बुधवार 29 जनवरी 2025 की दैनिक मुरली

29-01-2025 praatahmurli om shanti "baapdaada"' madhuban

“meethe bachche - tumhein apne yogbal se hi vikarma vinaash kar paavan ban paavan duniya banaani hai, yahi tumhaari seva hai''

prashn:- devi-devta dharma ki kaun-si visheshta gaai hui hai?

uttar:- devi-devta dharma hi bahut sukh dene vaala hai। vahaan duhkh ka naam-nishaan nahin। tum bachche 3/4 sukh paate ho। agar aadha sukh, aadha duhkh ho to maza hi na aaye।

om shanti। bhagvaanuvaach। bhagwan ne hi samjhaaya hai ki koi manushya ko bhagwan nahin kaha ja sakta। devtaaon ko bhi bhagwan nahin kaha jaata। bhagwan to niraakaar hai, unka koi bhi saakaari va aakaari roop nahin hai। sookshmavtanvaasiyon ka bhi sookshm aakaar hai isliye usko kaha jaata hai sookshm vatan। yahaan saakaari manushya tan hai isliye isko sthool vatan kaha jaata hai। sookshm vatan mein yeh sthool 5 tatvon ka shareer hota nahin। yeh 5 tatvon ka manushya shareer bana hua hai, inko kehte hain mitti ka putla। sookshmavtanvaasiyon ko mitti ka putla nahin kahenge। deity (devta) dharma vaale bhi hain manushya, parantu unko kahenge daiveegun vaale manushya। yeh daiveegun praapta kiye hain shivbaaba se। daiveegun vaale manushya aur aasuri gun vaale manushyon mein kitna pharka hai। manushya hi shivaalay va veshyaalay mein rahne laayak bante hain। satayug ko kaha jaata hai shivaalay। satayug yahaan hi hota hai। koi mool vatan va sookshm vatan mein nahin hota hai। tum bachche jaante ho woh shivbaaba ka sthaapan kiya hua shivaalay hai। kab sthaapan kiya? sangam par। yeh purooshottam yug hai। abhi yeh duniya hai patit tamopradhaan, isko satopradhaan nai duniya nahin kahenge। nai duniya ko satopradhaan kaha jaata hai। vahi phir jab puraani banti hai to usko tamopradhaan kaha jaata hai। phir satopradhaan kaise banti hai? tum bachchon ke yogbal se। yogbal se hi tumhaare vikarma vinaash hote hain aur tum pavitra ban jaate ho। pavitra ke liye to phir zaroor pavitra duniya chaahiye। nai duniya ko pavitra, puraani duniya ko apvitra kaha jaata hai। pavitra duniya baap sthaapan karte hain, patit duniya raavan sthaapan karte hain। yeh baaten koi manushya nahin jaante। yeh 5 vikaar na hon to manushya duhkhi hokar baap ko yaad kyon karen! baap kehte hain main hoon hi duhkh harta sukhkarta। raavan ka 5 vikaaron ka putla bana diya hai - 10 sheesh ka। us raavan ko dushman samajhkar jalaate hain। so bhi aise nahin ki dvaapar aadi se hi jalaana shuru karte hain। nahin, jab tamopradhaan bante hain tab koi mat-mataantar vaale baith yeh nai baaten nikaalte hain। jab koi bahut duhkh dete hain tab unka effigy ( putla) banaate hain। to yahaan bhi manushyon ko jab bahut duhkh milta hai tab yeh raavan ka but banaakar jalaate hain। tum bachchon ko 3/4 sukh rehta hai। agar aadha duhkh ho to woh maza hi kya raha! baap kehte hain tumhaara yeh devi-devta dharma bahut sukh dene vaala hai। srishti to anaadi bani hui hai। yeh koi poochh nahin sakta ki srishti kyon bani, phir kab poori hogi? yeh chakra phirta hi rehta hai। shaastron mein kalpa ki aayu laakhon varsha laga di hai। zaroor sangamayug bhi hoga, jabki srishti badlegi। abhi jaise tum feel karte ho, aise aur koi samajhte nahin। itna bhi nahin samajhte - bachpan mein raadhe-krishna naam