सोमवार 4 नवंबर 2024 की दैनिक मुरली

04-11-2024 praatahmurli om shanti "baapdaada"' madhuban

“meethe bachche - apni khaamiyaan nikaalni hain to sachche dil se baap ko sunaao, baba tumhein kamiyon ko nikaalne ki yukti bataayenge''

prashn:- baap ki current kin bachchon ko milti hai?

uttar:- jo bachche eemaandaari se surgeon ko apni beemaari suna dete hain, baba unhein drishti deta। baba ko un bachchon par bahut taras padta hai। andar mein aata is bachche ka yeh bhoot nikal jaaye। baba unhein current deta hai।

om shanti। baap bachchon se poochhte rehte hain। har ek bachche ko apne se poochhna hai ki baap se kuchh mila? kis-kis cheez mein kami hai? har ek ko apne andar jhaankana hai। jaise naarad ka misaal hai, unko kaha tum apni shakla aaine mein dekho - lakshmi ko varne laayak hai? to baap bhi tum bachchon se poochhte hain - kya samajhte ho, lakshmi ko varne laayak bane ho? agar nahin to kya-kya khaamiyaan hain? jinko nikaalne ke liye bachche purooshaartha karte hain। khaamiyon ko nikaalne ka purooshaartha karte va karte hi nahin hain? koi-koi to purooshaartha karte rehte hain। naye-naye bachchon ko yeh samjhaaya jaata hai - apne andar mein dekho koi khaami to nahin hai? kyonki tum sabko perfect banna hai। baap aate hi hain perfect banaane ke liye isliye em object ka chitra bhi saamne rakha hai। apne andar se poochho ham in jaise perfect bane hain? woh jismaani vidya padhaane vaale teacher aadi to is samay sab vikaari hain। yeh (lakshmi-naaraayan) sampoorn nirvikaariyon ka sample hai। aadhaakalpa tumne inhon ki mahima ki hai। to ab apne se poochho - hamaare mein kya-kya khaamiyaan hain, jinko nikaal ham apni unnati karen? aur baap ko bataaven ki baba yeh khaami hai, jo hamse nikalti nahin hai, koi upaay bataao। beemaari surgeon dvaara hi chhoot sakti hai। koi-koi naayab surgeon bhi hoshiyaar hote hain। doctor se compounder seekhte hain। hoshiyaar doctor ban jaate hain। to eemaandaari se apni jaanch karo - mere mein kya-kya khaamiyaan hai? jis kaaran main samajhta hoon - yeh pad pa nahin sakoonga। baap to kahenge na - tum in jaisa ban sakte ho। khaamiyaan bataayen tab baba raay de। beemaariyaan to bahut hain। bahuton mein khaamiyaan hain। koi mein bahut krodh hai, lobh hai… unhein gyaan ki dhaarna nahin ho sakti hai, jo koi ko dhaarna kara saken। baap roz bahut samjhaate hain। vaastav mein itni samjhaane ki jaroorat hi nahin dikhti। mantra ka arth baap samjha dete hain। baap to ek hi hai। behad ke baap ko yaad karna hai aur unse yeh varsa paakar hamko aisa banna hai। aur school mein 5 vikaaron ko jeetne ki baat hi nahin hoti। yeh baat abhi hi hoti hai jo baap aakar samjhaate hain। tumhaare mein jo bhoot hain, jo duhkh dete hain, unka varnan karenge to unko nikaalne ki baap yukti bataayenge। baba yeh-yeh bhoot hamko tang karte hain। bhoot nikaalne vaale ke aage varnan kiya jaata hai na। tumhaare mein koi woh bhoot nahin। tum jaante ho yeh 5 vikaaron roopi bhoot janma-janmaantar ke hain। dekhna chaahiye hamaare mein kya bhoot hain? usko nikaalne liye phir raay leni chaahiye। aankhen bhi bahut dhokha dene vaali hain, isliye baap samjhaate hain apne ko aatma samajh doosre ko bhi aatma samajhne ki practice daalo। is yukti se tumhaari yeh beemaari nikal jaayegi। ham sab aatmaayen to aatma bhaai-bhaai thahre। shareer to hai nahin। yeh bhi jaante ho ham aatmaayen sab vaapis jaane vaali hain। to apne ko dekhna hai ham sarvagun sampanna bane hain? nahin to hamaare mein kya avgun hain? to baap bhi us aatma ko baith dekhte hain, inmen yeh khaami hai to unko current denge। is bachche ka yeh vighna nikal jaae। agar surgeon se hi chhipaate rahenge to kar hi kya sakte? tum apne avgun bataate rahenge to baap bhi raay denge। jaise tum aatmaayen baap ko yaad karti ho - baba, aap kitne meethe ho! hamko kya se kya bana dete ho! baap ko yaad karte rahenge to bhoot bhaagte rahenge। koi na koi bhoot hai zaroor। baap surgeon ko bataao, baba hamko inki yukti bataao। nahin to bahut ghaata pad jaayega, sunaane se baap ko bhi taras padega - yeh maaya ke bhoot inko tang karte hain। bhooton ko bhagaane vaala to ek hi baap hai। yukti se bhagaate hain। samjhaaya jaata hai - in 5 bhooton ko bhagaao। phir bhi sab bhoot nahin bhaagte hain। koi mein vishesh rehta hai, koi mein kam। parantu hai zaroor। baap dekhte hain inmen yeh bhoot hai। drishti dete samay andar chalta hai na। yeh to bahut achha bachcha hai aur to sab inmen achhe-achhe gun hain parantu bolte kuchh nahin hain, kisko samjha nahin sakte hain। maaya ne jaise gala banda kar diya hai, inka gala khul jaae to auron ki bhi service karne lag paden। doosre-doosre ki service mein apni service, shivbaaba ki service nahin karte hain। shivbaaba khud service karne aaye hain, kehte hain in janma-janmaantar ke bhooton ko bhagaana hai।

