गुरुवार 9 मई 2024 की दैनिक मुरली

09-05-2024 praatahmurli om shanti "baapdaada"' madhuban

“meethe bachche - kade te kadi beemaari hai kisi ke naam roop mein phansana, antarmukhi ban is beemaari ki jaanch karo aur isse mukta bano''

prashn:- naam-roop ki beemaari ko samaapta karne ki yukti kya hai? isse nuksaan kaun-kaun se hote hain?

uttar:- naam-roop ki beemaari ko samaapta karne ke liye ek baap se sachcha-sachcha lav rakho। yaad ke samay buddhi bhatakti hai, dehdhaari mein jaati hai to baap ko sach-sach sunaao। sach bataane se baap kshama kar denge। surgeon se beemaari ko chhipaao nahin। baba ko sunaane se khabardaar ho jaayenge। buddhi kisi ke naam roop mein latki hui hai to baap se buddhi jut nahin sakti। woh service ke bajaae disservice karte hain। baap ki ninda karaate hain। aise nindak bahut kadi saza ke bhaagi bante hain।

om shanti। abhi bachche jaante hain ki har ek ko varsa milna hai baap se। bhaai ko bhaai se kabhi varsa nahin milta aur phir bhaai va behen jo bhi hain unko harek ki avastha ka pata nahin padta hai। sab samaachaar baapdaada ke paas aate hain। yeh hai practical mein। har ek ko apne ko dekhna hai ki main kahaan tak yaad karta hoon? koi ke naam-roop mein kahaan tak phansa hua hoon? hamaare aatma ki vritti kahaan-kahaan tak jaati hai? aatma khud jaanti hai, apne ko aatma hi samajhna pade। hamaari vritti ek shivbaaba ki taraph jaati hai ya aur koi ke naam-roop taraph jaati hai? jitna ho sake apne ko aatma samajh ek baap ko yaad karna hai aur sab bhoolte jaana hai। apni dil se poochhna hai ki hamaari dil sivaae baap ke aur kahaan bhatakti to nahin hai? kahin dhandhe-dhori mein ya ghar-grihastha, mitra-sambandhiyon aadi taraph buddhi jaati to nahin hai? antarmukhi hokar jaanch karni hai। jab yahaan aakar baithte ho to apni jaanch karni hai। yahaan koi na koi saamne yog mein baithte hain, woh bhi shivbaaba ko hi yaad karte honge। aise nahin, apne bachchon ko yaad karte honge। yaad to shivbaaba ko hi karna hai। yahaan baithe hi shivbaaba ki yaad mein ho। phir chaahe koi aankhe kholkar baithe hain va aankhe banda kar baithe hain। yeh to buddhi se samajh ki baat hai। apni dil se poochhna hota hai - baba, kya samjhaate hain। hamko to yaad karna hai ek ko। yahaan jo baithne vaale hain, woh to ek shivbaaba ki hi yaad mein honge। tumko nahin dekhenge kyonki unko to koi ki bhi avastha ka pata hi nahin hai। har ek ka samaachaar baap ke paas aata hai। woh jaante hain kaun-kaun bachche achhe hain, jinki line clear hai। unka aur kahaan bhi buddhiyog nahin jaata hai। aise bhi hote hain, koi ka buddhiyog jaata hai। phir murli sunne se change bhi hote rehte hain। feel karte hain ki yeh to hamaari bhool hai। hamaari drishti-vritti barobar wrong thi। ab unko right karna hai। wrong vritti ko chhod dena hai। yeh baap samjhaate hain, bhaai-bhaai ko nahin samjha sakte। baap hi dekhte hain inki vritti-drishti kaisi hai। baap ko hi sab dil ka haal sunaate hain। shivbaaba ko bataate hain to daada samajh jaate hain। har