बुधवार 31 जुलाई 2024 की दैनिक मुरली

31-07-2024 praatahmurli om shanti "baapdaada"' madhuban

“meethe bachche - tumhein apna time vesta nahin karna hai, andar mein knowledge ka simran karte raho to nidraajeet ban jaayenge, ubaasi aadi nahin aayegi''

prashn:- tum bachche baap par phida kyon hue ho? phida hone ka arth kya hai?

uttar:- phida hona arthaat baap ki yaad mein sama jaana। jab yaad mein sama jaate ho to aatma roopi battery charge ho jaati hai। aatma roopi battery niraakaar baap se jutti hai, to battery charge ho jaati hai, vikarma vinaash ho jaate hain। kamaai jama ho jaati hai।

om shanti। roohaani baap baith roohaani bachchon ko samjhaate hain, ab yahaan tum shareer ke saath baithe ho। jaante ho mrityulok mein yeh antim shareer hai। phir kya hoga? phir baap ke saath shantidham mein ikatthe honge। yeh shareer nahin hoga phir svarga mein aayenge to nambarvaar purooshaartha anusaar, sab to ikatthe nahin aayenge। yeh raajdhaani sthaapan ho rahi hai। jaise baap shanti ka, sukh ka saagar hai, bachchon ko bhi aisa shanti ka, sukh ka saagar bana rahe hain phir jaakar shantidham mein viraajmaan hona hai। to baap ko, ghar ko aur sukhdhaam ko yaad karna hai। yahaan tum jitna-jitna is avastha mein baithte ho, tumhaare janma-janmaantar ke paap bhasma hote hain, isko kaha jaata hai yogaagni। sannyaasi koi sarvashaktimaan se yog nahin lagaate। woh to rahne ke sthaan brahm se yog lagaate hain। woh hain tatva yogi, brahm athva tatva se yog lagaane vaale। yahaan jeev aatmaon ka khel hota hai, vahaan sweet hom mein sirf aatmaayen rehti hain। us sweet hom mein jaane ke liye saari duniya purooshaartha karti hai। sannyaasi bhi kehte hain ham brahm mein leen ho jaayen। aisa nahin kehte ham brahm mein jaakar nivaas karen। yeh to tum bachche ab samajh gaye ho। bhakti maarga mein kitni khit-khit sunte rehte hain। yahaan to baap aakar sirf do akshar hi samjhaate hain। jaise mantra japte hain na। koi guru ko yaad karte hain, koi kisko yaad karte hain। student teacher ko yaad karte hain। abhi tum bachchon ko sirf baap aur ghar hi yaad hai। baap se tum varsa lete ho shantidham aur sukhdhaam ka। vahi dil mein yaad rehta hai। mukh se kuchh bolna nahin hai। buddhi se tum jaante ho shantidham ke baad hai sukhdhaam। ham pahle mukti mein phir jeevanmukti mein jaayenge। mukti-jeevanmukti daata ek hi baap hai। baap bachchon ko baar-baar samjhaate hain - time vesta nahin karna chaahiye। janma-janmaantar ke paapon ka bojha sir par hai। is janma ke paapon aadi ki to smriti rehti hai। satayug mein yeh baaten hoti nahin। yahaan bachche jaante hain janma-janmaantar ke paapon ka bojha hai। number one hai kaam vikaar ka vikarma, jo janma-janmaantar karte aaye ho aur baap ki ninda bhi bahut ki hai। baap jo sarva ko sadgati dete, unki kitni ninda ki hai। yeh sab dhyaan mein rakhna hai। ab jitna ho sake baap ko yaad karne ka puru-shaartha karna hai। vaastav mein vaah satguru kaha jaata hai, guru bhi nahin। vaah guru ka koi arth nahin। vaah satguru! mukti-jeevanmukti vahi dete hain na। woh guru to anek hain। yeh hai ek satguru। tum logon ne guru to bahut kiye hain। har janma mein 2-4 guru karte hain। guru karke phir aur-aur sthaan par jaate hain। shaayad yahaan se achha raasta mil jaae, trial karte rehte hain aur aur gurooon se। parantu milta kuchh bhi nahin। abhi tum bachche jaante ho yahaan to rehna nahin hai। sabko jaana hai shanti-dhaam। baap tumhaare nimantran par aaye hain। tumko yaad dilaate hain, tumne hamko kaha hai ki aao, hamko patit se paavan banaao। paavan shantidham bhi hai, sukhdhaam bhi hai। bulaate hain hamko ghar le jaao। ghar sabko yaad hai। aatma phat se kahegi hamaara nivaas sthaan paramdham hai। parampita paramatma bhi paramdham mein rehte hain। ham bhi paramdham mein rehte hain।

