सोमवार 15 अप्रैल 2024 की दैनिक मुरली

15-04-2024 praatahmurli om shanti "baapdaada"' madhuban

“meethe bachche - yeh sangamayug uttam se uttam banne ka yug hai, ismen hi tumhein patit se paavan ban paavan duniya banaani hai''

prashn:- antim dardanaak scene ko dekhne ke liye mazbooti kis aadhaar par aayegi?

uttar:- shareer ka bhaan nikaalte jaao। antim scene bahut kadi hai। baap bachchon ko majboot banaane ke liye ashareeri banne ka ishaara dete hain। jaise baap is shareer se alag ho tumhein sikhlaate hain, aise tum bachche bhi apne ko shareer se alag samjho, ashareeri banne ka abhyaas karo। buddhi mein rahe ki ab ghar jaana hai।

om shanti। meethe-meethe roohaani bachche hain to jisma ke saath। baap bhi abhi jisma ke saath hain। is ghode va gaadi par savaar hain aur bachchon ko kya sikhlaate hain? jeete ji marna kaise hota hai aur koi yeh sikhla na sake sivaae baap ke। baap ka parichay sab bachchon ko mila hai, woh gyaan saagar patit-paavan hai। gyaan se hi tum patit se paavan bante ho aur paavan duniya bhi banaani hai। is patit duniya ka drama plan anusaar vinaash hona hai। sirf jo baap ko pahchaante hain aur brahman bhi bante hain, vahi phir paavan duniya mein aakar raajya karte hain। pavitra banne ke liye brahman bhi zaroor banna hai। yeh sangamayug hai hi purushottam arthaat uttam te uttam purush banne ka yug। kahenge uttam to bahut saadhu, santa, mahaatma, vajeer, ameer, president aadi hain। parantu nahin, yeh to kaliyugi bhrashtaachaari duniya puraani duniya hai, patit duniya mein paavan ek bhi nahin। abhi tum sangamayugi bante ho। vo log patit-paavni paani ko samajhte hain। sirf ganga nahin, jo bhi nadiyaan hain, jahaan bhi paani dekhte hain, samajhte hain paani paavan karne vaala hai। yeh buddhi mein baitha hua hai। koi kahaan, koi kahaan jaate hain। matlab paani mein snaan karne jaate hain। parantu paani se to koi paavan ho na sake। agar paani mein snaan karne se paavan ho jaate phir to is samay saari srishti paavan hoti। itne sab paavan duniya mein hone chaahiye। yeh to puraani rasma chali aati hai। saagar mein bhi saara kichda aadi jaakar padta hai, phir woh paavan kaise banaayenge? paavan to banna hai aatma ko। iske liye to param-pita chaahiye jo aatmaon ko paavan banaaye। to tumko samjhaana hai - paavan hote hi satayug mein hain, patit hote hain kaliyug mein। abhi tum sangamayug par ho। patit se paavan hone ke liye purushaartha kar rahe ho। tum jaante ho ham shoodra varna ke the, ab brahman varna ke bane hain। shivbaaba prajaapita brahma dvaara banaate hain। ham hain sachche-sachche mukh vanshaavli brahman। woh hain kukh vanshaavli। prajaapita, to praja saari ho gai। praja ka pita hai brahma। vo to great great grand father ho gaya। zaroor woh tha phir kahaan gaya? punarjanma to lete hain na। yeh to bachchon ko bataaya hai, brahma bhi punarjanma lete hain। brahma aur sarasvati, maa aur baap। vahi phir mahaaraaja-mahaaraani lakshmi-naaraayan bante hain, jisko vishnu kaha jaata hai। vahi phir 84 janmon ke baad aakar brahma-sarasvati bante hain। yeh raaz to samjhaaya hai। kehte bhi hain jagat amba to saare jagat ki maa ho gai। laukik maa to har ek ki apne-apne ghar mein baithi hai। parantu jagat amba ko koi jaante hi nahin। aise hi andhashraddha se kah dete hain। jaante koi ko bhi nahin। jiski pooja karte hain unke occupation ko nahin jaante। abhi tum bachche jaante ho rachayita hai oonche te oonch। yeh ulta jhaad hai, inka beejroop oopar mein hai। baap ko oopar se neeche aana pade, tumko paavan banaane। tum bachche jaante ho baba aaya hua hai hamko is srishti ke aadi-madhya-ant ka gyaan dekar phir us nai srishti ka chakravarti raaja-raani banaate hain। is chakra ke raaz ko duniya mein tumhaare sivaae aur koi nahin jaante hain। baap kehte hain phir 5 hazaar varsha baad aakar tumko sunaaoonga। yeh drama bana banaaya hai। drama ke creator, director, mukhya actors aur drama ke aadi-madhya-ant ko na jaanen to unko beakla kahenge na। baap kehte hain 5 hazaar varsha pahle bhi hamne tumko samjhaaya tha। tumko apna parichay diya tha। jaise ab de rahe hain। tumko pavitra bhi banaaya tha, jaise ab bana raha hoon। apne ko aatma samajh baap ko yaad karo। vahi sarvashaktimaan patit-paavan hai। gaayan bhi hai antakaal jo phalaana simre… val val arthaat ghadi-ghadi aisi yoni mein jaaye। ab is samay tum janma to lete ho parantu sookar, kookar, kutte, billi nahin bante ho।

