शनिवार 19 अप्रैल 2025 की दैनिक मुरली

19-04-2025 praatahmurli om shanti "baapdaada"' madhuban

“meethe bachche - behad baap ke saath vaphaadaar raho to poori might milegi, maaya par jeet hoti jaayegi''

prashn:- baap ke paas mukhya authority kaun-si hai? uski nishaani kya hai?

uttar:- baap ke paas mukhya hai gyaan ki authority। gyaan saagar hai isliye tum bachchon ko padhaai padhaate hain। aap samaan nole-japhul banaate hain। tumhaare paas padhaai ki em object hai। padhaai se hi tum oonch pad paate ho।

geet:- badal jaae duniya…

om shanti। bhakta bhagwan ki mahima karte hain। ab tum to bhakta nahin ho। tum to us bhagwan ke bachche ban gaye ho। woh bhi vaphaadaar bachche chaahiye। har baat mein vaphaadaar rehna hai। stri ki sivaae pati ke athva pati ki sivaae stri ke aur taraph drishti jaae to unko bhi bevpha kahenge। ab yahaan bhi hai behad ka baap। unke saath bevphaadaar aur vaphaadaar donon rehte hain। vaphaadaar bankar phir bevphaadaar ban jaate hain। baap to hai highest authority। almighty hai na। to unke bachche bhi aise hone chaahiye। baap mein taakat hai, bachchon ko raavan par jeet paane ki yukti batlaate hain isliye unko kaha bhi jaata hai sarvashaktimaan। tum bhi shakti sena ho na। tum apne ko bhi almighty kahenge। baap mein jo might hai woh hamko dete hain, batlaate hain ki tum maaya raavan par jeet kaise pa sakte ho, to tumko bhi shaktivaan banna hai। baap hai gyaan ki authority। knowledgeful hai na। jaise vo log authority hain, shaastron ki, bhaktimaarga ki, aise ab tum almighty authority knowledgeful bante ho। tumko bhi knowledge milti hai। yeh paathshaala hai। ismen jo knowledge tum padhte ho, isse oonch pad pa sakte ho। yeh ek hi paathshaala hai। tumko to yahaan padhna hai aur koi praarthana aadi nahin karni hai। tumhein padhaai se varsa milta hai, em object hai। tum bachche jaante ho baap knowledgeful hai, unki padhaai bilkul different hai। gyaan ka saagar baap hai to vahi jaane। vahi hamko srishti ke aadi-madhya-ant ka knowledge dete hain। doosra koi de na sake। baap sammukh aakar gyaan de phir chale jaate hain। is padhaai ki praalabdha kya milti hai, woh bhi tum jaante ho। baaki jo bhi satsang aadi hain va guru gosaai hain woh sab hain bhakti maarga ke। ab tumko gyaan mil raha hai। yeh bhi jaante hain ki unmein bhi koi yahaan ke honge to nikal aayenge। tum bachchon ko service ki bhinna-bhinna yuktiyaan nikaalni hain। apna anubhav sunaakar anekon ka bhaagya banaana hai। tum serviceable bachchon ki avastha badi nirbhay, adol aur yogayukta chaahiye। yog mein rahkar service karo to saphalta mil sakti hai।

bachche, tumhein apne ko poora sambhaalna hai। kabhi aavesh aadi na aaye, yogayukta pakka chaahiye। baap ne samjhaaya hai vaastav mein tum sab vaanaprasthi ho, vaani se pare avastha vaale। vaanaprasthi arthaat vaani se pare ghar ko aur baap ko yaad karne vaale। iske sivaae aur koi tamanna nahin। hamko achhe kapde chaahiye, yeh sab hain chhi-chhi tamannaayen। deh-abhimaan vaale service kar nahin sakenge। dehi-abhimaani banna pade। bhagwan ke bachchon ko to might chaahiye। woh hai yog ki। baba to sabhi bachchon ko jaan sakte hain na। baba jhat bata denge, yeh-yeh khaamiyaan nikaalo। baba ne samjhaaya hai shiv ke mandir mein jaao, vahaan bahut tumko milenge। bahut hain jo kaashi mein jaakar vaas karte hain। samajhte hain kaasheenaath hamaara kalyaan karega। vahaan tumko bahut graahak milenge, parantu ismen bada shrewd buddhi (hoshiyaar buddhi) chaahiye। ganga snaan karne vaalon ko bhi jaakar samjha sakte hain। mandiron mein bhi jaakar samjhaao। gupta vesh mein ja sakte ho। hanoomaan ka misaal। ho to vaastav mein tum na। juttiyon mein baithne ki baat nahin hai। ismen bada samjhu sayaana chaahiye। baba ne samjhaaya hai abhi koi bhi karmaateet nahin bana hai। kuchh na kuchh khaamiyaan zaroor hain।

