सोमवार 19 फ़रवरी 2024 की दैनिक मुरली

19-02-2024 praatahmurli om shanti "baapdaada"' madhuban

“meethe bachche - main sada vaani se pare hoon, main aaya hoon tum bachchon ko upraam banaane, abhi tum sabki vaanaprastha avastha hai, ab vaani se pare ghar jaana hai''

prashn:- achha purooshaarthi student kisko kahenge? unki mukhya nishaani sunaao?

uttar:- achha purooshaarthi student woh, jo apne aapse baaten karna jaanta ho, sookshm study karta ho। purushaarthi student sada apni jaanch karte rahenge ki hamaare mein koi aasuri svabhaav to nahin hai? daiveegun kahaan tak dhaaran kiye hain? woh apna register rakhte hain ki bhaai-bhaai ki drishti sada rehti hai? criminal khyaalaat to nahin chalte hain?

om shanti - roohaani bachchon prati, jo bhi vaani se pare jaane liye, goya ghar jaane ke liye purushaartha kar rahe hain। woh sabhi aatmaon ka ghar hai। tum samajhte ho abhi hamko yeh shareer chhodkar ghar jaana hai। baap kehte hain main aaya hoon tumko ghar le jaane arth, iseelie is deh aur deh ke sambandhon se upraam hona hai। yeh to chhi-chhi duniya hai। yeh bhi aatma jaanti hai hamko ab jaana hai। baap aaya hai paavan banaane ke liye। phir se hamko paavan duniya mein jaana hai। yeh andar mein vichaar saagar manthan hona chaahiye। aur koi ko aisa vichaar nahin aayega। tum samajhte ho ham khud apni dil se yeh shareer chhod apne ghar jaakar phir nae pavitra sambandh mein, nai duniya mein aayenge। yeh smriti bhi bahut thodon ko rehti hai। baap kehte hain chhote, bade, budhe aadi sabko vaapis chalna hai। phir nai duniya ke paavan sambandh mein aana hai। ghadi-ghadi buddhi mein aana chaahiye ki ham ab ghar jaane ke liye taiyaari kar rahe hain। jo karenge vo hi saath chalenge। jo abhi eeshvar arth karte hain woh jaakar padmaapadmapti bante hain nai duniya mein। woh log is puraani duniya mein indirect karte hain। samajhte hain eeshvar iska phal denge। ab baap samjhaate hain woh tumko alpakaal kshan bhangur milta hai। ab main aaya hoon, tumko raay deta hoon - abhi jo denge woh tumko 21 janma ke liye padma hokar milega। tum samajhte ho bade ghar mein jaakar janma lenge। ham to naaraayan athva lakshmi banenge। to phir itni mehnat karni chaahiye। ham is puraani chhi-chhi duniya se jaane ke liye taiyaari kar rahe hain। yeh puraani duniya, puraana shareer chhodna hai। aisa taiyaar rehna chaahiye jo pichhaadi ke samay koi bhi yaad na aaye। agar puraani duniya va mitra-sambandhi aadi yaad aaye to kya gati hogi? tum kehte ho na antakaal jo stri simre… isliye baap ko follow karna chaahiye। aise nahin, baba boodha hai tab samajhte hain yeh shareer chhodna hi hai। nahin, tum sab budhe ho। sabki vaanaprastha avastha hai, sabko vaapis jaana hai isliye baap kehte hain is puraani duniya se buddhiyog tod do। ab to jaana hai apne ghar। phir jitna vahaan thaharna hoga utna vahaan thahrenge। jitna peechhe part hoga to peechhe shareer dhaaran kar part bajaayenge। koi to 100 varsha kam 5 hazaar varsha bhi shantidham mein rahenge। pichhaadi ko aayenge। jaise kaashi kalvat khaate hain, sab paap jhat khalaas ho jaate hain। pichhaadi mein aane vaalon ke paap kya honge! aaye aur gaye। baaki moksha koi ko mil na sake। vahaan rahkar kya karenge। part to zaroor bajaana hi hai। tumhaara part hai shuru mein aane ka। to baap kehte hain - bachche, is puraani duniya ko bhoolte jaao। ab to chalna hai, 84 ka part poora hua। tum patit ban gaye ho। ab phir apne ko aatma samajh baap ko yaad karo। daiveegun bhi dhaaran karo।

