शुक्रवार 28 फ़रवरी 2025 की दैनिक मुरली

28-02-2025 praatahmurli om shanti "baapdaada"' madhuban

“meethe bachche - shanti chaahiye to ashareeri bano, is deh-bhaan mein aane se hi ashaanti hoti hai, isliye apne svadharma mein sthit raho''

prashn:- yathaartha yaad kya hai? yaad ke samay kis baat ka vishesh dhyaan chaahiye?

uttar:- apne ko is deh se nyaari aatma samajhkar baap ko yaad karna - yahi yathaartha yaad hai। koi bhi deh yaad na aaye, yeh dhyaan rakhna zaroori hai। yaad mein rahne ke liye gyaan ka nasha chadha hua ho, buddhi mein rahe baba humein saare vishwa ka maalik banaate hain, ham saare samudra, saari dharni ke maalik bante hain।

geet:- tumhein paake hamne…

om shanti। om ka arth hi hai aham, main aatma। manushya phir samajhte om maana bhagwan, parantu aise hai nahin। om maana main aatma, mera yeh shareer hai। kehte hain na - om shanti। aham aatma ka svadharma hai shant। aatma apna parichay deti hai। manushya bhal om shanti kehte hain parantu om ka arth koi bhi nahin samajhte hain। om shanti akshar achha hai। ham aatma hain, hamaara svadharma shant hai। ham aatma shantidham ki rahne vaali hain। kitna simple arth hai। lamba-chauda koi gapoda nahin hai। is samay ke manushya maatra to yeh bhi nahin jaante ki abhi nai duniya hai va puraani duniya hai। nai duniya phir puraani kab hoti hai, puraani se phir nai duniya kab hoti hai - yeh koi bhi nahin jaante। koi se bhi poochha jaae duniya nai kab hoti hai aur phir puraani kaise hoti hai? to koi bhi bata nahin sakenge। abhi to kaliyug puraani duniya hai। nai duniya satayug ko kaha jaata hai। achha, nai ko phir puraana hone mein kitne varsha lagte hain? yeh bhi koi nahin jaante। manushya hokar yeh nahin jaante isliye inko kaha jaata hai jaanvar se bhi badtar। jaanvar to apne ko kuchh kehte nahin, manushya kehte hain ham patit hain, he patit-paavan aao। parantu unko jaante bilkul hi nahin। paavan akshar kitna achha hai। paavan duniya svarga nai duniya hi hogi। chitra bhi devtaaon ke hain parantu koi bhi samajhte nahin, yeh lakshmi-naaraayan nai paavan duniya ke maalik hain। yeh sab baaten behad ka baap hi baith bachchon ko samjhaate hain। nai duniya svarga ko kaha jaata hai। devtaaon ko kahenge svargavaasi। abhi to hai puraani duniya narka। yahaan manushya hain narkavaasi। koi marta hai to bhi kehte hain svargavaasi hua to goya yahaan narkavaasi hai na। hisaab se kah bhi denge। barobar yeh narka thahra parantu bolo tum narkavaasi ho to bigad padenge। baap samjhaate hain dekhne mein to bhal manushya hain, soorat manushya ki hai parantu seerat bandar jaisi hai। yeh bhi gaaya hua hai na। khud bhi mandiron mein jaakar devtaaon ke aage gaate hain - aap sarvagun sampanna… apne liye kya kahenge? ham paapi neech hain। parantu seedha kaho ki tum vikaari ho to bigad padenge isliye baap sirf bachchon se hi baat karte hain, samjhaate hain। baahar vaalon se baat nahin karte kyonki kaliyugi manushya hain narkavaasi। abhi tum ho sangamayug vaasi। tum pavitra ban rahe ho। jaante ho ham braahmanon ko shivbaaba padhaate hain। woh patit-paavan hai। ham sabhi aatmaon ko le jaane ke liye baap aaye hain। kitni simple baaten hain। baap kehte hain - bachche, tum aatmaayen shantidham se aati ho part bajaane। is duhkhadhaam mein sabhi duhkhi hain isliye kehte hain man ko shanti kaise ho? aise nahin kehte - aatma ko shanti kaise ho? are tum kehte ho na om shanti। mera svadharma hai shanti। phir shanti maangate kyon ho? apne ko aatma bhool deh-abhimaan mein aa jaate ho। aatmaayen to shantidham ki rahne vaali hain। yahaan phir shanti kahaan se milegi? ashareeri hone se hi shanti hogi। shareer ke saath aatma hai, to unko bolna chalna to zaroor padta hai। ham aatma shantidham se yahaan part bajaane aai hain। yeh bhi koi nahin samajhte ki raavan hi hamaara dushman hai। kab se yeh raavan dushman bana hai? yeh bhi koi nahin jaante। bade-bade vidvaan, pandit aadi ek bhi nahin jaante ki raavan hai kaun , jiska ham effigy banaakar jalaate hain। janma-janmaantar jalaate aaye hain, kuchh bhi pata nahin। koi se bhi poochho - raavan kaun hai? kah denge yeh sab to kalpana hai। jaante hi nahin to aur kya respond denge। shaastron mein bhi hai na - he raam ji sansaar bana hi nahin hai। yeh sab kalpana hai। aise bahut kehte hain। ab kalpana ka arth kya hai? kehte hain yeh sankalpon ki duniya hai। jo jaisa sankalp karta hai woh ho jaata hai, arth nahin samajhte। baap bachchon ko baith samjhaate hain। koi to achhi reeti samajh jaate hain, koi samajhte hi nahin hain। jo achhi reeti samajhte hain unko sage kahenge aur jo nahin samajhte hain woh lage arthaat sautele hue। ab sautele vaaris thode hi banenge। baba ke paas maatele bhi hain to sautele bhi hain। maatele bachche to baap ki shreemat par poora chalte hain। sautele nahin chalenge। baap kah dete hain yeh meri mat par nahin chalte hain, raavan ki mat par hain। raam aur raavan do akshar hain। raam raajya aur raavan raajya। abhi hai sangam। baap samjhaate hain - yeh sab brahmaakumaar-brahmaakumaariyaan shivbaaba se varsa le rahe hain, tum lenge? shreemat par chalenge? to kehte hain kaun-si mat? baap shreemat dete hain ki pavitra bano। kehte hain ham pavitra rahen phir pati na maane to main kiski maanoon? woh to hamaara pati parmeshvar hai kyonki bhaarat mein yeh sikhlaaya jaata hai ki pati tumhaara guru, eeshvar aadi sab kuchh hai। parantu aisa koi samajhte nahin hain। us samay haan kar dete hain, maante kuchh bhi nahin hain। phir bhi gurooon ke paas mandiron mein jaate rehte hain। pati kehte hain tum baahar mat jaao, ham raam ki moorti tumko ghar mein rakhkar dete hain phir tum ayodhya aadi mein kyon bhatakti ho? to maanti nahin। yeh hain bhakti maarga ke dhakke। woh zaroor khaayenge, kabhi maanenge nahin। samajhte hain woh to unka mandir hai। are tumko yaad raam ko karna hai ki mandir ko? parantu samajhte nahin। to baap samjhaate hain bhakti maarga mein kehte bhi ho he bhagwan aakar hamaari sadgati karo kyonki woh ek hi sarva ka sadgati daata hai। achha woh kab aate hain - yeh bhi koi nahin jaante।

