सोमवार 31 मार्च 2025 की दैनिक मुरली

31-03-2025 praatahmurli om shanti "baapdaada"' madhuban

“meethe bachche - tum abhi puraani duniya ke get se nikalkar shantidham aur sukhdhaam mein ja rahe ho, baap hi mukti-jeevanmukti ka raasta bataate hain''

prashn:- vartamaan samay sabse achha karma kaun sa hai?

uttar:- sabse achha karma hai mansa, vaacha, karmana andhon ki laathi banna। tum bachchon ko vichaar saagar manthan karna chaahiye ki aisa kaun-sa shabd likhen jo manushyon ko ghar ka (mukti ka) aur jeevanmukti ka raasta mil jaae। manushya sahaj samajh len ki yahaan shanti sukh ki duniya mein jaane ka raasta bataaya jaata hai।

om shanti। jaadoogar ki batti suna hai? alaauddeen ki batti bhi gaaya jaata hai। alaauddeen ki batti va jaadoogar ki batti kya-kya dikhaati hai! vaikuntha, svarga, sukhdhaam। batti ko prakaash kaha jaata hai। abhi to andhiyaara hai na। ab yeh jo prakaash dikhaane ke liye bachche pradarshani mele karte hain, itna kharcha karte hain, maatha maarte hain। poochhte hain baba inka naam kya rakhen? yahaan baambe ko kehte hain get-ve oph India। steamer pahle baambe mein hi aate hain। dehli mein bhi India get hai। ab apna yeh hai get oph mukti jeevanmukti। do gates hain na। hamesha get do hote hain in aur out। ek se aana, doosre se jaana। yeh bhi aise hai - ham nai duniya mein aate hain phir puraani duniya se baahar nikal apne ghar chale jaate hain। parantu vaapas aapehi to ham ja nahin sakte kyonki ghar ko bhool gaye hain, guide chaahiye। woh bhi hamko mila hai jo raasta bataate hain। bachche jaante hain baba hamko mukti-jeevanmukti, shanti aur sukh ka raasta bataate hain। to get oph shantidham sukhdhaam likhen। vichaar saagar manthan karna hota hai na। bahut khyaalaat chalte hain - mukti-jeevanmukti kisko kaha jaata hai, woh bhi koi ko pata nahin hai। shanti aur sukh to sabhi chaahte hain। shanti bhi ho aur dhan daulat bhi ho। woh to hota hi hai satayug mein। to naam likh den - get oph shantidham aur sukhdhaam athva get oph purity, pees, prosperity। yeh to achhe akshar hain। teenon hi yahaan nahin hain। to is par phir samjhaana bhi pade। nai duniya mein yeh sab tha। nai duniya ki sthaapna karne vaala hai patit-paavan, god father। to zaroor hamko is puraani duniya se nikal ghar jaana pade। to yeh get hua na - purity, pees, prosperity ka। baba ko yeh naam achha lagta hai। ab vaastav mein uski opening to shivbaaba karte hain। parantu ham braahmanon dvaara karaate hain। duniya mein opening ceremony to bahut hoti rehti hain na। koi hospital ki karenge, koi university ki karenge। yeh to ek hi baar hoti hai aur is samay hi hoti hai to isliye vichaar kiya jaata hai। bachchon ne likha - brahma baba aakar udghaatan karen। baapdaada donon ko bulaayen। baap kehte hain tum baahar kahin ja nahin sakte। udghaatan karne ke liye jaayen, vivek nahin kehta, kaayda nahin। yeh to koi bhi khol sakte hain। akhbaar mein bhi padega - prajaapita brahmaakumaar-kumaariyaan। yeh naam bhi bada achha hai na। prajaapita to sabka baap ho gaya। woh koi kam hai kya! aur phir baap khud ceremony karaate hain। karnak-raavanhaar hai na। buddhi mein rehna chaahiye na ham svarga ki sthaapna kar rahe hain। to kitna purooshaartha kar shreemat par chalna chaahiye। vartamaan samay mansa-vaacha-karmana sabse achha karma to ek hi hai - andhon ki laathi banna। gaate bhi hain - he prabhu andhon ki laathi। sab andhe hi andhe hain। to baap aakar laathi bante hain। gyaan ka teesra netra dete hain, jisse tum svarga mein nambarvaar purooshaartha anusaar jaate ho। nambarvaar to hain hi। yeh bahut badi behad ki hospital kam university hai। samjhaaya jaata hai - aatmaon ka baap parampita paramatma patit-paavan hai। tum us baap ko yaad karo to sukhdhaam chale jaayenge। yeh hai hell, inko heaven nahin kahenge। heaven mein hai hi ek dharma। bhaarat svarga tha, doosra koi dharma nahin tha। yeh sirf yaad karen, yeh bhi man-manaabhav hai। ham svarga mein saare vishwa ke maalik the - itna bhi yaad nahin padta hai! buddhi mein hai hamko baap mila hai to woh khushi rahni chaahiye। parantu maaya bhi kam nahin hai। aise baap ka bankar phir bhi itni khushi mein nahin rehte hain। ghutke khaate rehte hain। maaya ghadi-ghadi bahut ghutke khilaati hai। shivbaaba ki yaad bhula deti hai। khud bhi kehte hain yaad thaharti nahin hai। baap ghutka khilaate hain gyaan saagar mein, maaya phir ghutka khilaati hai vishay saagar mein। bada khushi se ghutka khaane lag padte hain। baap kehte hain shivbaaba ko yaad karo। maaya phir bhula deti hai। baap ko yaad hi nahin karte। baap ko jaante hi nahin। duhkh harta sukh karta to parampita paramatma hai na। woh hai hi duhkh harne vaala। woh phir ganga mein jaakar dubki lagaate hain। samajhte hain ganga patit-paavni hai। satayug mein ganga ko duhkh harni paap katni nahin kahenge। saadhu santa aadi sab jaakar nadiyon ke kinaare baithte hain। saagar ke kinaare kyon nahin baithte hain? abhi tum bachche saagar ke kinaare baithe ho। dher ke dher bachche saagar paas aate hain। phir samajhte hain saagar se nikli hui yeh chhoti-badi nadiyaan bhi hain। brahm putra, sindh, sarasvati yeh bhi naam rakhe hue hain।