ek ke sunaane se, dekhne se bhi samajhte hain। jab tak sune nahin tab tak unko kya pata ki yeh kya karte hain। activity se, service se samajh jaate hain ki inko bahut deh-abhimaan hai, inko kam, inki activity theek nahin hai। koi na koi ke naam-roop mein phansa rehta hai। baba poochhte hain, koi ki taraph buddhi jaati hai? koi saaph batlaate hain, koi koi phir naam-roop mein phanse hue aise hain, jo bataate hi nahin hain। apna hi nuksaan karte hain। baap ko batlaane se unki kshama hoti hai aur phir aage ke liye bhi sambhaal karte hain। bahut hain jo apni vritti sach nahin bataate, lajja aati hai। jaise koi ulta kaam karte hain to surgeon ko bataate nahin hain, parantu chhipaane se beemaari aur hi vriddhi ko paayegi। yahaan bhi aise hain। baap ko bataane se halke ho jaate hain। nahin to woh andar mein rahne se bhaari rahenge। baap ko sunaane se phir dubaara aise nahin karenge। aage ke liye apne par khabardaar bhi rahenge। baaki bataayenge nahin to woh vriddhi ko paata rahega। baap jaante hain yeh serviceable bahut hain, qualification kaisi rehti hain, service mein bhi kaise rehte hain? koi ke saath latke to nahin hain? har ek ki janmapatri ko dekhte hain, phir itna unse lav rakhte hain। kashish karte hain। koi to bahut achhi service karte hain। kabhi bhi kahaan unhon ka buddhiyog nahin jaata। haan, pahle jaata tha, ab khabardaar hain। bataate hain - baba, ab main khabardaar hoon। aage bahut bhoolen karte the। samajhte hain deh-abhimaan mein aane se bhoolen hi hongi। phir pad to bhrashta ho jaayega। bhal kisko pata nahin padta hai, parantu pad to bhrashta ho hi jaayega। dil ki saphaai ismen bahut chaahiye tab to oonch pad paayenge। unki buddhi mein bahut saphaai rehti hai, jaise in lakshmi-naaraayan ki aatma mein saphaai rehti hai na, tab to oonch pad paaya hai। koi-koi ke liye samjha jaata hai inki naam-roop ki taraph vritti hai, dehi-abhimaani hokar nahin rehte hain, is kaaran pad bhi kam hota gaya hai। raaja se lekar rank tak, nambarvaar pad to hain na। yeh kyon hota hai? isko bhi samajhna chaahiye। nambarvaar to zaroor bante hi hain। kalaayen kam hoti hi rehti hain। jo 16 kala sampoorn hain woh phir 14 kala mein aa jaate hain। aise thoda-thoda kam hote-hote kalaayen utarti to zaroor hain। 14 kala hai to bhi achha phir vaam maarga mein utarte hain to vikaari ban jaate hain, aayu hi kam ho jaati hai। phir rajo, tamoguni bante jaate hain। kam hote-hote puraane hote jaate hain। aatma shareer se puraani hoti jaati hai। yeh saara gyaan abhi tum bachchon mein hai। kaise 16 kala se neeche utarte-utarte phir manushya ban jaate hain। devtaaon ki mat to hoti nahin। baap ki mat mili phir 21 janma mat milne ki darkaar hi nahin rehti hai। yeh eeshvareey mat tumhaari 21 janma chalti hai phir jab raavan raajya hota hai to tumko mat milti hai raavan ki। dikhaate bhi hain devtaayen vaam maarga mein jaate hain। aur dharma vaalon ki aisi baat nahin hoti hai। devta jab vaam maarga mein jaate hain tab aur dharma vaale aate hain।