baap baith samjhaate hain yeh bhi jaante ho jhaad dheere-dheere vriddhi ko paata hai। patte jhadte rehte hain। maaya vighna daal deti hai। baithe-baithe khyaal badli ho jaate hain। jaise sannyaasiyon ko ghrina aati hai to ekdam gum ho jaate hain। na koi kaaran, na koi baatcheet। connection to sabka baap ke saath hai। bachche to nambarvaar hain। woh bhi baap ko sach bataayen to woh khaamiyaan nikal sakti hain aur oonch pad pa sakte hain। baap jaante hain kai na batlaane ke kaaran apne ko bahut ghaata daalte hain। kitna bhi samjhaao parantu woh kaam karne lag padte hain। maaya pakad leti hai। maaya roopi ajigar hai, sabko pet mein daal baithi hai। duban mein gale tak phans pade hain। baap kitna samjhaate hain। aur koi baat nahin sirf bolo do baap hain। ek laukik baap to sadaiv milta hi hai, satayug mein bhi milta hai to kaliyug mein bhi milta hai। aise nahin ki satayug mein phir paarlaukik baap milta hai। paarlaukik baap to ek hi baar aate hain। paarlaukik baap aakar narka ko svarga banaate hain। unki bhakti maarga mein kitni pooja karte hain। yaad karte hain। shiv ke mandir to bahut hain। bachche kehte hain service nahin hai। are, shiv ke mandir to jahaan tahaan hain, vahaan jaakar tum poochh sakte ho, inko kyon poojte ho? yeh shareerdhaari to hai nahin। yeh hain kaun? kahenge paramatma। in bigar aur koi ko kahenge nahin। to bolo yeh paramatma baap hai na। unko khuda bhi kehte hain, allaah bhi kehte hain। aksar karke parampita paramatma kaha jaata hai, unse kya milne ka hai, yeh kuchh pata hai? bhaarat mein shiv ka naam to bahut lete hain shiv jayanti tyohaar bhi manaate hain। koi ko bhi samjhaana bahut sahaj hai। baap bhinna-bhinna prakaar se samjhaate to bahut rehte hain। tum kiske paas bhi ja sakte ho। parantu bahut thandaai se, namrata se baat karni hai। tumhaara naam to bhaarat mein bahut phaila hua hai। thodi bhi baat karenge to jhat samajh jaayenge - yeh bi.ke. hain। gaanv aadi taraph to bahut innocent hain। to mandiron mein jaakar service karna bahut sahaj hai। aao to ham tumko shivbaaba ki jeevan kahaani sunaaven। tum shiv ki pooja karte ho, unse kya maangate ho? ham to aapko inki poori jeevan kahaani bata sakte hain। doosre din phir lakshmi-naaraayan ke mandir mein jaao। tumhaare andar mein khushi rehti hai। bachche chaahte hain gaanvadon mein service karen। sabki apni-apni samajh hai na। baap kehte hain pahle-pahle jaao shivbaaba ke mandir mein। phir lakshmi-naaraayan ke mandir mein jaakar poochho - inhon ko yeh varsa kaise