baap samjhaate hain - bachche, tumhein mansa-vaacha-karmana bahut-bahut dhyaan rakhna hai, kabhi bhi tumhein krodh nahin aana chaahiye। krodh pahle mansa mein aata phir vaacha aur karmana mein bhi aa jaata hai। yeh teen khidkiyaan hain isliye baap samjhaate hain - meethe bachche, vaacha adhik nahin chalaao, shant mein raho, vaacha mein aaye to karmana mein aa jaayega। gussa pahle mansa mein aata hai phir vaacha-karmana mein aata hai। teenon khidkiyon se nikalta hai। pahle mansa mein aayega। duniya vaale to ek-do ko duhkh dete rehte hain, ladte-jhagadte rehte hain। tumko to koi ko bhi duhkh nahin dena hai। khyaal bhi nahin aana chaahiye। silence mein rehna bada achha hai। to baap aakar svarga ka athva sukh-shanti ka get batlaate hain। bachchon ko hi batlaate hain। bachchon ko kehte hain tum bhi auron ko batlaao। purity, pees, prosperity hoti hai svarga mein। vahaan kaise jaate hain, woh samajhna hai। yeh mahaabhaarat ladaai bhi get kholti hai। baba ka vichaar saagar manthan to chalta hai na। kya naam rakhen? savere vichaar saagar manthan karne se makkhan nikalta hai। achhi raay nikalti hai, tab baba kehte hain savere uth baap ko yaad karo aur vichaar saagar manthan karo - kya naam rakha jaae? vichaar karna chaahiye, koi ka achha vichaar bhi nikalta hai। ab tum samajhte ho patit ko paavan banaana maana narkavaasi se svargavaasi banaana। devtaayen paavan hain, tab to unke aage maatha tekte hain। tum abhi kisko maatha nahin tek sakte ho, kaayda nahin। baaki yukti se chalna hota hai। saadhu log apne ko oonch pavitra samajhte hain, auron ko apvitra neench samajhte hain। tum bhal jaante ho ham sabse oonch hain parantu koi haath jode to respond dena pade। hareeom tatsat karte hain, to karna pade। yukti se nahin chalenge to woh haath nahin aayenge। badi yuktiyaan chaahiye। jab maut sir par aata hai to sabhi bhagwan ka naam lete hain। aajkal itphaak to bahut hote rahenge। aahiste-aahiste aag phailti hai। aag shuru hogi vilaayat se phir aahiste-aahiste saari duniya jal jaayegi। pichhaadi mein tum bachche hi rah jaate ho। tumhaari aatma pavitra ho jaati hai to phir tumko vahaan nai duniya milti hai। duniya ka naya note tum bachchon ko milta hai। tum raajya karte ho। alaauddeen ki batti bhi mashhoor hai na! note aisa karne se kaaroon ka khajaana mil jaata hai। hai bhi barobar। tum jaante ho allaah avaldeen jhat ishaare se saakshaatkaar karaate hain। sirf tum shivbaaba ko yaad karo to sab saakshaatkaar ho jaayenge। naudha bhakti se bhi saakshaatkaar hota hai na। yahaan tumko em object ka saakshaatkaar to hota hi hai phir tum baba ko, svarga ko bahut yaad karenge। ghadi-ghadi dekhte rahenge। jo baba ki yaad mein aur gyaan mein masta honge vahi ant ki sabhi scene scenery dekh sakenge। badi manzil hai। apne ko aatma samajh baap ko yaad karna, maasi ka ghar nahin hai। bahut mehnat hai। yaad hi mukhya hai। jaise baba divya drishti daata hai to svayan apne liye divya drishti daata ban jaayenge। jaise bhakti maarga mein teevra veg se yaad karte hain to saakshaatkaar hota hai। apni mehnat se jaise divya drishti daata ban jaate hain। tum bhi yaad ki mehnat mein rahenge to bahut khushi mein rahenge aur saakshaatkaar hote rahenge। yeh saari duniya bhool jaae। manamnaabhav ho jaaen। baaki kya chaahiye! yogbal se phir tum apna shareer chhod dete ho। bhakti mein bhi mehnat hoti hai, ismen bhi mehnat chaahiye। mehnat ka raasta baba bahut first class bataate rehte hain। apne ko aatma samajhne se phir deh ka bhaan hi nahin rahega। jaise baap samaan ban jaayenge। saakshaatkaar karte rahenge। khushi bhi bahut rahegi। result saari pichhaadi ki gaai hui hai। apne naam-roop se bhi nyaara hona hai to phir doosre ke naam-roop ko yaad karne se kya haalat hogi! knowledge to bahut sahaj hai। praacheen bhaarat ka yog jo hai, jaadu usmein hai। baba ne samjhaaya hai brahm gyaani bhi aise shareer chhodte hain। ham aatma hain, paramatma mein leen hona hai। leen koi hote nahin hain। hain brahm gyaani। baba ne dekha hai baithe-baithe shareer chhod dete hain। vaayumandal bada shant rehta hai, sannaata ho jaata hai। sannaata bhi unko bhaasega jo gyaan maarga mein honge, shant mein rahne vaale honge। baaki kai bachche to abhi baby hain। ghadi-ghadi gir padte hain, ismen bahut-bahut gupta mehnat hai। bhakti maarga ki mehnat pratyaksha hoti hai। maala phero, kothi mein baith bhakti karo। yahaan to chalte-phirte tum yaad mein rehte ho। koi ko pata pad na sake ki yeh raajaai le rahe hain। yog se hi saara hisaab-kitaab chuktu karna hai। gyaan se thode hi chuktu hota hai। hisaab-kitaab chuktu hoga yaad se। karmabhog yaad se chuktu hoga। yeh hai gupta। baba sab kuchh gupta sikhlaate hain। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mansa-vaacha-karmana kabhi bhi krodh nahin karna hai। in teenon khidkiyon par bahut dhyaan rakhna hai। vaacha adhik nahin chalaana hai। ek-do ko duhkh nahin dena hai।

