रविवार 17 नवंबर 2024 की दैनिक मुरली

17-11-24 praatahmurli om shanti ''avyakt-baapdaada'' revise 30-11-2002 madhuban

“return shabd ki smriti se samaan bano aur return-journey ke smriti swaroop bano"

aaj baapdaada apne chaaron or ke dil takhtansheen, bhrakuti ke takhta nasheen, vishwa ke raajya ke takhta nasheen, svaraajya adhikaari bachchon ko dekh harshit ho rahe hain। parmaatma dil takhta saare kalpa mein ab aap sikeeldhe, laadle bachchon ko hi praapta hota hai। bhrakuti ka takhta to sarva aatmaon ko hai lekin parmaatma dil takhta brahman aatmaon ke sivaae kisi ko praapta nahin hai। yeh dil takhta hi vishwa ka takhta dilaata hai। vartamaan samay svaraajya adhikaari bane ho, har ek brahman aatma ka svaraajya gale ka haar hai। svaraajya aapke janma ka adhikaar hai। aise svayan ko aisa svaraajya adhikaari anubhav karte ho? dil mein yeh dridh sankalp hai ki hamaare is birth right ko koi chheen nahin sakta। saath-saath yeh bhi roohaani nasha hai ki ham parmaatma dil takhtansheen bhi hain। maanav jeevan mein, tan mein bhi vishesh dil hi mahaan gaai jaati hai। dil rook gai to jeevan samaapta। to aadhyaatmik jeevan mein bhi dil takhta ka bahut mahatva hai। jo dil takhtansheen hain vahi aatmaayen vishwa mein vishesh aatmaayen gaai jaati hain। vahi aatmaayen bhakton ke liye maala ke mankon ke roop mein simri jaati hain। vahi aatmaayen koton mein koi, koi mein bhi koi gaai jaati hai। to woh kaun hain? aap ho? paandav bhi hain? maataayen bhi hain? (haath hila rahe hain) to baap kehte hain he laadle bachche kabhi-kabhi dil takhta ko chhodkar deh roopi mitti se kyon dil lagaate ho? deh mitti hai। to laadle bachche kabhi mitti mein paanv nahin rakhte hain, sada takhta par, godi mein ya ateendriy sukh ke jhoole mein jhoolte hain। aapke liye baapdaada ne bhinna-bhinna jhoole diye hain, kabhi sukh ke jhoole mein jhoolo, kabhi khushi ke jhoole mein jhoolo। kabhi aanandamay jhoole mein jhoolo।

to aaj baapdaada aise shreshtha bachchon ko dekh rahe the ki kaise nashe se jhoolon mein jhool rahe hain। jhoolte rehte ho? jhoolte ho? mitti mein to nahin jaate! kabhi-kabhi dil hoti hai kya, mitti mein paanv rakhne ki? kyonki 63 janma mitti mein hi paanv rakhte, mitti se hi khelte। to abhi to nahin mitti se khelte? kabhi-kabhi mitti mein paanv jaata hai ki nahin jaata hai? kabhi-kabhi chala jaata hai। dehbhaan bhi mitti mein paanv rakhna hai। deh abhimaan to bahut gahri mitti mein paanv hai। lekin deh bhaan arthaat body-consciousness yeh bhi mitti hai। jitna sangam ka samay jyaada se jyaada takhtansheen honge utna hi aadhaakalpa sooryavansh ki raajdhaani mein aur chandravansh mein bhi soorya-vansh ke raajya gharaane mein honge। agar abhi sangam par kabhi-kabhi takhtansheen honge to sooryavansh ke royal family mein itna hi thoda samay honge। takhtansheen chaahe tarna by tarna honge lekin royal family, raajya gharaane ki aatmaon ke sada sambandh mein honge। to check karo ki sangamayug ke aadi samay se ab tak chaahe 10 saal hue hain, chaahe 50, chaahe 66 saal ho gaye, lekin jab se brahman banen tab aadi se ab tak kitna samay dil takhtansheen svaraajya takhta nasheen rahe? bahutkaal raha, nirantar raha va kabhi-kabhi raha? jo parmaatma takhta nasheen hoga uski nishaani - pratyaksha chalan aur chehre se sada bephikar baadshaah hoga। apne man mein, sthool bojh to sir par hota hai lekin sookshm bojh man mein hota hai। to man mein koi bojh nahin hoga। phikar hai bojh, bephikar hai double light। agar kisi bhi prakaar ka chaahe seva ka, chaahe sambandh-samparka ka, chaahe sthool seva ka, roohaani seva ka bhi bojh nahin, kya hoga, kaisa hoga… saphalta hogi ya nahin hogi! sochna, plan banaana alag cheez hai, bojh alag cheez hai। bojh vaale ki nishaani sada chehre mein bahut ya thoda thakaavat ke chinha honge। thakaavat hona alag cheez hai, thakaavat ke chinha thoda bhi, yeh bhi bojh ki nishaani hai। aur bephikar baadshaah ka yeh arth nahin ki albele rahen, ho albelaapan aur kahe ham to bephikar rehte hain। albelaapan, yeh bahut dhokha dene vaala hai। teevra purushaartha ke bhi vahi shabd hain aur albelepan ke bhi vahi shabd hain। teevra purushaarthi sada dridh nishchay hone ke kaaran yahi sochta hai - har kaarya himmat aur baap ki madad se saphal hua hi pada hai aur albelepan ke bhi yahi shabd hain, ho jaayega, ho jaayega, hua hi pada hai। koi kaarya raha hai kya, ho jaayega। to shabd ek hai lekin roop alag-alag hai।

