सोमवार 4 मार्च 2024 की दैनिक मुरली

04-03-2024 praatahmurli om shanti "baapdaada"' madhuban

“meethe bachche - tum royal kul ke royal student ho, tumhaari chalan bahut royal honi chaahiye tab hi baap ka show kar sakenge''

prashn:- vinaash ke samay antim paper mein paas kaun hoga? uske liye purooshaartha kya hai?

uttar:- antim paper mein paas vahi ho sakta hai jise baap ke sivaae puraani duniya ki koi bhi cheez yaad na aaye। yaad aai to fail। iske liye behad ki saari duniya se mamatva nikal jaae। bhaai-bhaai ki pakki avastha ho। deh-abhimaan toota hua ho।

om shanti। bachchon ko sadaiv yeh nasha rehna chaahiye ki ham kitne royal student hain। behad ka maalik hamko padha rahe hain। tum kitne oonch kul ke royal student ho to royal student ki chalan bhi royal chaahiye tab hi baap ka show karenge। tum vishwa mein shanti sthaapan karne ke liye nimitta bane hue ho, shreemat par। tumko shanti ki prize milti hai। woh bhi ek janma ke liye nahin, janma-janmaantar ke liye milti hai। bachche baap ka shukriya kya maanenge! baap aapehi aakar haath mein bahishta (svarga) dete hain। bachchon ko pata tha kya ki baap yeh aakar denge! ab baap kehte hain - meethe bachche, mujhe yaad karo। yaad ke liye kyon kehte hain? kyonki is yaad se hi vikarma vinaash hone hain। behad ke baap ki pahchaan mili aur nishchay hua। takleeph ki koi baat nahin। bhakti maarga mein baba-baba karte rehte hain। zaroor baap se kuchh varsa milega। tumhein purooshaartha ki margin bhi hai। jitna shreemat par purooshaartha karenge utna oonch pad milega। baap, teacher, satguru - teenon ki shreemat milti hai। us mat par chalna hai। rehna bhi apne ghar mein hai। mat par chalne mein hi vighna padte hain। maaya ka pahla vighna hai hi deh-abhimaan। baap kehte hain apne ko aatma samjho। phir kyon nahin shreemat ko maante ho? bachche kehte hain ham koshish to karte hain parantu maaya karne nahin deti। bachche samajhte hain padhaai mein khaas purooshaartha zaroor chaahiye। jo achhe bachche hain unko follow karna chaahiye। sabhi yahi purooshaartha karte hain ki ham baap se oonch varsa le leven। kaante se phool banne ke liye yaad ki bahut jaroorat hai। 5 vikaaron ke kaante nikal jaaen to phool ban jaayenge। woh niklenge yogbal se। kai bachche sochte hain phalaana aise chala gaya, shaayad ham bhi chale jaayen। lekin use dekh phir purooshaartha karna chaahiye na। shareer chhoden to baba ki yaad ho, vasheekran mantra yaad ho। aur kuchh bhi yaad na ho sivaae ek baap ke, tab praan tan se niklen। baba, bas ham aapke paas aaye ki aaye। aise baba ko yaad karne se aatma mein jo kichda bhara hua hoga, woh sab bhasma ho jaayega। aatma mein hai to shareer mein bhi kahenge। janma-janmaantar ka kichda hai, woh saara jalna hai। jab tumhaara kichda saara jal jaaye tab duniya bhi saaph ho jaaye। duniya se saara kichda nikalna hai - tumhaare liye। tumhein sirf apna kichda nahin saaph karna hai, sabhi ka kichda saaph karna hai। baba ko bulaate hi hain ki baba aakar is duniya se kichde ko saaph karo। saare vishwa ko pavitra banaao। kiske liye? us pavitra duniya mein tum bachche hi to pahle-pahle raajya karne aate ho। to baap tumhaare liye tumhaare desh mein aaye hain।

