मंगलवार 27 मई 2025 की दैनिक मुरली

27-05-2025 praatahmurli om shanti "baapdaada"' madhuban

“meethe bachche - tumhaara mukh abhi svarga ki taraph hai, tum narka se kinaara kar svarga ki taraph ja rahe ho, isliye buddhi ka yog narka se nikaal do''

prashn:- sabse oonchi aur sookshm manzil kaun-si hai, use paar kaun kar sakte hain?

uttar:- tum bachche svarga ki taraph munh karte, maaya tumhaara munh narka ki taraph pher deti hai, anek toofaan laati hai, unheen toofaanon ko paar karna - yahi hai sookshm manzil। is manzil ko paar karne ke liye nashtomoha banna pade। nishchay aur himmat ke aadhaar par ise paar kar sakte ho। vikaariyon ke beech mein rehte nirvikaari hans banna - yahi hai mehnat।

geet:- nirbal se ladaai balvaan ki…

om shanti। bachche jo sensible hain woh arth to achhi reeti samajhte hain, jinka buddhiyog shantidham aur svarga taraph hai unhon ko hi toofaan lagte hain। baap to abhi tumhaara munh pherta hai। agyaankaal mein bhi puraane ghar se munh phir jaata hai phir naye ghar ko yaad karte rehte hain - kab taiyaar ho! abhi tum bachchon ko bhi dhyaan mein hai, kab hamaare svarga ki sthaapna ho phir sukhdhaam mein aayenge। is duhkhadhaam se to sabko jaana hai। saari srishti ke manushya maatra ko baap samjhaate rehte hain - bachche abhi svarga ke dvaar khul rahe hain। ab tumhaara buddhiyog svarga taraph jaana chaahiye। heaven mein jaane vaale ko kaha jaata hai pavitra। hell mein jaane vaale ko apvitra kaha jaata hai। grihastha vyavhaar mein rehte bhi buddhiyog heaven taraph lagaana hai। samjho baap ka buddhiyog heaven taraph aur bachche ka hell taraph hai to donon ek ghar mein rah kaise sakte। hans aur bagule ikatthe rah na saken। bahut mushkil hai। unka buddhiyog hai hi 5 vikaaron taraph। woh hell taraph jaane vaala, woh heaven taraph jaane vaala, donon ikatthe rah na saken। badi manzil hai। baap dekhte hain hamaare bachche ka munh hell taraph hai, hell taraph jaane bigar rah nahin sakta, phir kya karna chaahiye! zaroor ghar mein jhagda chalega। kahenge yeh bhi koi gyaan hai। bachcha shaadi na kare. . .! grihastha vyavhaar mein rehte to bahut hain na। bachche ka mukh hell taraph hai, woh chaahte hain narka mein jaayen। baap kehte narka taraph buddhiyog na rakho। parantu baap ka bhi kehna maante nahin। phir kya karna pade? ismen badi nashtomoha sthiti chaahiye। yeh saara gyaan aatma mein hai। baap ki aatma kehti hai inko hamne create kiya hai, mera kehna nahin maante hain। koi to brahman bhi bane hain phir buddhi chali jaati hai hell taraph। to woh jaise ekdam rasaatal mein chale jaayenge।

bachchon ko samjhaaya gaya hai - yeh hai gyaan saagar ki darbaar। bhakti maarga mein indra ki darbaar bhi gaai jaati hai। pukhraaj pari, neelam pari, maanik pari, bahut hi naam rakhe hue hain kyonki gyaan dance karti hain na। kisma-kisma ki pariyaan hain। woh bhi pavitra chaahiye। agar koi apvitra ko le aaye to danda pad jaayega। ismen bahut hi paavan chaahiye। yeh manzil bahut oonchi hai isliye jhaad jaldi-jaldi vriddhi ko nahin paata hai। baap jo gyaan dete hain use koi jaante nahin। shaastron mein bhi yeh gyaan nahin hai isliye thoda nishchay hua phir maaya ek hi thappad se gira deti hai। toofaan hai na। chhota sa deeva unko to toofaan ek hi thaped se gira deta hai। doosron ko vikaar mein girte dekh khud bhi gir padte hain। ismen to badi buddhi chaahiye samajhne ki। gaaya bhi hua hai ablaaon par atyaachaar hue। baap samjhaate hain - bachche, kaam mahaashatru hai, isse to tumhein bahut naphrat aani chaahiye। baba bahut naphrat dilaate hain abhi, aage yeh baat nahin thi। hell to abhi hai na। dropdi ne pukaara hai, yeh abhi ki hi baat hai। kitna achhi reeti samjhaaya jaata hai। phir bhi buddhi mein baithta nahin।