tum bachchon ko nasha chaahiye ki yeh ek hi hatti hai, jahaan sabko aana hai। ek din yeh sannyaasi aadi sab aayenge। ek hi hatti hai to jaayenge kahaan। jo bahut bhatka hua hoga, unko hi raasta milega। aur samjhenge yeh ek hi hatti hai। sabka sadgati daata ek baap hai na। aisa jab nasha chadhe tab baat hai। baap ko yahi ona hai na - main aaya hoon patiton ko paavan banaae shantidham-sukhdhaam ka varsa dene। tumhaara bhi yahi dhandha hai। sabka kalyaan karna hai। yeh hai puraani duniya। inki aayu kitni hai? thode time mein samajh jaayenge, yeh puraani duniya khatma honi hai। sabhi aatmaon ko yeh buddhi mein aayega, nai duniya ki sthaapna ho tab to puraani duniya ka vinaash ho। aage chal phir kahenge barobar bhagwan yahaan hai। rachayita baap ko hi bhool gaye hain। trimoorti mein shiv ka chitra uda diya hai, to koi kaam ka nahin raha। rachayita to woh hai na। shiv ka chitra aane se clear ho jaata hai - brahma dvaara sthaapna। prajaapita brahma hoga to zaroor bi.ke. bhi hone chaahiye। brahman kul sabse ooncha hota hai। brahma ki aulaad hain। braahmanon ko rachte kaise hain, yeh bhi koi nahin jaante। baap hi aakar tumko shoodra se brahman banaate hain। yeh badi pecheeli baaten hain। baap jab sammukh aakar samjhaaye tab samjhen। jo devtaayen the woh shoodra bane hain। ab unhon ko kaise dhoondhe uske liye yuktiyaan nikaalni hain। jo samajh jaaen yeh bi.ke. ka to bhaari kaarya hai। kitne parche aadi baantate hain। baba ne aeroplane se parche giraane liye bhi samjhaaya hai। kam se kam akhbaar jitna ek kaagaj ho, usmein mukhya points seedhi aadi bhi aa sakti hai। mukhya hai angreji aur hindi bhaasha। to bachchon ko saara din khyaalaat rakhni chaahiye - service ko kaise badhaayen? yeh bhi jaante hain drama anusaar purooshaartha hota rehta hai। samjha jaata hai yeh service achhi karte hain, inka pad bhi oonch hoga। har ek actor ka apna part hai, yeh bhi line zaroor likhni hai। baap bhi is drama mein niraakaari duniya se aakar saakaari shareer ka aadhaar le part bajaate hain। abhi tumhaari buddhi mein hai, kaun-kaun kitna part bajaate hain? to yeh line bhi mukhya hai। siddha kar batlaana hai, yeh srishti chakra ko jaanne se manushya svadarshan chakradhaari ban chakravarti raaja vishwa ka maalik ban sakte hain। tumhaare paas to saari knowledge hai na। baap ke paas knowledge hai hi geeta ki, jisse manushya nar se naaraayan bante hain। full knowledge buddhi mein aa gai to phir full baadshaahi chaahiye। to bachchon ko aise-aise khyaal kar baap ki service mein lag jaana chaahiye।

