शुक्रवार 17 जनवरी 2025 की दैनिक मुरली

17-01-2025 praatahmurli om shanti "baapdaada"' madhuban

“meethe bachche - tum bhaarat ke most valuable servant ho, tumhein apne tan-man-dhan se shreemat par ise raamraajya banaana hai''

prashn:- sachchi alaukik seva kaun-si hai, jo abhi tum bachche karte ho?

uttar:- tum bachche gupta reeti se shreemat par paavan bhoomi sukhdhaam ki sthaapna kar rahe ho - yahi bhaarat ki sachchi alaukik seva hai। tum behad baap ki shreemat par sabko raavan ki jel se chhuda rahe ho। iske liye tum paavan bankar doosron ko paavan banaate ho।

geet:- nayan heen ko raah dikhaao…

om shanti। he prabhu, eeshvar, paramatma kahne aur pita akshar kahne mein kitna pharka hain। he eeshvar, he prabhu kahne se kitna regard rehta hai। aur phir unko pita kehte hain, to pita akshar bahut saadhaaran hai। pitaayen to dher ke dher hain। praarthana mein bhi kehte hain - he prabhu, he eeshvar। baba kyon nahin kehte? hai to parampita na। parantu baba akshar jaise dab jaata hai, paramatma akshar ooncha ho jaata hai। bulaate hain - he prabhu, nain heen ko raah bataao। aatmaayen kehti hain - baba, hamko mukti-jeevanmukti ki raah bataao। prabhu akshar kitna bada hai। pita akshar halka hai। yahaan tum jaante ho baap aakar samjhaate hain। laukik reeti se to pitaayen bahut hain, bulaate bhi hain tum maat-pita....... kitna saadhaaran akshar hai। eeshvar va prabhu kahne se samajhte hain woh kya nahin kar sakte hain। abhi tum bachche jaante ho baap aaya hua hai। baap raasta bahut hi oonch sahaj batlaate hain। baap kehte hain - mere bachche, tum raavan ki mat par kaam chita par chadh bhasmeebhoot ho gaye ho। ab main tumko paavan banaakar ghar le jaane aaya hoon। baap ko bulaate bhi isliye hain ki aakar patit se paavan banaao। baap kehte hain main aaya hoon tumhaari seva mein। tum bachche bhi sab bhaarat ki alaukik seva mein ho। jo service tumhaare sivaae aur koi kar nahin sakte। tum bhaarat ke liye hi karte ho, shreemat par pavitra ban aur bhaarat ko banaate ho। baapu gaandhi ki bhi aash thi ki raamraajya ho। ab koi manushya to raamraajya bana na sake। nahin to prabhu ko patit-paavan kah kyon bulaate? ab tum bachchon ko bhaarat ke liye kitna lav hai। sachchi seva to tum karte ho, khaas bhaarat ki aur aam saari duniya ki।

