baba krodh aa jaata hai, isko bhi bhoot kaha jaata hai। 5 bhoot duhkh dete hain is raavan raajya mein। yeh pichhaadi ka hisaab-kitaab bhi chuktu karna hai, jinko aage kabhi kaam vikaar nahin sataata tha, unko bhi beemaari emerge ho jaati hai। kehte hain aage to aisa vikalpa kabhi nahin aaya, ab kyon sataata hai? yeh gyaan hai na। gyaan saari beemaari ko baahar nikaalta hai। bhakti saari beemaari ko nahin nikaalti। yeh hai hi ashuddha vikaari duniya, 100 percent ashuddhata hai। 100 percent patit se phir 100 percent paavan hona hai। 100 percent bhrashtaachaari se 100 percent paavan shreshthaachaari duniya banni hai।

baap kehte hain main aaya hoon tum bachchon ko shantidham-sukhdhaam le chalne ke liye। tum mujhe yaad karo aur srishti chakra ko phiraao। koi bhi vikarma nahin karo। jo gun in devtaaon mein hain aise gun dhaaran karne hain। baba koi takleeph nahin dete hain। koi-koi gharon mein bhi evil soul hoti hain to aag laga deti hai, nuksaan karti hai। is samay manushya hi sab evil hain na। sthool mein bhi karmabhog hota hai। aatma ek-do ko duhkh deti hai shareer dvaara, shareer nahin hai to bhi duhkh deti hai। bachchon ne dekha hai jisko ghost kehte hain woh saphed chhaaya muaaphik dekhne mein aate hain। parantu unka kuchh khyaal nahin karna hota hai। tum jitna baap ko yaad karenge utna yeh sab khatma hote jaayenge। yeh bhi hisaab-kitaab hai na।