mila hua hai? aao to ham aapko in devi-devtaaon ke 84 janmon ki kahaani sunaayen। gaanv vaalon ko bhi jagaana hai। tum jaakar pyaar se samjhaayenge। tum aatma ho, aatma hi baat karti hai, yeh shareer to khatma ho jaane vaala hai। ab ham aatmaon ko paavan ban baap ke paas jaana hai। baap kehte hain mujhe yaad karo। to sunne se hi unko kashish hogi। jitna tum dehi-abhimaani honge utna tumhaare mein kashish aayegi। abhi itna is deh aadi se, puraani duniya se poora vairaagya nahin aaya hai। yeh to jaante ho yeh puraana chola chhodna hai, inmen kya mamatva rakhna hai। shareer hote shareer mein koi mamatva nahin hona chaahiye। andar mein yahi taat rahe - ab ham aatmaayen paavan bankar apne ghar jaayen। phir yeh bhi dil hoti hai - aise baba ko kaise chhode? aisa baba to phir kabhi milega nahin। to aise-aise khyaal karne se baap bhi yaad aayega, ghar bhi yaad aayega। ab ham ghar jaate hain। 84 janma poore hue। bhal din mein apna dhandha aadi karo। grihastha vyavhaar mein to rehna hi hai। usmein rehte hue bhi tum buddhi mein yeh rakho ki yeh to sab kuchh khatma ho jaana hai। abhi hamko vaapis apne ghar jaana hai। baap ne kaha hai - grihastha vyavhaar mein bhi zaroor rehna hai। nahin to kahaan jaayenge? dhandha aadi karo, buddhi mein yeh yaad rahe। yeh to sab kuchh vinaash hone ka hai। pahle ham ghar jaayenge phir sukhdhaam mein aayenge। jo bhi time milen apne se baaten karni chaahiye। bahut time hai, 8 ghanta dhandha aadi karo। 8 ghanta aaraam bhi karo। baaki 8 ghanta yeh baap se roohrihaan kar phir jaakar roohaani service karni hai। jitna bhi samay mile shivbaaba ke mandir mein, lakshmi-naaraayan ke mandir mein jaakar service karo। mandir to tumko bahut milenge। tum kahaan bhi jaayenge to shiv ka mandir zaroor hoga। tum bachchon ke liye mukhya hai yaad ki yaatra। yaad mein achhi reeti rahenge to tum jo bhi maango mil sakta hai। prakriti daasi ban jaati hai। unki shakla aadi bhi aisi kheenchane vaali rehti hai, kuchh bhi maangane ki darkaar nahin। sannyaasiyon mein bhi koi-koi pakke rehte hain। bas aise nishchay se baithte - ham brahm mein jaakar leen honge। is nishchay mein bahut pakke rehte hain। unhon ka abhyaas hota hai, ham is shareer ko chhod jaate hain। parantu woh to hain wrong raaste par। badi mehnat karte hain brahm mein leen hone ke liye। bhakti mein deedaar ke liye kitni mehnat karte hain। jeevan bhi de dete hain। aatmaghaat nahin hota hai, jeevghaat hota hai। aatma to hai hi, woh jaakar doosra jeevan arthaat shareer leti hai।

