गुरुवार 29 अगस्त 2024 की दैनिक मुरली

29-08-2024 praatahmurli om shanti "baapdaada"' madhuban

“meethe bachche - tum yahaan padhaai padhne ke liye aaye ho, tumhein aankh banda karne ki darkaar nahin, padhaai aankh khol-kar padhi jaati hai''

prashn:- bhakti maarga mein kaun-si aadat bhakton mein hoti hai jo ab tum bachchon mein nahin honi chaahiye?

uttar:- bhakti mein kisi bhi devta ki moorti ke aage jaakar kuchh na kuchh maangate rehte hain। unhon mein maangane ki hi aadat pad jaati hai। lakshmi ke aage jaayenge to dhan maagenge, lekin milta kuchh nahin। ab tum bachchon mein yeh aadat nahin, tum to baap ke varse ke adhikaari ho। tum sachche vichitra baap ko dekhte raho, ismen hi tumhaari sachchi kamaai hai।

om shanti। roohaani baap baith roohaani bachchon ko samjhaate hain - yeh paathshaala hai। parantu yahaan koi chitra arthaat dehdhaari ko nahin dekhna hai। yahaan dekhte bhi buddhi us taraph jaani chaahiye jisko koi chitra nahin hai। school mein bachchon ka attention hamesha teacher mein rehta hai kyonki woh padhaate hain to zaroor unka sunna hai phir respond karna hai। teacher prashn poochhega to ishaara karenge na - main bataata hoon। yahaan yeh hai vichitra school kyonki vichitra padhaai hai, jiska koi chitra nahin hai। to padhaai mein aankhe kholkar baithna chaahiye na। school mein teacher ke saamne kabhi aankhe banda karke baithte hain kya! bhakti maarga mein hire hue hain aankhe banda kar maala japna aadi… saadhu log bhi aankhe banda karke baithte hain। woh to stri ko dekhte bhi nahin hain ki kahaan man chalaaymaan na ho jaae। parantu aajkal jamaana hai tamopradhaan। baap tum bachchon ko samjhaate hain - yahaan tum bhal dekhte ho shareer ko parantu buddhi us vichitra ko yaad karne mein rehti hai। aisa koi saadhu santa nahin hoga jo shareer ko dekhte yaad us vichitra ko kare। tum jaante ho is rath mein woh baba hamko padhaate hain। woh bolte hain, karti to sab kuchh aatma hi hai, shareer to kuchh bhi nahin karta। aatma sunti hai। roohaani gyaan va jismaani gyaan sunti sunaati aatma hi hai। aatma jismaani teacher banti hai। shareer dvaara jismaani padhaai padhte hain, woh bhi aatma hi padhti hai। sanskaar achhe va bure aatma hi dhaaran karti hai। shareer to raakh ho jaata hai। yeh bhi koi manushya nahin jaante। unhon ko deh-abhimaan rehta hai - main phalaana hoon, main prime minister hoon। aise nahin kahenge ki ham aatma ne yeh prime minister ka shareer liya hai। yeh bhi tum samajhte ho। sab kuchh aatma hi karti hai। aatma avinaashi hai, shareer sirf yahaan part bajaane ke liye mila hai। ismen agar aatma na hoti to shareer kuchh kar na sake। aatma shareer se nikal jaati to jaise ek loth pada rehta hai। aatma ko in aankhon se dekh nahin sakte। woh to sookshm hai na। to baap kehte hain buddhi se baap ko yaad karo। tumko bhi buddhi mein hai hamko shivbaaba padhaate hain in dvaara। yeh bhi sookshm samajhne ki baaten hain। kai to achhi reeti samajhte hain, kai to zara bhi nahin samajhte, hai bhi sirf yeh baat। alpha maana bhagwan baba। sirf bhagwan va eeshvar kahne se woh baap ka sambandh nahin rehta hai। is samay sab pattharbuddhi hain kyonki rachayita baap aur rachna ke aadi-madhya-ant ko nahin jaante hain। yeh world ki history-geography repeat hoti rehti hai। abhi sangamayug hai, yeh kisko pata nahin hai। tum samajhte ho, aage ham bhi nahin jaante the। baba abhi tumhein yahaan gyaan se shrringaarte hain phir yahaan se baahar jaate ho to maaya dhool mein lathed gyaan shrringaar bigaad deti hai। baap shrringaar to karte hain, parantu apna purooshaartha bhi karna chaahiye। kai bachche mukh se aisa bolte hain jaise jangali, shrringaar jaise ki hua hi nahin hai, sab bhool jaate hain। last number mein jo student baithe rehte hain, unki padhaai mein itni dil nahin lagti hai। haan, factory aadi mein service kar saahookaar ban jaate hain। padha hua kuchh nahin, yeh to bahut oonch padhaai hai। padhaai bigar to bhavishya pad mil nahin sakta hai। yahaan tumko factory aadi mein baithkar koi kaam nahin karna hai, jisse dhanvaan banna hai। yeh to sab kuchh khalaas hona hai। saath mein chalegi sirf avinaashi kamaai। tumko maaloom hai, manushya marte hain to khaali haath jaate hain। saath mein kuchh bhi le nahin jaayenge। tumhaare haath bhartu jaayenge, isko kaha jaata hai sachchi kamaai। yeh sachchi kamaai tumhaari hoti hai 21 janmon ke liye। behad ka baap hi sachchi kamaai karaate hain।