ghar mein bachchiyaan kehti hain - ham pavitra rehna chaahti hain। yeh aatma kehti hai। aur jinmen gyaan nahin hai, woh kehte hain pavitra nahin bano। phir jhagda ho padta hai। kitna hangaama hota hai। ab tum pavitra aatma ban rahe ho। woh hain apvitra, to duhkh dete hain। hain to aatma na। unko kaha jaata hai evil aatma। shareer se bhi, to bigar shareer bhi duhkh dete hain। gyaan to sahaj hai। svadarshan chakradhaari banna hai। baaki mukhya hai pavitrata ki baat। iske liye baap ko khushi se yaad karna hai। raavan ko evil kahenge na। is samay yeh duniya hai hi evil। ek-do se anek prakaar ke duhkh paate rehte hain। evil patit ko kaha jaata hai। patit aatma mein bhi 5 vikaar anek prakaar ke hote hain। koi mein vikaar ki aadat, koi mein krodh ki aadat, koi mein tang karne ki aadat, koi mein nuksaan karne ki aadat hoti hai। koi mein vikaar ki aadat hogi to vikaar na milne kaaran krodh mein aakar bahut maarte bhi hain। yeh duniya hi aisi hai। to baap aakar dheeraj dete hain - he aatmaayen, bachchon dheeraj dharo, mujhe yaad karte raho aur daiveegun bhi dhaaran karo। aise bhi nahin kehte hain ki dhandha aadi nahin karo। jaise military vaalon ko ladaai mein jaana padta hai to unhon ko bhi kaha jaata hai shivbaaba ki yaad mein raho। geeta ke aksharon ko uthaae woh samajhte hain ham yuddha ke maidaan mein marenge to svarga mein jaayenge isliye khushi se ladaai mein jaate hain। parantu woh to baat hi nahin। ab baba kehte hain tum svarga mein ja sakte ho sirf shivbaaba ko yaad karo। yaad to ek shivbaaba ko hi karna hai to svarga mein zaroor jaayenge। jo bhi aate hain bhal phir jaakar patit bante hain to bhi svarga mein zaroor aayenge। sajaayen khaakar, paavan bankar phir bhi aayenge zaroor। baap merciful hai na। baap samjhaate hain koi vikarma na karo to vikarmaajeet banenge। yeh lakshmi-naaraayan vikarmaajeet hain na। phir raavan raajya mein vikarmi ban jaate hain। vikram sanvat shuru hota hai na। manushyon ko to kuchh bhi pata nahin hai। tum bachche abhi jaante ho yeh lakshmi-naaraayan vikarmaajeet bane hain। kahenge vikarmaajeet number one phir 2500 varsha ke baad vikram sanvat shuru hota hai। mohjeet raaja ki kahaani hai na। baap kehte hain nashtomoha bano। maamekam yaad karo to paap katenge। jo 2500 varsha mein paap hue hai woh 50-60 varsha mein tum svayan ko satopradhaan bana sakte ho। agar yogbal nahin hoga to phir number peechhe ho jaayenge। maala to bahut badi hai। bhaarat ki maala to khaas hai। jis par hi saara khel bana hua hai। ismen mukhya hai yaad ki yaatra, aur koi takleeph nahin hai। bhakti mein to anekon se buddhiyog lagaate hain। yeh sab hai rachna। unki yaad se kiska bhi kalyaan nahin hoga। baap kehte hain kisko bhi yaad nahin karo। jaise bhakti maarga mein pahle sirf tum bhakti karte the ab phir pichhaadi mein bhi mujhe yaad karo। baap kitna clear samjhaate hain। aage thode hi jaante the। abhi tumko gyaan mila hai। baap kehte hain aur sang tod ek sang jodo to yog agni se tumhaare paap bhasma ho jaayenge। paap to bahut karte aaye ho। kaam kataari chalaate ho। ek-do ko aadi-madhya-ant duhkh dete aaye ho। mool baat hai kaam kataari ki। yeh bhi drama hai na। aise bhi nahin kahenge aisa drama kyon bana? yeh to anaadi khel hai। ismen mera bhi part hai। drama kab bana, kab poora hoga - yeh bhi nahin kah sakte। yeh to aatma mein part bhara hua hai। aatma ki jo plate hai woh kab ghisti nahin hai। aatma avinaashi hai, usmein part bhi avinaashi hai। drama bhi avinaashi kaha jaata hai। baap jo punarjanma mein nahin aate hain vo hi aakar sab raaz samjhaate hain। srishti ke aadi-madhya-ant ka raaz koi bhi nahin samjha sakte। na baap ka occupation, na aatma ka, kuchh bhi jaante nahin। yeh srishti ka chakra phirta hi rehta hai।