baap samjhaate hain - bachche, abhi to tumhein vaapis jaana hai। yeh puraani duniya hai। drama mein yeh bhi mera part hai। puraani duniya ko naya banaana, yeh bhi tum samajhte ho। duniya ke manushya to kuchh nahin jaante। tum itna samjhaate ho phir bhi koi achhi roochi dikhaate hain, koi to phir apni hi mat dete hain। yeh lakshmi-naaraayan jab the to pavitrata, sukh, shanti sab thi। pavitrata ki hi mukhya baat hai। manushyon ko yeh pata nahin hai ki satayug mein devta pavitra the। woh to samajhte hain devtaaon ko bhi bachche aadi hue hain, parantu vahaan yogbal se kaise paidaais hoti hai, yeh kisko bhi pata nahin hai। kehte hain saari aayu hi pavitra rahenge to phir bachche aadi kaise honge। unhon ko samjhaana hai is samay pavitra hone se phir ham 21 janma pavitra rehte hain। goya shreemat par ham viceless world sthaapan kar rahe hain। shreemat hai hi baap ki। gaayan bhi hai manushya se devta… abhi sab manushya hain jo phir devta bante hain। ab shreemat par ham deity government sthaapan kar rahe hain, ismen purity to bahut mukhya hai। aatma ko hi pure banna hai। aatma hi pattharbuddhi bani hai, ekdam clear kar bataao। baap ne hi satayugi deity government sthaapan ki thi, jisko paradise kehte hain। manushya ko devta baap ne hi banaaya। manushya the patit, unko patit se paavan kaise banaaya? bachchon ko kaha - maamekam yaad karo to tum paavan ban jaayenge। yeh baat tum kisko bhi sunaayenge to andar mein lagega। ab patit se paavan kaise banenge? zaroor baap ko yaad karna hoga। aur sang buddhi yog tod ek sang jodna hai tab hi manushya se devta ban sakenge। aise samjhaana chaahiye। tumne jo samjhaaya woh drama anusaar bilkul theek tha। yeh to samajhte hain phir bhi din-pratidin points milti rehti hain samjhaane liye। mool baat hai hi ki ham patit se paavan kaise banen! baap kehte hain deh ke sabhi dharma chhod maamekam yaad karo। is purooshottam sangamayug ko bhi tum bachche hi jaante ho। ham abhi brahman bane hain, prajaapita brahma ki santaan। baap hamko padhaate hain। brahman banne bigar ham devta kaise banenge। yeh brahma bhi poore 84 janma lete hain, phir unko hi pahla number lena padta hai। baap aakar pravesh karte hain। to mool baat hai hi ek - apne ko aatma samajh baap ko yaad karo। deh-abhimaan mein aane se kahaan na kahaan latke rehte hain। dehi-abhimaani to sab ban na saken। apni poori jaanch karo - ham kahaan deh-abhimaan mein to nahin aate hain? hamse koi vikarma to nahin hota hai? bekaayde chalan to nahin hoti hai? bahuton se hoti hai। woh ant mein bahut saza ke bhaagi banenge। bhal abhi karmaateet avastha nahin hui hai। karmaateet avastha vaale ke sab duhkh door ho jaate hain। sazaaon se chhoot jaate hain। khyaal kiya jaata hai - nambarvaar raajaayen bante hain। zaroor kiska kam purooshaartha rehta hai, jis kaaran se saza khaani padti hai। aatma hi garbha jel mein saza bhogti hai। aatma jab garbha mein hai to kehti hai hamko baahar nikaalo phir ham paap karma nahin karenge। aatma hi saza khaati hai। aatma hi karma vikarma karti hai। yeh shareer koi kaam ka nahin hai। to mukhya baat apne ko aatma samajhna chaahiye। jo samjhe barobar sab kuchh aatma karti hai। abhi tum sab aatmaon ko vaapis jaana hai tab hi yeh gyaan milta hai। phir kabhi yeh gyaan milega nahin। aatma-abhimaani sabko bhaai-bhaai hi dekhenge। shareer ki baat nahin rehti hai। soul ban gaye phir shareer mein lagaav nahin rahega isliye baap kehte hain yeh bahut oonchi stage hai। behen-bhaai mein latak padte hain to bahut disservice karte hain। aatma-abhimaani bhav, ismen hi mehnat hai। padhaai mein bhi subject hoti hain। samajhte hain ham ismen fail ho jaayenge। fail hone kaaran phir aur subject mein bhi dheele ho padte hain। abhi tumhaari aatma buddhiyog bal se sone ka bartan hoti jaati hai। yog nahin to knowledge bhi kam, woh taakat nahin rehti hai। yog ka jauhar nahin, yeh hai drama ki noondh। baba samjhaate hain bachchon ko apni avastha kitni badhaani chaahiye। dekhna hai ham aatma saare din mein koi bhi bekaayde kaam to nahin karte hain। koi bhi aisi aadat ho to phauran chhod dena chaahiye। parantu maaya phir bhi doosre-teesre din bhool kara deti hai। aisi sookshm baaten chalti rehti hain, yeh hai sab gupta gyaan। manushya kya jaanen। tum batlaate ho ham apne hi kharche se apne liye sab kuchh karte hain। doosron ke kharche se kaise banaayenge isliye baba hamesha kehte hain - maangane se marna bhala। sahaj mile so doodh baraabar, maang liya so paani। maang kar koi se lete ho to woh laachaari kaashi kalvat khaakar dete hain, to woh paani ho jaata hai। kheench liya woh rakta baraabar… kai bahut tang karte hain, karja uthaate hain to woh rakta samaan ho jaata hai। karja lene ki koi aisi darkaar nahin hai। daan dekar phir vaapis liya, us par bhi harishchandra ka misaal hai। aisa bhi mat karo। hissa rakh do, jo tumko kaam bhi aaye। bachchon ko purooshaartha itna karna hai jo ant mein baap ki hi yaad ho aur svadarshan chakra bhi yaad ho, tab praan tan se niklen। tab hi chakravarti raaja ban sakenge। aise nahin, pichhaadi mein yaad kar sakenge, us samay aisi avastha ho jaayegi। nahin, abhi se purooshaartha karte-karte us avastha ko ant tak theek banaana hai। aisa na ho ki pichhaadi mein vritti kahaan aur taraph chali jaaye। yaad karne se hi paap katte rahenge।

