गुरुवार 4 जुलाई 2024 की दैनिक मुरली

04-07-2024 praatahmurli om shanti "baapdaada"' madhuban

“meethe bachche - behen-bhaai ke bhi bhaan se nikal bhaai-bhaai samjho to civil aai ban jaayegi, aatma jab civil-ized banen tab karmaateet ban sakti hai''

prashn:- apni khaamiyon ko nikaalne ke liye kaun-si yukti rachni chaahiye?

uttar:- apne characters ka register rakho। usmein roz ka potaamel note karo। register rakhne se apni kamiyon ka maaloom padega phir sahaj hi unhein nikaal sakenge। khaamiyon ko nikaalte-nikaalte us avastha tak pahunchna hai jo ek baap ke sivaae doosra kuchh bhi yaad na rahe। kisi bhi puraani cheez mein mamatva na rahe। andar kuchh bhi maangane ki tamanna na rahe।

om shanti। ek hai maanav buddhi, doosri hai eeshvareey buddhi, phir hogi daivi buddhi। maanav buddhi hai aasuri buddhi। criminal ized hain na। ek hote hain civil-ized, doosre hote hain criminal-ized। devtaayen hain viceless, civil-ized aur yahaan kaliyugi manushya hain vicious criminal-ized। unke khyaalaat hi vicious honge। criminal-ized manushya raavan ki jel mein pade rehte hain। raavan raajya mein sab hain criminal-ized, ek bhi civil-ized nahin hain। abhi tum ho purushottam sangamayug par। abhi baba tumko criminal-ized se badal kar civil-ized bana rahe hain। criminal-ized mein bhi anek prakaar hote hain - koi semi, koi kaise। jab civil-ized ban jaayenge tab karmaateet avastha hogi phir brotherly-eyes (bhaai-bhaai ki drishti) ban jaayegi। aatma, aatma ko dekhti hai, shareer to rehte hi nahin to criminal-ized kaise honge isliye baap kehte hain apne ko behen-bhaai ke bhaan se nikaalte jaao। bhaai-bhaai samjho। yeh bhi badi guhya baat hai। kabhi kiski buddhi mein aa nahin sakti। civil-ized ka arth kisi ki buddhi mein aa nahin sakta। agar aa jaae to oonch pad pa leve। baap samjhaate hain apne ko aatma samjho, shareer ko bhoolna hai। yeh shareer chhodna bhi hai baap ki yaad mein। main aatma baba ke paas ja raha hoon। deh ka abhimaan chhod, pavitra banaane vaale baap ki yaad mein hi shareer chhodna hai। criminal-ized honge to andar mein zaroor khaata rahega। manzil bahut bhaari hai। bhal koi bhi achhe-achhe bachche ho to bhi kuchh na kuchh bhoolen hoti zaroor hain kyonki maaya hai na। karmaateet to koi bhi ho nahin sakta। karmaateet avastha ko pichhaadi mein paayenge tab civil-ized ho sakte hain। phir woh roohaani brotherly lav rehta hai। roohaani brotherly lav bahut achha rehta hai, phir criminal drishti nahin hoti, tab hi oonch pad pa sakenge। baba em object to poori batlaate hain। bachche samajhte hain ki yeh-yeh hamaare mein khaami hai। register jab rakhenge tab khaami ka bhi maaloom padega। ho sakta hai koi register na rakhne se bhi sudhar sakta hai। parantu jo kachche hain unko register zaroor rakhna chaahiye। kachche to bahut hain, koi-koi ko to likhna hi nahin aata hai। avastha tumhaari aisi chaahiye jo aur koi ki yaad nahin aaye। ham aatma bina shareer ke aai, ab ashareeri bankar jaana hai। is par ek kahaani hai - usne kaha tum laathi bhi na uthaao, woh bhi pichhaadi mein yaad aayegi। koi bhi cheez mein mamatva nahin rakhna hai। bahuton ka mamatva puraani vastuon mein rehta hai। kuchh bhi yaad na aaye sivaae baap ke। kitni oonchi manzil hai। kahaan thikriyaan, kahaan shivbaaba ki yaad। maangane ki tamanna nahin honi chaahiye। harek ko kam se kam 6 ghanta service zaroor karni chaahiye। vaise to government ki service 8 ghanta hoti hai parantu paandav government ki service kam se kam 5-6 ghanta zaroor karo। vicious manushya kabhi baba ko yaad nahin kar sakte hain। satayug mein hai viceless world। devi-devtaaon ki mahima gaai jaati hai - sarvagun sampanna, 16 kala sampoorn… tum bachchon ki avastha kitni upraam rahni chaahiye। koi bhi chhi-chhi cheez mein mamatva nahin rehna chaahiye। shareer mein bhi mamatva na rahe, itna yogi banna hai। jab sach-sach aise yogi honge to woh jaise fresh (taaja) rahenge। jitna tum satopradhaan bante jaayenge, khushi ka paara utna chadhta jaayega। 5 hazaar varsha pahle bhi aisi khushi thi। satayug mein bhi vahi khushi hogi। yahaan bhi khushi rahegi phir yahi khushi saath mein le jaayenge। ant mati so gati kaha jaata hai na। abhi ki mat hai phir gati satayug mein hogi। yeh bahut vichaar saagar manthan karna hota hai।