hai phir svayanvar hota hai। donon alag-alag raajdhaani ke hain phir unka svayanvar hota hai to lakshmi-naaraayan bante hain। yeh sab baaten baap samjhaate hain। baap hi knowledgeful hai। aise nahin ki woh jaani-jaananhaar hai। ab tum bachche samajhte ho baap to aakar knowledge dete hain। knowledge paathshaala mein milti hai। paathshaala mein em object to zaroor honi chaahiye। abhi tum padh rahe ho। chhi-chhi duniya mein raajya nahin kar sakte। raajya karenge gul-gul duniya mein। raajayog koi satayug mein thode hi sikhaayenge। sangamayug par hi baap raajayog sikhlaate hain। yeh behad ki baat hai। baap kab aate hain, kisko bhi pata nahin। ghor andhiyaare mein hain। gyaan soorya naam se jaapaan mein vo log apne ko sooryavanshi kahlaate hain। vaastav mein sooryavanshi to devtaayen thahre। sooryavanshiyon ka raajya satayug mein hi tha। gaaya bhi jaata hai gyaan soorya pragta… to bhaktimaarga ka andhiyaara vinaash। nai duniya so puraani, puraani duniya so phir nai hoti hai। yeh behad ka bada ghar hai। kitna bada maandava hai। soorya, chaand, sitaare kitna kaam dete hain। raatri ko bahut kaam chalta hai। aise bhi kai raaja log hain jo din ko so jaate, raat ko apni sabha aadi lagaate hain, khareeddaari karte hain। yeh abhi tak bhi kahaan-kahaan chalta hai। mills aadi bhi raat ko chalti hain। yeh hain had ke din-raat। woh hai behad ki baat। yeh baaten sivaae tumhaare aur kisi ki buddhi mein nahin hain। shivbaaba ko bhi jaante nahin। baap har baat samjhaate rehte hain। brahma ke liye bhi sam-jhaaya hai - prajaapita brahma hai। baap jab srishti rachte hain to zaroor kismen pravesh karenge। paavan manushya to hote hi satayug mein hain। kaliyug mein to sab vikaar se paida hote hain isliye patit kaha jaata hai। manushya kahenge vikaar bigar srishti kaise chalegi? are, devtaaon ko tum kehte ho sampoorn nirvikaari। kitni shuddhata se unhon ke mandir banaate hain। brahman bigar koi ko andar allow nahin karenge। vaastav mein in devtaaon ko vikaari koi touch kar nahin sakta। parantu aajkal to paise se hi sab kuchh hota hai। koi ghar mein mandir aadi rakhte hain to bhi brahman ko hi bulaate hain। ab vikaari to woh brahman bhi hain, sirf naam brahman hai। yeh to duniya hi vikaari hai to pooja bhi vikaariyon se hoti hai। nirvikaari kahaan se aaye! nirvikaari hote hi hain satayug mein। aise nahin ki jo vikaar mein nahin jaate unko nirvikaari kahenge। shareer to phir bhi vikaar se paida hua hai na। baap ne ek hi baat bataai hai ki yeh saara raavan raajya hai। raamraajya mein hain sampoorn nirvikaari, raavan raajya mein hain vikaari। satayug mein pavitrata thi to pees prosperity thi। tum dikhla sakte ho satayug mein in lakshmi-naaraayan ka raajya tha na। vahaan 5 vikaar hote nahin। woh hai hi pavitra raajya, jo bhagwan sthaapan karte hain। bhagwan patit raajya thode hi sthaapan karte hain। satayug mein agar patit hote to pukaarte na। vahaan to koi pukaarte hi nahin। sukh mein koi yaad nahin karte। paramatma ki mahima bhi karte hain - sukh ke saagar, pavitrata ke saagar.......। kehte bhi hain shanti ho। ab saari duniya mein shanti manushya kaise karenge? shanti ka raajya to ek svarga mein hi tha। jab koi aapas mein ladte hain to sulah (shanti) karaana hota hai। vahaan to hai hi ek raajya।

