शनिवार 10 मई 2025 की दैनिक मुरली

10-05-2025 praatahmurli om shanti "baapdaada"' madhuban

“meethe bachche - gyaan ki points ko smriti mein rakho to khushi rahegi, tum abhi svarga ke get par khade ho, baba mukti-jeevanmukti ki raah dikha rahe hain''

prashn:- apne register ko theek rakhne ke liye kaun-sa attention zaroor rakhna hai?

uttar:- attention rahe ki mansa-vaacha-karmana kisi ko bhi duhkh to nahin diya? apna svabhaav bada first class, meetha ho। maaya naak-kaan pakadkar aisa koi kartavya na kara de jisse kisi ko duhkh mile। agar duhkh denge to bahut pashchaataap karna padega। register kharaab ho jaayega।

geet:- nayan heen ko raah dikhaao…

om shanti। baap baith bachchon ko samjhaate hain। raasta bahut sahaj samjhaaya jaata hai phir bhi bachche thokre khaate rehte hain। yahaan baithe hain to samajhte hain hamko baap padhaate hain, shantidham jaane ka raasta bataate hain। bahut sahaj hai। baap kehte hain din-raat jitna ho sake yaad mein raho। woh bhakti maarga ki yaatra taangon ki hoti hai। bahut dhakke khaane padte hain। yahaan tum baithe hue bhi yaad ki yaatra par ho। yeh bhi baap ne samjhaaya hai - daiveegun dhaaran karne hain। shaitaani avgunon ko khatma karte jaao। koi bhi shaitaani kaam nahin karo, isse vikarma ban jaata hai। baap aaye hi hain tum bachchon ko sada sukhi banaane। koi baadshaah ka bachcha ho to woh baap ko aur raajaai ko dekh khush hoga na। bhal raajaai hai parantu phir bhi shareer ke rog aadi to hote hi hain। yahaan tum bachchon ko nishchay hai ki shivbaaba aaya hua hai, woh hamko padha rahe hain। phir ham svarga mein jaakar raajaai karenge। vahaan kisi prakaar ka duhkh nahin hoga। tumhaari buddhi mein rachta aur rachna ke aadi-madhya-ant ka gyaan hai। yeh gyaan aur koi manushya maatra ki buddhi mein nahin hai। tum bachche bhi abhi samajhte ho ki aage hamaare mein gyaan nahin tha। baap ko ham nahin jaante the। manushya bhakti ko bahut uttam samajhte hain, anek prakaar ki bhakti karte hain। unmein sab hain sthool baaten। sookshm baat koi bhi hai nahin। abhi amarnaath ki yaatra par sthool mein jaayenge na। vahaan bhi hai woh ling। kiske paas jaate hain, manushya kuchh bhi nahin jaante। abhi tum bachche kahaan bhi dhakke khaane nahin jaayenge। tum jaante ho ham padhte hi hain nai duniya ke liye। jahaan yeh ved-shaastra aadi hote hi nahin। satayug mein bhakti hoti nahin। vahaan hai hi sukh। jahaan bhakti hai vahaan duhkh hai। yeh gole ka chitra bada achha hai। svarga ka get ismen bada clear hai। yeh buddhi mein rehna chaahiye। abhi ham svarga ke get par baithe hain। bahut khushi honi chaahiye। gyaan ki points ko yaad karte tum bachche bahut khushi mein rah sakte ho। jaante ho abhi ham svarga ke get mein ja rahe hain। vahaan bahut thode manushya hote hain। yahaan kitne dher manushya hain। kitne dhakke khaate rehte hain। daan-punya karna, saadhuon ke pichhaadi bhatakna kitna hai phir bhi pukaarte rehte hain - he prabhu nain heen ko raah dikhaao...raah hamesha mukti-jeevanmukti ki chaahte hain। yeh puraani duhkh ki duniya hai, so bhi tum jaante ho। manushyon ko pata hi nahin। kaliyug ki aayu hazaaron varsha kah dete hain to bichaare andhakaar mein hain na। tumhaare mein bhi nambarvaar hain jo jaante hain barobar hamaara baba