रविवार 26 जनवरी 2025 की दैनिक मुरली

26-01-25 praatahmurli om shanti ''avyakt-baapdaada'' revise 15-12-2003 madhuban

“pratyakshata ke liye saadhaaranta ko alaukikta mein parivartan kar darshaneey moorta bano''

aaj baapdaada apne chaaron or ke brahman bachchon ke mastak ke beech bhaagya ke teen sitaare chamakte hue dekh rahe hain। kitna shreshtha bhaagya hai aur kitna sahaj praapta hua hai। ek hai alaukik shreshtha janma ka bhaagya, doosra hai - shreshtha sambandh ka bhaagya, teesra hai - sarva praaptiyon ka bhaagya। teenon bhaagya ke chamakte hue sitaaron ko dekh baapdaada bhi harshit ho rahe hain। janma ka bhaagya dekho - svayan bhaagya vidhaata baap dvaara aap sabka janma hai। jab janma-daata hi bhaagya-vidhaata hai to janma kitna alaukik aur shreshtha hai। aap sabko bhi apne is bhaagya ke janma ka nasha aur khushi hai na! saath-saath sambandh ki visheshta dekho - saare kalpa mein aisa sambandh anya kisi bhi aatma ka nahin hai। aap vishesh aatmaon ko hi ek dvaara teen sambandh praapta hain। ek hi baap bhi hai, shikshak bhi hai aur satguru bhi hai। aise ek dvaara teen sambandh sivaae brahman aatmaon ke kisi ke bhi nahin hain। anubhav hai na? baap ke sambandh se varsa bhi de rahe hain, paalna bhi kar rahe hain। varsa bhi dekho kitna ooncha aur avinaashi hai। duniya vaale kehte hain - hamaara paalanhaar bhagwan hai lekin aap bachche nishchay aur nashe se kehte ho hamaara paalanhaar svayan bhagwan hai। aisi paalna, parmaatma paalna, parmaatma pyaar, parmaatma varsa kisko praapta hai! to ek hi baap bhi hai, paalanhaar bhi hai aur shikshak bhi hai।

har aatma ke jeevan mein vishesh teen sambandhi aavashyak hain lekin teenon sambandh alag-alag hote hain। aapko ek mein teen sambandh hain। padhaai bhi dekho - teenon kaal ki padhaai hai। trikaaldarshi banne ki padhaai hai। padhaai ko source oph income kaha jaata hai। padhaai se pad ki praapti hoti hai। saare vishwa mein dekho - sabse oonche te ooncha pad, raajya pad gaaya hua hai। to aapko is padhaai se kya pad praapta hota hai? ab bhi raaje aur bhavishya bhi raajya pad। abhi sva-raajya hai, raaj-yogi svaraajya adhikaari ho aur bhavishya ka raajya bhaagya to avinaashi hai hi। isse bada pad koi hota nahin। shikshak dvaara shiksha bhi trikaaldarshi ki hai aur pad bhi daivi raajya pad hai। aisa shikshak ka sambandh sivaae brahman jeevan ke na kiska hua hai, na ho sakta hai। saath mein satguru ka sambandh, satguru dvaara shreemat, jis shreemat ka gaayan aaj bhi bhakti mein ho raha hai। aap nishchay se kehte ho hamaara har kadam kiske aadhaar se chalta hai? shreemat ke aadhaar se har kadam chalta hai। to check karo - har kadam shreemat par chalta hai? bhaagya to praapta hai lekin bhaagya ke praapti ka jeevan mein anubhav hai? har kadam shreemat par hai va kabhi-kabhi manmat ya parmat to nahin mix hoti? iski parakh hai - agar kadam shreemat par hai to har kadam mein padmon ki kamaai jama ka anubhav hoga। kadam shreemat par hai to sahaj saphalta hai। saath-saath satguru dvaara vardaanon ki khaan praapta hai। vardaan hai uski pahchaan - jahaan vardaan hoga vahaan mehnat nahin hogi। to satguru ke sambandh mein shreshtha mat aur sada vardaan ki praapti hai। aur visheshta sahaj maarga ki hai, jab ek mein teen sambandh hain to ek ko yaad karna sahaj hai। teen ko alag-alag yaad karne ki jaroorat nahin iseelie aap sab kehte ho ek baba doosra na koi। yeh sahaj hai kyonki ek mein vishesh sambandh aa jaate hain। to bhaagya ke sitaare to chamak rahe hain kyonki baap dvaara to sarva ko praaptiyaan hain hi।