bhakti aur gyaan mein bahut farka hai। bhakti ke kitne achhe-achhe geet gaate hain। parantu kiska kalyaan nahin karte hain। kalyaan to hai hi apne svadharma mein tikne mein aur baap ko yaad karne mein। tumhaara yaad karna aisa hi hai jaise light house phirta hai। svadarshan ko hi light house kehte hain। tum bachche dil andar samajhte ho baapdaada se humein svarga ka varsa milna hai। yeh hai hi satya naaraayan ki katha, nar se naaraayan banne ki। baap samjhaate hain tumhaari aatma jo tamopradhaan bani hai, unko satopradhaan banna hai। satayug mein satopradhaan the ab phir satopradhaan banaane baap aaya hai। baap kehte hain mujhe yaad karne se hi tum satopradhaan ban jaayenge। baap ne hi geeta sunaai thi। ab to manushya sunaate hain, kitna farka ho gaya hai। bhagwan to bhagwan hai, vahi manushya se devta banaate hain। nai duniya mein hain hi pavitra devtaayen। behad ka baap hai hi nai duniya ka varsa dene vaala। baap ko yaad karte raho to ant mati so gati ho jaayegi। tum jaante ho - baap aate hain sangamayug par, purooshottam banaane ke liye। ab yeh 84 ka chakra poora hota hai, phir shuru hoga। yeh bhi khushi honi chaahiye। pradarshani mein jo log aate hain, unko bhi pahle shivbaaba ke chitra ke saamne laakar khada karo। baap kehte hain mujhe yaad karne se tum yeh ban jaayenge। father se varsa hi satayug ka milta hai। bhaarat satayug tha, ab nahin hai phir banna hai isliye baap aur baadshaahi ko yaad karo to ant mati so gati ho jaayegi। yeh hai sachcha baap, inke bachche banne se tum sachkhanda ke maalik ban jaayenge। pahle-pahle alpha ko pakka karaao। alpha baba, be baadshaahi। baap ko yaad karo to yaad se hi vikarma vinaash honge aur tum svarga mein chale jaayenge। kitna sahaj hai। janma-janmaantar bhakti ki baaten sunte-sunte buddhi ko maaya ka taala lag gaya hai। baap aakar chaabi se taala kholte hain। is samay sabhi ke kaan jaise banda hain। pattharbuddhi hain। tum likhte bhi ho - shivbaaba yaad hai? svarga ka varsa yaad hai? baadshaahi yaad karne se mukh meetha to hoga na। baap kehte hain main tum bachchon ka kitna upkaar karta hoon। tum to apkaar hi karte aaye ho। woh bhi drama mein noondh hai, kiska dosh nahin hai। tum bachchon ki yeh mission hai hi pattharbuddhiyon ko paarasbuddhi athva kaanton ko phool banaane ke liye। yeh mission tumhaari chaalu hai। sab ek-do ko kaanton se phool bana rahe hain। unhon ko bhi aisa banaane vaala zaroor king flower hoga। svarga ki sthaapna karne vaala athva phoolon ka bageecha banaane vaala ek hi baap hai। tum ho khudaai khidmatgaar। tamopradhaan ko satopradhaan banaana - yeh khidmat hai aur koi takleeph nahin dete hain। samjhaana bhi bahut sahaj hai। kaliyug mein hain hi tamopradhaan। agar kaliyug ki aayu badha denge to aur hi tamopradhaan banenge।