tum bachche dekhte ho is chitra ko, parantu yaad karte ho vichitra baap ko kyonki tum bhi aatma ho to aatma apne baap ko hi dekhti hai। unse padhti hai। aatma ko aur paramatma ko tum dekhte nahin ho, parantu buddhi se jaante ho। ham aatma avinaashi hain। yeh shareer vinaashi hai। yeh baap bhi bhal saamne tum bachchon ko dekhte hain parantu buddhi mein hai ki aatmaon ko samjhaate hain। abhi baap tum bachchon ko jo sikhlaate hain woh sach hi sach hai, ismen jhooth ki ratti nahin। tum sach khanda ke maalik bante ho। yeh hai jhooth khanda। jhooth khanda hai kaliyug, sach khanda hai satayug - raat-din ka pharka hai। satayug mein duhkh ki baat hoti nahin। naam hi hai sukhdhaam। us sukhdhaam ka maalik to behad ka baap hi banaayenge। unka koi chitra nahin, aur sabke chitra hain। unki aatma ka naam phirta hai kya? unka naam hi hai shiv। aur sabko aatma hi aatma kehte। baaki shareer ka naam padta hai। shivling hai niraakaar। gyaan ka saagar, shanti ka saagar..... yeh shiv ki mahima hai। woh baap bhi hai। to baap se zaroor varsa milna hai। rachna ko rachna se varsa nahin milta। varsa rachayita denge apne bachchon ko। apne bachche hote bhaai ke bachchon ko varsa denge kya? yeh bhi behad ka baap apne behad ke bachchon ko varsa dete hain, yeh padhaai hai na। jaise padhaai se manushya barrister aadi bante hain। padhaane vaale se aur padhaai se yog rehta hai। yeh to padhaane vaala hai vichitra। tum bhi aatmaayen vichitra ho। baap kehte hain main aatmaon ko padhaata hoon। tum bhi samjho hamko baap padhaate hain। ek hi baar baap aakar padhaate hain। padhti to aatma hai na। duhkh-sukh aatma bhogti hai, parantu shareer dvaara। aatma nikal jaae to phir bhal shareer ko kitna bhi maaro, jaise mitti ko maarte ho। to baap baar-baar samjhaate hain apne ko aatma samajh baap ko yaad karo। yeh to baba jaante hain nambarvaar dhaarna karte hain। koi to bilkul jaise buddhu hain, kuchh nahin samajhte। gyaan to bada sahaj hai। andha, loola, langada bhi samajh sakte hain kyonki yeh to aatma ko samjhaaya jaata hai na। aatma looli langadi nahin hoti। shareer hota hai। baap kitna achhi reeti baith samjhaate hain, parantu bhakti maarga ki aadat aankh banda karke baithne ki padi hui hai to yahaan bhi aankhe banda kar baithte hain। jaise matvaale। baap kehte hain aankhe banda na karo। saamne dekhte hue bhi buddhi se baap ko yaad karo tab hi vikarma vinaash honge। kitna sahaj hai, phir bhi kehte baba ham yaad nahin kar sakte hain। are, laukik baap jisse had ka varsa milta hai, unko to marne tak bhi yaad karte, yeh to sab aatmaon ka behad ka baap hai, unko tum yaad nahin kar sakte ho। jis baap ko bulaate bhi hain O god father, guide me। vaastav mein yeh kehna bhi wrong hai। baap sirf ek ka to guide nahin hai। woh to behad ka guide hai। ek ko thode hi liberate karenge। baap kehte hain main sabki aakar sadgati karta hoon। main aaya hi hoon sabko shantidham bhej dene। yahaan maangane ki darkaar nahin। behad ka baap hai na। woh to had mein aakar me-me karte rehte hain। he paramatma mujhe sukh do, duhkh mitaao। ham paapi neench hain, aap raham karo। baap kehte hain main behad ki puraani srishti ko naya banaane aaya hoon। nai srishti mein devta rehte hain, main har 5 hazaar varsha baad aata hoon। jabki tum poore patit ban jaate ho। yeh hai hi aasuri sampradaay। satguru to ek hi hai sach bolne vaala। vahi baap bhi hai, teacher bhi hai, satguru bhi hai। baap kehte hain - yeh maataayen hi svarga ka dvaar kholne vaali hain। likha hua bhi hai - get ve tu heaven। parantu yeh bhi manushya samajh thode hi