रविवार 2 मार्च 2025 की दैनिक मुरली

02-03-25 praatahmurli om shanti ''avyakt-baapdaada'' revise 15-10-04 madhuban

“ek ko pratyaksha karne ke liye ekras sthiti banaao, svamaan mein raho, sabko sammaan do''

aaj baapdaada har ek bachche ke mastak mein teen bhaagya ke sitaare chamakte hue dekh rahe hain। ek parmaatma paalna ka bhaagya, parmaatma padhaai ka bhaagya, parmaatma vardaanon ka bhaagya। aise teen sitaare sabhi ke mastak beech dekh rahe hain। aap bhi apne bhaagya ke chamakte hue sitaaron ko dekh rahe ho? dikhaai dete hain? aise shreshtha bhaagya ke sitaare saare vishwa mein aur kisi ke bhi mastak mein chamakte hue nahin nazar aayenge। yeh bhaagya ke sitaare to sabhi ke mastak mein chamak rahe hain, lekin chamak mein kahaan-kahaan antar dikhaai de raha hai। koi ki chamak bahut shaktishaali hai, koi ki chamak madhyam hai। bhaagya vidhaata ne bhaagya sabhi bachchon ko ek samaan diya hai। koi ko special nahin diya hai। paalna bhi ek jaisi, padhaai bhi ek saath, vardaan bhi ek hi jaisa sabko mila hai। saare vishwa ke kone-kone mein padhaai sada ek hi hoti hai। yeh kamaal hai jo ek hi murli, ek hi date aur amritvele ka samay bhi apne-apne desh ke hisaab se hote bhi hai ek hi, vardaan bhi ek hi hai। slogan bhi ek hi hai। farka hota hai kya? America aur london mein farka hota hai? nahin hota hai। to antar kyon?

amritvele ki paalna chaaron or baapdaada ek hi karte hain। nirantar yaad ki vidhi bhi sabko ek hi milti hai, phir number-vaar kyon? vidhi ek aur siddhi ki praapti mein antar kyon? baapdaada ka chaaron or ke bachchon se pyaar bhi ek jaisa hi hai। baapdaada ke pyaar mein chaahe purushaartha pramaan number mein last number bhi ho lekin baapdaada ka pyaar last number mein bhi vahi hai। aur hi pyaar ke saath last number mein raham bhi hai ki yeh last bhi fast, first ho jaae। aap sabhi jo door-door se pahunche ho, kaise pahunche ho? parmaatma pyaar kheench ke laaya hai na! pyaar ki dori mein kheench ke aa gaye। to baapdaada ka sabse pyaar hai। aise samajhte ho ya question uthta hai ki mere se pyaar hai ya kam hai? baapdaada ka pyaar har ek bachche se ek do se jyaada hai। aur yeh parmaatma pyaar hi sab bachchon ki vishesh paalna ka aadhaar hai। har ek kya samajhte hain - mera pyaar baap se jyaada hai ki doosre ka pyaar jyaada hai, mera kam hai? aise samajhte hain? aise samajhte ho na ki mera pyaar hai? mera pyaar hai, hai na aise? paandav aise hai? har ek kahega “mera baba'', yeh nahin kahega centre incharge ka baba, daadi ka baba, jaanki daadi ka baba, kahenge? nahin। mera baba kahenge। jab mera kah diya aur baap ne bhi mera kah diya, bas ek mera shabd mein hi bachche baap ke ban gaye aur baap bachchon ka ban gaya। mehnat lagi kya? mehnat lagi? thodi-thodi? nahin lagi? kabhi-kabhi to lagti hai? nahin lagti? lagti hai। phir mehnat lagti hai to kya karte ho? thak jaate ho? dil se, muhabbat se kaho “mera baba'', to mehnat muhabbat mein badal jaayegi। mera baba kahne se hi baap ke paas aavaaj pahunch jaata hai aur baap extra madad dete hain। lekin hai dil ka sauda, jabaan ka sauda nahin hai। dil ka sauda hai। to dil ka sauda karne mein hoshiyaar ho na? aata hai na? peechhe vaalon ko aata hai? tabhi to pahunche ho। lekin sabse doordeshi kaun? America? America vaale doordeshi vaale hain ya baap doordeshi hai? America to is duniya mein hai। baap to doosri duniya se aata hai। to sabse doordeshi kaun? America nahin। sabse doordeshi baapdaada hai। ek aakaar vatan se aata, ek paramdham se aata, to America uske aage kya hai? kuchh bhi nahin।