vartamaan samay maaya ke vishesh do roop bachchon ka paper lete hain। ek vyartha sankalp, vikalpa nahin, vyartha sankalp। doosra - “main hi right hoon''। jo kiya, jo kaha, jo socha.... main kam nahin, right hoon। baapdaada samay ke pramaan ab yahi chaahte hain ki ek shabd sada smriti mein rakho - baap se hui sarva praaptiyon ka, sneh ka, sahayog ka return karna hai। return karna arthaat samaan banna। doosra - ab hamaari return-journey (vaapisi yaatra) hai। ek hi shabd return sada yaad rahe। iske liye bahut sahaj saadhan hai - har sankalp, bol aur karma ko brahma baap se tally (milaan) karo। baap ka sankalp kya raha? baap ka bol kya raha? baap ka karma kya raha? isko hi kaha jaata hai follow father। follow karna to sahaj hota hai na! naya sochna, naya karna uski aavashyakta hai hi nahin, jo baap ne kiya woh follow father। sahaj hai na!

teachers haath uthaao। - follow karna sahaj hai ya mushkil hai? sahaj hai na! bas follow father। pahle check karo, jaise kahaavat hai pahle socho phir karo, pahle tolo phir bolo। to sabhi teachers is varsha mein, abhi is varsha ka last month hai, puraana jaayega naya aayega। naye aane ke pahle kya karna hai, uski taiyaari kar lo। yeh sankalp karo ki sivaae baap ke kadam par kadam rakhne ke aur koi bhi kadam nahin uthaayenge। bas foot step। kadam par kadam rakhna to easy hai na! to naye varsha ke liye abhi se sankalp mein plan banaao, jaise brahma baap sada nimitta aur nirmaan rahe, aise nimitta bhaav aur nirmaan bhaav। sirf nimitta bhaav nahin, nimitta bhaav ke saath nirmaan bhaav, donon aavashyak hain kyonki teachers to nimitta hain na! to sankalp mein bhi, bol mein bhi aur kisi ke bhi sambandh mein, samparka mein, karma mein, har bol mein nirmaan। jo nirmaan hai vahi nimitta bhaav mein hai। jo nirmaan nahin hai usmein thoda bahut sookshm, mahaan roop mein abhimaan nahin bhi ho to rob hoga। ye rob, yeh bhi abhimaan ka ansh hai aur bol mein sada nirmal bhaashi, madhur bhaashi। jab sambandh-samparka mein aatmik roop ki smriti rehti hai to sada niraakaari aur nirhankaari rehte hain। brahma baap ke last ke teenon shabd yaad rehte hain? niraakaari, nirhankaari vahi nirvikaari। achha, follow father। pakka raha na!

