गुरुवार 30 मई 2024 की दैनिक मुरली

30-05-2024 praatahmurli om shanti "baapdaada"' madhuban

“meethe bachche - tumhein pahla-pahla nishchay chaahiye ki hamko padhaane vaala svayan shanti ka saagar, sukh ka saagar baap hai। koi manushya kisi ko sukh-shanti nahin de sakta''

prashn:- sabse oonchi manzil kaun-si hai? us manzil ko paane ka purooshaartha kya hai?

uttar:- ek baap ki yaad pakki ho jaae, buddhi aur koi ki taraph na jaaye, yeh oonchi manzil hai। iske liye aatma-abhimaani banne ka purooshaartha karna pade। jab tum aatma-abhimaani ban jaayenge to sab vikaari khyaalaat khatma ho jaayenge। buddhi ka bhatakna band ho jaayega। deh ke taraph bilkul drishti na jaaye, yeh manzil hai iske liye aatma-abhimaani bhav।

om shanti। roohaani bachchon prati roohaani baap baith samjhaate hain - inko (brahma baba ko) roohaani baap nahin kahenge। aaj ke din ko satguroovaar kehte hain, guroovaar kehna bhool hai। satguroovaar। guru log to bahut dher hain, satguru ek hi hai। bahut hain jo apne ko guru bhi kehte hain, satguru bhi kehte hain। abhi tum bachche samajhte ho - guru aur satguru mein to farka hai। sat arthaat truth। satya ek hi niraakaar baap ko kaha jaata hai, na ki manushya ko। sachcha gyaan to ek hi baar gyaan saagar baap aakar dete hain। manushya, manushya ko kabhi sachcha gyaan de nahin sakte। sachcha hai hi ek niraakaar baap। inka naam to brahma hai, yeh kisi ko gyaan de na saken। brahma mein gyaan kuchh bhi tha nahin। abhi bhi kahenge inmen saara gyaan to hai nahin। sampoorn gyaan to gyaan saagar parampita paramatma mein hi hai। abhi aisa koi manushya hai nahin jo apne ko satguru kahla sake। satguru maana sampoorn satya। tum jab sat ban jaayenge to phir yeh shareer nahin rahega। manushya ko kabhi satguru kah nahin sakte। manushyon mein to paai ki bhi taakat nahin hai। yeh khud kehte hain main bhi tumhaare jaisa manushya hoon, ismen taakat ki baat uth nahin sakti। yeh to baap padhaate hain, na ki brahma। yeh brahma bhi unse padhkar phir padhaate hain। tum brahmaakumaar-kumaariyaan kahlaane vaale bhi parampita paramatma satguru se padhte ho। tumko unse taakat milti hai। taakat ka matlab yeh nahin ki koi ko ghoonsa maaro jo gir pade। nahin, yeh hai roohaani taakat jo roohaani baap dvaara milti hai। yaad ke bal se tum shanti ko paate ho aur padhaai se tumko sukh milta hai। jaise aur teachers tumko padhaate hain, vaise baap bhi padhaate hain। yeh bhi padhte hain, student hain। dehdhaari jo bhi hain ve sabhi student hain। baap ko to deh hai nahin। woh niraakaar hai, vahi aakar padhaate hain। jaise aur student padhte hain vaise tum bhi padhte ho। ismen mehnat ki baat nahin। padhne samay hamesha brahmacharya mein rehte hain। brahmacharya mein padhkar jab poora karte hain tab baad mein vikaar mein girte hain। manushya to manushya jaise hi dekhne mein aate hain। kahenge yeh phalaana aadmi hai, yeh L. L. bi. hai, yeh phalaana officer hai। padhaai par title mil jaata hai। shakla to vahi hai। us jismaani padhaai ko to tum jaante ho। saadhu-santa aadi jo shaastra padhte-padhaate hain, unmein koi badaai nahin, usse koi ko shanti to mil nahin sakti। khud bhi shanti ke liye dhakke khaate hain। jangal mein agar shanti hoti to phir vaapis kyon lautte! mukti ko to koi paata nahin। jo bhi achhe-achhe naameegraami raam krishna paramhans aadi hokar gaye hain, woh bhi sab punarjanma lete-lete neeche hi aaye hain। mukti-jeevanmukti ko koi bhi paate nahin। tamopradhaan banna hi hai। dekhne mein to kuchh nahin aata। koi se poochho - tumko guru se kya milta hai? to kahenge shanti milti hai। parantu milta kuchh bhi nahin। shanti ka arth hi nahin jaante। abhi tum bachche samajhte ho, baba gyaan ka saagar hai, aur koi saadhu, santa, guru aadi shanti ka saagar ho na saken। manushya kisko sachchi shanti de nahin sakte। tum bachchon ko pahle-pahle to nishchay karna hai - shanti ka saagar ek baap hai, jo hamko padhaate hain। srishti ka chakra kaise phirta hai, woh bhi baap ne samjhaaya hai। manushya, manushya ko kabhi sukh-shanti de nahin sakte। yeh (brahma) unka rath hai। tumhaare jaisa student hi hai। yeh bhi grihastha vyavhaar mein rahne vaala tha। sirf baap ko apna rath loan par diya hai, so bhi vaanaprastha avastha mein। tumko samjhaane vaala ek baap hai, woh baap kehte hain sabko nirvikaari banna hai। jo khud nahin ban sakte to phir anek prakaar ki baaten karenge, gaaliyaan bhi denge। samajhte hain hamaara janma-janmaantar ka bhojan jo baap ka varsa mila hua hai, woh chhudaate hain। ab chhudaate to woh behad ka baap hai na। inko bhi usne chhudaaya। bachchon ko bhi bachaane ki koshish ki, jo nikal sake unko nikaala। ab tum bachchon ki buddhi mein hai ki hamko padhaane vaala koi manushya nahin hai। sarvashaktimaan ek hi niraakaar baap ko kaha jaata hai, aur kisko kaha nahin jaata। vahi tumko knowledge de rahe hain। baap hi tumko samjhaate hain। yeh vikaar tumhaara sabse bada dushman hai, inko chhodo। phir jo nahin chhod sakte hain ve kitna jhagda karte hain। maataayen bhi koi-koi aisi nikal padti hain jo vikaar ke liye bada hangaama karti hain।