baap samjhaate hain - bachche, apni jaanch karte raho - hamaare mein koi aasuri svabhaav to nahin hai? tumhaara daivi svabhaav hona chaahiye। uske liye chart rakho to pakke hote jaayenge। parantu maaya aisi hai jo chart rakhne nahin deti। do-chaar din rakhkar phir chhod dete hain kyonki takdeer mein nahin hai। takdeer mein hoga to bahut achhi reeti register rakhenge। school mein register zaroor rakhte hain। yahaan bhi sabhi centres mein sabka chart, register rakhna hai। phir dekhna hai ham roz jaate hain? daiveegun dhaaran karte hain? bhaai-behen ke sambandh se bhi oonch jaana hai। sirf roohaani drishti bhaai-bhaai ki chaahiye। ham aatma hain। koi ki criminal drishti nahin। bhaai-behen ka sambandh bhi isliye hai kyonki tum brahmaakumaar-kumaariyaan ho। ek baap ke bachche ho। is sangamayug par hi bhaai-behen ke sambandh mein rehte hain। to vikaar ki drishti banda ho jaae। ek baap ko hi yaad karna hai। vaani se bhi pare jaana hai। aise-aise apne se baaten karna yeh hai sookshm study, ismen aavaaz karne ki darkaar nahin। yeh to bachchon ko samjhaane ke liye aavaaz mein aana padta hai। vaani se pare jaane liye bhi samjhaana padta hai। ab vaapis jaana hai। baap ko bulaaya hai ki aao, hamko saath le jaao। ham patit hain, vaapis ja nahin sakte। patit duniya mein ab paavan kaun banaaye! saadhu-santa aadi koi paavan bana na saken। khud hi paavan hone ke liye ganga snaan karte hain। baap ko jaante nahin। jinhonne kalpa pahle jaana hai, vahi ab purooshaartha kar rahe hain। yeh purooshaartha bhi baap bina koi kara nahin sakta। baap hi sabse oonch hai। aise baap ko patthar thikkar mein kahne se manushya ka kya haal ho gaya hai! seedhi utarte hi aaye hain। kahaan woh sampoorn nirvikaari, kahaan yeh sampoorn vikaari। in baaton ko maanenge bhi woh jinhonne kalpa pahle maana hoga। tumhaara farja hai jo bhi aaye unko baap ka farmaan bataana। seedhi ke chitra par samjhaao। sabhi ki ab vaanaprastha avastha hai। sabhi shantidham aur sukhdhaam mein jaayenge। sukhdhaam mein woh jaayenge jo aatma ko buddhiyog bal se sampoorn pavitra banaayenge। bhaarat ka praacheen yog bhi gaaya hua hai। aatma ko ab smriti aati hai barobar ham pahle-pahle aaye hain। ab phir vaapis jaana hai। tumko apna part yaad aata hai। jo is kul mein aane vaale nahin hain unko yaad bhi nahin aata hai ki hamko pavitra banna hai। pavitra banne mein hi mehnat karni padti hai। baap kehte hain apne ko aatma samajh mujhe yaad karo to vikarmaajeet banenge aur behen-bhaai samjho to drishti badal jaayegi। satayug mein drishti kharaab nahin hoti। baap to samjhaate rehte hain bachche apne se poochho - ham satayugi devta hain ya kaliyugi manushya hain? tum bachchon ko bahut achhe-achhe chitra, slogan aadi banaane chaahiye। ek kahe satayugi ho ya kaliyugi? doosra phir doosra prashn poochhe, aise dhoom macha deni chaahiye।

baap to shreemat dete hain patiton ko paavan banaane ki। baaki dhandhe aadi se ham kya jaanen। baap ko bulaaya hi hai ki aakar manushya se devta banne ka raasta bataao, woh main aakar bataata hoon। kitni simple baat hai। ishaara hi bahut sahaj hai - man-manaabhav। apne ko aatma samajh baap ko yaad karo। arth na samajhne kaaran ganga ko patit-paavni samajh liya hai। patit-paavan to baap hai। abhi sabhi ke kayaamat ka samay hai। hisaab-kitaab chuktu karaae vaapis le jaate hain। baap samjhaate hain to samajhte bhi hain parantu takdeer mein nahin hai to gir padte hain। baap kehte hain bhaai-behen samjho, kabhi kharaab drishti na jaaye। kisko kaam ka bhoot, lobh ka bhoot aa jaata hai, kabhi achha khaana (bhojan) dekha to aasakti jaati hai। chane vaala dekhenge, dil karegi khaane ki। phir kha liya to kachche hone kaaran jaldi asar pad jaata hai। buddhi bhrashta ho jaati hai। maa-baap, ananya bachche jinhon ko certificate dete hain unko follow karna chaahiye। yagya ka jo mile woh meetha samajhkar khaana chaahiye। jabaan lalchaaymaan nahin karni hai। yog bhi chaahiye। yog nahin hoga to kahenge phalaani cheez khaani chaahiye, nahin to beemaar pad jaayenge। buddhi mein rehna chaahiye ham aae hain devta banne ke liye। ab hamko vaapis ghar jaana hai। phir bachcha bankar maa ki god mein aayenge। maata ka jo khaan-paan hota hai uska asar bachche par bhi padta hai। vahaan yeh kuchh bhi baaten hoti nahin। vahaan sab kuchh first class hoga। hamaare liye maata khaana aadi bhi first class khaayegi, jo hamaare pet mein aayega। vahaan to hai hi first class। janma lene se hi khaan-paan sab shuddh hota hai। to aise svarga mein jaane ki taiyaari karni chaahiye। baap ko yaad karna hai।