agle varsha ki mukhya lakshya swaroop ki smriti hai - yeh teen shabd, niraakaari, nirhankaari, nirvikaari। ansh bhi nahin ho। mota-mota roop to theek ho gaya hai lekin ansh bhi nahin ho kyonki ansh hi dhokha deta hai। follow father ka arth hi hai - in teen shabdon ko sada smriti mein rakhen। theek hai? achha।

double foreigners utho - achha group aaya hai। baapdaada ko double foreigners ki ek baat par khushi hai, jaante ho kaun si? dekho, kitna doordesh se aate ho, direction mila ki is tarna mein bhi aana hai to pahunch gaye na। kaise bhi purushaartha kar bada hi group pahunch gaya hai। daadi ka direction theek maana hai na! iski mubaarak ho। baapdaada ek-ek ko dekh raha hai, drishti de raha hai। aise nahin ki stage par hi drishti milti hai। door se aur hi achha dikhaai de raha hai। double foreigners haan ji ka paath achha padhe hue hain। baapdaada ko double foreigners ke oopar pyaar to hai hi lekin naaz bhi hai, kyonki vishwa ke kone-kone mein sandesh pahunchaane ke liye double foreigners hi nimitta bane hain। videsh mein abhi koi vishesh sthaan raha hai, gaanv-gaanv rahe hain ya vishesh sthaan rah gaya hai? gaanv-gaanv, kone-kone ke chhote sthaan rah gaye hain ya vishesh sthaan rah gaya hai? kaun sa sthaan raha hai? (middle east ke kuchh desh rahe hue hain) phir bhi dekho yeh bhi group jo aaya hai, kitne deshon ka group hai? phir bhi baapdaada jaante hain ki vishwa ke anek bhinna-bhinna deshon mein aap aatmaayen nimitta bane ho। baapdaada hamesha kehte hi hain ki vishwa kalyaankaari ka title baap ka double videshiyon ne hi pratyaksha kiya hai। achha hai। har ek apne-apne sthaan par khud apne purushaartha mein aur seva mein aage badh rahe hain aur sada aage badhte rahenge। saphalta ke sitaare hain hi। bahut achha।

kumaaron se:- madhuban ke kumaar bhi hain। dekho, kumaaron ki sankhya dekho kitni hai? aadha class to kumaaron ka hai। kumaar abhi saadhaaran kumaar nahin hain। kaun se kumaar ho? brahmaakumaar to ho hi। lekin brahmaakumaaron ki visheshta kya hai? kumaaron ki visheshta hai ki sada jahaan bhi ashaanti hogi usmein shanti phailaane vaale shaantidoot hain। na man ki ashaanti, na baahar ki ashaanti। kumaaron ka kaarya hi hai mushkil kaam karna, hard worker hote hain na! to aaj sabse hard mein hard work hai - ashaanti ko mitaae shaantidoot ban shanti phailaana। aise kumaar ho? ashaanti ka naam nishaan nahin rahe - na vishwa mein, na aapke sambandh-samparka mein। aise shaantidoot ho? jaise aag bujhaane vaale kahaan bhi aag hogi to aag bujhaayenge na। to shaantidoot ka kaarya hi hai ashaanti ko shanti mein badalna। to shaantidoot ho na! pakka! pakka? pakka? bahut achha lag raha hai, baapdaada itne kumaaron ko dekh khush hote hain। pahle bhi baapdaada ne plan diya tha ki dilli mein jyaada se jyaada kumaar, jo government samajhti hai kumaar (youth) arthaat jhagda karne vaale, darti hai kumaaron se। aise darne vaali government, har brahmaakumaar ka shaantidoot ke title se svaagat kare, tab hai kumaaron ki kamaal। saare vishwa mein chha jaaven ki brahmaakumaar shaantidoot hain। ho sakta hai na? dilli mein karna। karna hai na - daadiyaan karenge? ek group mein itne kumaar hain to sabhi group mein kitne honge? vishwa mein kitne honge? (lagbhag 1 laakh) to kumaar karo kamaal। government mein jo kumaaron (yuvkon) ke prati ulta bhara hua hai woh sulta kar do। lekin man mein bhi ashaanti nahin, saathiyon mein bhi ashaanti nahin aur apne sthaan par bhi ashaanti nahin। apne shahar mein bhi ashaanti nahin। bas kumaaron ke chehre mein board lagaane ki jaroorat nahin lekin mastak mein automatic likha hua anubhav ho ki yeh shaantidoot hain। theek hai na!