teesra bhaagya ka sitaara hai - sarva praaptiyaan, gaayan hai apraapta nahin koi vastu braahmanon ke khajaane mein। yaad karo apne khajaanon ko। aisa khajaana va sarva praaptiyaan aur koi dvaara ho sakti hain! dil se kaha mera baba, khajaane haazir isliye itne shreshtha bhaagya sada smriti mein rahen, ismen nambarvaar hain। abhi baapdaada yahi chaahte ki har bachcha jab koton mein bhi koi hai to sab bachche nambarvaar nahin, number one hone hain। to apne se poochho nambarvaar mein ho ya number one ho? kya ho? teachers number one ya nambarvaar? paandav number one ho ya nambarvaar ho? kya ho? jo samajhte hain ham number one hain aur sada rahenge, aise nahin aaj number one aur kal nambarvaar mein aa jaao, jo itne nishchaybuddhi hain ki ham sada jaise baap brahma number one, aise follow brahma baap number one hain aur rahenge woh haath uthaao। hain? aise hi nahin haath utha lena, soch samajhke uthaana। lamba uthaao, aadha uthaate hain to aadha hain। haath to bahuton ne uthaaya hai, dekha, daadi ne dekha। abhi inhon se (number one vaalon se) hisaab lena। janak (daadi jaanki) hisaab lena। double foreigners ne haath uthaaya। uthaao, number one? baapdaada ki to haath uthaake dil khush kar di। mubaarak ho। achha - haath uthaaya iska matlab hai ki aapko apne mein himmat hai aur himmat hai to baapdaada bhi madadgaar hai hi। lekin abhi baapdaada kya chaahte hain? number one ho, yeh to khushi ki baat hai। lekin… lekin bataayen kya ya lekin hai hi nahin? baapdaada ke paas lekin hai।

baapdaada ne dekha ki man mein samaaya hua to hai lekin man tak hai, chehre aur chalan tak emerge nahin hai। abhi baapdaada number one ki stage chalan aur chehre par dekhne chaahte hain। ab samay anusaar number one kahne vaalon ko har chalan mein darshaneey moorti dikhaai deni chaahiye। aapka chehra bataave ki yeh darshaneey moorta hai। aapke jad chitra antim janma tak bhi, antim samay tak bhi darshaneey moorta anubhav hote hain। to chaitanya mein bhi jaise brahma baap ko dekha, saakaar swaroop mein, pharishta to baad mein bana, lekin saakaar swaroop mein hote hue aap sabko kya dikhaai deta tha? saadhaaran dikhaai deta tha? antim 84 vaan janma, puraana janma, 60 varsha ke baad ki aayu, phir bhi aadi se ant tak darshaneey moorta anubhav ki। ki na? saakaar roop mein ki na? aise jinhonne number one mein haath uthaaya, T.vi. mein nikaala hai na? baapdaada unka file dekhenge, file to hai na baapdaada ke paas। to ab se aapki har chalan se anubhav ho, karma saadhaaran ho, chaahe koi bhi kaam karte ho, business karte ho, doktari karte ho, vakaalat karte ho, jo bhi kuchh karte ho lekin jis sthaan par aap sambandh-samparka mein aate ho woh aapki chalan se aise mahsoos karte hain ki yeh nyaare aur alaukik hain? ya saadhaaran samajhte hain ki aise to laukik bhi hote hain? kaam ki visheshta nahin lekin practical life ki visheshta। bahut achha business hai, bahut achha vakaalat karta hai, bahut achha director hai..., yeh to bahut hain। ek book nikalta hai jismen vishesh aatmaon ka naam hota hai। kitnon ka naam aata hai, bahut hote hain। isne yeh visheshta ki, yeh isne visheshta ki, naam aa gaya। to jinhonne bhi haath uthaaya, uthaana to sabko chaahiye lekin jinhonne uthaaya hai aur uthaana hi hai। to aapki practical chalan mein change dekhen। yeh abhi aavaaj nahin nikla hai, chaahe industry mein, chaahe kahaan bhi kaam karte ho, ek-ek aatma kahe ki yeh saadhaaran karma karte bhi darshaneey moorta hain। aise ho sakta hai, ho sakta hai? aage vaale bolo, ho sakta hai? abhi result mein kam sunaai deta hai। saadhaaranta jyaada dikhaai deti hai। haan kabhi jab koi vishesh kaarya karte ho, vishesh attention rakhte ho tab to theek dikhaai deta hai lekin aapko baap se pyaar hai, baap se pyaar hai? kitni percent? teachers haath uthaao। yeh to bahut teachers aa gai hain। ho sakta hai? ki kabhi saadhaaran kabhi vishesh? shabd bhi jo nikalta hai na, koi bhi kaarya karte bhaasha bhi alaukik chaahiye। saadhaaran bhaasha nahin।