tum jaante ho bhaarat ko phir se raamraajya banaate hain, jo baapu ji chaahte the। woh had ka baapu ji tha, yeh phir hai behad ka baapu ji। yeh behad ki seva karte hain। yeh tum bachche hi jaante ho। tumhaare mein bhi nambarvaar yeh nasha rehta hai ki ham raamraajya banaayenge। government ke tum servant ho। tum daivi government banaate ho। tumko bhaarat ke liye fakhur hai। jaante ho satayug mein yeh paavan bhoomi thi, ab to patit hai। tum jaante ho abhi ham baap dvaara phir se paavan bhoomi va sukhdhaam bana rahe hain, so bhi gupta। shreemat bhi gupta milti hai। bhaarat government ke liye hi tum kar rahe ho। shreemat par tum bhaarat ki oonch te oonch seva apne tan-man-dhan se kar rahe ho। kaangresi log kitna jel aadi mein gaye। tumko to jel aadi mein jaane ki darkaar nahin। tumhaari to hai hi roohaani baat। tumhaari ladaai bhi hai 5 vikaaron roopi raavan se। jis raavan ka saare prithvi par raajya hai। tumhaari yeh sena hai। lanka to ek chhota taapu hai। yeh srishti behad ka taapu hai। tum behad ke baap ki shreemat par sabko raavan ki jel se chhudaate ho। yeh to tum jaante ho ki is patit duniya ka vinaash to hona hi hai। tum shiv shaktiyaan hon। shiv shakti yeh gop bhi hain। tum gupta reeti bhaarat ki bahut badi seva kar rahe ho। aage chal sabko pata padega। tumhaari hai shreemat par roohaani seva। tum gupta ho। government jaanti hi nahin ki yeh bi.ke. to bhaarat ko apne tan-man-dhan se shreshtha se shreshtha sachkhanda banaate hain। bhaarat sachkhanda tha, ab jhoothkhanda hai। sach to ek hi baap hai। kaha bhi jaata hai god is truth। tumko nar se naaraayan banne ki satya shiksha de rahe hain। baap kehte hain kalpa pahle bhi tumko nar se naaraayan banaaya tha, raamaayan mein to kya-kya kathaayen baith likh di hain। kehte hain raam ne bandar sena li। tum pahle bandar misal the। ek seeta ki to baat nahin। baap samjhaate hain kaise ham raavan raajya ka vinaash karaae raamraajya sthaapan karte hain, ismen koi takleeph ki baat nahin। woh to kitna kharcha karte hain। raavan ka but banaakar phir usko jalaate hain। samajhte kuchh bhi nahin। bade-bade log sab jaate hain, foreigners ko bhi dikhaate hain, samajhte kuchh nahin। abhi baap samjhaate hain to tum bachchon ko dil mein umang hai ki ham bhaarat ki sachchi roohaani seva kar rahe hain। baaki saari duniya raavan ki mat par hai, tum ho raam ki shreemat par। raam kaho, shiv kaho, naam to bahut rakh diye hain।

tum bachche bhaarat ke most valuable servant ho shreemat par। kehte bhi hain - he patit-paavan, aakar paavan banaao। tum jaante ho satayug mein hamko kitna sukh milta hai। kaaroon ka khajaana milta hai। vahaan average aayu bhi kitni badi rehti hai। ve hain yogi, yahaan hain sab bhogi। woh paavan, yeh patit। kitna raat-din ka pharka hai। shreekrishna ko bhi yogi kehte hain, mahaatma bhi kehte hain। parantu woh to sachcha mahaatma hai। unki to mahima gaai jaati hai sarvagun sampanna.......। aatma aur shareer donon pavitra hain। sannyaasi to grihasthiyon ke paas vikaar se janma le phir sannyaasi bante hain। yeh baaten abhi tumko baap samjhaate hain। is samay manushya to hain - unrighteous, unhappy। satayug mein kaise the? religious, righteous the। 100 percent solvent the। ever happy rehte the। raat-din ka pharka hai। yeh accurate tum hi jaante ho। yeh kisko pata thode hi padta hai ki bhaarat heaven se hell kaise bana hai? lakshmi-naaraayan ki pooja karte hain, mandir banaate hain, samajhte kuchh bhi nahin। baap samjhaate rehte hain - achhe-achhe position vaale jo hain, bidla ko bhi samjha sakte ho, in lakshmi-naaraayan ne yeh pad kaise paaya, kya kiya jo inhon ke mandir banaaye hain? bigar occupation jaane pooja karna bhi to patthar pooja athva gudiyon ki pooja ho gai। aur dharma vaale to jaante hain Christ phalaane samay par aaya, phir aayega।