jaypur mein bhi yeh roohaani museum sthaai rahega। likha hua hai - inko samajhne se manushya vishwa ka maalik ban sakte hain। jo dekhenge ek-do ko sunaate rahenge। bachchon ko sada service par rehna hai। mama bhi service par hai, unko mukrar kiya tha। yeh koi shaastron mein hai nahin ki sarasvati kaun hai? prajaapita brahma ki sirf ek beti hogi kya? anek betiyaan anek naam vaali hongi na। woh phir bhi adopt thi। jaise tum ho। ek head chala jaata hai to phir doosra sthaapan kiya jaata hai। prime minister bhi doosra sthaapan kar lete hain। able samjha jaata hai, tab unko pasanda karte hain phir time poora ho jaata hai, to phir doosre ko chunna padta hai। baap bachchon ko pahla manners yahi sikhlaate hain ki tum kiska regard kaise rakho! anapdhe jo hote hain unko regard rakhna bhi nahin aata hai। jo jaasti teekhe hain to unka sabko regard rakhna hi hai। badon ka regard rakhne se woh bhi seekh jaayenge। anapdhe to buddhu hote hain। baap ne bhi anapdhon ko aakar uthaaya hai। aajkal female ko aage rakhte hain। tum bachche jaante ho ham aatmaon ki sagaai paramatma ke saath hui hai। tum bade khush hote ho - ham to vishnupuri ke maalik jaakar banenge। kanya ka bigar dekhe bhi buddhiyog lag jaata hai na। yeh bhi aatma jaanti hai - yeh aatma aur paramatma ki sagaai wonderful hai। ek baap ko hi yaad karna pade। woh to kahenge guru ko yaad karo, phalaana mantra yaad karo। yeh to baap hi sab kuchh hai। in dvaara aakar sagaai karaate hain। kehte hain main tumhaara baap bhi hoon, mere se varsa milta hai। kanya ki sagaai hoti hai to phir bhoolti nahin hai। tum phir bhool kyon jaate ho? karmaateet avastha ko paane mein time lagta hai। karmaateet avastha ko paakar vaapis to koi ja na sake। jab saajan pahle chale phir baraat jaaye। shankar ki baat nahin, shiv ki baraat hai। ek hai saajan baaki sab hain sajniyaan। to yeh hai shivbaaba ki baraat। naam rakh diya hai bachche ka। drishtaanta de samjhaaya jaata hai। baap aakar gul-gul banaae sabko le jaate hain। bachche jo kaam chita par baith patit ban gaye hain unko gyaan chita par bithaae gul-gul banaakar sabhi ko le jaate hain। yeh to puraani duniya hai na। kalpa-kalpa baap aate hain। ham chhi-chhi ko aakar gul-gul banaae le jaate hain। raavan chhi-chhi banaate hain aur shiv-baba gul-gul banaate hain। to baba bahut yuktiyaan samjhaate rehte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) khaane peene ki chhi-chhi tamannaaon ko chhod dehi-abhimaani ban service karni hai। yaad se might (shakti) le nirbhay aur adol avastha banaani hai।

2) jo padhaai mein teekhe hoshiyaar hain, unka regard rakhna hai। jo bhatak rahe hain, unko raasta bataane ki yukti rachni hai। sabka kalyaan karna hai।

vardaan:- apne mahatva va kartavya ko jaanne vaale sada jaagti jyot bhav

aap bachche jag ki jyoti ho, aapke parivartan se vishwa ka parivartan hona hai-isliye beeti so beeti kar apne mahatva va kartavya ko jaankar sada jaagti-jyot bano। aap second mein sva parivartan se vishwa parivartan kar sakte ho। sirf practice karo abhi-abhi karmayogi, abhi-abhi karmaateet stage। jaise aapki rachna kachhua second mein sab ang samet leta hai। aise aap master rachta sametne ki shakti ke aadhaar se second mein sarva sankalpon ko sama-kar ek sankalp mein sthit ho jaao।

slogan:- lavleen sthiti ka anubhav karne ke liye smriti-vismriti ki yuddha samaapta karo।

maateshvari ji ke madhur mahaavaakya:-

“aadha kalpa gyaan brahma ka din aur aadha kalpa bhakti brahma ki raat''

aadhaakalpa hai brahma ka din, aadhaakalpa hai brahma ki raat, ab raat poori ho savera aana hai। ab paramatma aakar andhiyaara ki ant kar sojhre ki aadi karta hai, gyaan se hai roshni bhakti se hai andhiyaara। geet mein bhi kehte hain is paap ki duniya se door kahin le chal, chit chain jahaan paave... yeh hai bechain duniya, jahaan chain nahin hai। mukti mein na hai chain, na hai bechain। satayug treta hai chain ki duniya, jis sukhdhaam ko sabhi yaad karte hain। to ab tum chain ki duniya mein chal rahe ho, vahaan koi apvitra aatma ja nahin sakti, woh ant mein dharmaraaz ke dande khaae karma-bandhan se mukta ho shuddh sanskaar le jaate hain kyonki vahaan na ashuddha sanskaar hote, na paap hota hai। jab aatma apne asli baap ko bhool jaati hai to yeh bhool bhoolaiya ka anaadi khel haar jeet ka bana hua hai isliye apan is sarvashaktivaan paramatma dvaara shakti le vikaaron ke oopar vijay pahan 21 janmon ke liye raajya bhaagya le rahe hain। achha - om shanti।

avyakt ishaare - “combined roop ki smriti se sada vijayi bano''

mujh rooh ka karaavanhaar woh supreme rooh hai। karaavanhaar ke aadhaar par main nimitta karne vaala hoon। main karanhaar woh karaavanhaar hai। woh chala raha hai, main chal raha hoon। har direction par mujh rooh ke liye sankalp, bol aur karma mein sada hajoor haajir hai isliye hajoor ke aage sada main rooh bhi haazir hoon। sada isi combined roop mein raho।