शनिवार 7 सितंबर 2024 की दैनिक मुरली

07-09-2024 praatahmurli om shanti "baapdaada"' madhuban

“meethe bachche - gyaan ka teesra netra sada khula rahe to khushi mein romaanch khade ho jaayenge, khushi ka paara sada chadha rahega''

prashn:- is samay manushyon ki nazar bahut kamzor hai isliye unko samjhaane ki yukti kya hai?

uttar:- baba kehte unke liye tum aise-aise bade chitra banaao jo woh door se hi dekhkar samajh jaaen। yeh gole ka (srishti chakra ka) chitra to bahut bada hona chaahiye। yeh hai andhon ke aage aaina।

prashn:- saari duniya ko svachchha banaane mein tumhaara madadgaar kaun banta hai?

uttar:- yeh natural calamities tumhaari madadgaar banti hai। is behad ke duniya ki saphaai ke liye zaroor koi madadgaar chaahiye।

om shanti। gaayan bhi hai baap se ek second mein varsa arthaat jeevanmukti। aur to sab hain jeevanbandh mein। yeh ek hi trimoorti aur gole vaala chitra jo hai, bas yahi mukhya hai। yeh bahut bada-bada hona chaahiye। andhon ke liye to bada aaina chaahiye, jo achhi tarah dekh saken kyonki abhi sabki nazar kamzor hai, buddhi kam hai। buddhi kaha jaata hai teesre netra ko। tumhaari buddhi mein ab khushi hui hai। khushi mein jinke romaanch khade nahin hote hain, goya shivbaaba ko yaad nahin karte hain to kahenge gyaan ka teesra netra thoda khula hai, jhunjhaar hai। baap samjhaate hain koi ko bhi short mein samjhaana hai। bade-bade mele aadi lagte hain, bachche jaante hain service karne liye vaastav mein ek chitra hi bas hai। bhal gole ka chitra ho to bhi harja nahin hai। baap, drama aur jhaad ka athva kalpa vriksha ka aur 84 ke chakra ka raaz samjhaate hain। brahma dvaara baap ka yeh varsa milta hai। yeh bhi achhi reeti clear hai। is chitra mein sab aa jaata hai aur itne sab chitron ki darkaar hi nahin hai। yahi do chitra bahut bade-bade aksharon ke hon। likhat bhi ho। jeevanmukti god father ka birth right hai, hovanhaar vinaash ke pahle। vinaash bhi zaroor hona hi hai। drama ke plan anusaar aapehi sab samajh jaayenge। tumhaare samjhaane ki bhi darkaar nahin rahegi। behad ke baap se behad ka yeh varsa milta hai। yeh to bilkul pakka yaad rehna chaahiye। parantu maaya tumse bhula deti hai। samay beetta jaata hai। gaayan bhi hai na - bahut gai… inka arth is samay ka hi hai। baaki thoda samay hi raha hai। sthaapna to ho hi rahi hai, vinaash mein thoda samay hai। thode mein bhi thodi rehti jaayegi। vichaar kiya jaata hai phir kya hoga? abhi to jaagte nahin। peechhe jaagte jaayenge। aankhe badi hoti jaayengi। yeh aankhe nahin, buddhi ki aankh। chhote-chhote chitron se itna maja nahin aata hai। bade-bade ban jaayenge। science bhi kitni madad deti hai। vinaash mein tatva bhi madad karte hain। bigar kaudi kharche tumko kitni madad dete hain। tumhaare liye bilkul saphaaya kar dete hain। yeh bilkul chhi-chhi duniya hai। ajmer mein svarga ka yaadgaar hai। yahaan delvaada mandir mein sthaapna ka yaadgaar hai, parantu kuchh samajh thode hi sakte hain। abhi tum samajhdaar bane ho। bhal manushya kehte hain ham nahin jaante ki vinaash ho jaayega, samajh mein nahin aata। ek kahaani hai na - sher aaya, sher aaya। nahin maante the। ek din sab gaayen kha gaya। tum bhi kehte rehte ho yeh puraani duniya gai ki gai। bahut gayi thodi rahi…।