to tum bachchon ko kitna roohaani gupta phakhur hona chaahiye। rooh ko khushi honi chaahiye। aadhaakalpa deh-abhimaani bane ho। ab baap kehte hain - ashareeri bano, apne ko aatma samjho। hamaari aatma baap se sun rahi hai। aur satsangon mein kabhi aisa nahin samjhenge। yeh roohaani baap roohon ko baith samjhaate hain। rooh hi sab kuchh sunti hai na। aatma kehti hai main prime minister hoon, phalaana hoon। aatma ne is shareer dvaara kaha ki main prime minister hoon। abhi tum kehte ho ham aatma purooshaartha kar svarga ka devi-devta ban rahi hoon। aham aatma, mam shareer hai। dehi-abhimaani banne mein hi badi mehnat lagti hai। ghadi-ghadi apne ko aatma samajh baap ko yaad karte raho to vikarma vinaash ho jaayen। tum most obedient servant ho। kartavya karte ho gupta reeti se। to nasha bhi gupta chaahiye। ham government ke roohaani servant hain। bhaarat ko svarga banaate hain। baapu ji bhi chaahta tha nai duniya mein naya bhaarat ho, nai dehli ho। abhi nai duniya to hai nahin। yeh puraani dehli kabristaan banti hai phir paristaan banna hai। abhi inko paristaan thode hi kahenge। nai duniya mein paristaan nai dehli tum bana rahe ho। yeh badi samajhne ki baaten hain। yeh baaten bhoolni nahin chaahiye। bhaarat ko phir se sukhdhaam banaana kitna oonch kaarya hai। drama plan anusaar srishti puraani honi hi hai। duhkhadhaam hai na। duhkh harta, sukh-karta ek baap ko hi kaha jaata hai। tum jaante ho baap 5 hazaar varsha baad aakar duhkhi bhaarat ko sukhi banaate hain। sukh bhi dete hain, shanti bhi dete hain। manushya kehte bhi hain man ki shanti kaise mile? ab shanti to shantidham sweet hom mein hi hoti hai। usko kaha jaata hai shantidham, jahaan aavaaj nahin, gam nahin। soorya chaand aadi bhi nahin hote। abhi tum bachchon ko yeh saara gyaan hai। baap bhi aakar obedient servant bana hai na। lekin baap ko to bilkul jaante hi nahin। sabko mahaatma kah dete hain। ab mahaan aatma to sivaae svarga ke kabhi ho nahin sakte। vahaan aatmaayen pavitra hain। pavitra thi to pees prosperity bhi thi। abhi purity nahin hai to kuchh nahin hai। purity ka hi maan hai। devtaayen pavitra hain tab to unke aage maatha tekte hain। pavitra ko paavan, apvitra ko patit kaha jaata hai। yeh hai saare vishwa ka behad ka baapu ji, aise to mayor ko bhi kahenge city father। vahaan thode hi aisi baaten hongi। vahaan to kaaydesir raajya chalta hai। bulaate bhi hain - he patit-paavan aao। ab baap kehte hain - pavitra bano, to kehte hain yeh kaise hoga, phir bachche kaise paida honge? srishti kaise vriddhi ko paayegi? unko yeh pata nahin ki lakshmi-naaraayan sampoorn nirvikaari the। tum bachchon ko kitna opposition sahan karna padta hai।

drama mein jo kalpa pahle hua hai woh repeat hota hai। aise nahin ki drama par ruk jaana hai - drama mein hoga to milega! school mein aise baithe rahne se koi paas ho jaayenge kya? har ek cheez ke liye manushya ka purooshaartha to chalta hai। purooshaartha bigar paani bhi mil na sake। second by second jo purooshaartha chalta hai woh praalabdha ke liye। yeh behad ka purooshaartha karna hai behad ke sukh ke liye। abhi hai brahma ki raat so braahmanon ki raat phir braahmanon ka din hoga। shaastron mein bhi padhte the parantu samajhte kuchh nahin the। yeh baba khud baithkar raamaayan bhaagvat aadi sunaate the, pandit ban baithte the। abhi samajhte hain woh to bhakti maarga hai। bhakti alag hai, gyaan alag cheez hai। baap kehte hain tum kaam chita par baith sab kaale ban gaye ho। shreekrishna ko bhi shyaam sundar kehte hain na। pujaari log andhashradhaalu hain। kitni bhoot pooja hai। shareer ki pooja, goya 5 tatvon ki pooja ho gai। isko kaha jaata hai - vyabhichaari pooja। bhakti pahle avyabhichaari thi, ek shiv ki hi hoti thi। abhi to dekho kya-kya pooja hoti rehti hai। baap wonder bhi dikhaate hain, knowledge bhi samjha rahe hain। kaanton se phool bana rahe hain। unko kehte hi hain garden oph flowers। karaachi mein pahre par ek pathaan rehta tha, woh bhi dhyaan mein chala jaata tha, kehta tha ham bahishta mein gaya, khuda ne hamko phool diya। unko bada maza aata tha। wonder hai na। woh to 7 wonders kehte hain। vaastav mein wonder oph world to svarga hai - yeh kisko bhi pata nahin hai।