abhi behad ka baap aaya hua hai। kehte hain main tum sabhi aatmaon ka baap hoon। yeh sab kaam chita par baith kaale ho gaye hain, inhon ko phir gyaan chita par chadhaana hai। tum ab gyaan chita par chadhe ho। gyaan chita par chadh phir vikaaron mein ja na saken। pratigya karte hain ham pavitra rahenge। baba koi woh raakhi nahin bandhavaate hain। yeh to bhaktimaarga ka rivaaj chala aata hai। vaastav mein yeh hai is samay ki baat। tum samajhte ho pavitra banne bigar paavan duniya ka maalik kaise banenge? phir bhi pakka karaane ke liye bachchon se pratigya karaai jaati hai। koi blood se likhkar dete hain, koi kaise likhte hain। baba aap aaye hain, ham aap se varsa zaroor lenge। niraakaar saakaar mein aate hain na। jaise baap paramdham se utarte hain, vaise tum aatmaayen bhi utarti ho। oopar se neeche aati ho part bajaane। yeh tum samajhte ho yeh sukh aur duhkh ka khel hai। aadhaakalpa sukh, aadhaakalpa duhkh hai। baap samjhaate hain 3/4 se bhi tum jaasti sukh bhogte ho। aadhaakalpa ke baad bhi tum dhanvaan the। kitne bade mandir aadi banvaate hain। duhkh to peechhe hota hai, jab bilkul tamopradhaan bhakti ban jaati hai। baap ne samjhaaya hai tum pahle-pahle avyabhichaari bhakta the, sirf ek ki bhakti karte the। jo baap tumko devta banaate hain, sukhdhaam le jaate hain, unki hi tum pooja karte the phir baad mein vyabhichaari bhakti shuru hoti hai। pahle ek ki pooja phir devtaaon ki pooja karte the। abhi to 5 bhooton ke bane hue shareeron ki pooja karte hain। chaitanya ki bhi, to jad ki bhi pooja karte hain। 5 tatvon ke bane hue shareer ko devtaaon se bhi oonch samajhte hain। devtaaon ko to sirf brahman haath lagaate hain। tumhaare to dher ke dher guru log hain। yeh baap baith bataate hain। yeh (daada) bhi kehte hain hamne bhi sab kuchh kiya। bhinna-bhinna hathayog aadi, kaan, naak modna aadi sab kuchh kiya। aakhreen sab kuchh chhod dena pade। woh dhandha karen ya yeh dhandha karen? pinki (susti) aati rehti thi, tang ho jaata tha। praanaayaam aadi seekhne mein badi takleeph hoti hai। aadhaakalpa bhakti maarga mein the, abhi maaloom padta hai। baap bilkul accurate bataate hain। woh kehte hain bhakti parampara se chali aati hai। ab satayug mein bhakti kahaan se aai। manushya bilkul samajhte nahin। moodh buddhi hain na। satayug mein to aise nahin kahenge। baap kehte hain main har 5 hazaar varsha baad aata hoon। shareer bhi unka leta hoon jo apne janmon ko nahin jaante hain। yahi number one jo sundar tha, vahi ab shyaam ban gaya hai। aatma bhinna-bhinna shareer dhaaran karti hai। to baap kehte hain jismen main pravesh karta hoon, usmein abhi baitha hoon। kya sikhlaane? jeete ji marna। is duniya se to marna hai na। abhi tumko pavitra hokar marna hai। mera part hi paavan banaane ka hai। tum bhaaratvaasi bulaate hi ho - he patit-paavan। aur koi aise nahin kehte - he liberator, duhkh ki duniya se chhudaane ke liye aao। sab muktidhaam mein jaane ke liye hi mehnat karte hain। tum bachche phir purushaartha karte ho - sukhdhaam ke liye। woh hai pravritti maarga vaalon ke liye। tum jaante ho ham pravritti maarga vaale pavitra the। phir apvitra bane। pravritti maarga vaalon ka kaam nivritti maarga vaale kar na saken। yagya, tap, daan aadi sab pravritti maarga vaale karte hain। tum abhi feel karte ho ki abhi ham sabko jaante hain। shivbaaba ham sabko ghar baithe padha rahe hain। behad ka baap behad ka sukh dene vaala hai। unse tum bahut samay ke baad milte ho to prem ke aansu aate hain। baba kahne se hi romaanch khade ho jaate hain - oho! baba aaya hai ham bachchon ki service mein। baba hamko is padhaai se gul-gul banaakar le jaate hain। is gandi chhi-chhi duniya se hamko le jaayenge apne saath। bhakti maarga mein tumhaari aatma kehti thi baba aap aayenge to ham vaari jaayenge। ham aapke hi banenge, doosra koi nahin। nambarvaar to hain hi। sabka apna-apna part hai। koi to baap ko bahut pyaar karte hain, jo svarga ka varsa dete hain। satayug mein rone ka naam nahin hota। yahaan to kitna rote hain। jab svarga mein gaya to phir rona kyon chaahiye aur hi baaja bajaana chaahiye। vahaan to baaja bajaate hain। khushi se shareer chhod dete hain। yeh rasma bhi shuru yahaan se hoti hai। yahaan tum kahenge hamko apne ghar jaana hai। vahaan to samajhte ho punarjanma lena hai। to baap sab baaten samjha dete hain। bhramri ka misaal bhi tumhaara hai। tum braahmaniyaan ho, vishta ke keedon ko tum bhoon-bhoon karti ho। tumko to baap kehte hain is shareer ko bhi chhod dena hai। jeete ji marna hai। baap kehte hain apne ko aatma samjho, ab hamko vaapis jaana hai। apne ko aatma samajh baap ko yaad karna hai। deh ko bhool jaao। baap to bahut meetha hai। kehte hain main tum bachchon ko vishwa ka maalik banaane aaya hoon। ab shantidham aur sukhdhaam ko yaad karo। alpha aur be। yeh hai duhkhadhaam। shantidham ham aatmaon ka ghar hai। hamne part bajaaya, ab humein ghar jaana hai। vahaan yeh chhi-chhi shareer nahin rehta hai। abhi to yeh bilkul hi jadajdeebhoot shareer ho gaya hai। ab hamko baap sammukh baith sikhlaate hain, ishaare mein। main bhi aatma hoon, tum bhi aatma ho। main shareer se alag hokar tumko bhi vahi sikhlaata hoon। tum bhi apne ko shareer se alag samjho। abhi ghar jaana hai। yahaan to rahne ka abhi nahin hai। yeh bhi jaante ho abhi vinaash hona hai। bhaarat mein rakta ki nadiyaan bahengi। phir bhaarat mein hi doodh ki nadiyaan bahengi। yahaan sab dharma vaale ikatthe hain। sab aapas mein lad marenge। yeh pichhaadi ka maut hai। paakistaan mein kya-kya hota tha। badi kadi scene thi। koi dekhe to behosh ho jaae। abhi baba tumko majboot banaate hain। shareer ka bhaan bhi nikaal dete hain।