yeh saari knowledge tum bachchon ki buddhi mein rahni chaahiye। aatma hi dhaarna karti hai। baap ki bhi aatma mein gyaan hai, woh jab shareer dhaaran karte hain tab gyaan dete hain। zaroor unmein knowledge hai tab to knowledgeful god father kaha jaata hai। woh saare srishti ke aadi-madhya-ant ko jaante hain। apne ko to jaante hain na। aur srishti chakra kaise phirta hai woh bhi knowledge hai isliye angreji mein knowledgeful akshar bahut achha hai। manushya srishti roopi jhaad ka beejroop hai to unko saari knowledge hai। tum yeh jaante ho nambarvaar purooshaartha anusaar। shivbaaba to hai hi knowledgeful। yeh achhi reeti buddhi mein rehna chaahiye। aise nahin, sabki buddhi mein ekras dhaarna hoti hai। bhal likhte bhi hain parantu dhaarna kuchh nahin। naam maatra likhte hain, bata kisko bhi nahin sakenge। sirf kaagaz ko bataate hain। kaagaz kya karenge! kaagaz se to koi samjhenge nahin। is chitra se bahut achha samjhenge। bade te badi knowledge hai to akshar bhi bade-bade hone chaahiye। bade te bade chitra dekh manushya samjhenge inmen zaroor kuchh saar hai। sthaapna aur vinaash bhi likha hua hai। raajdhaani ki sthaapna, yeh hai god fatherly birth right। har ek bachche ka hak hai jeevanmukti। to bachchon ki buddhi chalni chaahiye ki sab jeevanbandha mein hain, inhen jeevan-bandha se jeevanmukta mein kaise le jaayen? pahle shantidham mein jaayenge phir sukhdhaam mein। sukhdhaam ko jeevanmukti kahenge। yeh chitra khaas bade-bade banne chaahiye। mukhya chitra hain na। bahut bade-bade akshar ho to manushya kahenge bi.ke. ne itne bade chitra banaaye hain, zaroor kuchh knowledge hai। to jahaan-tahaan tumhaare bhi bade-bade chitra lage hue hon to poochhenge yeh kya hai? bolo, itne bade chitra tumhaare samajhne ke liye banaaye hain। ismen clear likha hua hai, behad ka varsa inhon ko tha। kal ki baat hai, aaj woh nahin hai kyonki 84 punarjanma lete-lete neeche aa gaye hain। satopradhaan se tamopradhaan to banna hi hai। gyaan aur bhakti, poojya aur pujaari ka khel hai na। aadha-aadha mein bilkul poora khel bana hua hai। to aise bade-bade chitra banaane ki himmat chaahiye। service ka bhi shauk chaahiye। dehli ke to kone-kone mein service karni hai। mele malaakhde mein to bahut log jaate hain vahaan tumko yeh chitra hi kaam mein aayenge। trimoorti, gola yeh hai mukhya। yeh bahut achhi cheej hai, andhe ke aage jaise aaina hai। andhon ko padhaaya jaata hai। padhti to aatma hai na। parantu aatma ke organs chhote hain, to unko padhaane ke liye chitra aadi dikhaaye jaate