yeh gole ka chitra bahut achha hai - get ve tu heaven। is gole ke chitra se bahut achhi reeti samajh sakenge। seedhi se bhi itna nahin jitna inse samjhenge। din-pratidin correction bhi hoti jaati hai। baap kehte hain aaj tumko bilkul hi naya direction deta hoon। pahle se thode hi sab direction milte hain। yeh kaisi duniya hai, ismen kitna duhkh hai। kitna bachchon mein moh rehta hai। bachcha mar jaata hai to ekdam deevaane ho jaate, athaah duhkh hai। aise nahin ki saahookaar hai, to sukhi hai। anek prakaar ki beemaariyaan lagi rehti hain। phir hospitals mein pade rehte hain। gareeb general ward mein pade rehte hain, saahookaar ko alag special room mil jaata hai। parantu duhkh to jaisa saahookaar ko vaisa gareeb ko hota hai। sirf unko jagah achhi milti hai। sambhaal achhi hoti hai। abhi tum bachche jaante ho hamko baap padha rahe hain। baap ne anek baar padhaaya hai। apni dil se poochhna chaahiye ham padhte hain va nahin? kitne ko padhaate hain? agar padhaayenge nahin to kya pad milega! roz raat ko apna chart dekho - aaj kisko duhkh to nahin diya? shreemat kehti hai - koi ko duhkh na do aur sabko raasta bataao। jo hamaara bhaati hoga unko jhat touch hoga। ismen bartan chaahiye sone ka, jismen amrit thahre। jaise kehte hain na - sherni ke doodh ke liye sone ka bartan chaahiye kyonki uska doodh bahut bhaari taakat vaala hota hai। unka bachchon mein moh rehta hai। koi ko dekha to ekdam uchhal padegi। samjhegi bachche ko maar na daale। yahaan bhi bahut hain jinka pati, bachchon aadi mein moh rehta hai। abhi tum bachche jaante ho svarga ka get khulta hai। krishna ke chitra mein bada clear likha hua hai। is ladaai ke baad svarga ke gates khulte hain। vahaan bahut thode manushya hote hain। baaki sab muktidhaam mein chale jaate hain। sazaayen bahut khaani padti hain। jo bhi paap karma kiye hain, ek-ek janma ka saakshaatkaar karaate, sajaayen khaate rahenge। phir paai paise ka pad pa lenge। yaad mein na rahne ke kaaran vikarma vinaash nahin hote hain।

kai bachche hain jo murli bhi miss kar lete hain, bahut bachche ismen laaparvaah rehte hain। samajhte hain hamne nahin padhi to kya hua! ham to paar ho gaye hain। murli ki parvaah nahin karte hain। aise deh-abhimaani bahut hain, woh apna hi nuksaan karte hain। baba jaante hain isliye yahaan jab aate hain, to bhi poochhta hoon, bahut murliyaan nahin padhi hongi! pata nahin unmein koi achhi points hon। points to roz nikalti hain na। aise bhi bahut centres par aate hain। parantu dhaarna kuchh nahin, gyaan nahin। shreemat par nahin chalenge to pad thode hi milega। sat baap, sat teacher ki glaani karaane se kabhi thaur pa na saken। parantu sab to raajaayen nahin banenge। praja bhi banti hai। nambarvaar martabe hote hain na। saara madaar yaad par hai, jis baap se vishwa ka raajya milta hai, unko yaad nahin kar sakte। takdeer mein hi nahin hai to phir tadbeer bhi kya karenge। baap to kehte hain yaad ki yaatra se hi paap bhasma honge, to purushaartha karna chaahiye na। baba koi aise bhi nahin kehte ki khaana peena nahin khaao। yeh koi hathayog nahin hai। chalte-phirte sab kaam karte, jaise aashik maashook ko yaad karte hain, aise yaad mein raho। unhon ka naam-roop ka pyaar hota hai। yeh lakshmi-naaraayan vishwa ke maalik kaise banen? kisko bhi pata nahin hai। tum to kehte ho kal ki baat hai। yeh raajya karte the, manushya to laakhon varsha kah dete hain। maaya ne manushyon ko bilkul hi pattharbuddhi bana diya hai। abhi tum pattharbuddhi se paarasbuddhi bante ho। paarasnaath ka mandir bhi hai। parantu woh kaun hai, yeh koi nahin jaante। manushya bilkul hi ghor andhiyaare mein hain। ab baap kitni achhi-achhi baaten samjhaate hain। phir har ek ki buddhi par hai। padhaane vaala to ek hi hai, padhne vaale dher hote jaayenge। gali-gali mein tumhaara school ho jaayega। get ve tu heaven। manushya ek bhi nahin jo samjhe ki ham hell mein hain। baap samjhaate hain sab pujaari hain। poojya hote hi hain satayug mein। pujaari hote hain kaliyug mein। manushya phir samajhte bhagwan hi poojya, bhagwan hi pujaari bante hain। aap hi bhagwan ho, aap hi yeh sab khel karte ho। tum bhi bhagwan, ham bhi bhagwan। kuchh bhi samajhte nahin hain, yeh hai hi raavan raajya। tum kya the, ab kya bante ho। bachchon ko bada nasha rehna chaahiye। baap sirf kehte hain mujhe yaad karo to tum punya aatma ban jaayenge।