baap aakar rejuvenate karte hain। woh log to bandar ke glands manushya mein daalte hain। samajhte hain ham javaan ho jaayenge। jaise heart nai daalte hain। baap koi heart nahin daalte hain। baap to aakar change karte hain। baaki yeh sab hai science। bombs aadi banaate hain। yeh to duniya ko hi khalaas karne ki cheejen hain। tamopradhaan buddhi hai na। woh to khush hote hain ki yeh bhi bhaavi bani hui hai। bombs zaroor banne hi hain। shaastron mein phir likha hua hai pet se moosal nikle, phir yeh hua। ab baap ne samjhaaya hai yeh sab bhakti maarga ki baaten hain। raajayog to mainne hi sikhaaya tha। woh to ek kahaani ho gai, jo sunte-sunte yeh haal ho gaya hai। abhi baap sachchi satya naaraayan ki katha, teejri ki katha, amarnaath ki katha suna rahe hain। is padhaai se tum yeh pad paate ho। baaki shreekrishna aadi to hain nahin, jo dikhaaya hai svadarshan chakra se sabko maara। main to sirf raajayog sikhlaakar paavan banaata hoon। ham tumko svadarshan chakradhaari banaate hain। unhonne phir shreekrishna ko chakra aadi dikhaaya hai। svadarshan chakra phiraayenge kaise? jaadu ki thode hi baat hai। yeh to sab glaani hai na। so bhi aadhaakalpa chalti hai। kaisa wonderful drama hai। abhi chhote-bade sabki vaanaprastha avastha hai। ab hamko jaana hai isliye baap ko yaad karna hai। doosra kuchh bhi yaad na aaye। aisi avastha ho tab oonch pad pa sako। apni dil se poochhna chaahiye - hamaara register kahaan tak theek hai? register se chalan ka maaloom padega - regular padhte hain va nahin? kai to jhooth bhi bol dete hain। baap kehte hain sach bataao, nahin bataayenge to tumhaara hi register kharaab hoga। bhagwan se pavitra banne ki pratigya kar phir todte ho to tumhaara kya haal hoga। vikaar mein gire to khel khalaas। pahla number dushman hai deh-abhimaan, phir kaam, krodh। deh-abhimaan mein aane se hi vritti kharaab hoti hai isliye baap kehte hain - dehi-abhimaani bhav। arjun bhi yeh hai na। shreekrishna ki hi aatma thi। arjun naam hai thode hi, naam to change hota hai, jismen pravesh karte hain। manushya to kah dete hain yeh jhaad aadi tumhaari kalpana hai। manushya jo kalpana kare woh dekhne mein aata hai।

tum bachchon ko bahut khushi honi chaahiye - ab ham jaakar svarga mein chhote bachche bante hain। phir naam, roop, desh, kaal sab-kuchh naya hoga। yeh behad ka drama hai। bani banaai ban rahi। hona hi hai phir ham chinta kyon karen? drama ka raaz ab tum bachchon ki buddhi mein hai। aur koi nahin jaante, sivaae tum braahmanon ke। duniya mein is samay sab pujaari hain। jahaan pujaari hain vahaan poojya ek bhi ho nahin sakta। poojya hote hi hain satayug-treta mein। kaliyug mein hain pujaari, phir tum apne ko poojya kaise kahla sakte ho? poojya to devi-devtaayen hi hain। pujaari hain manushya। mool baat baap samjhaate hain - paavan banna hai to maamekam yaad karo। drama anusaar jisne jitna purushaartha kiya hoga utna hi karenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni padhaai ka register rakhna hai। apna chart dekhna hai ki hamaari bhaai-bhaai ki drishti kahaan tak rehti hai? hamaara daivi svabhaav bana hai?

2) apni jabaan par bahut control rakhna hai। buddhi mein rahe ki ham devta ban rahe hain isliye khaan-paan par bahut dhyaan dena hai। jabaan chalaaymaan nahin honi chaahiye। maa-baap ko follow karna hai।

vardaan:- parakhne ki shakti dvaara baap ko pahchaankar adhikaari banne vaale vishesh aatma bhav

baapdaada har bachche ki visheshta dekhte hain, chaahe sampoorn nahin bane hain, purushaarthi hain lekin aisa ek bhi bachcha nahin jismen koi visheshta na ho। sabse pahli visheshta to koto mein koi ki list mein ho। baap ko pahchaankar mera baba kehna aur adhikaari banna ye bhi buddhi ki visheshta hai, parakhne ki shakti hai। is shreshtha shakti ne hi vishesh aatma bana diya।

slogan:- shreshtha bhaagya ki rekha kheenchane ka kalam hai shreshtha karma, isliye jitna chaahe utna bhaagya bana lo।