hain। phir thode bade hote hain to duniya ka naksha dikhaate hain। phir woh saara naksha buddhi mein rehta hai। abhi tumhaari buddhi mein saara yeh drama ka chakra hai, itne sab dharma hain, kaise-kaise nambarvaar aate hain, phir chale jaayenge। vahaan to ek hi aadi sanaatan devi-devta dharma hai, jisko svarga heaven kehte hain। baap ke saath yog lagaane se aatma patit se paavan ban jaayegi। bhaarat ka praacheen yog mashhoor hai। yog arthaat yaad। baap bhi kehte hain mujh baap ko yaad karo। yeh kehna padta hai। laukik baap ko koi kehna nahin padta hai ki mujhe yaad karo। bachche automatically baba-mama kehte rehte hain। woh hai laukik maat-pita, yeh hai paarlaukik, jiska gaayan hai - tumhari kripa te sukh ghanere। jinko duhkh hai, vahi gaate hain। sukh mein to kahne ki darkaar hi nahin rehti। duhkh mein hain tab pukaarte hain। abhi tum samajh gaye ho yeh maat-pita hai। baap kehte hain na - din-pratidin tumko guhya-guhya baaten sunaata hoon। aage maaloom tha kya ki maat-pita kisko kaha jaata hai? abhi tum jaante ho pita to unko hi kaha jaata hai। pita se varsa milta hai brahma dvaara। maata bhi chaahiye na kyonki bachchon ko adopt karna hai। yeh baat kiske bhi dhyaan mein nahin aayegi। to baba ghadi-ghadi kehte hain - meethe-meethe bachchon, baap ko yaad karte raho। lakshya mil gaya phir bhal kahaan bhi jaao। vilaayat mein jaao, 7 roz course kiya to bahut hai। baap se to varsa lena hi hai। yaad se hi aatma paavan banegi। svarga ka maalik banenge। yeh lakshya to buddhi mein hai phir bhal kahaan bhi jaayen। saara gyaan geeta ka is badge mein hai। koi ko poochhne ki bhi darkaar nahin rahegi ki kya karna hai। baap se varsa lena hai to zaroor baap ko yaad karna hai। tumne yeh varsa baap se anek baar liya hai। drama ka chakra repeat hota rehta hai na। anek baar tum teacher se padh karke koi na koi pad praapta karte ho। padhaai mein buddhiyog teacher ke saath rehta hai na। imtahaan chaahe chhota ho, chaahe bada ho, padhti to aatma hai na। inki bhi aatma padhti hai। teacher ko aur phir em object ko yaad karna hai। srishti ka chakra bhi buddhi mein rakhna hai। baap aur varse ko yaad karna hai। daiveegun bhi dhaaran karne hain। jitna dhaarna karenge utna oonch pad paayenge। achhi reeti yaad karte rehte hain phir yahaan aane ki bhi kya darkaar hai। parantu phir bhi aate hain। aisa oonch baap, jisse itna behad ka varsa milta hai, unse milkar to aaven। mantra lekar sab aate hain। tumko to bahut bhaari mantra milta hai। knowledge to saari achhi reeti buddhi mein hai।