hamko raajayog sikhla rahe hain। jaise bairistari yog, injeeniyri yog hota hai na। padhne vaale ko teacher ki hi yaad rehti hai। bairistari ke gyaan se manushya barrister ban jaayega। yeh hai raajayog। hamaari buddhi ka yog hai parampita paramatma ke saath। ismen to khushi ka ekdam paara chadh jaana chaahiye। bahut meetha banna hai। svabhaav bada first class hona chaahiye। koi ko bhi duhkh na mile। chaahte bhi hain kisko duhkh na deven। parantu phir bhi maaya naak-kaan se pakad bhool kara deti hai। phir andar pachhtaate hain - hamne naahek unko duhkh diya। parantu register mein to kharaabi aa gai na। aisi koshish karni chaahiye - kisko bhi mansa, vaacha, karmana duhkh na deven। baap aate hi hain - hamko aisa devta banaane। yeh kabhi kisko duhkh dete hain kya! laukik teacher padhaate hain, duhkh to nahin dete hain na। haan, bachche nahin padhte hain to koi saza aadi dete hain। aajkal maarne ka bhi kaayda nikaal diya hai। tum roohaani teacher ho, tumhaara kaam hai padhaana aur saath-saath manners sikhlaana। phir padhenge-likhenge to oonch pad paayenge। nahin padhenge to fail khud honge। yeh baap bhi roz aakar padhaate hain, manners sikhlaate hain। sikhlaane ke liye pradarshani aadi ka prabandha rachte hain। sab pradarshani aur projector maangate hain। projectors bhi hazaaron lenge। har ek baat baap bahut hi sahaj kar batlaate hain। amarnaath ki bhi service sahaj hai। chitron par tum samjha sakte ho। gyaan aur bhakti kya hai? gyaan is taraph, bhakti us taraph। unse svarga, unse narka - bilkul clear hai। tum bachche abhi jo padhte ho yeh bahut sahaj hai, achha padha bhi lete ho, parantu yaad ki yaatra kahaan। yeh hai saari buddhi ki baat। hamko baap ko yaad karna hai, ismen hi maaya phathkaati hai। ekdam yog tod deti hai। baap kehte hain tum sab yog mein bahut kamzor ho। achhe-achhe mahaarthi bhi bahut kamzor hain। samajhte hain inmen yeh gyaan bada achha hai isliye mahaarthi hain। baba kehte hain ghodesvaar pyaade hain। mahaarthi woh jo yaad mein rehte hain। uthte-baithte yaad mein rahen to vikarma vinaash honge, paavan honge। nahin to saza bhi khaani padegi aur pad bhi bhrashta ho jaayega isliye apna chart rakho to tumko maaloom padega, baba khud batlaate hain main bhi purushaartha karta hoon। ghadi-ghadi buddhi aur taraph chali jaati hai। baba ke oopar to bahut phikraat rehti hai na। tum teekhe ja sakte ho। phir saath mein apni chalan bhi sudhaarni hai। pavitra bankar aur phir vikaar mein gira to ki kamaai chat ho jaayegi। koi par krodh kiya, loon-paani hua to goya asur ban jaate hain। anek prakaar ki maaya aati hai। sampoorn to koi bana nahin hai। baba purushaartha karaate rehte hain। kumaariyon ke liye to bahut sahaj hai, ismen apni majbooti chaahiye। andar ki sachchaai chaahiye। agar andar koi ke saath dil lagi hui hogi to phir chal na saken। kumaariyon, maataaon ko to bhaarat ko svarga banaane ki service mein lag jaana chaahiye। ismen hai mehnat। mehnat bigar kuchh bhi milta nahin। tumko 21 janma ke liye raajaai milti hai to kitni mehnat karni chaahiye। vo padhaai bhi baba isliye padhne dete hain - kehte hain jab tak ismen pakke ho jaaen। aisa na ho phir donon jahaan se chala jaae। koi ke naam-roop mein latak marte to khatma ho jaate hain।