baap to hai hi duhkh harta, sukh karta। tum kehte ho ham baap ke bachche hain to kisko bhi duhkh nahin dena chaahiye। sabko sukh ka raasta bataana chaahiye। yadi sukh nahin dete to zaroor duhkh denge। yeh purushottam sangamayug hai, jabki tum purushaartha karte ho satopradhaan banne ke liye। purushaarthi bhi nambarvaar hote hain। jab bachche achhi service karte hain to baap unki mahima karte hain yeh phalaana bachcha yogi hai। jo serviceable bachche hain woh viceless life mein hain। jisko zara bhi aise-vaise khyaalaat nahin aate hain vahi pichhaadi mein karmaateet avastha ko paayenge। tum brahman hi civil-ized ban rahe ho। manushya ko kabhi devta nahin kaha ja sakta hai। jo criminal-ized hoga woh paap zaroor karega। satayugi duniya pavitra duniya hai। yeh hai patit duniya। yeh arth bhi samajhte nahin hai। jab brahman banen tab samjhen। kehte hain gyaan to bahut achha hai, jab phursat hogi tab aaoonga। baba samajhte hain aayega kabhi bhi nahin। yeh to baap ki insult hui। manushya se devta bante hain to phauran karna chaahiye na। kal par daala to maaya naak se pakad gutter mein daal degi। kal-kal karte kaal kha jaayega। shubh kaarya mein deri nahin karni chaahiye। kaal to sir par khada hai। kitne manushya achaanak mar padte hain। abhi bombs gire to kitne manushya mar jaayenge! earthquake hoti hai na, to pahle thode hi pata padta hai। drama anusaar natural calamities bhi honi hai, jisko to koi jaan nahin sakta। bahut nuksaan ho jaata hai। phir government rail ka kiraaya aadi bhi badha deti hai। manushyon ko to jaana hi pade। khyaal karte rehte hain - kaise aamadni badhaayen jo manushya de saken। anaaj kitna mahanga ho gaya hai। to baap baith samjhaate hain - civil-ized ko kahenge pavitra aatma। yeh to duniya hi criminal-ized hai। tum abhi civil-ized bante ho। mehnat hai, oonch pad paana maasi ka ghar nahin hai। jo bahut civil-ized banenge vahi oonch pad paayenge। tum to yahaan aaye ho nar se naaraayan banne ke liye। parantu jo civil-ized nahin bante, gyaan utha nahin sakte, woh pad bhi kam paayenge। is samay sabhi manushyon ki hai criminal-ized। satayug mein hoti hai civil-ized।