abhi tum bachche samajhte ho ki vinaashi kamaai ke peechhe jaasti time vesta nahin karna hai। woh to sab mitti mein mil jaayega। baap ko kuchh chaahiye kya? kuchh bhi nahin। kuchh bhi kharcha aadi karte hain so to apne liye hi karte hain। ismen paai ka bhi kharcha nahin hai। koi gole va tank aadi to khareed nahin karne hain ladaai ke liye। kuchh bhi nahin hai। tum ladte hue bhi saari duniya se gupta ho। tumhaari ladaai dekho kaisi hai। isko kaha jaata hai yogbal, saari gupta baat hai। ismen koi ko maarne ki darkaar nahin hai। tumko sirf baap ko yaad karna hai। in sabka maut drama mein noondha hua hai। har 5 hazaar varsha baad tum yogbal jama karne ke liye padhaai padhte ho। padhaai poori hui phir praalabdha chaahiye nai duniya mein। puraani duniya ke liye yeh natural calamities hai। gaayan bhi hai na - apne kul ka vinaash kaise karte hain। kitna bada kul hai। saara Europe aa jaata hai। yeh bhaarat to alag kone mein hai। baaki sab khalaas ho jaane hain। yogbal se tum saare vishwa par vijay paate ho, pavitra bhi banna hai in lakshmi-naaraayan jaisa। vahaan criminal aai hi nahin। aage chalkar tumko bahut saakshaatkaar honge। apne desh ke nazdeek aane se phir jhaad dikhaai padte hain na। to khushi hoti hai - ab aakar pahunche hain apne ghar ke nazdeek। tum bhi ghar chal pade ho phir apne sukhdhaam aayenge। baaki thoda samay hai, svarga se vidaai liye kitna samay ho gaya hai। ab phir svarga nazdeek aa raha hai। tumhaari buddhi chali jaati hai oopar। woh hai niraakaari duniya, jisko brahmaanda bhi kehte hain। ham vahaan ke rahne vaale hain। yahaan 84 ka part bajaaya। abhi ham jaate hain। tum bachche ho all-round, shuru se lekar poore 84 janma lene vaale ho। deri se aane vaale ko all-rounder nahin kahenge। baap ne samjhaaya hai - maximum aur minimum kitne janma lete ho? ek janma tak bhi hai। pichhaadi mein sab chale jaayenge vaapis। naatak poora hua, khel khalaas। ab baap samjhaate hain - mujhe yaad karo, ant mati so gati ho jaayegi। baap ke paas paramdham mein chale jaayenge। unko kehte hain muktidhaam, shantidham aur phir sukhdhaam। yeh hai duhkhadhaam। oopar se har ek satopradhaan phir sato, rajo, tamo mein aate hain। ek janma hoga to usmein bhi in 4 stages ko paayenge। kitna achha bachchon ko baith samjhaate hain, phir bhi yaad nahin karte। baap ko bhool jaate hai, nambarvaar to hain na। bachche jaante hain nambarvaar purooshaartha anusaar roodra maala banti hai। kitne karod ki roodra maala hai। behad ke vishwa ki yeh maala hai। brahma so vishnu, vishnu so brahma, donon ka surname dekho, yeh prajaapita brahma ka naam hai। aadhaakalpa phir aata hai raavan। Deityism, phir Islamism.......। Adam-beebi ko bhi yaad karte hain, paradise ko bhi yaad karte hain। bhaarat paradise svarga tha, bachchon ko khushi to bahut honi chaahiye। behad ka baap, oonche te oonch bhagwan, oonche te oonch padhaate hain। oonch te oonch pad milta hai। sabse oonch te oonch teacher hai baap। woh teacher bhi hai phir saath le jaayenge to satguru bhi hai। aisa baap kyon nahin yaad rahega। khushi ka paara chadha rehna chaahiye। parantu yuddha ka maidaan hai, maaya thaharne nahin deti hai। ghadi-ghadi gir padte hain। baap to kehte hain - bachche, yaad se hi tum maayaajeet banenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap jo sikhlaate hain use amal mein laana hai, sirf kaagaz par note nahin karna hai। vinaash ke pahle jeevanbandha se jeevanmukta pad praapta karna hai।

2) apna time vinaashi kamaai ke peechhe adhik vesta nahin karna hai kyonki yeh to sab mitti mein mil jaana hai isliye behad ke baap se behad ka varsa lena hai aur daiveegun bhi dhaaran karne hain।

vardaan:- yogbal dvaara maaya ki shakti par jeet praapta karne vaale sada vijayi bhav

gyaan bal aur yog bal sabse shreshtha bal hai। jaise science ka bal andhakaar par vijay praapta kar roshni kar deta hai। aise yogbal sada ke liye maaya par jeet praapta kar vijayi bana deta hai। yogbal itna shreshtha bal hai jo maaya ki shakti iske aage kuchh bhi nahin hai। yogbal vaali aatmaayen svapna mein bhi maaya se haar nahin kha sakti। svapna mein bhi koi kamjori aa nahin sakti। aisa vijay ka tilak aapke mastak par laga hua hai।

slogan:- number one mein aana hai to vyartha ko samartha mein parivartan kar do।