baap samjhaate hain raavan hi tumhaara dushman hai। raavan ka to wonder hai, jo jalaate hi aate hain lekin marta hi nahin hai। raavan kya cheez hai, yeh koi bhi nahin jaante। abhi tum bachche jaante ho hamko behad ke baap se varsa milta hai। shiv jayanti bhi manaate hain parantu shiv ko koi bhi jaante nahin hain। government ko bhi tum samjhaate ho। shiv to bhagwan hai vahi kalpa-kalpa aakar bhaarat ko narkavaasi se svargavaasi, beggar se prince banaate hain। patit ko paavan banaate hain। vahi sarva ke sadgati daata hain। is samay sabhi manushya maatra yahaan hain। Christ ki aatma bhi koi na koi janma mein yahaan hai। vaapis koi bhi ja nahin sakte। in sabki sadgati karne vaala ek hi bada baap hai। woh aate bhi bhaarat mein hain। vaastav mein bhakti bhi unki karni chaahiye jo sadgati dete hain। woh niraakaar baap yahaan to hai nahin। unko hamesha oopar samajhkar yaad karte hain। krishna ko oopar nahin samjhenge। aur sabhi ko yahaan neeche yaad karenge। krishna ko bhi yahaan yaad karenge। tum bachchon ki hai yathaartha yaad। tum apne ko is deh se nyaara, aatma samajhkar baap ko yaad karte ho। baap kehte hain tumko koi bhi deh yaad nahin aani chaahiye। yeh dhyaan zaroori hai। tum apne ko aatma samajh baap ko yaad karo। baba hamko saare vishwa ka maalik banaate hain। saara samudra, saari dharni, saare aakaash ka maalik banaate hain। abhi to kitne tukde-tukde hain। ek-do ki had mein aane nahin dete। vahaan yeh baaten hoti nahin। bhagwan to ek baap hi hai। aise nahin ki sabhi baap hi baap hain। kehte bhi hain hindu-cheeni bhaai-bhaai, hindu-muslim bhaai-bhaai parantu arth nahin samajhte hain। aise kabhi nahin kahenge hindu-muslim behen-bhaai। nahin, aatmaayen aapas mein sab bhaai-bhaai hain। parantu is baat ko jaante nahin hain। shaastra aadi sunte sat-sat karte rehte hain, arth kuchh nahin। vaastav mein hai asatya, jhooth। sachkhanda mein sach hi sach bolte hain। yahaan jhooth hi jhooth hai। koi ko bolo ki tumne jhooth bola to bigad padenge। tum sach bataate ho to bhi koi to gaali dene lag padenge। ab baap ko to tum brahman hi jaante ho। tum bachche abhi daiveegun dhaaran karte ho। tum jaante ho abhi 5 tatva bhi tamopradhaan hain। aajkal manushya bhooton ki pooja bhi karte hain। bhooton ki hi yaad rehti hai। baap kehte hain apne ko aatma samajh maamekam yaad karo। bhooton ko mat yaad karo। grihastha vyavhaar mein rehte hue buddhi ka yog baap ke saath lagaao। ab dehi-abhimaani banna hai। jitna baap ko yaad karenge to vikarma vinaash honge। gyaan ka teesra netra tumko milta hai।