tum jaante ho ab hamko phool banaane vaala baap aaya hai। kaanta banaana raavan ka kaam hai। phool baap banaate hain। jisko shivbaaba yaad hai, unko zaroor svarga bhi yaad hoga। prabhaatpheri jab nikaalte ho to usmein bhi dikhaao ki ham prajaapita brahmaakumaar-kumaariyaan bhaarat par in lakshmi-naaraayan ka raajya sthaapan kar rahe hain। ham brahman so devta bante hain। devta so phir kshatriy, so vaishya… yeh baajoli hai। kisko samjhaana bahut sahaj hai। ham brahman hain। braahmanon ko choti hoti hai। tum bhi samajhte ho hamne 84 ka chakra poora kiya। bachchon ko kitni achhi knowledge milti hai। aur sab hai bhakti। gyaan ek baap hi sunaate hain। sarva ka sadgati daata ek baap hi hai। purooshottam sangamayug bhi ek hi hai। is samay baap tum bachchon ko padhaate hain। bhakti mein phir yaadgaar chalta hai। baap ne tum bachchon ko raasta bataaya hai ki yeh purooshaartha karne se tum yeh varsa le sakte ho। yeh padhaai bahut sahaj hai। nar se naaraayan banne ki padhaai hai। katha kehna wrong hai kyonki katha mein em object nahin hoti hai। padhaai mein em object hai। kaun padhaate hain? gyaan saagar। baap kehte hain main aakar tumhaari ratnon se jholi bharta hoon। behad ke baap se tum prashn kya poochhenge। is samay sab hain pattharbuddhi। raavan ko hi nahin jaante। tumko ab akla milta hai poochhne ke liye। manushyon se poochho - aakhir raavan hai kaun? kab se inka janma hua? kab se jalaate ho? kahenge anaadi hai। tum anek prakaar se prashn poochh sakte ho। woh bhi samay aayega to poochhenge। koi response kar nahin sakenge। tumhaari aatma yaad ki yaatra mein tatpar ho jaayegi। ab apne se poochho - ham satopradhaan bane hain? dil gavaahi deti hai? abhi karmaateet avastha to hui nahin hai। honi hai। is samay tum bahut thode ho isliye tumhaari koi sunte nahin hain aur tumhaari baat hi nyaari hai। pahle-pahle to bataao baap sangamayug par aate hain। ek-ek baat jab samjhen tab aage badhaao। bahut dhairya se, pyaar se samjhaana hai ki tumko do baap hain - laukik aur paarlaukik। paarlaukik baap se behad ka varsa tab milta hai jab satopradhaan bante ho। baap yaad pade to khushi ka paara chadhe। tum bachchon mein bahut gun bhare jaate hain। tum bachchon ko baap aakar qualification sikhlaate hain। health-wealth bhi dete hain, gun bhi sudhaarte hain। education bhi dete hain। jel ki sajaaon se bhi chhudaate hain।