to aaj doordeshi baap is saakaar duniya ke doordeshi bachchon se mil rahe hain। nasha hai na? aaj hamaare liye baapdaada aaye hain! bhaaratvaasi to baap ke hain hi lekin double videshiyon ko dekh baapdaada vishesh khush hote hain। kyon khush hote hain? baapdaada ne dekha hai bhaarat mein to baap aaye hain iseelie bhaaratvaasiyon ko yeh nasha extra hai lekin double foreigners se pyaar isliye hai ki bhinna-bhinna culture hote hue bhi brahman culture mein parivartan ho gaye। ho gaye na? abhi to sankalp nahin aata - yeh bhaarat ka culture hai, hamaara culture to aur hai? nahin। abhi baapdaada result mein dekhte hain, sab ek culture ke ho gaye hain। chaahe kahaan ke bhi hain, saakaar shareer ke liye desh bhinna-bhinna hain lekin aatma brahman culture ki hai aur ek baat baapdaada ko double foreigners ki bahut achhi lagti hai, pata hai kaunsi? (jaldi seva karne lag gaye hain) aur bolo? (naukri bhi karte hain, seva bhi karte hain) aise to india mein bhi karte hain। india mein bhi naukri karte hain। (kuchh bhi hota hai to sachchaai se apni kamjori ko bata dete hain, spashtavaadi hain) achha, india spashtavaadi nahin hai?

baapdaada ne yeh dekha hai ki chaahe door rehte hain lekin baap ke pyaar ke kaaran pyaar mein majority paas hain। bhaarat ko to bhaagya hai hi lekin door rehte pyaar mein sab paas hain। agar baapdaada poochhega to pyaar mein percentage hai kya? baap se pyaar ki subject mein percentage hai? jo samajhte hain pyaar mein 100 percent hain woh haath uthaao। (sabhi ne haath uthaaya) achha - 100 percent? bhaarat-vaasi nahin utha rahe hain? dekho, bhaarat ko to sabse bada bhaagya mila hai ki baap bhaarat mein hi aaye hain। ismen baap ko America pasanda nahin aai, lekin bhaarat pasanda aaya hai। yeh (America ki gaayatri behen) saamne baithi hai isliye America kah rahe hain। lekin door hote bhi pyaar achha hai। problem aati bhi hai lekin phir bhi baba-baba kahke mita lete hain।

pyaar mein to baapdaada ne bhi paas kar liya aur abhi kismen paas hona hai? hona bhi hai na! hain bhi aur hona bhi hai। to vartamaan samay ke pramaan baapdaada yahi chaahte hain ki har ek bachche mein sva-parivartan ke shakti ki percentage, jaise pyaar ki shakti mein sabne haath uthaaya, sabhi ne haath uthaaya na! itni hi sva-parivartan ki teevra gati hai? ismen aadha haath uthega ya poora? kya uthega? parivartan karte bhi ho lekin samay lagta hai। samay ki sameepta ke pramaan sva-parivartan ki shakti aisi teevra honi chaahiye jaise kaagaj ke oopar bindi lagaao to kitne mein lagti hai? kitna samay lagta hai? bindi lagaane mein kitna samay lagta hai? second bhi nahin। theek hai na! to aisi teevragti hai? ismen haath uthaayen kya? ismen aadha haath uthega। samay ki raphtaar tez hai, sva-parivartan ki shakti aise teevra honi hai aur jab parivartan kehte hain to parivartan ke aage pahle sva shabd sada yaad rakho। parivartan nahin, sva-parivartan। baapdaada ko yaad hai ki bachchon ne baap se ek varsha ke liye vaayda kiya tha ki sanskaar parivartan se sansaar parivartan karenge। yaad hai? varsha manaaya tha - sanskaar parivartan se sansaar parivartan। to sansaar ki gati to ati mein ja rahi hai। lekin sanskaar parivartan uski gati itni fast hai? vaise foreign ki visheshta hai, common roop se, foreign fast chalta, fast karta। to baap poochhte hain ki sanskaar parivartan mein fast hain? to baapdaada sva-parivartan ki raphtaar abhi teevra dekhne chaahte hain। sabhi poochhte ho na! baapdaada kya chaahte hain? aapas mein roohrihaan karte ho na, to ek do se poochhte ho baapdaada kya chaahte hain? to baapdaada yeh chaahte hain। second mein bindi lage। jaise kaagaj mein bindi lagti hai na, usse bhi fast, parivartan mein jo aythaartha hai usmein bindi lage। bindi lagaane aati hai? aati hai na! lekin kabhi-kabhi question mark ho jaata hai। lagaate bindi hain aur ban jaata hai question mark। yeh kyon, yeh kya? yeh kyon aur kya… yeh bindi ko question mark mein badal deta hai। baapdaada ne pahle bhi kaha tha - why-why nahin karo, kya karo? fly ya vaah! vaah! karo ya fly karo। why-why nahin karo। why-why karna jaldi aata hai na! aa jaata hai? jab why aave na to usko vaah! vaah! kar lo। koi bhi kuchh karta hai, kehta hai, vaah! drama vaah!। yeh kyon karta hai, yeh kyon kehta, nahin। yeh kare to main karoon, nahin।