baba ne dekha, bachche yaad mein nahin rehte hain, bahut kamzor hain isliye service bhi nahin badhti hai। ghadi-ghadi likhte hain - baba, yaad bhool jaati hai, buddhi lagti nahin hai। baba kehte hain yog akshar chhod do। vishwa ki baadshaahi dene vaale baap ko tum bhool jaate ho! aage bhakti mein buddhi kahin aur taraph chali jaati thi to apne ko chutki kaatte the। baba kehte tum aatma avinaashi ho। sirf tum paavan aur patit bante ho। baaki aatma koi chhoti-badi nahin hoti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani bachchon ko roohaani baap ki namaste।

dhaarna ke liye mukhya saar:-

1) apne aapse baaten karo - oho! baba aaya hai hamaari service mein। woh humein ghar baithe padha rahe hain! behad ka baba behad ka sukh dene vaala hai, unse ham abhi mile hain। aise pyaar se baba kaho aur khushi mein prem ke aansu aa jaaen। romaanch khade ho jaaen।

2) ab vaapas ghar jaana hai isliye sabse mamatva nikaal jeete ji marna hai। is deh ko bhi bhoolna hai। isse alag hone ka abhyaas karna hai।

vardaan:- beeti hui baaton va vrittiyon ko samaapta kar sampoorn saphalta praapta karne vaali svachchha aatma bhav

seva mein svachchha buddhi, svachchha vritti aur svachchha karma saphalta ka sahaj aadhaar hai। koi bhi seva ka kaarya jab aarambha karte ho to pahle check karo ki buddhi mein kisi aatma ki beeti hui baaton ki smriti to nahin hai। usi vritti, drishti se unko dekhna, unse bolna …isse sampoorn saphalta nahin ho sakti isliye beeti hui baaton ko va vrittiyon ko samaapta kar svachchha aatma bano tab hi sampoorn saphalta praapta hogi।

slogan:- jo sva parivartan karta hai - vijay maala usi ke gale mein padti hai।