2) gyaan aur yog mein masta rah antim scene scenery dekhni hain। apne va doosron ke naam-roop ko bhool main aatma hoon, is smriti se dehbhaan ko samaapta karna hai।

vardaan:- sneh ke vaan dvaara sneh mein ghaayal karne vaale sneh aur praapti sampanna lavleen aatma bhav

jaise laukik reeti se koi kiske sneh mein lavleen hota hai to chehre se, naynon se, vaani se anubhav hota hai ki yeh lavleen hai - aashik hai - aise jab stage par jaate ho to jitna apne andar baap ka sneh emerge hoga utna hi sneh ka vaan auron ko bhi sneh mein ghaayal kar dega। bhaashan ki link sochna, point duhraana - yeh swaroop nahin ho, sneh aur praapti ka sampanna swaroop, lavleen swaroop ho। authority hokar bolne se uska prabhaav padta hai।

slogan:- sampoornata dvaara samaapti ke samay ko sameep laao।

avyakt ishaare - satyata aur sabhyata roopi culture ko apnaao

yeh to sab samajhne lage hain ki yeh ‘koi hain', lekin yahi hain aur yeh ek hi hain, yeh halchal ka hal ab chalaao। abhi aur bhi hain, yeh bhi hain yahaan tak pahunche hain lekin yeh ek hi hain, abhi aisa teer lagaao। dharni to ban gai aur banti jaayegi। lekin jo foundation hai, naveenta hai, beej hai, woh hai naya gyaan। nihsvaartha pyaar hai, roohaani pyaar hai yeh to anubhav karte hain lekin abhi pyaar ke saath-saath gyaan ki authority vaali aatmaayen hain, satya gyaan ki authority hain, yeh pratyaksha karo tab pratyakshata ho।