aajkal baapdaada ne dekha hai, suna doon। parivartan karna hai na! to aajkal result mein chaahe foreign mein chaahe india mein donon taraph ek baat ki lahar hai, woh kya? yeh hona chaahiye, yeh milna chaahiye, yeh isko karna chaahiye… jo main sochta hoon, kehta hoon woh hona chaahiye...। yeh chaahiye, chaahiye jo sankalp maatra mein bhi hota hai yeh vesta thoughts, best banne nahin deta hai। baapdaada ne sabhi ka vesta ka chart thode samay ka note kiya hai। check kiya hai। baapdaada ke paas to powerful machinery hai na। aap jaisa computer nahin hai, aapka computer to gaali bhi deta hai। lekin baapdaada ke paas checking machinery bahut fast hai। to baapdaada ne dekha majority ka vesta sankalp saare din mein beech-beech mein chalta hai। kya hota hai yeh vesta sankalp ka vazan bhaari hota hai aur best thoughts ka vazan kam hota hai। to yeh jo beech-beech mein vesta thoughts chalte hain woh dimaag ko bhaari kar dete hain। purushaartha ko bhaari kar dete hain, bojh hai na to woh apne taraph kheench leta hai isliye shubh sankalp jo sva-unnati ki lift hai, seedhi bhi nahin hai lift hai woh kam hone ke kaaran, mehnat ki seedhi chadhni padti hai। bas do shabd yaad karo - vesta ko khatma karne ke liye amritvele se leke raat tak do shabd sankalp mein, bol mein aur karma mein, kaarya mein lagaao। practical mein laao। woh do shabd hain - svamaan aur sammaan। svamaan mein rehna hai aur sammaan dena hai। koi kaisa bhi hai, humein sammaan dena hai। sammaan dena, svamaan mein sthit hona hai। donon ka balance chaahiye। kabhi svamaan mein jyaada rehte, kabhi sammaan dene mein kami pad jaati hai। aise nahin ki koi sammaan den to main sammaan doon, nahin। mujhe daata banna hai। shiv shakti paandav sena daata ke bachche daata hain। woh de to main doon, woh to business ho gaya, daata nahin hua। to aap businessman ho ki daata ho? daata kabhi levta nahin hota। apne vritti aur drishti mein yahi lakshya rakho mujhe, auron ko nahin, mujhe sada har ek ke prati arthaat sarva ke prati chaahe agyaani hai, chaahe gyaani hai, agyaaniyon ke prati phir bhi shubh bhaavna rakhte ho lekin gyaani tu aatmaon prati aapas mein har samay shubh bhaavna, shubh kaamna rahe। vritti aisi ban jaaye, drishti aisi ban jaaye। bas drishti mein jaise sthool bindi hai, kabhi bindi gaayab hoti hai kya! aankhon mein se agar bindi gaayab ho jaaye to kya ban jaayenge? dekh sakenge? to jaise aankhon mein bindi hai, vaise aatma va baap bindi naynon mein samaai ho। jaise dekhne vaali bindi kabhi gaayab nahin hoti, aise aatma va baap ke smriti ki bindi vritti se, drishti se gaayab nahin ho। follow father karna hai na! to jaise baap ki drishti va vritti mein har bachche ke liye svamaan hai, sammaan hai aise hi apni drishti vritti mein svamaan, sammaan। sammaan dene se jo man mein aata hai ki yeh badal jaaye, yeh nahin kare, yeh aisa ho, woh shiksha se nahin hoga lekin sammaan do to jo man mein sankalp rehta hai, yeh ho, yeh badle, yeh aisa kare, woh karne lag jaayenge। vritti se badlenge, bolne se nahin badalte। to kya karenge? svamaan aur sammaan, donon yaad rahega na ya sirf svamaan yaad rahega? sammaan dena arthaat sammaan lena। kisi ko bhi maan dena samjho maanneey banna hai। aatmik pyaar ki nishaani hai - doosre ki kami ko apni shubh bhaavna, shubh kaamna se parivartan karna। baapdaada ne abhi last sandesh bhi bheja tha ki vartamaan samay apna swaroop merciful banaao, merciful। last janma mein bhi aapke jad chitra merciful ban bhakton par raham kar rahe hain। jab chitra itne merciful hain to chaitanya mein kya hoga? chaitanya to raham ki khaan hai। raham ki khaan ban jaao। jo bhi aave raham, yahi pyaar ki nishaani hai। karna hai na? ya sirf sunna hai? karna hi hai, banna hi hai। to baapdaada kya chaahte hain, iska uttar de raha hai। prashn karte hain na, to baapdaada uttar de rahe hain।