baap kehte hain is puraani duniya ko hi ab khatma hona hai। is mahaabhaarat ladaai mein sab vinaash hote hain। vinaash kaale vipreet buddhi - akshar bhi likha hua hai। barobar paandav to tum ho na। tum ho roohaani pande। sabko muktidhaam ka raasta bataate ho। woh hai aatmaon ka ghar shantidham। yeh hai duhkhadhaam। ab baap kehte hain is duhkhadhaam ko dekhte hue bhi bhool jaao। bas, abhi to hamko shantidham mein jaana hai। yeh aatma kehti hai, aatma realise karti hai। aatma ko smriti aai hai ki main aatma hoon। baap kehte hain main jo hoon jaisa hoon....... aur to koi samajh na sake। tumko hi samjhaaya hai - main bindi hoon। tumhein yeh ghadi-ghadi buddhi mein rehna chaahiye ki hamne 84 ka chakra kaise lagaaya hai। ismen baap bhi yaad aayega, ghar bhi yaad aayega, chakra bhi yaad aayega। is world ki history-geography ko tum hi jaante ho। kitne khanda hain। kitni ladaai aadi lagi। satayug mein ladaai aadi ki baat hi nahin। kahaan raam raajya, kahaan raavan raajya। baap kehte hain abhi tum jaise ki eeshvareey raajya mein ho kyonki eeshvar yahaan aaya hai raajya sthaapan karne। eeshvar khud to raajya karte nahin, khud raajaai lete nahin। nishkaam seva karte hain। oonch te oonch bhagwan hai sab aatmaon ka baap। baba kahne se ekdam khushi ka paara chadhna chaahiye। ateendriy sukh tumhaari antim avastha ka gaaya hua hai। jab imtahaan ke din najdeek aate hain, us samay sab saakshaatkaar hote hain। ateendriy sukh bhi bachchon ko nambarvaar hai। koi to baap ki yaad mein badi khushi mein rehte hain।

tum bachchon ko saara din yahi feeling rahe ki oho baba, aapne humein kya se kya bana diya! aapse kitna na humein sukh milta hai....... baap ko yaad karte prem ke aansu aa jaate। kamaal hai, aap aakarke hamko duhkh se chhudaate ho, vishay saagar se ksheersaagar mein le chalte ho, saara din yahi feeling rahni chaahiye। baap jis samay tumko yaad dilaate hain to tum kitne gadgad hote ho। shivbaaba hamko raajayog sikhla rahe hain। barobar shivraatri bhi manaai jaati hai। parantu manushyon ne shivbaaba ke badle shreekrishna ka naam geeta mein de diya hai। yeh bade te badi ekaz bhool hai। number one geeta mein hi bhool kar di hai। drama hi aisa bana hua hai। baap aakar yeh bhool bataate hain ki patit-paavan main hoon va shreekrishna? tumko mainne raajayog sikhlaae manushya se devta banaaya। gaayan bhi mera hai na। akaal moorta, ajoni....... shreekrishna ki yeh mahima thode hi kar sakte। woh to punarjanma mein aane vaala hai। tum bachchon mein bhi nambarvaar hain, jinki buddhi mein yeh sab baaten rehti hain। gyaan ke saath chalan bhi achhi chaahiye। maaya bhi koi kam nahin। jo pahle aayenge woh zaroor itni taakat vaale honge। paartadhaari bhinna-bhinna hote hain na। hero-heroine ka part bhaaratvaasiyon ko hi mila hua hai। tum sabko raavan raajya se chhudaate ho। shreemat par tumko kitna bal milta hai। maaya bhi badi dushtar hai, chalte-chalte dhokha de deti hai।