ab baap ne samjhaaya hai tum par brahaspati ki dasha baithi hui hai। yeh hai behad ki baat। behad ki dasha sab par baithi hai। chakra phirta rehta hai। ham hi sukh se duhkh mein, phir duhkh se sukh mein aate hain। shantidham, sukhdhaam phir yeh duhkhadhaam। yeh bhi ab tum bachche samajhte ho, manushyon ki to buddhi mein nahin baithta। abhi baap jeete ji marna sikhla rahe hain। parvaane shama par phida ho jaate hain। koi us par aashik ho jal jaate hain, phida ho jaate hain, koi phir pheri pahan chale jaate hain। yeh bhi battery hai na, sabka buddhiyog us ek se hai। niraakaar baap se jaise battery lagi hui hai। is aatma ke to bahut nazdeek hai to bahut sahaj hota hai। baap ko yaad karne se tumhaari battery charge hoti jaati hai। tum bachchon ko thodi mushkilaat hoti hai, inko sahaj hai। phir bhi inko purooshaartha to karna padta hai, jitna tum bachchon ko karna padta hai। yeh jitna nazdeek hain, utna phir bojha hai bahut। gaayan bhi hai jinke maathe maamla… inke oopar to bahut maamle hain na। baap to hai hi sampoorn, inko sampoorn banna hai, inko sabki dekh-rekh bahut karni padti hai। bhal donon ikatthe hain to bhi khyaal to hota hai na। bachchiyon par kitni maar padti hai to jaise ki duhkh hota hai। karmaateet avastha to pichhaadi mein hogi, tab tak khyaal hota hai। bachchiyon ki chitthi nahin aati hai to bhi khyaal hota hai - beemaar to nahin hai? service ka samaachaar aane se baap zaroor unko yaad karenge। baba is tan se service karte hain। kabhi murli thodi chalti hai, yoon to bhal 2-4 roz murli na bhi aaye, tumhaare paas points rehti hain। tumko bhi apni diary dekhni chaahiye। badge par bhi tum achha samjha sakte ho। jab aadi sanaatan devi-devta dharma tha to aur koi dharma nahin tha। jhaad bhi zaroor saath mein hona chaahiye। variety dharmon ka raaz samjhaana hota hai। pahle-pahle ek advet dharma tha। vishwa mein shanti, sukh, pavitrata thi। baap se hi varsa milta hai kyonki baap shanti ka saagar, sukh ka saagar hai na। aage tum bhi kuchh nahin jaante the। ab jaise baap ki buddhi mein yeh sab hai, aise tum bhi bante ho। sukh ka, shanti ka saagar tum bhi bante ho। apna potaamel dekhna hai - kis baat mein kami hai? main barobar prem ka saagar hoon, koi aisi chalan to nahin hai jisse koi naaraaz hota ho? apne oopar nazar rakhni hai। aise nahin samajhna hai ki baba aasheervaad karenge to tum yeh ban jaayenge। nahin। baap kehte hain main drama anusaar apne samay par aaya hoon। mera yeh kalpa-kalpa ka programme hai। yeh gyaan doosra koi de na sake। sat baap, sat teacher, satguru ek hi hai। yeh bhi pakka nishchay hai to tumhaari vijay hai। itne anek dharma jo hain, un sabka vinaash hona hi hai। jab satayugi sooryavanshi gharaana tha to aur doosra koi gharaana nahin tha phir bhi aise hi hoga। saara din aise-aise apne se baaten karte raho। gyaan ki points andar tapakni chaahiye, khushi rahni chaahiye। baap mein knowledge hai, woh tumko ab mil rahi hai। usko dhaaran karna hai, ismen time vesta nahin karna chaahiye। raat ko bhi time milta hai। dekhte hain aatma organs se kaam karte-karte thak gai hai to phir so jaati hai। baap tumhaari bhakti maarga ki sab thak door kar athak bana dete hain। jaise raat ko aatma thak jaati hai to shareer se alag ho jaati hai, jisko neend kaha jaata hai। sota kaun hai? aatma ke saath karmendriyaan bhi so jaati hain। to raat ko sote samay bhi baap ko yaad kar aise-aise khyaalaat karte so jaana chaahiye। ho sakta hai pichhaadi mein raat-din tum neend ko jeetne vaale ban jaao। phir yaad mein hi rahenge, bahut khushi rahegi। 84 ke chakra ko phiraate rahenge। ubaasi va pinki (jhutka) aadi nahin aayegi। he neend ko jeetne vaale bachchon, kamaai mein kabhi bhi neend nahin karna hai। jab gyaan mein masta ho jaayenge tab tumhaari avastha woh rahegi। yahaan tum thoda time baithte ho to kabhi ubaasi ya jhutka nahin aana chaahiye। aur aur taraph attention jaane se phir ubaasi aayegi।