vartamaan samay seva mein vriddhi achhi ho rahi hai, chaahe bhaarat mein, chaahe foreign mein lekin baapdaada chaahte hain aisi koi nimitta aatma banaao jo koi vishesh kaarya karke dikhaaye। aisa koi sahayogi banen jo ab tak karne chaahte hain, woh karke dikhaave। programmes to bahut kiye hain, jahaan bhi programmes kiye hain un sarva programmes ki sabhi taraph vaalon ko baapdaada badhaai dete hain। abhi koi aur naveenta dikhaao। jo aapki taraph se aapke samaan baap ko pratyaksha karen। paramatma ki padhaai hai, yeh mukh se nikle। baba-baba shabd dil se nikle। sahayogi bante hain, lekin abhi ek baat jo rahi hai ki yahi ek hai, yahi ek hai, yahi ek hai... yeh aavaaj phaile। brahmaakumaariyaan kaam achha kar rahi hain, kar sakti hain, yahaan tak to aaye hain lekin yahi ek hain aur parmaatma gyaan hai। baap ko pratyaksha karne vaala bedhdak bole। aap bolte ho paramatma kaarya kara raha hai, paramatma ka kaarya hai lekin woh kahe ki jis paramatma baap ko sabhi pukaar rahe hain, woh gyaan hai। abhi yeh anubhav karaao। jaise aapke dil mein har samay kya hai? baba, baba, baba... aise koi group nikle। achha hai, kar sakte hain, yahaan tak to theek hai। parivartan hua hai। lekin last parivartan hai - ek hai, ek hai, ek hai। woh hoga jab brahman parivaar ekras sthiti vaale ho jaaye। abhi sthiti badalti rehti hai। ekras sthiti ek ko pratyaksha karegi। theek hai na! to double foreigners example bano। sammaan dene mein, svamaan mein rahne mein example bano, number le lo। chaaron or jaise mohjeet parivaar ka drishtaanta bataate hain na, jo chapraasi bhi, naukar bhi sab mohjeet। vaise kahaan bhi jaayen America jaayen, Australia jaayen, har desh mein ekras, ekmat, svamaan mein rahne vaale, sammaan dene vaale, ismen number lo। le sakte hain na?

chaaron or ke baap ke naynon mein samaaye hue, naynon ke noor bachchon ko sada ekras sthiti mein sthit rahne vaale bachchon ko, sada bhaagya ka sitaara chamakne vaale bhaagyavaan bachchon ko, sada svamaan aur sammaan saath-saath rakhne vaale bachchon ko, sada purushaartha ki teevra raphtaar karne vaale bachchon ko baapdaada ka yaadapyaar, duaayen aur namaste।

vardaan:- sachche saathi ka saath lene vaale sarva se nyaare, pyaare nirmohi bhav

roz amritvele sarva sambandhon ka sukh baapdaada se lekar auron ko daan karo। sarva sukhon ke adhikaari ban auron ko bhi banaao। koi bhi kaam hai usmein saakaar saathi yaad na aaye, pahle baap ki yaad aaye kyonki sachcha mitra baap hai। sachche saathi ka saath lenge to sahaj hi sarva se nyaare aur pyaare ban jaayenge। jo sarva sambandhon se har kaarya mein ek baap ko yaad karte hain woh sahaj hi nirmohi ban jaate hain। unka kisi bhi taraph lagaav arthaat jhukaav nahin rehta isliye maaya se haar bhi nahin ho sakti hai।

slogan:- maaya ko dekhne va jaanne ke liye trikaaldarshi aur trinetri bano tab vijayi banenge।

avyakt ishaare - satyata aur sabhyata roopi culture ko apnaao

satyata ki nishaani sabhyata hai। agar aap sachche ho, satyata ki shakti aapmen hai to sabhyata ko kabhi nahin chhodo, satyata ko siddha karo lekin sabhyataapoorvak। agar sabhyata ko chhodkar asabhyata mein aakarke satya ko siddha karna chaahte ho to woh satya siddha nahin hoga। asabhyata ki nishaani hai jid aur sabhyata ki nishaani hai nirmaan। satyata ko siddha karne vaala sadaiv svayan nirmaan hokar sabhyataapoorvak vyavhaar karega।