abhi tumko vikarmaajeet banna hai। woh hai vikarmaajeet sanvat। yeh hai vikarmi sanvat। tum yogbal se vikarmon par jeet paate ho। bhaarat ka yog to mashhoor hai। manushya jaante nahin hain। sannyaasi log baahar mein jaakar kehte hain ki ham bhaarat ka yog sikhlaane aaye hain, unko to pata nahin yeh to hathayogi hain। woh raajayog sikhla na saken। tum raajarishi ho। woh hain had ke sannyaasi, tum ho behad ke sannyaasi। raat-din ka pharka hai। tum braahmanon ke sivaae aur koi bhi raajayog sikhla na sake। yeh hain nai baaten। naya koi samajh na sake, isliye naye ko kabhi allow nahin kiya jaata hai। yeh indrasbha hai na। is samay hain sab patthar buddhi। satayug mein tum bante ho paaras buddhi। abhi hai sangam। patthar se paaras sivaae baap ke koi bana na sake। tum yahaan aaye ho paarasbuddhi banne ke liye। barobar bhaarat sone ki chidiya tha na। yeh lakshmi-naaraayan vishwa ke maalik the na। yeh kabhi raajya karte the, yeh bhi kisko pata thode hi hai। aaj se 5 hazaar varsha pahle inhon ka raajya tha। phir yeh kahaan gaye। tum bata sakte ho 84 janma bhoge। abhi tamopradhaan hain phir baap dvaara satopradhaan ban rahe hain, tatatvam। yeh knowledge sivaae baap ke saadhu-santa aadi koi bhi de na sake। woh hai bhakti maarga, yeh hai gyaan maarga। tum bachchon ke paas jo achhe-achhe geet hain unhein suno to tumhaare romaanch khade ho jaayenge। khushi ka paara ekdam chadh jaayega। phir woh nasha sthaai bhi rehna chaahiye। yeh hai gyaan amrit। woh sharaab peete hain to nasha chadh jaata hai। yahaan yeh to hai gyaan amrit। tumhaara nasha utarna nahin chaahiye, sadaiv chadha rehna chaahiye। tum in lakshmi-naaraayan ko dekh kitne khush hote ho। jaante ho ham shreemat se phir shreshthaachaari ban rahe hain। yahaan dekhte hue bhi buddhiyog baap aur varse mein laga rahe। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vikarmaajeet banne ke liye yogbal se vikarmon par jeet praapta karni hai। yahaan dekhte hue buddhiyog baap aur varse mein laga rahe।

2) baap ke varse ka poora adhikaar praapta karne ke liye maatela banna hai। ek baap ki hi shreemat par chalna hai। baap jo samjhaate hain woh samajhkar doosron ko samjhaana hai।

vardaan:- divya buddhi ki lift dvaara teenon lokon ka sair karne vaale sahajyogi bhav

sangamayug par sabhi bachchon ko divya buddhi ki lift milti hai। is wonderful lift dvaara teenon lokon mein jahaan chaaho vahaan pahunch sakte ho। sirf smriti ka switch on karo to second mein pahuch jaayenge aur jitna samay jis lok ka anubhav karna chaaho utna samay vahaan sthit rah sakte ho। is lift ko use karne ke liye amritvele care-full ban smriti ke switch ko yathaartha reeti se set karo। authority hokar is lift ko kaarya mein lagaao to sahaj-yogi ban jaayenge। mehnat samaapta ho jaayegi।

slogan:- man ko sada mauz mein rakhna - yahi jeevan jeene ka kala hai।

avyakt ishaare:- ekaantapriy bano ekta aur ekaagrata ko apnaao

ekaantavaasi ka double arth hai। sirf baahar ki ekaanta nahin lekin ek ke ant mein kho jaana, ekaanta। nahin to sirf baahar ki ekaanta hogi to bor ho jaayenge, kahenge - pata nahin din kaise beetega! lekin ek baap ke ant mein kho jaao। jaise saagar ke tale mein chale jaate hain to kitna khajaana milta hai। aise ek ke ant mein chale jaao arthaat baap se jo praaptiyaan hui hain usmein kho jaao।