tumhein kitna first class gyaan mila hai। tumko kitni khushi honi chaahiye। kitna highest baapdaada hai aur kitna simple rehte hain, baap ki hi mahima gaai jaati hai, woh niraakaar, nirhankaari hai। baap ko to aakar seva karni hai na। baap hamesha bachchon ki seva kar, unko dhan-daulat de khud vaanaprastha avastha le lete hain। bachchon ko maathe par chadhaate hain। tum bachche vishwa ke maalik bante ho। sweet hom mein jaakar phir sweet baadshaahi aakar lenge, baap kehte hain ham to baadshaahi nahin lenge। sachcha nishkaam sevaadhaari to ek baap hi hai। to bachchon ko kitni khushi rahni chaahiye। parantu maaya bhula deti hai। itne bade baapdaada ko bhoolna thode hi chaahiye। daada ki milkiyat ka kitna phakhur rehta hai। tumko to shivbaaba mila hai। unki milkiyat hai। baap kehte hain mujhe yaad karo aur daivi gun dhaaran karo। aasuri gunon ko nikaal dena chaahiye। gaate bhi hain mujh nirgun haare mein koi gun naahi। nirgun sanstha bhi hai। ab arth to koi samajhte nahin hain। nirgun arthaat koi gun nahin। parantu woh samajhte thode hi hain। tum bachchon ko baap ek hi baat samjhaate hain - bolo, ham to bhaarat ki seva mein hain। jo sabka baapu ji hai, ham unki shreemat par chalte hain। shreemat bhagvat geeta gaai hui hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jaise highest baapdaada simple rehte hain aise bahut-bahut simple, niraakaari aur nirhankaari bankar rehna hai। baap dvaara jo first class gyaan mila hai, uska chintan karna hai।

2) drama jo hoobhu repeat ho raha hai, ismen behad ka purushaartha kar behad sukh ki praapti karni hai। kabhi drama kahkar ruk nahin jaana hai। praalabdha ke liye purushaartha zaroor karna hai।

vardaan:- avyakt swaroop ki saadhna dvaara powerful vaayumandal banaane vaale avyakt pharishta bhav

vaayumandal ko powerful banaane ka saadhan hai apne avyakt swaroop ki saadhna। iska baar-baar attention rahe kyonki jis baat ki saadhna ki jaati hai, usi baat ka dhyaan rehta hai। to avyakt swaroop ki saadhna arthaat baar-baar attention ki tapasya chaahiye isliye avyakt pharishta bhav ke vardaan ko smriti mein rakh shaktishaali vaayumandal banaane ki tapasya karo, to aapke saamne jo bhi aayega woh vyakta aur vyartha baaton se pare ho jaayega।

slogan:- sarva shaktimaan baap ko pratyaksha karne ke liye ekaagrata ki shakti ko badhaao।

apni shaktishaali mansa dvaara sakaash dene ki seva karo

jaise apne sthool kaarya ke programme ko dincharya pramaan set karte ho, aise apni mansa samartha sthiti ka programme set karo। jitna apne man ko samartha sankalpon mein busy rakhenge to man ko upset hone ka samay hi nahin milega। man sada set arthaat ekaagra hai to svatah achhe vibration phailte hain। seva hoti hai।