takdeervaan bachche hi shareer ka bhaan bhool apne ko ashareeri samajh baap ko yaad karne ka purushaartha kar sakte hain। baap roz-roz samjhaate hain - bachche, tum shareer ka bhaan chhod do। ham ashareeri aatma ab ghar jaate hain, yeh shareer yahaan chhod dena hai, vo tab chhodenge jab nirantar baap ki yaad mein rah karmaateet ho jaae। ismen buddhi ki baat hai parantu kiski takdeer mein nahin hai to tadbeer kya karen। buddhi mein yeh rehna chaahiye ki ham ashareeri aaye the, phir sukh ke karma sambandh mein bandhe phir raavan raajya mein vikaari bandhan mein phansen। ab phir baap kehte hain ashareeri hokar jaana hai। apne ko aatma samajh mujhe yaad karo। aatma hi patit bani hai। aatma kehti hai he patit-paavan aao। abhi tumko patit se paavan hone ki yukti bhi batlaate rehte hain। aatma hai hi avinaashi। tum aatma yahaan shareer mein aai ho part bajaane। yeh bhi ab baap ne samjhaaya hai, jinko kalpa pahle samjhaaya hai vahi aate rahenge। ab baap kehte hain kaliyugi sambandh bhool jaao। ab to vaapis jaana hai, yeh duniya hi khatma honi hai। inmen koi saar nahin hai tab to dhakke khaate rehte hain। bhakti karte hain bhagwan se milne। samajhte hain bhakti badi achhi hai। bahut bhakti karenge to bhagwan milega aur sadgati mein le jaayenge। abhi tumhaari bhakti poori hoti hai। tumhaare mukh se ‘he raam', ‘he bhagwan' yeh bhakti ke akshar bhi na niklen। yeh band ho jaana chaahiye। baap sirf kehte hain mujhe yaad karo। yeh duniya hi tamopradhaan hai। satopradhaan satayug mein rehte hain। satayug hai chadhti kala phir utarti kala hoti hai। treta ko bhi vaastav mein svarga nahin kaha jaata। svarga sirf satayug ko hi kaha jaata hai। tum bachchon ki buddhi mein aadi-madhya-ant ka gyaan hai। aadi arthaat shuru, madhya half phir ant। madhya mein raavan raajya shuru hota hai। baap bhaarat mein hi aate hain। bhaarat hi patit aur paavan banta hai। 84 janma bhi bhaaratvaasi lete hain। baaki to nambarvaar dharma vaale aate hain। jhaad vriddhi ko paata hai phir us samay hi aayenge। yeh baaten aur kiski buddhi mein nahin hogi। tumhaare mein bhi sab dhaaran nahin kar sakte hain। yeh 84 ka chakra buddhi mein rahe to bhi khushi mein rahen। ab baba aaya hua hai, hamko le jaane ke liye। sachcha-sachcha maashook aaya hua hai, jisko ham bhakti maarga mein bahut yaad karte the woh aaye hain ham aatmaon ko vaapis le jaane। manushya maatra yeh nahin jaante ki shanti bhi kisko kaha jaata hai। aatma to hai hi shant swaroop। yeh organs milte hain tab karma karna padta hai। baap jo shanti ka saagar hai, woh sabko le jaate hain। tab sabko shanti milegi। satayug mein tumko shanti bhi hai, sukh bhi hai। baaki sab aatmaayen chali jaayengi shantidham। baap ko hi shanti ka saagar kaha jaata hai। yeh bhi bahut bachche bhool jaate hain kyonki deh-abhimaan mein rehte hain, dehi-abhimaani hote nahin। baap shanti to sabko dete hain na। chitra mein sangam par jaakar dikhaao। is samay sab ashaanta hain। satayug mein to itne dharma honge hi nahin। sab shanti mein chale jaayenge। vahaan dil bhar kar shanti milti hai। tumko raajaai mein shanti bhi hai, sukh bhi hai। satayug mein pavitrata, sukh, shanti sab hai tumko। muktidhaam kaha jaata hai sweet hom ko। vahaan patit duhkhi honge nahin। duhkh-sukh ki koi baat nahin। to shanti ka arth nahin samajhte hain। raani ke haar ka misaal dete hain na। ab baap kehte hain shanti-sukh sab lo। aayushvaan bhav...... vahaan kaayde anusaar bachcha bhi hoga। bachcha mile uske liye koi purushaartha nahin karna padta hai। shareer chhodne ka time hota hai to saakshaatkaar ho jaata hai aur shareer khushi se chhod dete hain। jaise baba ko khushi rehti hai na - shareer chhodkar ham yeh banoonga, abhi padh raha hoon। tum bhi jaante ho ham satayug mein jaayenge। sangam par hi tumhaari buddhi mein yeh rehta hai। to kitni khushi mein rehna chaahiye। jitni oonch padhaai utni khushi। hamko bhagwan padhaate hain। em object saamne hai to kitni khushi honi chaahiye। parantu chalte-chalte gir padte hain। tumhaari service vriddhi ko tab paayegi jab kumaariyaan maidaan mein aayengi। baap kehte hain aapas mein ek to loonpaani mat bano। jabki jaante ho ham aisi duniya mein jaate hain jahaan sher-bakri ikatthe jal peete hain, vahaan to har ek cheez dekhne se hi dil khush ho jaati hai। naam hi hai svarga। to kumaariyaan laukik maa-baap ko bolen - abhi ham vahaan jaane ki taiyaari kar rahe hain, pavitra to zaroor banna hai। baap kehte hain kaam mahaashatru hai। ab main yogin bani hoon isliye patit nahin ban sakti। baat karne ki khadaai chaahiye। aisi kumaariyaan jab niklengi phir dekhna kitna jaldi service hoti hai। parantu chaahiye nashtomoha। ek baar mar gai to phir yaad kyon aani chaahiye। parantu bahuton ko ghar ki, bachchon aadi ki yaad aati rehti hai। phir baap ke saath yog kaise lagega। ismen to yahi buddhi mein rahe ki ham baba ke hain। yeh puraani duniya khatma hui padi hai। baap kehte hain mujhe yaad karo। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni oonchi takdeer banaane ke liye jitna ho sake - ashareeri banne ka abhyaas karna hai। shareer ka bhaan bilkul bhool jaae, kisi ka bhi naam-roop yaad na aaye - yeh mehnat karni hai।