baap bachchon ko punya aatma banne ki yukti bataate hain - bachche, is puraani duniya ka abhi ant hai। main abhi direct aaya hua hoon, yeh hai pichhaadi ka daan, ekdam surrender ho jaao। baba, yeh sab aapka hai। baap to dene ke liye hi karaate hain। inka kuchh bhavishya ban jaae। manushya eeshvar arth daan-punya karte hain, woh hai indirect। unka phal doosre janma mein milta hai। yeh bhi drama mein noondh hai। abhi to main hoon direct। abhi tum jo karenge unka return padmaguna milega। satayug mein to daan-punya aadi ki baat nahin hoti। yahaan koi ke paas paise hain to baba kahenge achha, tum jaakar centre kholo। pradarshani banaao। gareeb hain to kahenge achha, apne ghar mein hi sirf board laga do - get ve tu heaven। svarga aur narka hai na। abhi ham narkavaasi hain, yeh bhi koi samajhte nahin hain। agar svarga padhaara to phir unko narka mein kyon bulaate ho। svarga mein thode hi koi kahega svarga padhaara। woh to hai hi svarga mein। punarjanma svarga mein hi milta hai। yahaan punarjanma narka mein hi milta hai। yeh baaten bhi tum samjha sakte ho। bhagvaanuvaach - maamekam yaad karo kyonki vahi patit-paavan hai, mujhe yaad karo to tum pujaari se poojya ban jaayenge। bhal svarga mein sukhi to sabhi honge parantu nambarvaar martabe hote hain। bahut badi manzil hai। kumaariyon ko to bahut service ka josh aana chaahiye। ham bhaarat ko svarga banaakar dikhaayenge। kumaari woh jo 21 kul ka uddhaar kare arthaat 21 janma liye uddhaar kar sakti hai। achha। meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is puraani duniya ka ant hai, baap direct aaya hai to ekdam surrender ho jaana hai, baba yeh sab aapka hai... is yukti se punyaatma ban jaayenge।

2) murli kabhi bhi miss nahin karna hai, murli mein laaparvaah nahin rehna hai। aise nahin, hamne nahin padhi to kya hua। ham to paar ho gaye hain। nahin। yeh deh-abhimaan hai। murli zaroor padhni hai।

vardaan:- svayan ko mould kar real gold ban har kaarya mein saphal hone vaale sva parivartak bhav

jo har paristhiti mein svayan ko parivartan kar sva parivartak bante hain woh sada saphal hote hain। isliye svayan ko badalne ka lakshya rakho। doosra badle to main badloon - nahin। doosra badle ya na badle mujhe badalna hai। he arjun mujhe banna hai। sada parivartan karne mein pahle main। jo ismen pahle main karta vahi pahla number ho jaata, kyonki svayan ko mould karne vaala hi real gold hai। real gold ki hi value hai।

slogan:- apne shreshtha jeevan ke pratyaksha pramaan dvaara baap ko pratyaksha karo।

avyakt ishaare - roohaani royalty aur purity ki personality dhaaran karo

baap-samaan banna hai va baap ke sameep jaana hai to apvitrata arthaat kaam mahaashatru svapna mein bhi vaar na kare। sada bhaai-bhaai ki smriti sahaj aur svatah swaroop mein ho। aatma ke asli gun-swaroop aur shakti-swaroop sthiti se neeche nahin aao।