kumaariyon se:- kumaariyaan bhi bahut hain। in sab kumaariyon ka lakshya kya hai? naukri karni hai ya vishwa seva karni hai? taaj sir par rakhna hai ya tokri rakhni hai? kya rakhna hai? dekho, sab kumaariyon ko merciful banna hai। vishwa ki aatmaon ka kalyaan ho jaae, kumaariyon ke liye gaayan hai 21 kul ka uddhaar karne vaali, to aadhaakalpa 21 kul ho jaayenge। to aisi kumaariyaan ho? jo 21 kul ka kalyaan karengi woh haath uthaao। ek parivaar ka nahin, 21 parivaaron ka। karengi? dekho, aapka naam note hoga aur phir dekha jaayega ki merciful hai ya koi hisaab-kitaab raha hua hai? abhi samay soochna de raha hai ki samay ke pahle taiyaar ho jaao। samay ko dekhte rahenge to samay beet jaayega, iseelie lakshya rakho ki ham sabhi vishwa kalyaani merciful baap ke bachche merciful hain। theek hain na? merciful ho na! merciful aur bano। thoda aur teevragti se bano। kumaariyon ko to baap ka bahut sahaj takhta milta hai। dekhenge, naye varsha mein kya kamaal karke dikhaati ho। achha।

media ke 108 ratna aaye hain:- achha hai, media vaale kamaal karke dikhaaven jo sabke buddhi mein aave ki baap se varsa lena hi hai। koi vanchit nahin rah jaae। media ka kaam hi hai aavaaj phailaana। to yeh aavaaj phailaao ki baap se varsa le lo। koi vanchit nahin rah jaae। abhi videsh mein bhi media ka programme chalta rehta hai na! achha hai। bhinna-bhinna roop se jo programme rakhte hain to achhe interested hote hain। achha kar rahe hain aur karte rahenge aur saphalta to hai hi। sabhi varga vaale jo bhi seva kar rahe hain baapdaada ke paas samaachaar aata rehta hai। har varga ki apni-apni seva ke saadhan aur seva ki rooprekha hai lekin yeh dekha ki varga alag-alag hone se har varga ek do se race bhi karte hain, achha hai। rees nahin karna, race bhale karo। har varga ki result, varga ki seva ke baad aai.pi. aur vi.aai.pi. samparka mein kaaphi aaye hain, abhi mike nahin laaye hain lekin sambandh-samparka mein aaye hain। achha।

baapdaada vaali exercise yaad hai? abhi-abhi niraakaari, abhi-abhi pharishta... yeh hai chalte phirte baap aur daada ke pyaar ka return। to abhi-abhi yeh roohaani exercise karo। second mein niraakaari, second mein pharishta। (baapdaada ne drill karaai) achha - chalte-phirte saare din mein yeh exercise baap ki sahaj yaad dilaayegi।

chaaron or ke bachchon ki yaad sabhi taraph se baapdaada ko pahunchi hai। har ek bachcha samajhta hai hamaari yaad dena, hamaari yaad dena। koi patra dvaara bhejte, koi card dvaara, koi mukh dvaara lekin baapdaada chaaron or ke bachchon ko, ek ek ko naynon mein samaate hue yaad ka respond padamguna yaadapyaar de rahe hain। baapdaada dekh rahe hain ki is samay kitna bhi baja hai lekin majority sabke man mein madhuban aur madhuban ka baapdaada hai। achha!

chaaron or ke teenon takhtansheen, svaraajya adhikaari bachchon ko, sada baapdaada ko return baap samaan banne vaale bachchon ko, sada return journey ke smriti swaroop bachchon ko, sada sankalp, vaani aur karma mein follow father karne vaale har ek bachche ko baapdaada ka bahut-bahut-bahut yaadapyaar aur namaste।

vardaan:- sarva aatmaon mein apni shubh bhaavna ka beej daalne vaale master daata bhav

phal ka intajaar na kar aap apni shubh bhaavna ka beej har aatma mein daalte chalo। samay par sarva aatmaon ko jagna hi hai। koi opposition bhi karta hai to bhi aapko raham ki bhaavna nahin chhodni hai, yeh opposition, insult, gaaliyaan khaad ka kaam karengi aur achha phal niklega। jitna gaali dete hain utna gun gaayenge, isliye har aatma ko apni vritti dvaara, vibration dvaara, vaani dvaara master daata ban dete chalo।

slogan:- sada prem, sukh, shanti aur aanand ke saagar mein samaaye hue bachche hi sachche tapasvi hain।

soochna:- aaj maas ka teesra ravivaar antarraashtreey yog divas hai, sabhi brahma vatsa sangathit roop mein saayan 6.30 se 7.30 baje tak vishesh vardaata bhaagya vidhaata baapdaada ke saath combined swaroop mein sthit ho, avyakt vatan se sarva aatmaon ko sukh shanti ka vardaan dene ki seva karen।