abhi baapdaada ki sabhi bachchon mein yeh shreshtha aasha hai - phir baap ki pratyakshata hogi। aapka karma, chalan, chehra svatah hi siddha karega, bhaashan se nahin siddha hoga। bhaashan to ek teer lagaana hai। lekin pratyakshata hogi, inko banaane vaala kaun! khud dhoodhenge, khud poochhenge aapko banaane vaala kaun? rachna, rachta ko pratyaksha karti hai।

to is varsha kya karenge? daadi ne to kaha hai gaanv ki seva karna। woh bhale karna। lekin baapdaada abhi yeh parivartan dekhne chaahta hai। ek saal mein sambhav hai? ek saal mein? doosre vaari jab season shuru hogi to contrast dikhaai de, sab centre se aavaaj aave ki mahaan parivartan, phir geet gaayenge parivartan, parivartan...। saadhaaran bol abhi aapke bhaagya ke aage achha nahin lagta। kaaran hai ‘main'। yeh main, main-pan, mainne jo socha, mainne jo kaha, main jo karta hoon... vahi theek hai। is main pan ke kaaran abhimaan bhi aata hai, krodh bhi aata hai। donon apna kaam kar lete hain। baap ka prasaad hai, main kahaan se aaya! prasaad ko koi main pan mein la sakta hai kya? agar buddhi bhi hai, koi hunar bhi hai, koi visheshta bhi hai। baapdaada visheshta ko, buddhi ko ophreen deta hai lekin ‘main' nahin laao। yeh main pan ko samaapta karo। yeh sookshm main pan hai। alaukik jeevan mein yeh main pan darshaneey moorta nahin banne deta। to daadiyaan kya samajhti ho? parivartan ho sakta hai? teenon paandav (nirvair bhaai, ramesh bhaai, brijmohan bhaai) bataao। vishesh ho na teen। teenon bataao ho sakta hai? ho sakta hai? ho sakta hai? achha - abhi iske commander banna aur baat mein commander nahin banna। parivartan mein commander banna। madhuban vaale banenge? banenge? madhuban vaale haath uthaao। achha - banenge? bombe vaale haath uthaao, yogini bhi baithi hai। (yogini behen paarla) bombe vaale banenge? agar banenge to haath hilaao। achha dilli vaale haath uthaao। to dilli vaale karenge? teachers bataao। dekhna। har maas baapdaada report lenge। himmat hai na? mubaarak ho।

achha, Indore vaale haath uthaao। Indore ki teachers haath uthaao। to teachers karengi? Indore karega? haath hilaao। saare haath nahin hile। karenge, karaayenge? daadiyaan dekhna। dekh rahe hain T.vi. mein। gujraat haath uthaao। gujraat karega? haath hilaana to sahaj hai। abhi man ko hilaana hai। kyon, aapko taras nahin aata, itna duhkh dekh karke? abhi parivartan ho to achha hai na? to abhi pratyakshata ka plan hai - practical jeevan। baaki programme karte ho, yeh to busy rahne ke liye bahut achha hai lekin pratyakshata hogi aapke chalan aur chehre se। aur bhi koi zone rah gaya? yu.pi. vaale haath uthaao। yu.pi. thode hain। achha yu.pi. karenge? mahaaraashtra vaale haath uthaao। lamba uthaao। achha। mahaaraashtra karega? mubaarak ho। raajasthaan uthaao। teachers haath hilaao। karnaatak uthaao। achha - karnaatak karega? aandhra pradesh haath uthaao। chalo yeh chit-chat ki। double videshi haath uthaao। jayanti kahaan hai? karenge double videshi? abhi dekho sabha ke beech mein kaha hai। sabhi ne himmat bahut achhi dikhaai, iske liye padamguna mubaarak ho। baahar mein bhi sun rahe hain, apne deshon mein bhi sun rahe hain, woh bhi haath utha rahe hain।