tum bachche jaante ho pavitrata ki baat mein hi mehnat hai। padhaai mein itni mehnat nahin hai। is par bachchon ka dhyaan achha chaahiye। tab baba kehte hain roz apne se poochho - hamne koi bekaayde kaam to nahin kiya? naam-roop mein to nahin phansata hoon? kisko dekh lattu to nahin banta hoon? karmendriyon se koi bekaayde kaam to nahin karta hoon? puraane patit shareer se bilkul love nahin hona chaahiye। woh bhi deh-abhimaan ho jaata hai। anaasakta ho rehna chaahiye। sachcha pyaar ek se, baaki sabse anaasakta pyaar। bhale bachche aadi hain parantu koi mein bhi aasakti na ho। jaante hain yeh jo kuchh bhi dekhte hain, sab khatma ho jaayega। to unse pyaar saara nikal jaata hai। ek mein hi pyaar rahe, baaki naam maatra, anaasakta। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni vritti ko bahut shuddh, pavitra banaana hai। koi bhi bekaayde ulta kaam nahin karna hai। bahut-bahut khabardaar rehna hai। buddhi kahaan par bhi latkaani nahin hai।

2) sachcha pyaar ek baap mein rakhna hai, baaki sabse anaasakta, naam maatra pyaar ho। aatma-abhimaani stage aisi banaani hai jo shareer mein bhi lagaav na rahe।

vardaan:- svaraajya ke sanskaaron dvaara bhavishya raajya adhikaar praapta karne vaali takdeervaan aatma bhav

bahutkaal ke raajya adhikaari banne ke sanskaar bahutkaal bhavishya raajya adhikaari banaayenge। agar baar-baar vasheebhoot hote ho, adhikaari banne ke sanskaar nahin hain to raajya adhikaariyon ke raajya mein rahenge, raajya bhaagya praapta nahin hoga। to knowledge ke darpan mein apne takdeer ki soorat ko dekho। bahut samay ke abhyaas dvaara apne vishesh sahayogi karmachaari va raajya kaarobaari saathiyon ko apne adhikaar se chalaao। raaja bano tab kahenge takdeervaan aatma।

slogan:- sakaash dene ki seva karne ke liye behad ki vairaagya vritti ko emerge karo।