2) apni chalan ka chart rakhna hai - kabhi bhi aasuri chalan nahin chalni hai। dil ki sachchaai se nashtomoha ban bhaarat ko svarga banaane ki service mein lag jaana hai।

vardaan:- maaya ke royal roop ke bandhanon se mukta, vishwa jeet, jagatjeet bhav

mera purushaartha, meri invention, meri service, meri touching, mere gun achhe hain, meri nirnay shakti bahut achhi hai, yeh mera pan hi royal maaya ka roop hai। maaya aisa jaadu mantra kar deti hai jo tere ko bhi mera bana deti hai, isliye ab aise anek bandhanon se mukta ban ek baap ke sambandh mein aa jaao to maayaajeet ban jaayenge। maaya jeet hi prakriti jeet, vishwa jeet va jagatjeet bante hain। vahi ek second ke ashareeri bhav ke direction ko sahaj aur svatah kaarya mein laga sakte hain।

slogan:- vishwa parivartak vahi hai jo kisi ke negative ko positive mein badal de।

avyakt ishaare - roohaani royalty aur purity ki personality dhaaran karo

aapka sva-swaroop pavitra hai, svadharma arthaat aatma ki pahli dhaarna pavitrata hai। svadesh pavitra desh hai। svaraajya pavitra raajya hai। sva ka yaadgaar param pavitra poojya hai। karmendriyon ka anaadi svabhaav sukarma hai, bas yahi sada smriti mein rakho to mehnat aur hath se chhoot jaayenge। pavitrata vardaan roop mein dhaaran kar lenge।