ab purushottam sangamayug hai, jab sab manushyamaatra uttam purush ban jaate hain। shantidham mein sab aatmaayen pavitra uttam ban jaati hain। shantidham paavan hai na। nai duniya bhi pavitra hai। vahaan shanti to hai hi, phir shareer milne se part bajaate hain। yeh ham jaante hain, harek ko part mila hua hai। woh hamaara ghar hai, shanti mein rehte hain। yahaan to part bajaana hai। ab baap kehte hain bhakti maarga mein tumne meri avyabhichaari pooja ki। duhkhi nahin the। abhi vyabhichaari bhakti mein aane se tum duhkhi ban pade ho। ab baap kehte hain daivi gun dhaaran karo phir bhi aasuri gun kyon? baap ko bulaaya ki hamko aakar paavan banaao। phir patit kyon bante ho? usmein bhi khaas kaam ko zaroor jeetna hai to tum jagatjeet banenge। manushya to bhagwan ke liye kah dete hain aapehi poojya aapehi pujaari। goya unko neeche le aate hain। aise paap karte-karte maha-vikaari duniya ban jaati hai। garud puraan mein bhi raurav narka kehte hain, jahaan bichchhu tindan sab kaatte rehte hain। shaastron mein kya-kya baith dikhaaya hai। yeh bhi baap ne samjhaaya hai yeh shaastra aadi sab bhakti maarga ke hain। inse koi bhi mere saath nahin milte hain। aur hi tamopradhaan ban pade hain isliye mujhe bulaate hain ki aakar paavan banaao to patit thahre na। manushya to kuchh bhi samajhte nahin hain। jo nishchay buddhi hain woh to vijayi ho jaate hain। raavan par vijay paakar raamraajya mein aa jaate hain। baap kehte hain kaam par jeet paao, is par hi hangaama hota hai। gaate hain amrit chhod vish kyon khaate ho? amrit naam sunkar samajhte hain gaoomukh se amrit nikalta hai। are, ganga jal ko thode hi amrit kaha jaata hai। yeh to gyaan amrit ki baat hai। stri pati ke charan dhokar peeti hai, unko bhi amrit samajhte hain। agar amrit hai to phir heere samaan banen na। yeh to baap gyaan dete hain jisse tum heere jaisa bante ho। paani ka naam kitna baala kar diya hai। tum gyaan amrit pilaate woh paani pilaate hain। tum braahmanon ka kisko bhi pata nahin hai। woh kaurav-paandav kehte hain parantu paandavon ko brahman thode hi samajhte hain। geeta mein aise akshar hain nahin, jo paandavon ko brahman samjhen। baap baith sab shaastron ka saar samjhaate hain। bachchon ko kehte hain shaastron mein jo kuchh padha hai aur jo kuchh main sunaata hoon usko judge karo। tum jaante ho aage ham jo sunte the woh wrong tha, ab right sunte hain।

baap ne samjhaaya hai tum sab seetaayen athva bhaktiyaan ho। bhakti ka phal dene vaala hai raam bhagwan। kehte hain main aata hoon phal dene। tum jaante ho ham svarga mein apaar sukh bhogte hain। us samay baaki sab shantidham mein rehte hain। shanti to milti hai na। vahaan vishwa mein sukh-shanti-pavitrata sab-kuchh hai। tum samjhaate ho jabki vishwa mein ek dharma tha tab hi shanti thi। phir bhi samajhte nahin hain। thaharta koi mushkil hai। pichhaadi mein bahut aayenge। jaayenge kahaan! yeh ek hi hatti hai। jaise dukaandaar ki cheez achhi hoti hai to daam ek hota hai। yeh to shivbaaba ki hatti hai, woh hai niraakaar। brahma bhi zaroor chaahiye। tum kahlaate ho brahmaakumaar-kumaariyaan। shiv kumaariyaan to nahin kahla sakte ho। brahman bhi zaroor chaahiye। brahman banne bigar devta kaise banenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) devtaaon jaise gun svayan mein dhaaran karne hain, andar jo bhi evil sanskaar hain, krodh aadi ki aadat hai, use chhodna hai। vikarmaajeet banna hai isliye ab koi bhi vikarma nahin karna hai।

2) heere samaan shreshtha banne ke liye gyaan amrit peena aur pilaana hai। kaam vikaar par sampoorn vijay paani hai। svayan ko satopradhaan banaana hai। yaad ke bal se sab puraane hisaab-kitaab chuktu karne hain।

vardaan:- buddhi ko merepan ke phere se nikaal ulajhnon se mukta rahne vaale nyaare, trustee bhav

jab buddhi kahaan bhi uljhan mein aati hai to samajh lo zaroor koi na koi meraapan hai। jahaan mera aaya vahaan buddhi ka phera hua। grihasthi bankar sochne se gadbad hoti hai isliye bilkul nyaare aur trustee ban jaao। ye meraapan - mera naam kharaab hoga, meri glaani hogi… yeh sochna hi ulajhna hai। phir jitna suljhaane ki koshish karenge utna ulajhte jaayenge isliye trustee ban in ulajhnon se mukta ho jaao। bhagwan ke bachche kabhi ulajhnon mein nahin aa sakte।

slogan:- bade baap ke bachche ho isliye na to chhoti dil karo aur na chhoti baaton mein ghabraao।