baap samjhaate hain - meethe bachche, tum devi-devta svarga ke maalik banna chaahte ho to bahut-bahut civil-ized bano। apne ko aatma samajh baap ko yaad karo tab 100 pratishat soul conscious ban sakenge। koi ko bhi arth samjhaana hai। satayug mein paap ki koi baat hi nahin hoti। woh hai hi sarvagun sampanna, sampoorn civil-ized। chandravanshi ki bhi do kala kam hoti hain। chandrama ki bhi pichhaadi mein aakar baaki lakeer rehti hai। ekdam nil nahin hoti hai। kahenge praayah lop ho gaya। baadlon mein dikhaai nahin padta। to baap kehte hain tumhaari jyoti bhi bilkul bujh nahin jaati hai, kuchh na kuchh light rehti hai। supreme battery se phir tum power lete ho। khud hi aakar sikhlaate hain ki mere saath tum kaise yog rakh sakte ho। teacher padhaate hain to buddhi-yog teacher ke saath rehta hai na। teacher jo mat denge woh padhenge। ham bhi padhkar teacher athva barrister banenge, ismen kripa va aasheervaad aadi ki baat hi nahin rehti hai। maatha tekne ki bhi darkaar nahin। haan, koi hareeom ya raam-raam karte hain to return mein karna padta hai। yeh ek ijzat deni hoti hai। ahankaar nahin dikhaana hai। tum jaante ho hamko to ek baap ko hi yaad karna hai। koi bhakti chhodte hain to bhi hangaama ho jaata hai। bhakti chhodne vaale ko naastik samajhte hain। unke naastik kahne aur tumhaare kahne mein kitna farka hai। tum kehte ho woh baap ko nahin jaante hain isliye naastik, nidhan ke hain, iseelie sab ladte-jhagadte rehte hain। ghar-ghar mein jhagda-ashaanti hai। krodh ki nishaani hai ashaanti। vahaan kitni apaar shanti hai। manushya kehte hain bhakti mein badi shanti milti hai, parantu woh hai alpakaal ke liye। sada ke liye shanti chaahiye na। tum dhani se nidhanke ban jaate ho tab shanti se phir ashaanti mein aa jaate ho। behad ka baap behad sukh ka varsa dete hain। had ke baap se had ke sukh ka varsa milta hai। woh vaastav mein hai duhkh ka, kaam kataari ka varsa, jismen duhkh hi duhkh hai isliye baap kehte hain - tum aadi-madhya-ant duhkh paate ho।

baap kehte hain mujh patit-paavan baap ko yaad karo, isko kaha jaata hai sahaj yaad aur sahaj gyaan, srishti chakra ka। tum apne ko aadi sanaatan devi-devta dharma ka samjhenge to zaroor svarga mein aayenge। svarga mein sab civil-ized the, deh-abhimaani ko criminal-ized kaha jaata hai। civil-ized mein koi vikaar nahin hota। baap kitna sahaj kar samjhaate hain parantu bachchon ko yeh bhi yaad nahin rehta hai kyonki criminal-ized hain। to chhi-chhi duniya hi unhein yaad padti hai। baap kehte hain is duniya ko bhool jaao। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aisa yogi banna hai jo shareer mein zara bhi mamatva na rahe। koi bhi chhi-chhi cheez mein aasakti na jaaye। avastha aisi upraam rahe। khushi ka paara chadha hua ho।

2) kaal sir par khada hai isliye shubh kaarya mein deri nahin karni hai। kal par nahin chhodna hai।

vardaan:- chatursujaan baap se chaturaai karne ke bajaae mahsoosta shakti dvaara sarva paapon se mukta bhav

kai bachche chatursujaan baap se bhi chaturaai karte hain - apna kaam siddha karne ke liye apna naam achha karne ke liye us samay mahsoos kar lete hain lekin us mahsoosta mein shakti nahin hoti isliye parivartan nahin hota। kai hain jo samajhte hain yeh theek nahin hai lekin sochte hain kahin naam kharaab na ho isliye apne vivek ka khoon karte hain, yeh bhi paap ke khaate mein jama hota hai isliye chaturaai ko chhod sachche dil ki mahsoosta se svayan ko parivartan kar paapon se mukta bano।

slogan:- jeevan mein rehte bhinna-bhinna bandhanon se mukta rehna hi jeevanmukta sthiti hai।