abhi tum ho sangamayug par। yeh bhi koi nahin jaante ki yeh purooshottam sangamayug hai। baap kitna achhi reeti samjhaate hain। bahut hain jinko poora nishchay hai। koi ko semi nishchay hai, koi ko 100, pratishat, koi ko 10 pratishat bhi hai। ab bhagwan shreemat dete hain - bachche, mujhe yaad karo। yeh hai baap ka bada farmaan। nishchay ho tab to us farmaan par chalen na। baap kehte hain - mere meethe bachchon tum apne ko aatma samajh baap ko yaad karo। inko yaad nahin karna hai। main nahin kehta, baba mere dvaara tumko kehte hain। jaise tum bachche padhte ho to yeh bhi padhta hai। sab student hain। padhaane vaala ek teacher hai। woh sab manushya padhaate hain। yahaan tumko eeshvar padhaate hain। tum aatmaayen padhti ho। tumhaari aatma phir padhaati hai। ismen bahut aatma-abhimaani banna hai। barrister-engineer aatma hi banti hai। aatma ko ab deh-abhimaan aa gaya hai। aatma-abhimaani ke badle deh-abhimaani ban pade hain। jab aatma-abhimaani ho tab vikaari nahin kahla sakte। unko kabhi vikaari khyaal bhi nahin aa sakta। deh-abhimaan se hi vikaari khyaal aate hain। phir vikaar ki hi drishti se dekhte hain। devtaaon ki vikaari drishti kabhi ho nahin sakti। gyaan se phir drishti badal jaati hai। satayug mein aise thode hi pyaar karenge, dance karenge। vahaan pyaar karenge parantu vikaar ki baans nahin hogi। janma-janmaantar vikaar mein gaye hain to woh nasha bahut mushkil utarta hai। baap nirvikaari banaate hain to kai bachchiyaan bilkul majboot ho jaati hain। bas hamko to poora nirvikaari banna hai। ham akele the, akele hi jaana hai। unko koi thoda touch karega to achha nahin lagega। kahenge yeh hamko haath kyon lagaate hain, inmen vikaari baans hai। vikaari hamko touch bhi na kare। is manzil par pahunchna hai। deh taraph bilkul drishti hi na rahe। woh karmaateet avastha abhi banaani hai। abhi tak aisa nahin hai ki sirf aatma ko hi dekhte hain। manzil hai। baap hamesha kehte rehte hain - bachche, apne ko aatma samjho। yeh shareer dum hai, jismen tum part bajaate ho।