vaise bhi dekho jo shreshtha aatmaayen hoti hain unhon ke har vachan ko sat vachan kaha jaata hai। kehte hain na sat vachan mahaaraaj। to aap to maha mahaaraaj ho। aap sabka har vachan jo bhi sune woh dil mein anubhav kare sat vachan hai। man mein bahut kuchh aapke bhara hua hai, baapdaada ke paas man ko dekhne ka T.vi. bhi hai। yahaan yeh T.vi. to baahar ka shakla dikhaati hai na। lekin baapdaada ke paas har ek ke har samay ke man ke gati ka yantra hai। to man mein bahut kuchh dikhaai deta hai, jab man ka T.vi. dekhte hain to khush ho jaate hain, bahut khajaane hain, bahut shaktiyaan hain। lekin karma mein yatha shakti ho jaata hai। abhi karma tak laao, vaani tak laao, chehre tak laao, chalan mein laao। tabhi sabhi kahenge, jo aapka ek geet hai na, shaktiyaan aa gai...। sab shiv ki shaktiyaan hain। paandav bhi shaktiyaan ho। phir shaktiyaan shiv baap ko pratyaksha karengi। abhi chhote-chhote khelpaal banda karo। ab vaanaprastha sthiti ko emerge karo। to baapdaada sabhi bachchon ko, is samay baapdaada ki aashaaon ko poorn karne vaale aashaaon ke sitaare dekh rahe hain। koi bhi baat aave to yeh slogan yaad rakhna - “parivartan, parivartan, parivartan''।

to aaj ke baapdaada ke bol ka ek shabd nahin bhoolna, woh kaun sa? parivartan। mujhe badalna hai। doosre ko badalkar nahin badalna hai, mujhe badalke auron ko badlaana hai। doosra badle to main badloon, nahin। mujhe nimitta banna hai। mujhe he arjun banna hai tab brahma baap samaan number one lenge। (peechhe vaale haath uthaao) peechhe vaalon ko baapdaada pahla number yaadapyaar de rahe hain। achha।

chaaron or ke bahut-bahut-bahut bhaagyavaan aatmaon ko, saare vishwa ke beech koton mein koi, koi mein bhi koi vishesh aatmaon ko, sada apne chalan aur chehre dvaara baapdaada ko pratyaksha karne vaale vishesh bachchon ko, sada sahayog aur sneh ke bandhan mein rahne vaale shreshtha aatmaon ko, sada brahma baap samaan har karma mein alaukik karma karne vaale alaukik aatmaon ko, baapdaada ka yaadapyaar aur namaste।

wings ki sevaaon prati baapdaada ki prernaayen:- wings ki seva mein achhi result dikhaai deti hai kyonki har ek wing mehnat karte hain, samparka badhaate jaate hain। lekin baapdaada chaahte hain jaise medical wing ne meditation dvaara heart ka practical karke dikhaaya hai। saboot diya hai ki meditation se heart ki takleeph theek ho sakti hai aur proof diya hai, diya hai na proof! aap sabne suna hai na! aise duniya vaale pratyaksha saboot chaahte hain। isi prakaar se jo bhi wing aaye ho, programme to karna hi hai, karte bhi ho lekin aisa koi plan banaao, jisse practical result sabki saamne aave। sabhi wing ke liye baapdaada kah rahe hain। yeh government tak bhi pahunch to raha hai na! aur yahaan-vahaan aavaaj to phaila hai ki meditation dvaara bhi ho sakta hai। abhi isko aur badhaana chaahiye।

abhi practical ka saboot do jo yeh baat phail jaaye ki meditation dvaara sab kuchh ho sakta hai। sabka attention meditation ke taraph ho, aadhyaatmikta ki taraph ho। samjha। achha।

vardaan:- silence ki shakti dvaara vishwa mein pratyakshata ka nagaada bajaane vaale shant swaroop bhav

gaaya hua hai “science ke oopar silence ki jeet,'' na ki vaani ki। jitna samay va sampoornata sameep aati jaayegi utna automatic aavaaj mein adhik aane se vairaagya aata jaayega। jaise abhi chaahte hue bhi aadat aavaaj mein le aati hai vaise chaahte hue bhi aavaaj se pare ho jaayenge। programme banaakar aavaaj mein aayenge। jab yeh change dikhaai de tab samjho ab vijay ka nagaada bajne vaala hai। iske liye jitna samay mile - shant swaroop sthiti mein rahne ke abhyaasi bano।

slogan:- zero baap ke saath rahne vaale hi hero paartadhaari hain।

apni shaktishaali mansa dvaara sakaash dene ki seva karo

vartamaan samay vishwa kalyaan karne ka sahaj saadhan apne shreshtha sankalpon ki ekaagrata dvaara, sarva aatmaon ki bhatakti hui buddhi ko ekaagra karna hai। saare vishwa ki sarva aatmaayen vishesh yahi chaahna rakhti hain ki bhatki hui buddhi ekaagra ho jaae va man chanchalta se ekaagra ho jaae। yeh vishwa ki maang va chaahna tab poori kar sakenge jab ekaagra hokar mansa shaktiyon ka daan denge।