sakte hain। narka mein pade hain na tab to bulaate hain। ab baba tumko svarga mein jaane ka raasta bataate hain। baap kehte hain main aata hi hoon patiton ko paavan banaane aur vaapis le jaane। ab apne ko aatma samajh baap ko yaad karo to tumhaare paap kat jaayenge। sabko ek hi baat sunaao ki baap kehte hain maaya jeet jagatjeet bano। main tum sabko jagat ka maalik banaane ka raasta bataata hoon, phir lakshmi ki deepmaala par pooja karte hain, unse dhan maangate hain, aise nahin kehte health achhi karo, aayu badi karo। tum to baap se varsa lete ho। aayu kitni badi ho jaati hai। abhi health, wealth, happiness sab de dete hain। woh to lakshmi se sirf thikriyaan maangate hain, woh bhi milti thode hi hain। yeh ek aadat pad gai hai। devtaaon ke aage jaayenge bheekh maangane। yahaan to tumko baap se kuchh bhi maangana nahin hai। tumko to baap kehte hain maamekam yaad karne se maalik ban jaayenge aur srishti chakra ko jaanne se chakravarti raaja ban jaayenge। daivi gun bhi dhaaran karne hain, ismen kuchh bolne ki darkaar nahin rehti। jabki baap se svarga ka varsa milta hai। abhi tum inki pooja karenge kya! tum jaante ho ham khud hi yeh bante hain phir in 5 tatvon ki kya pooja karenge। hamko vishwa ki baadshaahi milti hai to yeh kya karenge। abhi tum mandir aadi mein nahin jaayenge। baap kehte hain yeh sab bhakti maarga ki saamagri hai। gyaan mein to hai ek akshar - maamekam yaad karo। bas yaad se tumhaare paap kat jaayenge, satopradhaan ban jaayenge। tum hi sarvagun sampanna the phir banna pade। yeh bhi samajhte nahin। pattharbuddhiyon se baap ko kitna maatha maarna padta hai। yeh nishchay hona chaahiye। yeh baaten koi bhi saadhu santa aadi bata na saken, sivaae ek baap ke। yeh koi eeshvar thode hi hai। yeh to bahut janmon ke ant mein hai। main pravesh hi unmein karta hoon, jisne poore 84 janma liye hain, gaanvade ka chhora tha phir shyaam sundar bante hain। yeh to poora gaanvade ka chhora tha। phir jab kuchh saadhaaran bana, to baba ne pravesh kiya kyonki itni bhatthi banni thi। inhon ko khilaayenge kaun? to zaroor saadhaaran bhi chaahiye na। yeh sab samajhne ki baaten hain। baap khud kehte hain main inke bahut janmon ke ant mein pravesh karta hoon jo sabse patit bana hai, phir paavan bhi wahin banenge। 84 janma isne liye hain, tatatvam। ek to nahin, bahut hain na। sooryavanshi-chandravanshi banne vaale hi yahaan aate hain nambarvaar purooshaartha anusaar। baaki thahar nahin sakenge। deri se aane vaale gyaan bhi thoda sunenge। phir deri se hi aayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap jo gyaan shrringaar karte hain, use kaayam rakhne ka purooshaartha karna hai। maaya ki dhool mein gyaan shrringaar bigaadna nahin hai। padhaai achhi reeti padhkar avinaashi kamaai karni hai।

2) is chitra arthaat dehdhaari ko saamne dekhte hue buddhi se vichitra baap ko yaad karna hai। aankhe banda kar baithne ki aadat nahin daalni hai। behad ke baap se kuchh bhi maangana nahin hai।

vardaan:- samay ke mahatva ko jaan fast so first aane vaale teevra gati ke purushaarthi bhav

avyakt part mein aai hui aatmaon ko last so fast, fast so first aane ka vardaan praapta hai। to samay ke mahatva ko jaan mile hue vardaan ko swaroop mein laao। yeh avyakt paalna sahaj hi shaktishaali banaane vaali hai isliye jitna aage badhna chaaho, badh sakte ho। baapdaada aur nimitta aatmaon ki sarva ke prati sada aage udne ki duaayen hone ke kaaran teevra gati ke purushaartha ka bhaagya sahaj mila hua hai।

slogan:- “niraakaar so saakaar'' ke mahaamantra ki smriti se nirantar yogi bano।