kai kehte hain inmen shakti hai। parantu shakti ki koi baat hi nahin। yeh to padhaai hai। jaise aur bhi padhte hain, yeh bhi padhte hain। purity ke liye kitna maatha maarna padta hai। badi mehnat hai isliye baap kehte hain ek-do ko aatma hi dekho। satayug mein bhi tum aatma-abhimaani rehte ho। vahaan to raavan raajya hi nahin, vikaar ki baat nahin। yahaan raavan raajya mein sab vikaari hain isliye baap aakar nirvikaari banaate hain। nahin banenge to saja khaani padegi। aatma pavitra banne bigar oopar ja na sake। hisaab-kitaab chuktu karna padta hai। phir bhi pad kam ho padta hai। yeh raajdhaani sthaapan ho rahi hai। bachche jaante hain svarga mein ek aadi sanaatan devi-devtaaon ka raajya tha। pahle-pahle to zaroor ek raaja-raani honge phir dynasty hogi। praja dher banti hai। usmein avasthaaon mein pharka padega, jinko poora nishchay nahin woh poora padh bhi na saken। pavitra ban na sake। aadhaakalpa ke patit ek janma mein 21 janmon ke liye paavan banen - maasi ka ghar hai kya! mukhya hai hi kaam ki baat। krodh aadi ka itna nahin। kahaan buddhi jaati hai to zaroor baap ko yaad nahin karte hain। baap ki yaad pakki ho jaayegi to phir aur koi ki taraph buddhi nahin jaayegi। bahut oonchi manzil hai। pavitrata ki baat sunkar aag mein jal marte hain। kehte hain yeh baat to kabhi koi ne kahi nahin। koi shaastra mein hai nahin। bada mushkil samajhte hain। woh to hai hi nivritti maarga ka dharma alag। unko to punarjanma le phir bhi sannyaas dharma mein hi jaana hai, vahi sanskaar le jaate hain। tumko to ghar-baar chhodna nahin hai। samjhaaya jaata hai bhal ghar mein raho unhon ko bhi samjhaao - ab hai sangamayug। pavitra banne bigar satayug mein devta ban nahin sakenge। thoda bhi gyaan sunte hain to woh praja banti jaati hai। praja to dher hoti hai na। satayug mein vajeer bhi nahin hote kyonki baap sampoorn gyaani bana dete hain। vajeer aadi chaahiye agyaaniyon ko। is samay dekho ek-do ko maarte kaise hain, dushmani ka svabhaav kitna kada hai। abhi tum samajhte ho ham yeh puraana shareer chhod, jaakar doosra lete hain। koi badi baat hai kya! woh duhkh se marte hain। tumko sukh se baap ki yaad mein jaana hai। jitna mujh baap ko yaad karenge to aur sab bhool jaayenge। koi bhi yaad nahin rahega। parantu yeh avastha tab ho jab pakka nishchay ho। nishchay nahin to yaad bhi thahar nahin sakti। naam maatra sirf kehte hain। nishchay hi nahin to yaad kaahe ko karenge। sabko ek jaisa nishchay to nahin hai na। maaya nishchay se hata deti hai। jaise ke vaise ban jaate hain। pahle-pahle to nishchay chaahiye baap mein। sanshay rahega kya ki yeh baap nahin hai। behad ka baap hi gyaan dete hain। yeh to kehta hai main srishti ke rachayita aur rachna ko nahin jaanta tha। mere ko koi to sunaayega। mainne 12 guru kiye, un sabko chhodna pada। guru ne to gyaan diya nahin। satguru ne achaanak aakar pravesh kiya। samjha, pata nahin kya hona hai। geeta mein bhi hai na, arjun ko bhi saakshaatkaar karaaya। arjun ki baat hai nahin, yeh to rath hai na, yeh bhi pahle geeta padhta tha। baap ne pravesh kiya, saakshaatkaar karaaya ki yeh to baap hi gyaan dene vaala hai, to us geeta ko chhod diya। baap hai gyaan ka saagar। hamko to vahi bataayega na। geeta hai maai baap। woh baap hi hai jisko tvamev maataashcha pita kehte hain। woh rachna rachte, adopt karte hain na। yeh brahma bhi tumhaare jaisa hai। baap kehte hain inki bhi jab vaanaprastha avastha hoti hai tab main pravesh karta hoon। kumaariyaan to hain hi pavitra। unke liye to sahaj hai। shaadi ke baad kitne sambandh badh jaate hain isliye dehi-abhimaani banne mein mehnat lagti hai। vaastav mein aatma shareer se alag hai। parantu aadhaakalpa deh-abhimaani rahe hain। baap aakar antim janma mein dehi-abhimaani banaate hain to mushkil bhaasta hai। purooshaartha karte-karte kitne thode paas hote hain। 8 ratna nikalte hain। apne se poochho - hamaari line clear hai? ek baap ke sivaae aur kuchh yaad to nahin aata hai? yeh avastha pichhaadi mein hogi। aatma-abhimaani banne mein bahut mehnat hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan se apni drishti ka parirvatan karna hai। aatma-abhimaani ban vikaari khyaalaat samaapta karne hain। kisi bhi vikaar ki baans na rahe, deh taraph bilkul drishti na jaaye।

2) behad ka baap hi humein padhaate hain - aisa pakka nishchay ho tab yaad majboot hogi। dhyaan rahe, maaya nishchay se jara bhi hila na de।

vardaan:- seva-bhaav se seva karte hue aage badhne aur badhaane vaale nirvighna sevaadhaari bhav

seva-bhaav saphalta dilaata hai, seva mein agar ahma bhaav aa gaya to usko seva-bhaav nahin kahenge। kisi bhi seva mein agar aham-bhaav mix hota hai to mehnat bhi jyaada, samay bhi jyaada lagta aur svayan ki santushti bhi nahin hoti। sevaabhaav vaale bachche svayan bhi aage badhte aur doosron ko bhi aage badhaate hain। ve sada udti kala ka anubhav karte hain। unka umang-utsaah svayan ko nirvighna banaata aur doosron ka kalyaan karta hai।

slogan:- gyaani tu aatma woh hai jo maheen aur aakarshan karne vaale dhaagon se bhi mukta hai।