tum bachchon ko yeh bhi dhyaan mein rakhna hai ki hamko auron ko bhi aap samaan banaana hai। praja to chaahiye na। nahin to raaja kaise banenge। dhan diye dhan na khute..... doosre ko samjhaayenge, daan dete rahenge to kabhi khutega nahin। nahin to jama nahin hoga। manushya to bahut manhoos bhi hote hain। dhan par bahut ladaai-jhagde ho padte hain। yahaan baap kehte hain tumko ham yeh avinaashi dhan deta hoon to tum phir auron ko dete raho। ismen manhoos nahin banna hai। daan nahin dete hain to goya hai nahin। yeh kamaai aisi hai, ismen ladaai aadi ki baat nahin, isko kaha jaata hai gupta। tum ho incognito warriors। 5 vikaaron ke saath tum ladte ho। tumko unknown warriors kaha jaata hai। pyaadon ka lashkar bahut hota hai। yahaan bhi aise hain, praja bahut hai, baaki captain, major aadi sab hain। tum sena ho, usmein bhi nambarvaar hain। baba samjhenge yeh commander hai, yeh major hai। mahaarthi, ghodesvaar hain na। yeh to baap jaante hain teen prakaar ke samjhaane vaale hain। tum vyaapaar karte ho avinaashi gyaan ratnon ka। jaise woh bhi vyaapaar sikhlaate hain, guru chala jaata hai to uske pichhaadi chele chalaate hain na। woh hai sthool, yeh phir hai sookshm। anek prakaar ke dharma hain। har ek ki apni-apni mat hai। tum bhi jaakar unhon ka sun sakte ho - woh log kya sikhlaate hain, kya-kya sunaate hain। baap to tumhein 84 ke chakra ki kahaani samjhaate hain। tum bachchon ko hi baap aakar varsa dete hain, yeh drama mein noondh hai। abhi kaliyug ant tak yeh aatmaayen aati rehti hain, vriddhi ko paati rehti hain। jab tak baap yahaan hai, sankhya badhti hi jaati hai phir itne sab rahenge kahaan, khaayenge kahaan? sab hisaab rakhna padta hai na। vahaan to itne manushya hote nahin। khaane vaale hi thode, sabki apni kheti rehti hai। anaaj rakhkar kya karenge। vahaan barsaat aadi ke liye yagya aadi nahin karne padte, jaise yahaan karte hain। abhi baap ne yagya racha hai। saari puraani srishti yagya mein svaaha honi hai। yeh hai behad ka yagya। woh log had ke yagya rachte hain barsaat ke liye। barsaat padi to khushi ho gai, yagya ki saphalta hui। nahin hone se anaaj nahin hoga, akaal pad jaata। bhal yagya aadi rachte hain parantu baarish ko nahin padna hai to kya kar sakte hain। aaphten to sab aani hain। moosaldhaar barsaat, arth quake yeh sab hona hai। drama ke chakra ko to tum bachchon ne samjha hai। yeh chakra bhi bahut bada hona chaahiye। advertise bade-bade sthaanon mein lagi hui hogi to bade-bade log padhenge। samajh jaayenge ki ab barobar purooshottam sangamayug hai। kaliyug mein bahut manushya hain। satayug mein thode manushya hote hain। to baaki sab itne zaroor khatma ho jaayenge। shiv jayanti maana hi svarga jayanti, lakshmi-naaraayan jayanti। baat to badi sahaj hai। shiv jayanti manaai jaati hai। woh hai behad ka baap, usne hi svarga ki sthaapna ki thi। kal ki baat hai, tum svargavaasi the। yeh to bahut sahaj baat hai। bachchon ko achhi reeti samajhkar aur sam-jhaana hai। khushi mein bhi rehna hai। abhi ham sadaiv ke liye beemaariyon se chhoot kar 100 percent healthy, wealthy bante hain। baaki thoda samay hai। bhal kitne bhi duhkh, maut aadi honge, tum us samay bahut khushi mein honge। tum jaante ho maut to hona hi hai। kalpa-kalpa ka yeh khel hai। phikraat koi nahin hoti। jo pakke hain woh kabhi haay-haay nahin karenge। manushya koi ka opre-shan aadi dekhte hain to chakkar aa jaata hai। abhi to kitna bada maut hoga। tum bachche samajhte ho yeh sab to hona hi hai। gaayan bhi hai mirooa maut malu ka shikaar.... is puraani duniya mein to bahut duhkh uthaaya hai, ab nai duniya mein jaana hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap se avinaashi gyaan dhan lekar doosron ko daan karna hai। gyaan daan karne mein manhoos nahin banna hai। gyaan ki points andar tapakti rahen। raaja banne ke liye praja zaroor banaani hai।

2) apna potaamel dekhna hai - (ka) main baap samaan prem ka saagar bana hoon?

(kh) kabhi kisi ko naaraaz to nahin karta hoon? (ga) apni chalan par poori nazar hai?

vardaan:- gyaan ke saath gunon ko emerge kar sarvagun sampanna banne vaale gunmoorta bhav

har ek mein gyaan bahut hai, lekin ab aavashyakta hai gunon ko emerge karne ki, isliye vishesh karma dvaara gun daata bano। sankalp karo ki mujhe sada gunmoorta ban sabko gun moorta banaane ke kartavya mein tatpar rehna hai। isse vyartha dekhne, sunne va karne ki phursat nahin milegi। is vidhi se svayan ki va sarva ki kamjoriyaan sahaj samaapta ho jaayengi। to ismen har ek apne ko nimitta avval number samajh sarvagun sampanna banne aur banaane ka example bano।

slogan:- mansa dvaara yogdaan, vaacha dvaara gyaan daan aur karmana dvaara gunon ka daan karo।