tum bahut achhi reeti minister aadi ko bhi samjha sakte ho। samjhaana aisa chaahiye jo unko paani-paani kar dena chaahiye। tumhaara gyaan bahut meetha hai। prem se baithkar sunen to prem ke aansu aa jaaen। hamesha is drishti se dekho ki ham bhaai ko raasta bataate hain। bolo, ham shreemat par bhaarat ki sachchi seva kar rahe hain। bhaarat ki seva mein hi paise lagaate hain। baba kehte hain dehli mein seva ka gheraav daalo, vistaar karo। parantu abhi tak kisi ko ghaayal kiya nahin hai, ghaayal karne mein yogbal chaahiye। yogbal se tum vishwa ke maalik bante ho। saath-saath gyaan bhi hai। yog se hi tum kisko kashish kar sakenge। abhi bachche bhaashan bhal achha karte hain parantu yog ki kashish kam hai। mukhya baat hai yog ki। tum bachche yog se apne ko pavitra banaate ho। to yogbal bahut chaahiye। uski bahut kami hai। andar khushi mein naachna chaahiye, yeh khushi ka dance hai। is gyaan-yog se tumhaare andar dance hoti hai। baap ki yaad mein rehte-rehte tum ashareeri ban jaate ho। gyaan se ashareeri hona hai, ismen gum hone ki baat nahin, buddhi mein gyaan chaahiye। ab ghar jaana hai phir raajaai mein aayenge। baap ne vinaash aur sthaapna ka saakshaatkaar bhi karaaya hai। yeh duniya saari jali padi hai, ham nai duniya ke laayak ban rahe hain। ab ghar jaana hai isliye shareer mein bhi koi mamatva nahin rehna chaahiye। is shareer se, is duniya se upraam rehna chaahiye। sirf apne ghar ko aur raajdhaani ko yaad karna hai। koi bhi cheez mein aasakti nahin ho। vinaash bhi kada hone vaala hai। jab vinaash hone lagega to tumko khushi hogi - bas, ham transfer hue ki hue। puraani duniya ki koi bhi cheez yaad aai to fail। bachchon ke paas kuchh hai nahin to yaad kya aayega? behad ki saari duniya se mamatva mit jaae, ismen mehnat hai। bhaai-bhaai ki pakki avastha bhi tab rah sakti hai jab deh-abhimaan toot jaae। deh-abhimaan mein aane se kuchh na kuchh ghaata padta hai। dehi-abhimaani hone se ghaata nahin padega। ham bhaai ko padhaate hain। bhaai se baat karte hain, yeh pakki tev (aadat) pad jaaye। agar scholarship leni hai to itna purooshaartha karna hai। jab samjhaate ho tab bhi yaad rahe ki ham sab bhaai-bhaai hain। sab aatmaayen ek baap ke bachche hain। sab bhaaiyon ka baap ke varse par hak hai। behen ka bhi bhaan na aaye। isko kaha jaata hai aatma-abhimaani। aatma ko yeh shareer mila hai, usmein kiska naam mel ka, kiska female ka pada hai। inse pare baaki aatma hai। sochna chaahiye - baba jo raasta bataate hain woh barobar theek hai। yahaan bachche aate hi hain yeh practice karne। train mein kisko badge par samjha sakte ho। baithkar ek-do se poochho tumko kitne baap hain? phir uttar do। yeh hai doosre ka dhyaan khinchavaane ki yukti। phir tumko do baap hain, hamko teen hain। is alaukik baap dvaara hamko varsa milta hai। tumhaare paas first class cheez hai। koi kahe isse kya phaayda hai? bolo, hamaara farja hai andhon ki laathi ban raasta dikhaana। jaise nuns service karti hain, tum bhi karo। tumko bahut praja banaani hai। oonch pad paane ke liye purooshaartha karna hai। tum sabko chadhti kala ka raasta bataate ho। ek baap ko yaad karte raho to bhi bahut khushi hogi aur vikarma bhi vinaash honge। baap se varsa lena bahut sahaj hai। parantu bahut bachche gaphlat karte hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ant samay mein paas hone ke liye is shareer aur duniya se upraam rehna hai, kisi bhi cheez mein aasakti nahin rakhni hai। buddhi mein rahe ki ab ham transfer hue ki hue।

2) bahut dhairya aur pyaar se sabko do baap ka parichay dena hai। gyaan ratnon se jholi bharkar daan karna hai। kaanton ko phool banaane ki seva zaroor karni hai।

vardaan:- baap aur seva mein magna rahne vaale nirvighna, nirantar sevaadhaari bhav

jahaan seva ka umang hai vahaan anek baaton se sahaj hi kinaara ho jaata hai। ek baap aur seva mein magna raho to nirvighna, nirantar sevaadhaari, sahaj maayaajeet ban jaayenge। samay prati samay seva ki rooprekha badal rahi hai aur badalti rahegi। abhi aap logon ko jyaada kehna nahin padega lekin woh svayan kahenge ki yeh shreshtha kaarya hai isliye humein bhi sahayogi banaao। yeh samay ke sameepta ki nishaani hai। to khoob umang-utsaah se seva karte aage badhte chalo।

slogan:- sampannata ki sthiti mein sthit ho, prakriti ki halchal ko chalte hue baadlon ke samaan anubhav karo।