baba pyaar ka saagar hai to tum bachchon ko bhi baap samaan pyaar ka saagar banna hai। kabhi kaduva nahin bolo। kisko duhkh denge to duhkhi hokar marenge। yeh aadten sab mitaani chaahiye। gande te gandi aadat hai vishay saagar mein gote khaana। baap bhi kehte hain kaam mahaashatru hai। kitni bachchiyaan maar khaati hain। koi-koi to bachchi ko kah denge bhal pavitra bano। are, pahle khud to pavitra bano। bachchi de di, kharche aadi ke bojh se aur hi chhoota kyonki samajhte hain - pata nahin, inki takdeer mein kya hai, ghar bhi koi sukhi mile ya na mile। aajkal kharcha bhi bahut lagta hai। gareeb log to jhat de dete hain। koi ko phir moh rehta hai। aage ek bheelni aati thi, unko gyaan mein aane nahin diya kyonki jaadu ka dar tha। bhagwan ko jaadoogar bhi kehte hain। merciful bhi bhagwan ko hi kahenge। shreekrishna ko thode hi kahenge। merciful woh jo berahmi se chhudaaye। berahmi hai raavan।

pahle-pahle hai gyaan। gyaan, bhakti phir vairaagya। aise nahin ki bhakti, gyaan phir vairaagya kahenge। gyaan ka vairaagya thode hi kah sakte। bhakti ka vairaagya karna hota hai isliye gyaan, bhakti, vairaagya yeh right akshar hain। baap tumko behad ka arthaat puraani duniya ka vairaagya karaate hain। sannyaasi to sirf gharbaar se vairaagya karaate hain। yeh bhi drama mein noondh hai। manushyon ki buddhi mein baithta hi nahin। bhaarat 100 percent solvent, nirvikaari, healthy tha, kabhi akaale mrityu nahin hoti thi, in sab baaton ki dhaarna bahut thodon ko hi hoti hai। jo achhi service karte hain, woh bahut saahookaar banenge। bachchon ko to saara din baba-baba hi yaad rehna chaahiye। parantu maaya karne nahin deti। baap kehte hain satopradhaan banna hai to chalte, phirte, khaate mujhe yaad karo। main tumko vishwa ka maalik banaata hoon, tum yaad nahin karenge! bahuton ko maaya ke toofaan bahut aate hain। baap samjhaate hain - yeh to hoga। drama mein noondh hai। svarga ki sthaapna to honi hi hai। sadaiv nai duniya to rah nahin sakti। chakra phirega to neeche zaroor utrenge। har cheez nai se phir puraani zaroor hoti hai। is samay maaya ne sabko April phool banaaya hai, baap aakar gul-gul banaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap samaan pyaar ka saagar banna hai। kabhi kisi ko duhkh nahin dena hai। kaduve bol nahin bolne hain। gandi aadten mita deni hain।

2) baba se meethi-meethi baaten karte isi feeling mein rehna hai ki oho baba, aapne humein kya se kya bana diya! aapne humein kitna sukh diya hai! baba, aap ksheer saagar mein le chalte ho....... saara din baba-baba yaad rahe।

vardaan:- sarva sambandh aur sarva gunon ki anubhooti mein sampanna banne vaale sampoorn moorta bhav

sangamayug par vishesh sarva praaptiyon mein svayan ko sampanna banaana hai isliye sarva khajaane, sarva sambandh, sarvagun aur kartavya ko saamne rakh check karo ki sarva baaton mein anubhvi bane hain। yadi kisi bhi baat ke anubhav ki kami hai to usmein svayan ko sampanna banaao। ek bhi sambandh va gun ki kami hai to sampoorn stage va sampoorn moorta nahin kahla sakte isliye baap ke gunon va apne aadi swaroop ke gunon ka anubhav karo tab sampoorn moorta banenge।

slogan:- josh mein aana bhi man ka rona hai - ab rone ka file khatma karo।

apni shaktishaali mansa dvaara sakaash dene ki seva karo

mansa seva karne ke liye sarva shaktiyon ko apne jeevan ka ang bana lo। aise baap samaan perfect bano jo andar koi defect na ho tab shreshtha sankalpon ki ekaagrata dvaara arthaat mansa dvaara svatah sakaash phailegi।