to tum bachche service ka achhi reeti shauk rakho to baap bhi yaad aave। yahaan bhi mandir aadi bahut hain। tum yog mein poora rahkar kisko kuchh bhi kahenge, koi bichaar nahin aayega। yog vaale ka teer poora lagega। tum bahut service kar sakte ho। koshish karke dekho, parantu pahle apne andar ko dekhna hai - hamaare mein koi maaya ka bhoot to nahin hai? maaya ke bhoot vaale thode hi success ho sakte hain। service to bahut hai। baba to nahin ja sakte hain na kyonki baap saath mein hai। baap ko ham kahaan kichde mein le jaaven! kiske saath bolen! baap to bachchon se hi bolna chaahte hain। to bachchon ko service karni hai। gaayan bhi hai san shows father। baap ne to bachchon ko hoshiyaar banaaya na। achhe-achhe bachche hain jinko service ka shauk rehta hai। kehte hain ham gaanvadon mein jaakar service karen। baba kehte hain bhal karo। sirf folding chitra saath mein ho। chitron bigar kisko samjhaana difficult lagta hai। raat-din yahi khyaalaat rehti hain - auron ki jeevan kaise banaayen? hamaare mein jo khaamiyaan hain woh kaise nikaal, unnati ko paayen। tumko khushi bhi hoti hai। baba yeh 8-9 maas ka bachcha hai। aise bahut nikalte hain। jaldi hi service laayak ban jaate hain। har ek ko yeh bhi khyaal rehta hai ham apne gaanv ko uthaayen, hamjinsa bhaaiyon ki seva karen। charity begins at hom। service ka shauk bahut chaahiye। ek jagah thaharna nahin chaahiye। chakra lagaate rahen। time to bahut thoda hai na। kitne bade-bade akhaade unhon ke ban jaate hain। aisi aatma aakar pravesh karti hai jo kuchh na kuchh shiksha baith deti hai to naam ho jaata hai। yeh to behad ka baap baith shiksha dete hain kalpa pahle misal। yeh roohaani kalpa vriksha badhega। niraakaari jhaad se nambarvaar aatmaayen aati hain। shivbaaba ki badi lambi maala va jhaad bana hua hai। in sab baaton ko yaad karne se bhi baap hi yaad aayega। unnati jaldi hogi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kam se kam 8 ghanta baap se roohrihaan kar badi thandaai va namrata se roohaani service karni hai। service mein success hone ke liye andar mein koi bhi maaya ka bhoot na ho।

2) apne aapse baaten karni hai ki yeh jo kuchh ham dekhte hain yeh sab vinaash hona hai, ham apne ghar jaayenge phir sukhdhaam mein aayenge।

vardaan:- atal nishchay dvaara sahaj vijay ka anubhav karne vaale sada harshit, nishchint bhav

nishchay ki nishaani hai sahaj vijay। lekin nishchay sab baaton mein chaahiye। sirf baap mein nishchay nahin, apne aap mein, brahman parivaar mein aur drama ke har drishya mein sampoorn nishchay ho, thodi si baat mein nishchay talne vaala na ho। sada yeh smriti rahe ki vijay ki bhaavi tal nahin sakti, aise nishchaybuddhi bachche, kya hua, kyon hua... in sab prashnon se bhi paar sada nishchint, sada harshit rehte hain।

slogan:- samay ko nashta karne ke bajaae phauran nirnay kar phainsala karo।